তুরিজম মন্ত্রালয়না তোঙান-তোঙানবা মখলগী লমকোয়বশিংগীদমক য়েংদুনা স্তার রেতিং সিস্তেমদা হোতেলশিংবু খাইদোকখ্রে। থৌরাং অসিগী মখাদা হোতেলশিংবু রেতিং পীরি, মসিদা ৱান স্তারদগী হৌরগা থ্রি স্তার, ফোর স্তার অমদি ফাইফ স্তার, অলকোহোল য়াওবা নত্ত্রগা য়াওদবা, ফাইফ স্তার দিলক্স, হেরিতেজ (বেসিক), হেরিতেজ (ক্লাসিক), হেরিতেজ (গ্রান্দ), লীগেসি ভিন্তেজ (বেসিক), লীগেসি ভিন্তেজ (ক্লাসিক), লীগেসি ভিন্তেজ (গ্রান্দ) অমসুং এপার্তমেন্ত হোতেল, হোম স্তে, গেস্ত হাউস অসিনচিংবাশিং য়াওরি। হায়রিবা খাইদোকপা /সর্তিফিকেৎ পীবা অসিগী চৎন্নবগী মতমনা চহী মঙানি।

কোভিদ-১৯গী লাইচৎ অমদি লোকদাউন্না মরম ওইদুনা হোতেলশিং চালাইরিবশিং অসিদা থেংনরিবা অৱাবশিংগী য়েংদুনা লৌখিবা ৱারেপ অদুদি তাং ২৪-০৩-২০২০দগীনা তাং ২৯-০৬-২০২০ ফাওবগী মনুংদা এপ্রুভেল / রিএপ্রুভেল অমসুং ক্লাসিফিকেসন / রিক্লাসিফিকেসনগী মতম লোইখ্রবা অমদি লোইগদবশিংগী মতম তাং ৩০-০৬-২০২০ ফাওবা শাংদোকখ্রে।

মসিগা মান্ননা, মন্ত্রালয় অসিনা ত্রেভেল এজেন্ত, তুর ওপরেতর, এদভেনচর তুর ওপরেতর, দোমেস্তিক তুর ওপরেতর অমসুং তুরিস্ত ত্রান্সপোর্ত ওপরেতরনচিংবদা অয়াবা পিনবা স্কিম শেমখ্রে। মসিনা মরম ওইরগা অফ-ফত্তগী থাক অমদি থবক তৌবগী মওংশিং ফগৎহন্দুনা ভারতকী তুরিজমগী থাক ৱাংখৎহন্নবনি।

কোভিদ-১৯ লাইচৎনা মরম ওইদুনা ২০২০গী মার্চ থাদগী লোকদাউন তৌখিবনা এপ্লিকেসন স্ক্রুতিনি অমদি য়েংশিনবগী থবকশিং লেপখিবগীদমক তুরিজম মন্ত্রালয় থা তরুক কোমথোক্নবা নত্ত্রগা শাংদোকনবা ৱারেপ লৌখ্রে। হায়রিবা অসি তুর ওপরেতরশিং (ইনবাউন্দ, দোমেস্তিক, এদভেন্চর) ত্রেভেল এজেন্তশিং অমদি তুরিস্ত ত্রান্সপোর্ত ওপরেতরশিংগী কাংলুপ খুদিংমক্তা চৎনগনি। মন্ত্রালয় ওফ তুরিজমগী হায়রিবা অয়াবা অসি মখাদা পিরিবা ফিভমশিং অসিগী মখা পোনগনিঃ-

1. হান্নগী অয়াবগী মতম লোইখ্রবা নত্ত্রগা হৌজিক্কী অয়াবগী মতম ২০২০গী মার্চ থাগী তাং ২০ ফাওবগী মনুংদা লোইরবা (হায়বদি, ইন্দিয়ন তুরিজম ওফিসশিংনা থবক য়েংশিনবা লেপ্ননবা মন্ত্রালয় অসিনা থোকখিবা তাং) দগী লোকদাউন লৈরিঙৈ ফাওবা অমসুং
2. মখোয়না মখোয়গী হৌজিক্কী / হান্নগী অয়াবগী মতম লোইদ্রিঙৈদা অনৌবা অয়াবগী মতমগীদমক চে থাখিবা (হায়বদি এপ্লাই তৌখিবা) ওইগদবনি।

***