কোবিদ-১৯গী লাইচৎ অসিগা লান্থেংনবদা খোংথাং অমা ওইনা পাৱর ফাইনান্স কোর্পোরেশন লিমিতেদ (পি.এফ.সি.), পাৱর মন্ত্রালয়গী মখাদা লৈবা পি.এস.য়ু. অমসুং ভারতকী মাংজিং থারিবা এন.বি.এফ.সি.না এসিয়াগী ওইনা খ্বাইদগী চাউবা ফুদ কমপনীশিংগী মরক্তা অমা ওইরিবা তাজসেৎকা খুৎশম্নদুনা ফ্রন্তলাইন কোবিদ ৱারিয়রশিংদা হায়জেনিক ওইবা অমসুং ন্যুত্রিসিয়স ওইবা চান-থক্নবশিং পীরগনি। মসিগী পাইখৎলক্লিবা খোংথাং অসিগী শরুক অমা ওইনা, পি.এফ.সি.না নই দিল্লীগী দা. রাম মনোহর লোঈয়া হোসপিতালদা কোবিদ-১৯গী পেসেন্তশিং লায়েংবগী থবক্তা য়াওরিবা দোক্তরশিং অমসুং মেদিকেল স্তাফশিংদা পেক তৌরবা লঞ্চ বোক্সশিং পীগদোরি।

পাইখৎলক্লিবা অনৌবা খোংথাং অসিগী মখাদা, দা. আর.এম.এল. হোসপিতালগী দোক্তর অমসুং মেদিকেল স্তাফশিংদা নুংতিগী ওইবা মওংদা ২০২০গী মেগী ২৫দগী হৌরগা নুমিৎ ৬০নিগী মতমগীদমক্তা অৱাংবা ক্বালিতী অমসুং হায়জেনিক ওইবা অচা-অথকশিং (পেক তৌরবা লঞ্চ বোক্স)গী সপ্লাই পীনবগীদমক্তা কম্পেনী অসিনা তাজস্তেৎতা (চাউরাক্না) লুপা লাখ ৬৪গী শেলগী মতেং পীখ্রে।

হকশেল মন্ত্রালয়না নই দিল্লীগী দা.রাম মনোহর লোহিয়া হোসপিতাল অসিবু কোবিদ-১৯গী লায়েংনবগীদমক্তা ওইনা কত্থোক্লবা হোসপিতাল অমা ওইনা খনগৎখ্রে, মফম অসিদা দোক্তর অমসুং অতোপ্পা হেল্থ স্তাফনা কোবিদ-১৯গী পেসেন্তশিংদা পুং ২৪গী ওইবা মওংদা মেদিকেল অমসুং হেল্থ সর্বিসশিং পীরি।

মমাংদা, পি.এফ.সি.না কোবিদ-১৯গী মায়োক্তা লান্থেংনবদা মতেং পাংনবা পি.এম.কেয়র্স ফন্দদা লুপা কোতি ২০০ মতেং পাংখি। পি.এফ.সি.গী এমপ্লোয়ীশিংনসু থৌদৌ অসিগীদমক্তা চোংথোরকখি অমসুং পি.এম. কেয়র্স ফন্দদা মখোয়গী নোংমগী তোলোপ অদু কত্থোকখি। মখাতানা, পি.এফ.সি.না উত্তর প্রদেশকী সিধার্থ নাগর অমসুং বুলন্দসহরগী জিলাগী কলেক্তরশিংদা অমমগী ওইনা লুপা লাখ ৫০,০০,০০০ (লুপা লাখ য়াংখৈ খক্তা) পীখি, মসিগা লোইননা রাজস্থানগী কোতাদা মেদিকেল ইক্যুইপমেন্তশিং পীনবা ইন্দিয়ন রেদক্রোস সোসাইতীদা লুপা লাখ ৫০,০০,০০০ (আই.এন.আর. লাখ য়াংখৈ খক্তা) পীখি।

*****