ସ୍ଵରାଷ୍ଟ୍ର ବ୍ୟାପାର ମନ୍ତ୍ରଣାଳୟ
ଅଟକି ରହିଥିବା ଶ୍ରମିକଙ୍କ ଉଦ୍ଧାର ପାଇଁ ସ୍ୱରାଷ୍ଟ୍ର ମନ୍ତ୍ରଣାଳୟର ଷ୍ଟାଣ୍ଡାର୍ଡ ଅପରେସନ ପ୍ରୋଟୋକଲ
प्रविष्टि तिथि:
19 MAY 2020 1:14PM by PIB Bhubaneshwar
ଚଳିତ ମାସ 17 ତାରିଖରେ ସ୍ୱରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ଜାରି କରାଯାଇଥିବା ସଂଶୋଧିତ ଲକଡାଉନ ନିର୍ଦ୍ଦେଶାବଳୀ ସହିତ ଦେଶର ବିଭିନ୍ନ ସ୍ଥାନରେ ଅଟକି ରହିଥିବା ପ୍ରବାସୀ ଶ୍ରମିକଙ୍କୁ ଟ୍ରେନ ଯୋଗେ ଉଦ୍ଧାର ଓ ଅପସାରଣ ପାଇଁ ନୂଆ ସଂଶୋଧିତ ମାନକ ପରିଚାଳନା ବିଧି ବା ଷ୍ଟାଣ୍ଡାର୍ଡ ଅପରେସନ ପ୍ରୋଟୋକଲ ଲାଗୁ କରାଯାଇଛି । ଏହି ସଂଶୋଧିତ ବ୍ୟବସ୍ଥାରେ ଅଟକି ରହିଥିବା ଶ୍ରମିକମାନଙ୍କୁ ନିମ୍ନରେ ପ୍ରଦତ୍ତ ନୀତି ଅନୁସାରେ ଟ୍ରେନ ଯୋଗେ ସେମାନଙ୍କ ଗନ୍ତବ୍ୟସ୍ଥଳକୁ ପଠାଯିବ ।
- ରେଳବାଇ ମନ୍ତ୍ରଣାଳୟ ସ୍ୱରାଷ୍ଟ୍ର ମନ୍ତ୍ରଣାଳୟ ସହ ପରାମର୍ଶ କରି ଶ୍ରମିକ ଏକ୍ସପ୍ରେସ ଚଳାଚଳ କରିବାକୁ ଅନୁମତି ପ୍ରଦାନ କରିବ
- ଏଥିପାଇଁ ପ୍ରତ୍ୟେକ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ସରକାର ନୋଡାଲ ଅଧିକାରୀ ନିଯୁକ୍ତ କରିବେ । ଏହି ନୋଡାଲ ଅଧିକାରୀ ନିଜ ରାଜ୍ୟରେ ଅଟକି ରହିଥିବା ପ୍ରବାସୀ ଶ୍ରମିକଙ୍କ ପ୍ରେରଣ ବ୍ୟବସ୍ଥା କରିବା ସହ ଅନ୍ୟ ରାଜ୍ୟରେ ଥିବା ନିଜର ଶ୍ରମିକଙ୍କୁ ଗ୍ରହଣ କରିବେ
- ରାଜ୍ୟମାନଙ୍କର ଆବଶ୍ୟକତା ଅନୁସାରେ ରେଳବାଇ ମନ୍ତ୍ରଣାଳୟ ସ୍ୱତନ୍ତ୍ର ଶ୍ରମିକ ଟ୍ରେନର ଚଳାଚଳ ତାରିଖ, ଗନ୍ତବ୍ୟ ଓ ରହଣି ଷ୍ଟେସନଗୁଡିକର ନାମ ଚୂଡାନ୍ତ କରିବ । ଏ ସମ୍ପର୍କରେ ରେଳବାଇ ଆଗୁଆ ରାଜ୍ୟମାନଙ୍କୁ ଅବଗତ କରାଇ ଶ୍ରମିକଙ୍କ ପ୍ରେରଣ ଓ ଗ୍ରହଣ ବ୍ୟବସ୍ଥାର ସୁବନ୍ଦୋବସ୍ତ କରାଇବ
- ଟ୍ରେନ ଚଳାଚଳର ସୂଚନା, ଟ୍ରେନରେ ପ୍ରବେଶ କରିବା ପାଇଁ ଆବଶ୍ୟକ ନୀତିନିୟମ, ଯାତ୍ରୀଙ୍କ ଗନ୍ତବ୍ୟ ସ୍ଥଳ, ଟ୍ରେନ ଭିତରେ ଯାତ୍ରୀସେବା, ଟିକଟ କ୍ରୟ ବିକ୍ରୟ ଆଦି ସମ୍ପର୍କରେ ରେଳମନ୍ତ୍ରଣାଳୟ ରାଜ୍ୟ ସରକାରମାନଙ୍କ ପରାମର୍ଶ କ୍ରମେ କରିବେ
- ସ୍ୱତନ୍ତ୍ର ଟ୍ରେନରେ ଯାତ୍ରା କରିବାକୁ ଥିବା ସବୁ ଶ୍ରମିକଙ୍କ ସ୍ୱାସ୍ଥ୍ୟ ପରୀକ୍ଷା ବାଧ୍ୟତାମୂଳକ ହେବ । ଯେଉଁମାନଙ୍କର କୌଣସି ଅସୁସ୍ଥତାର ଲକ୍ଷଣ ନଥିବ କେବଳ ସେମାନେ ଯାତ୍ରା ପାଇଁ ଅନୁମତି ପାଇବେ । ଶ୍ରମିକଙ୍କୁ ପଠାଉଥିବା ରାଜ୍ୟ ଓ ରେଳବାଇ ମନ୍ତ୍ରଣାଳୟ ଏହି କାର୍ଯ୍ୟ ନିଶ୍ଚିତ କରିବ
- ସବୁ ଟ୍ରେନ ଯାତ୍ରୀଙ୍କୁ ଗାଡି ଚଢ଼ିବା ଓ ଯାତ୍ରା ସମୟରେ ସୂଚିତ ନିର୍ଦ୍ଦେଶାବଳୀକୁ କଡାକଡି ଭାବେ ପାଳନ କରିବାକୁ ହେବ
- ନିଜର ଗନ୍ତବ୍ୟ ସ୍ଥଳରେ ପହଞ୍ଚିବା ପରେ ସଂପୃକ୍ତ ଯାତ୍ରୀ/ଶ୍ରମିକ ସେହି ରାଜ୍ୟ ସରକାରଙ୍କ ଦ୍ୱାରା ନିର୍ଦ୍ଧାରିତ ସ୍ୱାସ୍ଥ୍ୟଗତ ନିୟମ ଓ ବିଧି ପାଳନ କରିବେ ।
****************
(रिलीज़ आईडी: 1625130)
आगंतुक पटल : 305
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam