PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 29 MAY 2020 6:31PM by PIB Imphal

     

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • মী মশিং ৭১,১০৫ হৌজিক ফাওবদা ফগৎহন্দুনা ফগৎপগী চাং ৪২.৮৯% য়ৌখ্রে
  • এক্তিব ওইবা কেস মশীংনা ৮৯,৯৮৭নি; কনফর্ম তৌরবা কেস ১,৬৫,৭৯৯ য়ৌখ্রে
  • কো-মোর্বিদিতী লৈবা মীওইশিং, মীরোল্লবী নুপীশিং, চহি ১০গী মখাদা লৈবা অঙাংশিং অমসুং চহি ৬৫গী মথক্তা লৈবা মীওইশিংনা রেলদা চৎপীদনবা রেলৱেজনা অপীল তৌরকখি
  • শ্রমিক ত্রেনশিংনা পেসেঞ্জর লাখ ৫০গী মথক্তা মখোয়গী ময়ুম স্তেৎশিংদা থীনখ্রে

· ত্রাইবল এফিয়র্স মিনিস্ত্রিনা অহেনবা মাইনর ফোরেস্ত প্রদ্যুস আইতেম ২৩ হাপচিনবা অমসুং মখোয়গী মিনিমম সপোর্ত প্রাইজ স্তিপুলেসন তৌনবা লাউথোকখ্রে

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯ খ্বাইদগী নৌবা পাউ

ভারত লৈঙাক্না স্তেৎশিং/য়ু.তি.শিংগা লোয়ননা কোবিদ-১৯ ঙাকথোক্নবা, লাকশিন্নবা অমসুং য়েংশিন্নবা খোঙথাং কয়া গ্রেদেদ, প্রি-এম্পতিব অমসুং প্রো-এক্তিব এপ্রোচ অমগী খুত্থাংদা লৌখৎলি। হায়রিবশিং অসি অৱাংবা থাক্তা তোয়না রিভ্যু অমসুং মোনিতর তৌরি। হৌজিক লায়েং চৎথরিবা কেস মশীংনা ৮৯,৯৮৭ শুখ্রে। অপুনবা মী মশিং ৭১,১০৫ হৌজিক ফাওবদা ফগৎহনখ্রে। হৌখিবা পুং ২৪দা অনাবা মী ৩,৪১৪ ফগৎলকপা থেংনরে মসিনা অপুনবা ফগৎলকপগী চাং ৪২.৮৯% য়ৌহনখ্রে।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627188

 

রেলৱেগী মন্ত্রালয়গী মাইকৈদগী য়াত্রিশিংদা আপীল তৌবা

ভারতকী রেলৱেজনা মাইগ্রেন্তশিংবু মখোয়গী ময়ুমশিংদা হনবা ঙম্নবা লৈবাক শিনবা থুংনা নুংতিগী ওইবা মওংদা শ্রামিক স্পিসিয়েল ত্রেনশিং চেলহল্লি। মসিগী সর্বিসশিং অসি লৌরিবা মীওই খরদা হান্নদগী মেদিকেল কোন্দিশনশিং লৈবা থেংনখি মসিনা মরম ওইরগা মখোয়না কোবিদ-১৯গী লাইচৎ অসিগা মায়োক্নবা মতমদা মখোয়দা হেন্না খুদোংথিনীংঙাই ওইহল্লি। খোচৎ অসিদা হান্নদগী মেদিকেল কন্দিশনশিং লৈবগা মরী লৈনবা লাইবক থিবা শিবগী থৌদোক খরা থোকখ্রে। কোবিদ-১৯দগী শোল্লবা হেন্না খুদোংথিনীংঙাই ওইরবশিং অসিবু ঙাকথোক্ননবা, য়ুমলৈ-কৈরৈ মন্ত্রলয়গী তাং ১৭.০৫.২০দা থোকখিবা ওর্দর নম্বর ৪০-৩/২০২০-দি.এম.- I(এ.)গী মতুং ইন্না, রেলৱেজগী মন্ত্রালয়না কো-মোর্বিদিতী লৈবা মীওইশিং (খুদম ওইনা – আইপর্তেন্সন, দাইবিতিস, কার্দিয়ো-ভাসক্যুলরগী লাইনাশিং, কেন্সর, ইম্যুন দিফিসিয়েন্সী কন্দিশনশিং), মীরোল্লবী নুপিশিং, চহি ১০গী মখাদা লৈবা অঙাংশিং অমসুং চহি ৬৫গী মথক্তা লৈবা মীওইশিংনা য়াম্না তঙাইফদবা মতমদা নত্তনা বারগদি রেলদা চৎপীদনবা অপীল তৌরকখি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627561

 

ভারতকী রেলৱেজনা শ্রমিক স্পিসিয়েল ত্রেনশিংদা খোংশাল্লিবা চাউরাক্না মাইগ্রেন্ত ৫০দা চাকলেন লাখ ৮৫ অমদি ঈশিং বোতল কোতি ১.২৫ হেন্না লেম্না য়েন্থোকখ্রে
 

ভারতকী রেলৱেজনা ২০২০গী মে ১দগী শ্রমিক স্পিসিয়েল ত্রেনশিংদা খোংশাল্লিবা চাউরাক্না মাইগ্রেন্ত ৫০দা চাকলেন লাখ ৮৫ অমদি ঈশিং বোতল কোতি ১.২৫ হেন্না লেম্না য়েন্থোকখ্রে। শ্রমিক স্পিসিয়েল ত্রেন খুদিংমক্তা খোংশাল্লিবা মাইগ্রেন্তশিংদা অচা-অথক অমসুং ঈশিংগি বোতলশিং পীখি। অই.আর.সি.তি.সি.না পুরি, ভেজিতেবল পিক্কল, রোতি ভেজিতেবল পিক্কল, লফোই, বিস্কিৎ, কেক, বিস্কিৎ নমকিন, কেক নমকিন, ভেজ পুলাও, পাও ভাজি, লেমন রাইস পিক্কল, উপমা, পোহা পিক্কল অসিনচিংবশিংগী চাকলুক্কী মখল অমা ওইনা রেল নীর ঈশিংগী বোতলশিংগা লোইননা খোশাল্লিবা মাইগ্রেন্তশিংদা পীরি। ২০২০গী মে ২৮ ফাওবদা, পুন্না “শ্রমিক স্পিসিয়েল” ত্রেন ৩৭৩৬না লৈবাক শিনবা থুংনা রাজ্যশিংদগী মথৌ তৌবা হৌহনখি অদুগা ৬৭ অমনা তৌনবগীদমক্তা ঙাইদুনা লৈরি। ২৭.০৫.২০২০দা শ্রমিক স্পিসিয়েল ১৭২ হৌদোকখি। হৌজিক ফাওবদা নুমিৎ ২৭নিদা শ্রমিক স্পিসিয়েল ত্রেনশিংগী খুত্থাংদা চাউরাক্না মাইগ্রেন্ত লাখ ৫০ পুথোক-পুশিন তৌখি। খঙজিনগদবা অমনা ঙসি চেল্লিবা ত্রেনশিংনা অচিনবা অমত্তা মায়োক্নখিদে।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627493

 

ভারতকী রেলৱেজনা স্পিসিএল রাজধানি মখলগী ত্রেন ৩০ অমসুং স্পিসিএল মেল এক্সপ্রেস ত্রেন ২০০গী ইন্সত্রক্সনশিং শেমদোকখ্রে

ভারতকী রেলৱেজনা ১২.০৫.২০২০দগী হৌরগা স্পিসিএল রাজধানি মখলগী ত্রেন ৩০গী ইন্সত্রক্সনশিং শেমদোকখ্রে অমসুং ০১.০৬.২০২০দগী হৌরগা স্পিসিএল মেল এক্সপ্রেস (অপুনবা ত্রেন ২০০) হৌদোক্লগনি। রেলৱেজগী মন্ত্রালয়না স্পিসিএল খুদিংমক্কী নুমিৎ ৩০দগী নুমিৎ ১২০দা এদভান্স রিজর্বেসন পেরিয়দ (এ.আর.পি.) হেনগৎনবা ৱারেপ লৌখ্রে। পার্সেল অমসুং লগেজশিংগী বুকিং অপুনবা ত্রেন ২৩০ অসিদা অয়াবা পীরগনি। মথক্কী অহোংবা অসি বুকিং তাং মে ৩১, ২০২০গী পুং ৮গী মমাংগীদগী চৎনবা হৌরগনি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627516

 

শ্রী পিয়ুশ গোয়লনা ত্রেদরশিংগী এসোসিয়েসনগী মীহুৎশিং উনখ্রে

কম্মর্স অমসুং ইন্দস্ত্রী মন্ত্রালয়, শ্রী পিয়ুস গোয়লনা ত্রেদরশিংগী এসোসিয়েসনগী মীহুৎশিং উনখ্রে। লোকদাউন মনুংদা লৈবাক অসিনা কোবিদ-১৯ লাইচৎ লানথেংন্নবা অমসুং থৌরাং হেনগৎনবা শেম শাখ্রে হায়না মহাক্না ফোংদোকখ্রে। মন্ত্রীনা হায়খি মদুদি তোঙান তোঙানবা ইন্দিকেত্রশিংনা লৈবাক অসিগী ইকনোমিক ফগৎহন্নবা খন্নবা মথৌ তাই উৎলি। মহাক্না হায়, কন্দ্রগী শেল-থুম মন্ত্রালয়না কোবিদ-১৯ লানথেংন্নবা লাউথোকখিবা আত্মনির্ভর পেকেজ লুপা লাক ৩ অদুনা এম.এস.এম.ই.গী ক্রেদিৎ গরেন্তী তৌরি অমসুং ত্রেদরশিংসু কোন্সিল্লি। প্রধান মন্ত্রী নরেন্দ্র মোদীগী মখাদা লৈঙাক অসিদা অহোংবা পুরক্নবা খোঙথাংশিং লৌখৎলি, মসিনা ভারতপু অফবা লৈবাক অমা ওইবা ঙমহল্লগনি হায়না মহাক্না ফোঙদোকখ্রে।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627566

 

ত্রাইবল এফিয়র্স মিনিস্ত্রিনা অহেনবা মাইনর ফোরেস্ত প্রদক্ত ২৩ মিনিমম সপোর্ত লিস্ততা চলহন্নবা লাউথোকখ্রে

মিনিস্ত্রি ওফ ত্রাইবল এফিয়র্সনা অহেনবা মাইনর ফোরেস্ত প্রদক্ত (এম.এফ.পি.) আইতেম ২৩ য়াওহননবা অমসুং কেন্দ্রনা স্পোন্সর তৌবা স্কিম “মেকানিজম ফোর মার্কেতিং ওফ মাইনর ফোরেন্ত প্রদক্ত (এম.এফ.পি.)গী মখাদা মিনিমম সপোর্ত প্রাইস (এম.এস.পি.) অমসুং এম.এফ.পি.গী ভেল্যু চেন দিবেলপ তৌবগী খুথাংদা মখোয়গী মিনিমম সপোর্ত প্রাইস শেমদোক্না লাউথোকখ্রে। মসিগী ৱারেপ অসি লৈবাক অসিদা কোবিদ-১৯গী লাইচৎনা হৌজিক মায়োক্নরিবা তঙাইফদবা অমসুং চিরবা তানফম অসিগী য়েংলগা আইতেম ৫০দগী ৭০দা হেনগৎহন্নবা অমসুং মিনিস্ত্রি ওফ ত্রাবল এফিয়র্সনা ত্রাইবল এম.এফ.পি. গেদররশিংদা তঙাইফদনা মতেং পাংবা মথৌ তাবা অদুগী লৌখিবনি।

.

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627631

এন্যুল নেস্নল ইনকম, ২০১৯-২০গী প্রোভিজনেল এস্তিমেৎশিং অমসুং গ্রোস দোমেস্তিক প্রদক্ত, ২০১৯-২০গী ক্বাতরলি এস্তিমেৎশিং

জেন্যুৱরী ৩১, ২০২০দা রিলিস তৌখিবা ২০১৯-২০গী চহীগী কোন্সতেন্ত (২০১১-১২) প্রাইজ রিএল জি.দি.পি. নত্রগা গ্রোস দোমেস্তিক প্রদক্ত (জি.দি.পি.) অসি হৌজিক লেবেল লুপা কোতি লাখ ₹ ১৪৫.৬৬ য়ৌরে হায়না পান্নরি, মসি ২০১৮-২০১৯গী জি.দি.পি. অহানবা ইস্তিমেৎ তৌখিবা লুপা কোতি লাখ ₹ ১৩৯.৮১গী মহুৎতনি। ২০১৮-২৯গী চাদা ৬.১গা য়েংনরুবদা ২০১৯-২০গী জি.দি.পি. গ্রোৎ অসি চাদা ৪.২নি পান্নরি। ২০১৯-২০গী করেন্ত প্রাইজ জি.দি.পি. গ্রোৎ অসি লেবেল লুপা কোতি লাখ ₹ ২০৩.৪০ য়ৌরে হায়না পান্নরি, মসি ২০১৮-২০১৯গী জি.দি.পি. অহানবা রিভাইস তৌখিবা ইস্তিমেৎ লুপা কোতি লাখ ₹ ১৮৯.৭১গী মহুৎতনি, মসিনা ২০১৮-১৯গী চাদা ১১.০গা য়েংনবদা ভাদা ৭.২গী গ্রোৎ রেৎ উবা ফংই।ক্ব্যু৪ কোন্সতেন্ত(২০১১-১২) প্রাইজকী জি.দি.পি. অসি লুপা কোতি লাখ ₹ ৩৮.০৪ য়ৌরে হায়না পান্নরি, মসি ২০১৮-২০১৯গী ইস্তিমেৎ লুপা কোতি লাখ ₹ ৩৬.৯০গী মহুৎতনি, মসিদা গ্রোৎ চাদা ৩.১ লৈ।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627671

 

এপ্রিল ২০২০গী কোর ইন্দস্ত্রী নিপালগী ইন্দেক্স (বেস: ২০১১-১২=১০০)

‌মমাং থা মার্চ ২০২০গী হন্থখিবা চাদা ৯(প্রোভিজনেল)গা য়েংনবদা এপ্রিল ২০২০গী কোর ইন্দস্ত্রী নিপালগী ইন্দেক্স গ্রোৎ রেৎ ৩৮.১% হন্থখ্রে। কোবিদ-১৯ লাইচৎনা মরম ওইদুনা এপ্রিল ২০২০দা লৈবাক পুম্বা চৎথরিবা লোকদাউন অসি লৈখিবনা কোইলা, সিমেন্ত, স্তীল, নেচরেল গ্যাস, রিফাইনরী, ক্রুদ ওইল অসিনচিংবা মখল কয়াগী ইন্দস্ত্রীশিংদা পোৎ পুথোকপদা চাওনা অমাংবা থোকখি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627656

 

নেস্নল কেরিয়রদা ফ্রী ওনলাইন কেরিয়র স্কিলস ত্রেনিং লোঞ্চ তৌখ্রে

লেবর অমসুং এমপ্লোইমেন্ত মন্ত্রালয়গী মখাদা লৈবা নেস্নল কেরিয়র সর্ভিস (এন.সি.এস.)প্রোজেক্ত অসিদা রেজিস্তর তৌবা থবক থীরিবশিংগীদমক তি.সি.এস.কা চুংশিন্নদুনা ফ্রী ওনলাইন “কেরিয়র স্কিলস ত্রেনিং” পীবা হৌখ্রে। সোফ স্কিলগী কোর্স অসিনা লর্নরশিংবু পর্স্নেলিতী দেভলোপমেন্ত হেনগৎহনবগা লোয়ননা কোর্পরেৎ ইতিক, ইনত্র পর্স্নেল স্কিলশিং হেনগৎহনবা, মওং তানা প্রজেনতেসন পীবা ঙমহনবা অমসুং অতোপ্পা ঙসি ইন্দস্ত্রীনা পাম্নবা মথৌ তাবা সোফ স্কিলশিং য়াওবা মোদ্যুলশিংদা মতেং পাংগনি। ত্রেনিং মোদ্যুল অসি হিন্দী অমসুং ইংলিসতা এন.সি.এস. পোর্তেলদা ফংগনি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627652

