ইনফোর্মেসন অমসুং ব্রোদকাস্তিং মন্ত্রালয়
কেন্দ্র মন্ত্রী প্রকাশ জাবেদকরনা লৈবাক অসিগী কম্যুনিতী রেদিওশিংদা হয়েং ৱা ঙাংগদৌরি
Posted On:
21 MAY 2020 4:17PM by PIB Imphal
তোপ-তোপ্পা মওংদা য়ৌহন্নবা পায়খৎপা থৌরাং অমা ওইনা ইনফোর্মেসন অমসুং ব্রোদকাস্তিংগী কেন্দ্র মন্ত্রীনা লৈবাক অসিগী কম্যুনিতী রেদিওদা হয়েং মে ২২, ২০২০গী নুমিদাংগী পুং ৭ তাবা মতমদা ৱা ঙাংগদৌরি। ৱা ঙাংবা অসিদা লৈবাক অসিগী কম্যুনিতী রেদিও খুদিংমক্তা মতম অমত্তদা শন্দোক্কনি।
ৱা ঙাংবা অসি হিন্দী অমসুং ইংলিশতা সেগমেন্ত অনি থোক্কনি। মন্ত্রী তানবগীদমক্তা হিন্দীদা নুমিদাংগী পুং ৭.৩০ অমসুং ইংলিসতা পুং ৯.১০দা তারিবশিংনা এফ.এম.গোল্দ(মেগাহর্জ ১০০.১)দসু ত্যুন তৌবা য়াগনি।
কোবিদকা মরি লৈনবা ই-পাওশিং লৈবাক অসিগী মীওই সেক্সন খুদিংমকপু য়ৌহনবা ঙম্নবা সরকারনা ঙমজবা থাক্তা হোৎনবা ওইনা থৌরাং অসি পায়খৎপনি। লৈবাক অসিদা চাওরাক্না পুন্না কম্যুনিতী রেদিও ২৯০ লৈ অমসুং পুন্না মখোয়শিং অদুনা কাচিন-কোয়া য়ৌনা মীয়ামশিং পুল্লপকী ওইবা প্লেতফোর্ম অমা ফংহল্লি। ৱা ঙাংবা অসি ভারতকী লাপ্লবা মফমশিংদা লৈরিবা মীশিং য়ৌহন্নবা মখোয়গী শক্তি অদু শিজিন্নবদা পান্দম থম্লি।
মন্ত্রীনা কম্যুনিতী রেদিও তারিবশিংদা মতম অমত্তদা ৱাফম থমগদৌরিবা অসি হন্দক্কী অসিনা অহানবনি। ৱা হাংলিঙৈগী মতমদা মন্ত্রীনা কম্যুনিতী রেদিও স্তেসনশিংদগী হংলকপা ৱাহংশিংগী পাউখুমসু পীগনি।
****
(Release ID: 1625844)
Visitor Counter : 164
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam