কেবিনেৎ সেক্রেতরিনা ম্যুনিসিপাল কম্মিস্নরশিং, দিস্ত্রিক মেজিস্ত্রেৎশিংগা লোয়ননা কোবিদ-১৯না শোকহল্লবা শহর ১৩গী ফীভম য়েংশিন্নবা মীফম পাংথোকখ্রে। স্তেৎ অমসুং য়ুনিয়ন তেরিতরী পুম্নমক্কী চিফ সেক্রেতরীশিংসু মীফম অদুদা শরুক য়াখি।

শহর ১৩ অসি কোরোনাভাইরসনা খ্বাইদগী শোকহল্লবা মফমশিংনি হায়না লৌই অমসুং লৈবাক অসিগী পোজিতিব কেসশিংগী চাদা ৭০ মফম অসিনা ওইবনা মরম ওইদুনা মীফম অসি মরু ওই হায়না লৌখি

মীয়েং চংগদবা শহর ১৩ অদুদি মুম্বাই, চেনাই, দিল্লি/ন্যু দিল্লী, অহমেদবাদ, থানে, পুনে, হায়দ্রবাদ, কোলকতা/হাওরা, ইন্দোর (মধ্য প্রদেশ), জয়পুর, জোধপুর, চেঙ্গলপুত্তু অমসুং থিরুভাল্লুর ( তামিল নাদু) নি।

মীফম অদুদা ম্যুনিসিপাল কোর্পোরেসনগী ওফিসিএলশিং অমসুং স্তাফশিংনা কোবিদ-১৯ কেসশিং লাকশিন্নবা লৌখৎলিবা খোঙথাংশিংদা খন্নখি।

সেন্ত্রেল লৈঙাকনা অচৌবা মী তাবা সহরশিংদা কোবিদ-১৯ লাকশিন্নবা গাইদলাইনশিং হান্ননা ফোংখ্রে।

লৌখৎকদৌরিবা লাল্লোং অসি হাইলাইৎ তৌবদা য়াওরিবশিং অদুদি রিক্স ৱাংবা ফেক্তরশিংগী থবক লৌখৎপা, অমসুং কনফর্ম তৌবগী চাং, শীখিবগী চাং, হেনগৎলকপগী চাং, মী মিলিয়ন অমদা তৌবা তেস্তশিং অসিনচিংবা ইন্দেক্সশিং য়াওরি।

সেন্তরনা হায়খি মদুদি কেসশিং অমসুং কন্তেক্তশিং থীদোকপা অমসুং মখোয়না চৎলুবা শন্দোরকপা য়াবা মফমশিং অসিগুম্বা ফেক্তরদা য়ুমফম ওইরগা কন্তেনমেন্ত জোনশিং অসিবু জিওগ্রাফিকেল্লি দিফাইন তৌরি। মসিনা অকোয়বা অদু মপুং ফানা দিমার্কেৎ তৌবা অমসুং লোকদাউনগী প্রোতোকল মপুং ফানা চৎনবা ঙমহনগনি হায়নসু থমখি।

ম্যুনিসিপাল কোর্পরেসনশিংনা মী তাবা কোলোনিশিং, মোহল্লাশিং, ম্যুনিসিপাল ৱার্দশিং নত্রগা পুলিস স্তেসনগী মফমশিং, ম্যুনিসিপাল জিনশিং, তাউনশিং অসিবু ম্যুনিসিপাল কোর্পরেসনশিংনা মথৌ তারবদি কন্তেনমেন্ত জোনশিংনি হায়না লাউথোকপা য়াই।

দিস্ত্রিক এদমিনিস্ত্রেসন অমসুং লোকেল অর্বান বোদীনা লোকেল লেভেলদগী হৌরগা তেক্নিকেলগী ওইবা ইনপুৎশিংগা লোয়ননা হায়রিবা মফমশিং অদুবু মতিক চানা খঙদোক্কদবনি হায়না সহরশিংদা য়াথং পীখ্রে।

*****