পেত্রোলিয়ম অমসুং নেচরেল গ্যাস অমদি স্তীল মন্ত্রী শ্রী ধর্মেন্দ্র প্রধান্না শগোলশেন নুমিত্তা থাও অমসুং গ্যাস কম্পেনীশিংনা পায়খৎলিবা তাঙ্কক কয়াদা লৈরিবা লুপা করোর ৮০০০রোমগী পাইপলাইন প্রোজেক্তশিং য়েংশিনখ্রে‍। আত্মনির্ভর ভারতকী ৱাফম থম্লদুনা মন্ত্রী প্রধাননা হায়রিবা প্রোজেক্তশিং অসিবু মপুং ফানা লমদমসিগী পোত্থোক ওইহন্নবা ৱাফম থমখ্রে‍।

জি.এ.আই.এল.না হৌজিক লমদমসিগী বিদ্দরশিংদগী লাইন পাইপ কি.মি. ৮০০ সপ্লাই তৌননবগীদমক স্তীল এম.তি. লাখ ১ সেপ্তেম্বর ২০২০ ফাওবদা লৌননবা লুপা ক্রোর ১০০০রোমগী ওইগদবা লাইন পাইপ তেন্দর থৌরাং তৌরি‍। চৎলিবা শেনবা চহি অসি লোইশিল্লকপফাওবদা চাং অসি শরুক অনি হেনগৎলক্তুনা মেক ইন ইন্দিয়া থৌরাংবু চাউখৎহন্দুনা মরোমদোম লেপচবা ঙম্বা ইন্দিয়াগী পান্দম ফংনবগী লমবীদা হেন্না  নকশিনগনি হায়না পারি‍।

প্রধান মন্ত্রী উর্জা গঙ্গা, জে.ঐচ.বি.দি.পি.এল. পাইপলাইনগী প্রোজেক্ত ৱর্ক লোকদাউন মতুংদা মপুং ফানা চঙশিল্লে অমদি লৈবাকসিগী গ্যাসতা য়ুম্ফম ওইবা শেন্মিৎলোন ফগৎহন্নবগীদমক ইস্তর্ন ইন্দিয়া অমদি নোংচুপপু সেন্ত্রেল নেচরেল গ্যাস পাইপলাইন কোরিদোরগা শমজিন্ননবা থৌরাং লৌখৎলি‍।

ইন্দিয়ন ওইলনা লুপা করোর ৬০২৫ চঙবা প্রোজেক্ত অমগী মখাদা খাথংবা ইন্দিয়াদা কি.মি. ১৪৫০ শাংবা নেচরেল গ্যাস পাইপলাইন প্রোজেক্ত অমা পায়খৎলি‍। প্রোজেক্ত অসিদা আত্মনির্ভর ভারত অভিয়ানগী পান্দমগা চাশিন্ননা লুপা করোর ২০৬০গী ওইগদবা স্তীল পাইপ এম.তি. লাখ ১.৬৫ ইন্দিয়াদা শাবগী ওইথোকপা লৈরি‍।

অৱাং-নোংপোক্তা পায়খৎলিবা নেচরেল গ্যাস পাইপলাইন গ্রিদ ইন্দ্রধনুশ গ্যাস গ্রিদ লিমিতেদনা অৱাং-নোংপোক্কী স্তেৎ ৮মক্তা লেপ্প নাইদনা নেচরেল গ্যাস পীবা ঙমহল্লগনি অমদি মখোয়গী শেন্মিৎলোন ফগৎহন্দুনা ইন্দিয়াদা গ্যাস বেজ শেন্মিৎলোন অমা পুরকপদা মতেং ওইরগনি‍। আই.জি.জি.এল.না হৌজিক লমদমসিগী বিদ্দরশিংদগী লাইন পাইপ কি.মি. ৫৫০ সপ্লাই তৌননবাগীদমক লুপা করোর ৯৫০ হেনবগী ওইগদবা স্তীল এম.তি. ৭৩০০০ লৌননবা লাইন পাইপ তেন্দরশিং লৌখৎলি‍। চাং অসি চৎলিবা শেনবা চহিসি লোইশিল্লকপদা শরুক অনি হেনগৎলক্কনি হায়না পানরি‍।

****