ভারত সরকারগী ফ্লেগশিপ হেল্থ এসুরেন্স স্কিম, আয়ুশ্মান ভারত প্রধান মন্ত্রী জন আরোগ্য য়োজনা (এ.বি.-পি.এম.জে.এ.ৱাই.) ঙসি লাইয়েং করোর ১ মার্ক তৌখ্রে। মাইলস্তোন অসি মার্ক তৌনবা কেন্দ্রগী হকশে অমসুং য়াইফ য়ুম্বাল মন্ত্রী দা. হর্শ বর্ধন্না ঙসি পব্লিক হেল্থকী মরুওইবা ইসুশিংদা খন্ন-নৈনবগীদমক ওপন প্লেৎফোর্ম অমা ওইনা ৱেবিনর সেরিজকী অহানবা এদিসন আরোগ্য ধারা হৌদোকখ্রে। ৱেবিনর অসিগী মমিং “আয়ুশ্মান ভারত: ১ করোর ত্রিৎমেন্ত এন্দ বিয়োন্দ” হায়না থোল্লি। ৱেবিনর অদুদা হকশে অমসুং য়াইফ য়ুম্বালগী রাজ্য মন্ত্রী শ্রী অশ্বিনি কুমার চৌবেসু শরুক য়াখি।

এন.ঐচ.এ.গী সি.ই.ও. দা. ইন্দু ভুশন্না আয়ুশ্মান ভারত প্রধান মন্ত্রী জন আরোগ্য য়োজনাগী পর্ফোমেন্সতা প্রজেন্তেসন অমা লান্থোকখি অমদি মখা তাবা খোংচৎকী খন্ন-নৈনখি।

থৌরম অদুদা ৱা ঙাংলদুনা দা. হর্শ বর্ধন্না হায়খি, “মসিনা হৌদোকখিবা চহি অনি ফাদ্রিঙৈ মনুংদা লৈবাক অসিগী লাইরবা ইমুংশিংদগী অনাবশিংদা লাইয়েং করোর ১ ফংহনবা অসি আয়ুশ্মান ভারত প্রধান মন্ত্রী জন আরোগ্য য়োজনাগীদমক মাইলস্তোন এচিবমেন্ত অমনি। মসিগী লাইয়েংশিং অসি লুপা করোর ১৩,৪১২ চংনা পব্লিক অমসুং প্রাইবেৎ এম্পেনেল হোস্পিতাল ২১,৫৬৫গী থোংদা ফংহনখি।”

মহাক্না মখা তানা হায়খি, “আয়ুশ্মান ভারত প্রধান মন্ত্রী জন আরোগ্য য়োজনা অসি ২০১৮দা হৌদোকখিবা ঐখোয়গী সরকারগী ফ্লেগশিপ হেল্থ এসুরেন্স স্কিমনি। মসিনা চহি খুদিংগী ইমুং অমদা লুপা লাখ ৫গী হেল্থ কভর অমগী থোংদা লাইরবা অমসুং শোত্থরবা ভারতমচাশিংদা তর্সরী হোস্পিতাল ত্রিৎমেন্তকী মওংদা এফোর্দেবল হেল্থকেয়র ফংহল্লি। মসিগী পান্দমদি লাইরবা করোর ১.৭৪ হেনবদা ফাইনান্সিয়েল রিস্ক প্রোতেক্সন শোইদনা ফংহনবনি অমদি ভারত্তা য়ুনিবর্সেল হেল্থ কভরেজ ফংনবগী মায়কৈদা খোং থাংজিনবনি।”

থৌরম অসিদা দা. হর্শ বর্ধন্না WhatsAppতা ‘Ask Ayushman’ চাত বোত অমা হৌদোকখি। মসিগী চাত বোত অসিগী মরুওইবা ফীচর অমদি মসিনা হিন্দি অমসুং ইঙ্গলিস লোন্দা কমপ্রেহেন্দ অমসুং রেস্পোন্স পীবা ঙমই অমদি মসিনা য়ুজরশিংগীদমক তেক্স-তু-স্পীচ ফীচরসু ফংহল্লি অমদি মরুওইবা সোসিয়েল মীদিয়া প্লেৎফোর্ম পুম্নমক্তা মালেম পুম্বদা শিজিন্নবা য়াই।

কেন্দ্রগী মন্ত্রীনা বেনেফিসরীশিংগী ফিদবেক্তা য়ুমফম ওইরগা এম্পেনেল হোস্পিতাশিংবু রেঙ্ক পীনবা ণশক নাইবা খোঙথাং অমা ওইরিবা “হো্পিতাল রেঙ্কিং দাশবোর্দ” অমশু হৌদোকখি।

দা. হর্শ বর্ধন্না হোস্পিতাল এদমিসন করোর ১গী মাইলস্তোন ফোংদোক্লদুনা “স্পিসিয়েল এদিসন ওফ দি এ.বি.-পি.এম.জে.এ.ৱাই. বেনেফিসরী ই-কার্দ” অমসু রিলিজ তৌখি। মথক্কী অসিদা নত্তনা “হিন্দি বর্জন ওফ দি এ.বি.-পি.এম.জে.এ.ৱাই. ৱেবসাইত”সু হৌদোকখি।

****