মিশন সাগরকী শরুক অমা ওইনা ইন্দিয়ন নেভেল শিপ কেসরী মোরিসস্কী পোর্ত লুইসতা মে ২৩, ২০২০দা চঙখ্রে‍। ভারত লৈঙাক্না মরূপ মপাং ওইবা মপান লৈবাকশিংদা কোবিদ ১৯ লাইচৎ লান্থেংনবদা মতেং পাংলি‍, অমদি হিরম অসিদা ইন্দিয়ন নেভেল শিপ কেসরীনা কোবিদকা মরী লৈনবা হিংদাক লাংথকশিং অমসুং অয়ুর্বেদিক হিদাকশিংগী অখন্নবা কনসাইনমেন্ত অমা মোরিসস্কী মীয়ামগীদমক পুরি‍।

মসিগী মথক্তা ইন্দিয়ন নেভী দোক্তরশিং অমসুং পেরামেদিকশিং য়াওবা মীওই ১৪না শাবা স্পিসিএলিস্ত মেদিকেল কাংবু অমা মখোয়গী মোরিসিয়ন কাউন্তরপার্তশিংগা পুন্না হোৎৎনমিন্নদুনপা কোবিদকা মরী লৈনবা অথু অকায়গী থৌদোকশিংদা মতেং পাংননগীদমক জহাজ অসিদা তোংদুনা চৎলি‍। মেদিকেল স্পিসিএলিস্ত কাংবু অদুদা য়াওরিবশিংগী মরক্তা কম্ম্যুনিতী মেদিসিন স্পিসিএলিস্ত অমা, পল্মোনোলোজিস্ত অমা অমসুং এনেস্থেসিওলোজিস্ত অমা য়াওরি‍।

ভারত লৈঙাক্না মোরিসস লৈঙাক্তা হিদাক লাংথকশিংদু হৌনবী মতুং ইন্না খুৎশিন্নবগী থৌরম অমা মে ২৩, ২০২০দা পাঙথোকখি‍। মোরিসস লৈঙাক্কী মহুৎ শিন্দুনা ইকায় খুম্নরবা হকশেলগী মন্ত্রী দাঃ কাইলেস জগুৎপালনা কনসাইনমেন্ত অদু লৌশিনখি‍। ভারতকী মায়কৈ অদুনা হাই কমিস্নর ওফ ভারত তু মোরিসস ঐচ.ই. শ্রী তনময়া লালনা মহুৎ শিনখি‍। মন্ত্রী অদুনা ইন্দিয়ন নেভি শিপ কেসরীগী কমান্দিং ওফিসর কমান্দর মুকেস তয়ালগসু থৌরমদুদা ৱারী ৱাতাই শান্নখি‍।

মোরিসস্তা পীরিবা তেংবাং অসি কোবিদ-১৯ লাইচৎকী মতমসিদা ভারত লৈঙাক্কী খুৎ লান্থোকপগী শরুক অমনি‍। ‘মিশন সাগর’, অসি ‘সাগর’ রিজনদা লৈরিবা পুম্নমক্কী চাউখৎলোন অমদি ঙাকশেলগী মতাংদা প্রধান মন্ত্রীনা য়েংলিবা মীৎয়েংগা চাননা পায়খৎলকপা থৌরাং অমনি‍। মিশন অসিনা ভারতনা আই.ও.আর.গী লৈবাকশিংদা লৈনরিবা মরীদা পীরিবা মরুওইবা উৎপগা লোয়ননা কোবিদ-১৯ লাইচৎ লান্থেংনবদা লৈবাক অনিগী মরক্তা লৈনরিবা অফবা মরীদা য়ুম্ফম ওইরগা শাগৎপনি‍। ওপরেসন অসি এক্সতর্নেল এফিয়র্স মন্ত্রালয় অমদি ভারত লৈঙাক্কী অতৈ এজেন্সীশিংগা খুৎশম্নদুনা পাংথোকমিন্নবনি‍।

*****