কেন্দ্ৰীয় পেট্ৰ’লিয়াম আৰু প্ৰাকৃতিক গেছ তথা তীখা মন্ত্ৰী শ্ৰী ধৰ্মেন্দ্ৰ প্ৰধানে বৃহস্পতিবাৰে তেল আৰু গেছ কোম্পানীসমূহে বিভিন্ন পৰ্যায়ত ৰূপায়ণ কৰি থকা প্ৰায় ৮,০০০ কোটি টকাৰ পাইপলাইন প্ৰকল্পৰ পৰ্যালোচনা কৰে৷ আত্মনিৰ্ভৰ ভাৰতৰ ক্ষেত্ৰত জোৰ দি মন্ত্ৰী প্ৰধানে এই প্ৰকল্প সম্পূৰ্ণ স্বদেশীকৰণৰ আহ্বান জনায়৷

গেইলে ২০২০ৰ ছেপ্টেম্বৰৰ ভিতৰত ঘৰুৱা নিবিদাকাৰীৰ পৰা প্ৰায় ১ লাখ মেট্ৰিকটন তীখা ক্ৰয়ৰ বাবে ১,০০০কোটি টকাতকৈ অধিক পৰিমাণৰ লাইনপাইপ নিবিদাৰ কাম চলাই আছে৷ এইবোৰ ৮০০ কিলোমিটাৰ লাইন পাইপ নিৰ্মাণৰ বাবে যোগান ধৰা হ’ব৷ চলিত বিত্তীয় বৰ্ষৰ শেষভাগত এই হাৰ দুগুন হোৱাৰ আশা আছে৷ ইয়াৰ জৰিয়তে মেক ইন ইণ্ডিয়া কাৰ্যসূচীত উদ্গনি যোগোৱাৰ লগতে আত্মনিৰ্ভৰ ভাৰতৰ লক্ষ্যত উপনীত হোৱাত উৎসাহিত কৰিব৷

প্ৰধানমন্ত্ৰী ঊৰ্জা গংগা, জেএছবিডিপিএল পাইপলাইন প্ৰকল্পৰ কাম লকডাউনৰ পাছত ক্ষিপ্ৰতাৰে চলি আছে৷ এই পাইপ লাইন পূব ভাৰতৰ কেন্দ্ৰীয় প্ৰাকৃতিক গেছ পাইপলাইন কৰিড’ৰৰ জৰিয়তে পশ্চিমক সংযোগ স্থাপন কৰা হ’ব৷ ইয়াৰ দ্বাৰা দেশত গেছ আধাৰিত অৰ্থনীতি বিকাশ সাধন হ’ব৷

ইণ্ডিয়ান অইলে, দক্ষিণ ভাৰতত ৬,০২৫ কোটি টকাৰ প্ৰকল্পত বিনিয়োগেৰে ১,৪৫০ কিলোমিটাৰ দৈৰ্ঘ্যৰ প্ৰাকৃতিক গেছ পাইপলাইন প্ৰকল্প ৰূপায়ণ কৰি আহিছে৷ এই প্ৰকল্পত প্ৰায় ১.৬৫ লাখ মেট্ৰিকটন তীখা পাইপৰ ব্যৱহাৰ হ’ব, য’ত আনুমানিক ব্যয় হ’ব ২,০৬০ কোটি টকা৷ এয়াও আত্মনিৰ্ভৰ অভিযানৰে অংশ বিশেষ৷

ইন্দ্ৰধনূষ গেছ গ্ৰিড লিমিটেডে উত্তৰ-পূৰ্বাঞ্চলত প্ৰাকৃতিক গেছ পাইপলাইন গ্ৰিডৰ উন্নয়ন সাধন কৰি আছে৷ এই পাইপ লাইন গ্ৰিডৰ জৰিয়তে উত্তৰ-পূৰ্বাঞ্চলৰ ৮খন ৰাজ্যত প্ৰাকৃতিক গেছৰ অবিৰত যোগান সুনিশ্চিত হোৱাৰ লগতে ৰাজ্যসমূহৰ আৰ্থিক ব্যৱস্থা ক্ষিপ্ৰতৰ হ’ব আৰু ভাৰতত গেছ আধাৰিত অৰ্থনীতিৰ অগ্ৰগতিত সহায় হ’ব৷ আইজিজিএলে ২০২০ৰ জুলাই পৰ্যন্ত প্ৰায় ৭৩,০০০ মেট্ৰিকটন তীখা ক্ৰয়ৰ বাবে ৯৫০ কোটিতকৈ অধিক টকাৰ নিবিদাৰ কাম চলাই আছে৷ ঘৰুৱা নিবিদাকাৰীৰ জৰিয়তে ৫৫০ কিলোমিটাৰ লাইন পাইপৰ তীখা যোগান ধৰাৰ বাবে এই প্ৰক্ৰিয়া চলাই থকা হৈছে৷ চলিত বিত্তীয় বৰ্ষৰ শেষভাগত এই পৰিমাণো দুগুন হোৱাৰ আশা আছে৷

***

YB/DB