 

শ্রী ধরমেন্দ্রা প্রধাননা স্তেৎ/য়ু.তি. ১১দা লৈবা সি.এন.জি. স্তেসন ৪৮ লৈবাক অসিদা দেদিকেৎ তৌখ্রে

এনভাইরমেন্ত ফ্রেন্দলি ওইবা কমপ্রেস নেচরেল গ্যাস হেনগৎহন্নবা পেত্রোলোয়ম অমসুং নেচরেল গ্যাস & স্তীলগী মন্ত্রী শ্রী ধরমেন্দ্রা প্রধাননা ওনলাইন সেরিমনীগী খুত্থাংদা ঙসি সি.এন.জি. স্তেসন ৪৮ লৈবাক অসিদা দেদিকেৎ তৌখ্রে অমসুং লৈবাক অসিগী সি.এন.জি. স্তেসন ৮ অমসু শঙগাখ্রে।স্তেসন ৫৬ অসি স্তেৎ/য়ু.তি. ১১দা লৈ। স্তেসন অসিদা থবক লোইশিন্নবা হোৎনবদা কোরোনাভাইরস শন্দোকপা থিংনবা লৈবাক পুম্বদা তৌখিবা লোকদাউন অসিনা অকাইবা পীখি। অদুম ওইনমক মমাং থাদা লোকদাউন খরা কোমথোকখিবদা থবক্কী খোঙজেল য়াংশিনখি অমসুং মদু চেকশিন্না অমসুং সোসিএল দিসতেন্সিং ঙাকনা শুখি। মসিনা মরম ওইখিদুনা স্তেসন অসি কম্মিসন তৌনবা তশেংনা সেদ্যুল তৌখিবা মতমদগী খরা থেংথখি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627635

 

শ্রী রাম ভিলাস পাসৱননা মন্ত্রালয় অসিনা চহী অমগী থম্বা পন্দমশিং ফংবগী মতাংদা মেদিয়াদা ৱা ঙাংখ্রে।

. শ্রী পাসৱননা ফোংদোকখি মদুদি কোবিদ-১৯ লাইচৎ থোক্লিঙৈ অসিদা মন্ত্রালয়গী মরু ওইবা মীৎয়েং থম্লিবা অসি পি.দি.এস. অমসুং নন-পি.দি.এদ. কার্দ হোল্দরশিং, মাইগ্রেন্ত লেবররশিং অমসুং সেন্ত্রেল নত্রগা স্তেৎ লৈঙাক্কী চান্না থকনবগী স্কিম অমত্তগী মখাদা লৈতবশিংদা চেং চাক অমসুং হৱাইশিং ফংহনবনি। মহাক্না হায়খি মদুদি স্তেৎ/য়ু.তি. অমত্তনা চেং হৱাই লৌবদা অৱাবা থেংনদনবা মন্ত্রালয়না ঙাইহাক লৈতনা স্তেৎ ফুদ মন্ত্রীশিং অমসুং সেক্রেতরীগা পাও ফাওনরি। চেং হৱাইশিং মরাং কাইনা বফর স্তোকতা লৈরি হায়না মহাক্না ফোংদোকখি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627669

আই.এন.এস. কেসারি মদগস্করগী পোর্ত এন্তসিরনানা য়ৌরে

মিসন সাগরগী শরুক অমা ওইনা, ইন্দিয়ন নেবেল শিপ কেসারি মে ২৭, ২০২০দা মদগস্করগী পোর্ত এন্তসিরনানা লানশিনখ্রে। অৱাবা তারবা মতম অসিদা ভারত লৈঙাকনা মরুপ ওইনা লোইনরিবা মপাল লৈবাকশিংদা কোবিদ-১৯ লাইচৎ লানথেংনবদা মতেং পীখ্রে অমসুং মসিগীদমক আই.এন.এস. কেসারিনা মদগস্করগী মীয়ামগীদমক কোবিদ-১৯গা মরী লৈনবা তঙাই ফদবা হীদাক-লাংথকশিংগী কন্সাইনমেন্ত পুরি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627668

 

আর্মী কম্মানদরশিংগী কনফরেন্স: ২৭ -২৮ মে ২০২০

এপেক্স লেবেল বাইএন্যুলগী থৌরম ওইরিবা আর্মী কম্মানদরশিংগী কনফরেন্স অসি অৱাংবা থাক্কী মুন্না খন্নরগা অরুবা পোলিসীগী ৱারেপশিং পুন্না লৌখিবা অদুবু থগৎপা ফোংদোকনবা এপ্রিল ২০২০দা পাংথোক্নবা লেপখি অমসুং কোবিদ-১৯গী লাইচৎনা মরম ওইদুনা য়ৈথোকখিবা অদু তাংকক অনি থোকনা শিনখ্রে। কনফরেন্স অসিগী অহানবা তাংকক ন্যু দিল্লিগী সাউথ ব্লোকতা ২০২০গী মে ২৭তগী ২৮ ফাওবা পাংথোকখি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627654

 

কেন্দ্রগী ঐচ.আর.দি. মন্ত্রীগা অৱাংবা থাক্কী মহৈ লোইশঙ ৪৫,০০০গী মকোকশিংদা ৱেবিনারগী খুত্থাংদা ৱারি শাখ্রে

হ্যুমেন রিসোর্স দেভলোপমেন্ত মন্ত্রী শ্রী রামেশ পোক্রিয়ল ‘নিশাঙ্ক’গা লৈবাক অসিদা লৈবা হাইয়র এদুকেস্নেল ইন্সতিত্যুসনস(ঐচ.ই.আই.শিং) ৪৫,০০০গী মকোকশিংগা ৱেবিনারগী খুত্থাংদা ৱারি শাখ্রে। মন্ত্রীনা ভাইস-চান্সেল্রশিং/রেজিসতারশিং/প্রোফেসরশিং/আই.ক্ব্যু.এ.সি.গী মকোকশিং/প্রিন্সিপলশিং/ফেকলতীশিং য়াওবা লৈবাক অসিগী অচৌবা একাদমিসিয়নশিংগী কাংলুপ অসিদা ৱারি শাখ্রে। শ্রী পোক্রিয়লনা লৈবাক অসিদা লৈবা ঐচ.ই.আই.শিং কৌখৎতুনা হায়খি হৌজিক ওইরিবা ফীভম অসি সিস্তেমদা লৈরিবা লিমিতেসনশিং অসি লানথোকপা ঙম্নবা খুদোংচাবা অমনি হায়না লৌগদবনি হায়না ফোংদোকখি। মহাক্না হায়খি এদুকেসন্নিসশিং, মহৈরোইশিং, মমা-মপাশিংনা ওনলাইনগী পাম্বৈদা ওন্থদুনা মহৈরোইশিং অমসুং ঐচ.ই.আই.শিংগী একাদেমিক সেসন অসি মাংদনবা লৈরিবা ফীভম অসিগী কান্নবা লৌহৌগদবনি।মহাক্না মখা তাখি ভারততা ওনলাইনগী ইকোসিস্তেম অসি ফগৎহনবা য়াম্না থুনা মথৌ তাই অমসুং এদুকেতরশিংনা মসিদা মতেং পাংদুনা খুঙ্গংগী মফমশিংদসু ওনলাইন এদুকেসন য়ৌহনগদবনি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627487

 

ৱেসতর্ন নেভেল কম্মান্দদা অলত্রাভাইওলেৎ দিসইনফেকসনগী খুদোংচাবশিং পুথোকখ্রে

শীজিন্নবা হেনগৎলক্লিবা অসি থুংহন্ননবা নেবেল দোকয়ার্দ(মুম্বাই)না য়ু.ভি. সেনিতাইজেসন বে অমা পুথোকখ্রে। য়ু.ভি. বে অসি শীজিন্নদুনা কোরোনাভাইরস শন্দোকপা থীংনবা খুৎলাইশিং, ফীরোলশিং অমসুং অতৈ অতোপ্পা পোৎলমশিং দেকোন্তমিনেসন তৌগনি। শীঙথানিঙাই ওইরবা থবক অসিগীদমক হৈশিংনা অচৌবা কম্মন রুম অমবু য়ু.ভি.-সি. লাইদনিংগীদমক এলুমিনি্য়ম শীৎশিংদা মৈ চংহন্দুনা শেম শারগা য়ু.ভি. বে অমা ওইনা ওন্থোক্লি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627501

 

রিসর্সরশিংনা নোবেল কোরোনাভাইরস কলচর তৌরি, মসিনা দ্রক তেস্তিং তৌবা অমসুং ভেক্সিন পুথোকপদা মতেং ওইবা য়াই

সেন্তর ফোর সেলুলর এন্দ মোলিক্যুলর বাইওলোজি(সি.সি.এম.বি.)না অনাবা মীওইশিংগী সম্পলদগী কোরোনাভাইরস(সারস-কোভ-২)গী স্তেবল কলচরশিং তৌবা ঙমখ্রে। সি.সি.এম.বি.গী ভাইরোলোজিস্তশিংনা শন্দোক্কনবা ভাইরস অসি মখল কয়াগী আইসোলেৎশিংদগী আইসোলেৎ তৌখ্রে। লেবতা ভাইরস অসি কলচর তৌবা ঙম্বনা সি.সি.এম.বি.বু ভেক্সিন পুথোকপদা অমসুং কোবিদ-১৯বু ফহনবা ঙম্বা হীদকশিং তেস্ত তৌবদা মতেং ওইগদৌরি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627590

 

কোবিদ-১৯ লাকশিনবা অমসুং শন্দোক্তনবা সুরৎ স্মার্ত সিতীনা মরু ওইবা আই.তি. খোঙথাংশিং লৌরি

সুরৎ ম্যুনিসিপাল কোর্পরেসন অসিনা মখল কয়াগী আই.তি. খোঙথাংশিং কোবিদ-১৯ লানথেংনবদা লৌখৎলি। এস.এম.সি.না ৱেব পোর্তেল অমা অমসুং “এস.এম.সি. কোবিদ-১৯ ত্রেকর” কৌবা মোবাইল এপ্লিকেসন য়াওবা এস.এম.সি. কোবিদ-১৯ ত্রেকর সিস্তেম দেভলোপ তৌখ্রে, মসিনা মপালদা নত্রগা অতোপ্পা স্তেৎতা চৎলুবগী ত্রেবেল হিস্তরী লৈবা মীশিং অমসুং কোবিদ-১৯ পোসিতিব ওইরবা মীওইগা হকথেংনরুবা মীশিংবু ত্রেক তৌগনি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627638

 

