য়ুমলৈ-কৈরৈ মন্ত্রালয়
পন্দুনা লৈরিবা ৱার্করশিং ত্রেনশিংনা পুথোক-পুশিন তৌবদা স্তেন্দর্দ ওপরেতিং প্রোতোকোল (এস.ও.পি.)
Posted On:
19 MAY 2020 1:14PM by PIB Imphal
২০২০গী মে ১৭তা লোকদাউনগী খোংথাংদা হেন্না চেৎশিলহল্লবা গাইদলাইনগী মখা চত্থরকপদা, পন্দুনা লৈরিবা ৱার্করশিং ত্রেনশিংনা পুথোক-পুশিন তৌবদা গৃহ মন্ত্রালয়না স্তেন্দর্দ ওপরেতিং প্রোতোকোল (এস.ও.পি.) ইসু তৌখ্রে।
এস.ও.পি.শিং অসিনা পন্দুনা লৈরিবা ৱার্করশিংবু মখাগী অসিদা পুথোক-পুশিন তৌবা য়াহল্লি:
- রেলৱে মন্ত্রালয়না গৃহ মন্ত্রালয়গা লোয়ননা খন্ন-নৈনরবা মতুং শ্রমিক স্পিসিয়েল ত্রেনশিং চেনবগী অয়াবা পীরগনি।
- রাজ্য/য়ু.তি. পুম্নমক্না নোদেল ওথোরিতীশিং হাপকদবনি অমদি অসিগুম্লবা পন্দুনা লৈরিবা মীওইশিংবু লৌশিন্নবা অমসুং থাদোক্নবগী মথৌ তাবশিং শিল-লাংগদবনি।
- রাজ্যশিং/য়ু.তি.শিংগী দরকার ওইবশিংদা য়ুমফম ওইরগা, রেলৱে মন্ত্রালয়না খামগদবা মফমশিং অমদি পন্থুংফম য়াওনা ত্রেনগী মতম লেপথোক্কনি। মদুমক পন্দুনা লৈরিবা ৱার্করশিং অসিবু থাদোক্নবা অমসুং লৌশিন্নবগীদমক শিল-লাংবা ঙম্নবা রেলৱে মন্ত্রালয়না রাজ্যশিং/য়ু.তি.শিংদা খঙহনগনি।
- ত্রেন সেদ্যুলগী পব্লিসিতী, পেসেঞ্জরশিংগী এন্ত্রি অমসুং পুথোক-পুশিন তৌবগী প্রোতোকোলশিং, কোচশিংদা পীগদৌরিবা সর্বিসশিং, অমসুং তিকেৎ বুক তৌনবগীদমক রাজ্যশিং/য়ু.তি.শিংগা লোয়ননা শিল-লাংবশিং রেলৱে মন্ত্রালয়না পাংথোক্কনি।
- থাদোক্কদৌরিবা রাজ্যশিং/য়ু.তি.শিং অমসুং রেলৱেনা পেসেঞ্জর খুদিংমকপু শোইদনা স্ক্রীন তৌগদবনি অমদি লাইওং লৈতবা পেসেঞ্জর খক্তমক ত্রেন তোংবগী অয়াবা পীগদবনি।
- ত্রেন তোংবা মতম অমদি খোংচৎ মনুংদা পেসেঞ্জর পুম্নমক্না সোসিয়েল দিস্তেন্সিং ঙাক্না চৎকদবনি।
- মখোয়গী পন্থুংফম য়ৌরবা মতমদা পেসেঞ্জরশিংনা থুংলুরিবা রাজ্য/য়ু.তি. অদুনা প্রেসক্রাইব তৌরিবা হেল্থ প্রোতোকোলশিং ঙাক্না চৎকদবনি।
রাজ্যশিং/য়ু.তি.শিংদা ওফিসিয়েল কম্যুনিকেসন য়েংনবা মফম অসিদা ক্লিক তৌবীয়ু
****
(Release ID: 1625113)
Visitor Counter : 173
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam