কোবিদ-১৯ ঙাকথোক্নবা, লাকশিন্নবা অমসুং লায়েংনবা রাজ্যশিং/য়ু.তি.শিংগা লোয়ননা ভারত সরকারনা থবক কয়া পায়খৎলে। হায়রিবা থবকশিং অসি খ্বাইদগী ৱাংবা থাক্ত অমুক হন্না য়েংশিল্লি অমসুং শেন্নরি।

ঙরাংদগী ভারত্ত কোবিদ-১৯ কেস মশিং ৬০৮৮ হেনগৎখি। হৌজিক অপুনবা কেস ১,১৮,৪৪৭ য়ৌরে। মীওই ৬৬,৩৩০ মেদিকেলগী মিৎয়েং মখাদা য়েংশীন্দুনা লৈরি।

হৌজিক ফাওবদা , পুন্না মীওই ৪৮,৫৩৩ অনাবা ফরে। হৌখিবা পুং ২৪দা অনাবা মীওই ৩২৩৪ অনাবা ফখি। মসিনা ঐখোয়গী অপুনবা অনাবা ফবগী চাং চাদা ৪০.৯৮ য়ৌহল্লে।

ঐখোয়না লোকদাউন ৪.০ চৎথরিবা মনুং অসিদা চাং নাইনা খুৎ হাম্বা, মাক্স শীজিন্নবা , ফুদ ৬ থাপ্না লৈদুনা, অহলশিং চেকশিন্নবা শেন্দুনা, হকচাং ফনা লৈনবা আয়ুশ মিনিস্ত্রীগী চৎন-পথাপশিং ইন্দুনা, অরোগ্যা সেতু এপ ইন্সতোল তৌদুনা, মতম চানা লাইওংশিং  পাউ পীদুনা অমসুং ইকাইবা অমতা লৈতনা কোবিদ-১৯ লাইয়েং চৎথদুনা ঐখোয়গী পুন্সি মহিংগী শরুক অমা ওইহন্দুনা চুনবা কোবিদগী থকশি-খাসি শেমগৎবা হোৎনবা অসি য়াম্না মরুওই।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.inদা চংবীয়ু।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]inদা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]inঅমসুং ত্বুইতশিংগী ওইনা @CovidIndiaSeva শীজিন্নবা য়াগনি।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রীগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫ (তোল ফ্রি)দা কোল তৌবীয়ু। কোবিদ-১৯গী মতাংদা রাজ্যশিং/য়ু.তি.শিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdfদা ফংগনি।

****