পি.আই.বি. ফিল্দ ওফিসশিংদগী ফংবা পাউ

  • পঞ্জাব: পঞ্জাব সরকারনা ত্রেনশিংদা চৎলিবা (লাকপা/হনখিবা) মীওইশিংগী অহেনবা গাইদলাইনশিং থোকখ্রে। পেসেঞ্জর খুদিংমক মাস্ক উপকদবনি অমসুং সোসিএল দিস্তেম্সিং ঙাক্না চৎকদবনি। মী কাহেন্না চীনদবা (এতেন্দেন্ত অমত্তা চংবা য়ারোই) কনফর্ম তৌরবা তিকেৎশিং পায়বা পেসেঞ্জরখক্তা রেলৱে প্লেৎফোর্মদা চংবা য়াগনি। প্লেৎফোর্মদা চংদ্রিঙৈদা পেসেঞ্জর খুদিংমক থর্মল স্ক্রিনিং তৌবা তঙাই ফদবা ওইখ্রে অমসুং পেসেঞ্জরশিংনা লমথাগদবা মিনিৎ ৪৫ ৱাৎলিঙৈদা য়ৌরক্কদবনি।
  • হরিয়ানা: হোম মিনিস্তরনা হায়খ্রে কোবিদ-১৯ লাইচৎ শন্দোকপা থিংবা অসিনা স্তেৎ সরকারগী অহানবা খোংথাংনি। য়ুনিয়ন হোম মিনিস্ত্রিনা থোকপা গাইদলাইন খুদিংমক চেকশিন্না ইনবরা হায়বা য়েংশিন্নবা তোঙান তোঙানবা খোংথাং কয়া লৌখৎখ্রে। মসিগা চপ মান্ননা মীয়াম তিনবা মফমদা তিন শিৎপা থীংখ্রে। অথীংবা অনি অসি থুগাইবা মীওই খুদিংমক লুপা ৫০০গী ফাইন থীগনি। োফেন্দরনা মসিগী শেনফম অসি কেস ওইনা পীগদবনি কোর্তকী খুথাংদা পীবা য়ারোই।
  • হিমাচল প্রদেশ: ত্রাভেলরশিংনা দোমেস্তিক ফ্লাইৎশিং অমসুং ত্রেনশিংদা হিমাচল প্রদেশতা চৎথোক চৎশিন তৌনবা স্তেৎ লৈঙাক্না স্তেন্দর্দ ওপরেসন প্রিদিদ্যুরশিং থোকখ্রে। ফ্লাইৎ/ত্রেনশিং তোংদ্রিঙৈ অমসুং স্তেৎ অসিদা লাক্ত্রিঙৈদা মীওই খুদিংমক্না এন্দরোইদ অমসুং আই.ও.এস. ফোনশিংদা আরোগ্য সেতু এপ হাপ্পা তঙাই ফদবা ওইহনখ্রে। তোংবা অমসুং কুমথবদা হোম মন্ত্রালয় অমসুং হকশেল অমসুং য়াইফ য়ুম্বাল মন্ত্রলয়না পীবা সোসিএল দিস্তেন্সিং অমসুং গাইদলাইনশিংগী মপুংফাবা প্রোতোকোল ইগদবনি।
  • মহারাস্ত্র: অনৌবা কেস ২,৫৯৮ রিপোর্ত তৌরদুনা স্তেৎ অসিদা কোবিদ-১৯ পোজিতিব ওইবা কেস ৫৯,৫৪৬ য়ৌখ্রে অদুগা কোবিদ-১৯ অনবা ৮৫ শিখ্রে মসিগী মনুংদা ৩৮না মুম্বাইদনি অমসুং লাইচৎ অসিনা শীবা মশীং ১,৯৮২ য়ৌখ্রে। সিতিজেন ময়াম অমা মাগী মাগী ময়ুম তাউনদা হনখিবদগী মহারাস্ত্রগী দিস্ত্রিক অবাম্বদা নোংমা-নোংমগী কোরোনা কেস হেনগৎলক্লি। অমেদনগর, সিন্দুদুর্গ অমসুং নন্দেদতা অনৌবা কেসশিং রিপোর্ত তৌখ্রে।
  • গুজরাত: দিস্ত্রিক ২১দগী অনৌবা কেস ৩৬৭ রিপোর্ত তৌরদুনা স্তেৎ অসিদা কোবিদ-১৯ পোজিতিব ওইবা কেস ১৫,৫৭২ য়ৌখ্রে। অদুগা শগোলশেন নুমিৎতা কোরোনাভাইরসতগী ফগৎলকপা অনাবা মশীং ৮০০ মার্ক লানখ্রে। অদুগা অহমেদাবাদতা কেস মশীং হেনগৎলক্লি অদুগা দিসচার্জ তৌবা অনাবা মশিংশু হেনগৎলক্লি, খ্বাইদগী নৌবা রিপোর্তকী মতুং ইন্না অনাবা ৩৮১ দিসচার্জ তৌখ্রে।

 

  • রাজস্থান: খ্বাইদগী নৌবা পাউদা অনৌবা অনাবা ৯১ রেপোর্ত তৌরদুনা স্তেৎকী কোবিদ-১৯ পোজিতিব ওইবা কেস ৮,১৫৮ য়ৌখ্রে অদুগা মসিগী মনুংদা হৌজিক ফাওবদা মীওই ৪,৮৫৫ ফগৎখ্রে। ঝালাৱার দিস্ত্রিকতা অনৌবা অনাবা ৪২ রেপোর্ত তৌখ্রে। স্তেৎ অসিদা হৌজিক ফাওবদা তেস্ত লাখ ৩.৬৫ হেন্না তৌখ্রে।
  • মধ্য প্রদেশ: অনৌবা কেস ১৯২ রিপোর্ত তৌরদুনা স্তেৎ অসিদা কোবিদ ১৯ পোজিতিব ওইবা কেস ৭,৪৫৩ য়ৌখ্রে। হোতস্পোৎ ইন্দোরদা খ্বাইদগী য়াম্না অনৌবা কেস ৭৮ রিপোর্ত তৌখি। হৌজিক ফাওবদা স্তেৎ অসিদা অনাবা ৪,০৫০ ফগৎপা ঙম্লদুনা এক্তিব কেস ৩,০৮২নি।
  • ছত্তিশগর: ঙসি আনৌবা কোবিদ-১৯ কেস ৫ রিপোর্ত তৌরদুনা স্তেৎ অসিদা এক্তিব কেস ৩২১ য়ৌখ্রে। অনৌবা অনাবাশিং অসি বিলাসপুর ( মখোয়গী মনুংদা ২) দর্গ, মহাসমুন্দ অমসুং জগদলপুরদগীনি। শগোলশেন নুমিৎকী নুংদাংদা মুঙ্গেলি দিস্ত্রিক্তগী পোজিতিব অমা রিপোর্ত তৌখ্রে।
  • কেরেলা: স্তেৎ অসিদা ঙসি অয়ুক অঙনবদা চহি ৬৮ শুরবা দাইবেতিক অমসুং ওবেস দাইৎ ওইবা অহল অমা শীবদগী কোবিদ-১৯দগী শীবা নিপাল শুখ্রে। হকশেল মন্ত্রীনা স্তেৎ অসিদা কম্ম্যুনিতি ত্রান্সমিসন লৈতে হায়না অমুক্কা হন্না হায়খ্রে। মতম খরা অমসুং মথৌ তৌবদা খুদোংচাদবা লৈরবসু স্তেৎ অসিদা য়ু য়োন্নবা বেব.ক্যু. এপ শিজিন্নবা মখা চত্থনবা ৱারেপ লৌখ্রে। মরক অসিদা জেদ্দাদা কেরেলা মচা অনি অমগা কোবিদ-১০না মরম ওইদুনা শিখ্রে। ঙরাং মীওই ৮৪ তেস্ত তৌবদা পোজিতিব ওরদুনা স্তেৎ অসিদা এক্তিব কেস ৫২৬ য়ৌখ্রে।
  • তমিল নাদু: কোইম্বতোর এয়রপোর্ততা পেসেঞ্জর ৯ কোবিদ-১৯ পোজিতিব ওইখ্রে; তিরুচিদগী মীওই মঙা, নমক্কলদগী অনি অমসুং কোইম্বতোর অমসুং ইরোদতগী অমমমনি। চেনাইদা লৈবা সাউদর্ন রেলৱে অমসুং আই.সি.এফ. ওফিস অনি ওফিসিএলশিং পোজিতিব ওইরকপদগী থীংজিনখ্রে। সি.এম.না নোয়াল রিনোভেসন প্রোজেক্তকী উরেপ উয়ুং তমখ্রে; লুপা কোতি ২৩০গী প্রোজেক্ত অসিনা লৌউনবা লম একর ৭,০০০ কান্নবা পীরগনি। ঙরাং অনৌবা কোবিদ কেস ৮২৭ রিপোর্ত তৌখ্রে। অপুনবা কেস: ১৯৩২৭, এক্তিব কেস: ৮৬৭৬, শীবা: ১৪৫, দিসচার্জ: ১০,৫৪৮নি। চেনাইগী এক্তিব কেস ৬৩৫১নি।
  • কর্নাতক: ঙসিগী পুং ১২ পি.এম.ফাওবদা অনৌবা কোবিদ কেস ১৭৮ & দিসচার্চ তৌখিবা ৩৫নি; ঙসিগী অনৌবা কেসশিং অদু রাইচুরদগী ৬২, য়াদাগিরিদগী ৬০, উদুপি ১৫, বেঙ্গলোর সিতিদা ১০, দবঙ্গেরদা ৪, মন্দ্য অমসুং মাইসোরদা অনি অনি অমসুং বেঙ্গলোর রুরেল, শিমোগা, চিত্রাদুর্গা অমসুং ধর্ৱন্দদা অমমনি। স্তেৎ অসিগী অপুনবা কেস ২৭১১ য়ৌখ্রে। এক্তিব কেস ১৭৬৩, ফগৎলকপা:৮৬৯, শীবা: ৪৭নি।
  • আন্ধ্র প্রদেশ: হাই কোর্তনা স্তেৎনা স্তেৎ ইলেক্সন কম্মিস্নর (এস.ই.সি.)গী মতম হন্থনবা, ইলিজিবিলিতি অমসুং খনবগী পাম্বৈ শেমদোক্নবা পাঞ্চায়ত রাজ এক ১৯৯৪ এমেন্দ তৌবা অদু তোঙান্না থমখ্রে; কোবিদ-১৯ লাইচৎনা মরম ওইদুনা লৈবাক শীনবা থুংনা থমখিবা লোকদাউননা মরম ওইদুনা নাল অমগী য়েংলগা লোকল বোদি ইলেক্সন য়ৈথোকখিবগী স্তেৎনা খনখিবা এন. রামেশ কুমার এস.ই.সি.দগী লৌথোকখ্রে। হৌখিবা পুং ২৪দা অনৌবা কেস ৩৩, শীবা অমগা লোয়ননা ৭৯ দিসচার্জ তৌখ্রে। এক্তিব:৭৭৭, ফগৎলকপা:২০৩৭, শীবা: ৬০নি। অতোপ্পা স্তেতগী লাকপা অপুনবা পোজিতিব কেস ৩৪৫কী মনুংদা ১৫৬না এক্তিব ওইরি। ম্রান লৈবাক্তগী হল্লকপা কেসনা ১১১নি।
  • তেলঙ্গনা: শোপ্পিং সেন্তর্স এসোসিএসন ওফ ইন্দিয়া অতোপ্পা দুকানশিংগুম্না খুদক্তা মোলশিং অমসুং শোপ্পিং শেন্তরশিং হাংদোকপা য়ানবা অইবা চেরোল পীশিনখ্রে। হাইদ্রবাদকী মীওই অমা কোবিদ-১৯না মরম ওইদুনা সাউদি অরাবিয়াদা শিখ্রে মদুদা পোলোইবগী অবাবা পীরবা ফাওবদা পুলোইখিদে, মসি অমুক্তা থোকখিদ্রি। কোভিদ ১৯ শন্দোকপগী অমসুং শন্দোকপদা এসিম্তোমিক অমসুং মাইল্দ ইনফেক্সনশিংগী রোল পুথোক্নবা মোনিতর তৌনবা সেমপ্লিংগী মেত্রো সিতি হোতস্পোৎ ১৪ খনগৎপদা হায়দরবাদ য়াওরে। মে ২৯ ফাওবদা তেলঙ্গনাদা অপুনবা পোজিতিব কেস ২,২৫৬ য়ৌক্রে।ঙসি ফাওবদা মাইগ্রেন্ত ১৭৫, মীরৈবাক্তগী হল্লকপা ১৭৩ কোবিদ-১৯ পোজিতিব ওইখ্রে।
  • অরুনাচল প্রদেশ: ইতানাগরগী দি.সি.না আয়খ্রে মদুদি হোতেল খুদিংমক অমসুং ক্বারিন্গতিন সেন্তরশিংদা চাং নাইনা সেনিতাইজ তৌগদবনি অমসুং মী খুদিংমক শফনা লৈনবা অকনবা প্রোতোকল ঙাক্কদবনি। এপ্রিলদগী জুন ফাওবগী হৱাই চেংৱাই এম. তি. ৪৯১ এন.এ.এফ.ই.দি.না অরুনাচল প্রদেশতা মাগী মাগী গোদাউন্দা থাখ্রে।
  • অসাম: অসামগী জি.এম.সি.ঐস.তগী অনাবা ৬ কোবিদ-১৯ অনিরক তেস্ত তৌরবা মতুংদা নেগেতিব লাকপদগী দিসচার্জ তৌখ্রে।
  • মনিপুর: এদুকেসন মিনিস্তরনা ময়াই তাংবল লৌদুনা মনিপুর য়ুনিভর্সিতিগী কোবিদ-১৯ তাস্ক ফোর্স কম্মিতিনা স্তেৎ অসিদা একাদেমিক কেলন্দর মাংলোমদা চংশিন্নবা ৱা খন্নখি।
  • মিজোরাম: মধ্য প্রদেশ অমসুং গুজরাততগী মিজোশিং পুদুনা লাকপা স্পিসিএল ত্রেন অমা কোলাসিব দিস্ত্রিক, মিজোরামদা লৈবা বাইরাবি রেলৱে স্তেসনদা ঙসি নুংথিল য়ৌখ্রে। মমাংদা কর্নাতকতগী মিজোশিং পুরকপা স্পিসিএল ত্রেন অমা ঙসি অয়ুক মিজোরামদা লৈবা বাইরাবি রেলৱে স্তেসনদা বৌখি, লাকমিন্নবা অনাবা ৭৭না আইসিলেসন্দা থমখ্রে; আর.তি-পি.সি.আর. অমসুং আর.এ.তি. পুম্নমক মখোয়দা পীরগনি হায়না সি.এম.ও. কোলাসিবনা হায়খ্রে।
  • নাগালেন্দ: দিপ্যুতি সি.এম.না অসামগী কোবিদ-১৯ অনাবা মশীং য়াম্বা মেরাপানি এরিয়াগা তাইনবা ৱোখা দিস্ত্রিক্কী ভন্দারি চেক পোস্ত য়াওনা অসামগা তাইনবা ঙমখৈশিং থিংজিন্নবা য়াথং পীখ্রে। গনেশনগর ক্বারিন্তিন সেন্তর, দিমাপুরনা মীওই ১০৭০ থম্নবা শেম শাখ্রে; সি.এম. নৈফ্যু রিও ফেসিলিতিশিং শেমগৎপদা স্তেৎ পুলিশনা মতেং পাংবগী থাগৎপা ফোঙদোকখ্রে।
  • ত্রিপুরা: থুংগদবা পেসেঞ্জর ১৭০ অমসুং চৎখিগদবা পেসেঞ্জর ১৭০গা লোয়ননা কোলকতাদগী অহানবা পেসেঞ্জর ফ্লাইৎ অগর্তালাগী এম.বি.বি. এয়র্পোর্ততা থুংখ্রে।

******



(Release ID: 1627751) Visitor Counter : 17