ঙরাং নুমিদাং, প্রধান মন্ত্রীনা পাৱর মন্ত্রালয় অমসুং ন্যু অমসুং রিন্যুয়েবল ইনর্জী মন্ত্রালয়গী থবকশিং অমুক হন্না য়েংশিনখ্রে। পাৱর সেক্তরনা থেংনরিবা খুদোংচাদবশিং কোকহন্নবা শেমদোক্লবা তারিফ পোলিসী অমসুং ইলেক্ত্রিসিতী (এমেন্দমেন্ত) বিল ২০২০ মীফম অদুদা খন্নখি।

পাৱর সেক্তরনা থবক ফজনা পাংথোক্তুনা কঞ্জুমরশিংগী অপেনবা হেনগৎহন্নবা অমসুং শেল-থুমগী ফিবম ফগৎহনবগী দরকার ওইবা অদু প্রধান মন্ত্রীনা ফোংদোকখি। মহাক্না হায়খি পাৱর সেক্তরদা লৈরিবা খুদোংচাদবশিং মরুওইনা ইলেক্ত্রিসিতী য়েন্থোকপদা থেংনরিবা অৱাবা অসি রাজ্যশিং অমসুং মফম কয়া অমগা অমগা মান্নদে। রাজ্য খুদিংমক্তা শিজিন্নবা য়াবা পাম্বৈ অমা থিবগী মহুৎতা, রাজ্য অমমমগী ফিবম ফগৎহন্নবা মন্ত্রালয়না রাজ্য অমগী অকক্নবা পাম্বৈশিং শিজিন্নগদবনি।

মহাক্না হায়খি মীয়াম্না মখোয়গী দিস্কোমশিং কয়া য়াম্না ফজনা থবক তৌরিবগে হায়বা খঙনবা দিস্কোমশিংনা মখোয়গী পাংথোক্লিবা থবকশিং অদু চাংনাইনা ফোংদোক্নবা পাৱর মন্ত্রালয়না থবক পায়খৎকদবনি। পাৱর সেক্তরদা শিজিন্নরিবা খুৎলায়শিং ভারত্তা শানবা থবক পায়খৎকদবনি।

ন্যু অমসুং রিন্যুয়েবল ইনর্জীগী মতাংদা প্রধান মন্ত্রীনা হায়খি লৌউ-শিংউগী থবকশিংদা সোলর ৱাতর পম্পশিং অমসুং সোলর কোল্দ স্তোরেজশিং ফজনা ফংহন্নবা থবক পায়খৎকদবনি। য়ুম মথক্তা সোলর সিস্তেমশিং থম্নবা অনৌবা থবকশিং হৌদোক্কদবনি অমসুং রাজ্য খুদিংমক্না য়ামদ্রবদা শহর অমা (কোনুং নৎত্রগা মমিং চৎপা লমকোয়ফম অমা হেক্তা) য়ুম মথক্তা সোলর পাৱরগী থবকশিং পায়খৎতুনা সোলর সিতী শেমগৎকদবনি। অহেনবা থবক পীবদা মতেং পাংনবা ভারত্তা ইঙ্গোৎশিং, ৱেফরশিং, সেলশিং অমসুং মোদ্যুলশিং শানবা থবকশিং পায়খৎকদবনি।

কর্বোন ন্যুত্রিয়েল ওইবা লাদাখ অমা শেমগৎনবা থৌরাং খোংজেল য়াংনা পায়খৎপা অমসুং সোলর অমসুং ৱিন্দ ইনর্জী শিজিন্নদুনা সমুদ্র মপানগী লমশিংদা থক্নবা ঈশিং ফংহনবগী থবক পায়খৎপা প্রধান মন্ত্রীনা পামখি।

***