କ୍ୟାବିନେଟ ସଚିବାଳୟ
ସର୍ବାଧିକ କ୍ଷତିଗ୍ରସ୍ତ 13ଟି କରୋନା ସଂକ୍ରମିତ ସହର ଉପରେ କ୍ୟାବିନେଟ ସଚିବଙ୍କ ସମୀକ୍ଷା
Posted On:
28 MAY 2020 3:50PM by PIB Bhubaneshwar
ଦେଶର ସର୍ବାଧିକ ସଂକ୍ରମିତ 13ଟି ମହାନଗରୀର କୋଭିଡ-19 ସ୍ଥିତି ସମ୍ପର୍କରେ ପୌରାୟୁକ୍ତ ଓ ଜିଲ୍ଲା ମାଜିଷ୍ଟ୍ରେଟଙ୍କ ସହ କ୍ୟାବିନେଟ ସଚିବ ସମୀକ୍ଷା କରିଛନ୍ତି । ଏଥିରେ ସମ୍ପୃକ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ମୁଖ୍ୟ ଶାସନ ସଚିବମାନେ ମଧ୍ୟ ଉପସ୍ଥିତ ଥିଲେ । ଦେଶର ପ୍ରାୟ ଶତକଡା 70 ଭାଗ କରୋନା ସଂକ୍ରମଣ ମାମଲା ଏହି 13ଟି ମହାନଗରୀରୁ ଆସିଥିବା ଦୃଷ୍ଟିରୁ ଏପରି ବୈଠକ ବିଶେଷ ଗୁରୁତ୍ଵ ବହନ କରୁଛି । ଏହି 13ଟି ମହାନଗରୀ ହେଉଛି ମୁମ୍ଭାଇ, ଚେନ୍ନାଇ, ଦିଲ୍ଲୀ/ନୂଆଦିଲ୍ଲୀ, ଅହମଦାବାଦ, ଥାଣେ, ପୁଣେ, ହାଇଦ୍ରାବାଦ, କୋଲକାତା/ ହାୱଡା, ଇନ୍ଦୋର, ଜୟପୁର, ଯୋଧପୁର, ଚେଙ୍ଗଲପାଟ୍ଟୁ ଏବଂ ଥିରୁଭାଲ୍ଲୁର ।
ଏହି ବୈଠକରେ ପୌର ମହାନିଗମର କର୍ମଚାରୀ ଓ ଅଧିକାରୀମାନଙ୍କ ଦ୍ଵାରା କୋଭିଡ-19 ପରିଚାଳନାଗତ ପଦକ୍ଷେପ ସମ୍ପର୍କରେ ସମୀକ୍ଷା କରାଯାଇଥିଲା । କେନ୍ଦ୍ର ସରକାର ସହରାଞ୍ଚଳରେ କୋଭିଡ-19 ପରିଚାଳନା ସମ୍ପର୍କିତ ମାର୍ଗଦର୍ଶିକା ଜାରି କରିସାରିଛନ୍ତି । ଏହି ମାର୍ଗଦର୍ଶିକାରେ ହାଇ ରିସ୍କ ଫ୍ୟାକ୍ଟର, ସଂକ୍ରମଣ ହାରର ପୃଷ୍ଟି, ମୃତ୍ୟୁହାର, ଦ୍ଵିଗୁଣିତ ହେବା ହାର ଏବଂ ଏକ ନିୟୁତରେ ନମୁନା ପରୀକ୍ଷା ହାର ଉପରେ ମୁଖ୍ୟତଃ ଗୁରୁତ୍ଵାରୋପ କରାଯାଇଛି ।
ସ୍ଥାନର ଭୌଗଳିକ ଅବସ୍ଥିତ, ସଂକ୍ରମଣ ମାମଲା, ସଂସ୍ପର୍ଶଗତ ସଂକ୍ରମଣ ଇତ୍ୟାଦିକୁ ବିଚାରକୁ ନେଇ ଆବଧାଞ୍ଚଳ ଘୋଷଣା କରିବାକୁ କେନ୍ଦ୍ର ସରକାର ଗୁରୁତ୍ଵ ଦେଇଛନ୍ତି । ଏହା ଫଳରେ ସେ ଅଞ୍ଚଳରେ ଲକଡାଉନ ଜନିତ ନିୟମାବଳିଗୁଡିକୁ କଡାକଡି ପାଳନ କରାଯାଇପାରିବ ।
ପୌର ନିଗମ, ଆବାସିକ କଲୋନୀ, ମୋହଲା, ୱାର୍ଡ, ଥାନାଞ୍ଚଳ, ପୌରାଞ୍ଚଳ ବା ସହରକୁ ଆବଶ୍ୟକତା ଅନୁସାରେ ଆବଧାଞ୍ଚଳ ଭାବେ ଘୋଷଣା କରିପାରିବେ । ସ୍ଥାନୀୟ ସ୍ତରରୁ ବୈଷୟିକ ତଥ୍ୟ ନେଇ ବିଭିନ୍ନ ଅଞ୍ଚଳ କେଉଁ ଜୋନରେ ଯିବ ତାହା ସ୍ଥିର କରାଯିବ ।
**********
(Release ID: 1627488)
Visitor Counter : 337
Read this release in:
English
,
Urdu
,
Marathi
,
Hindi
,
Manipuri
,
Bengali
,
Punjabi
,
Gujarati
,
Tamil
,
Telugu
,
Kannada