ସୂଚନା ଓ ପ୍ରସାରଣ ମନ୍ତ୍ରଣାଳୟ
ଦେଶରେ ଗୋଷ୍ଠୀ ରେଡିଓ କେନ୍ଦ୍ର ସହ କଥା ହେବେ କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର
Posted On:
21 MAY 2020 4:17PM by PIB Bhubaneshwar
ଏକ ଅନନ୍ୟ ଜନସମ୍ପର୍କ କାର୍ଯ୍ୟକ୍ରମ ସ୍ୱରୂପ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଶ୍ରୀ ପ୍ରକାଶ ଜାଭଡେକର ଆସନ୍ତାକାଲି (22.05.2020) ଦେଶର ଗୋଷ୍ଠୀ ବେତାର କେନ୍ଦ୍ର ସହ କଥାବାର୍ତ୍ତା କରିବେ । ସନ୍ଧ୍ୟା 7.00 ଟାରେ ହେବାକୁ ଥିବା ଏହି କାର୍ଯ୍ୟକ୍ରମ ଦେଶର ଗୋଷ୍ଠୀ ବେତାର କେନ୍ଦ୍ର ଦ୍ଵାରା ପ୍ରସାରିତ ହେବ । ଏହି କଥାବାର୍ତ୍ତା ଉଭୟ ହିନ୍ଦୀ ଓ ଇଂରାଜୀରେ ପ୍ରସାରିତ ହେବ । ଶ୍ରୋତାମାନେ ଏଫଏମ ଗୋଲ୍ଡ (100.1 ମେଗାହାର୍ଜ) ଜରିଆରେ ସନ୍ଧ୍ୟା 7.30 ବେଳେ ହିନ୍ଦୀ ଓ ରାତ୍ର 09.10 ମିନିଟରେ ଇଂରାଜୀରେ ମନ୍ତ୍ରୀଙ୍କୁ ଶୁଣିପାରିବେ । କୋଭିଡ ସଂକ୍ରାନ୍ତ ଦେଶବ୍ୟାପୀ ସୂଚନା ପ୍ରଦାନ ପାଇଁ ସରକାର ସବୁ ବର୍ଗର ଜନସାଧାରଣଙ୍କୁ ସାମିଲ କରିବା ପରିପ୍ରେକ୍ଷୀରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଛି । ଦେଶବ୍ୟାପୀ ବର୍ତ୍ତମାନ 290ଟି ଗୋଷ୍ଠୀ ବେତାର କେନ୍ଦ୍ର ରହିଥିବା ବେଳେ ତୃଣମୂଳ ସ୍ତରରେ ଜନସାଧାରଣଙ୍କ ନିକଟରେ ପହଞ୍ଚିବା ପାଇଁ ଏହା ଏକ ବଳିଷ୍ଠ ମାଧ୍ୟମ ବୋଲି ବିବେଚିତ ହୋଇଥାଏ । ଦେଶର ଦୂରଦୂରାନ୍ତର ଜନସାଧାରଣଙ୍କ ନିକଟରେ ପହଞ୍ଚିବା ପାଇଁ ଏହି କାର୍ଯ୍ୟକ୍ରମ କରାଯାଉଛି ।
ଦେଶରେ ପ୍ରଥମଥର ଲାଗି ଗୋଷ୍ଠୀ ବେତାର କେନ୍ଦ୍ର ଜରିଆରେ ଏକାସାଙ୍ଗରେ ମନ୍ତ୍ରୀ ସମ୍ବୋଧନ କରୁଛନ୍ତି । ଏହି କଥାବାର୍ତ୍ତା ବେଳେ ମନ୍ତ୍ରୀ ଗୋଷ୍ଠୀ ବେତାର କେନ୍ଦ୍ରଗୁଡ଼ିକ ପକ୍ଷରୁ ପଚାରାଯାଉଥିବା ପ୍ରଶ୍ନର ଉତ୍ତର ଦେବା କାର୍ଯ୍ୟକ୍ରମ ରହିଛି ।
**********
(Release ID: 1625855)
Visitor Counter : 292
Read this release in:
English
,
Urdu
,
Marathi
,
हिन्दी
,
Assamese
,
Manipuri
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam