কেন্দ্রগী হকশেল অমসুং য়াইফ য়ুম্বাল মন্ত্রলয়গী মন্ত্রী, দা. হর্শ বর্ধন্না ঙসি মফম অসিদা, ভিদিও কনফরেন্সকী খুত্থাংদা ৭৩সুবা ৱার্লদ হেল্থ এসেমব্লী (দবল্যু.ঐচ.এ.)দা শরুক য়াখি। দা. হর্শ বর্ধন্না ৱার্লদ হেল্থ ওর্গনাইজেসন (দবল্যু.ঐচ.ও.)গী দাইরেক্তর্না হায়খিবা ৱাফমশিং অদুগী ওইনা ভারতকী মাইকৈদগী পীখিবা পাউখুম অদুদি:

“হার এক্সলেন্সী সুকুমারি কেভা বৈন, ৱার্লদ হেল্থ এসেমব্লীগী দাইরেক্তর, দা. তেদ্রোস, দবল্যু.ঐচ.ও.গী দাইরেক্তর জেনরেল অমসুং এক্সলেন্সী ময়াম,

ইহৌ হৌবদা, কোবিদ-১৯না মরম ওইরগা মালেম শিনবা থুংনা পুন্সি খায়া মাংখিবদা ঐহাক্না থমোয় শোক্না নুংঙাইতবা ফোংদোক্নীংঙি। ঐনা মসিগী খুদোংচাবা অসি লৌজরগা লান অসিদা মমাং থাদুনা চৎলিবশিং অদুনা হোৎনরিবশিং অদুগীদমক্তা থমোয় শেংনা টৌবিমল খংবা উৎচরি।

ভারত্তা লৈরিবা ঐখোয়না অৱাংবা থাক্কী পোলিতিকেল কমিৎমেন্তকা লোইননা কোবিদ-১৯না শিংনরক্লিবা অসিবু মায়োক্নরি। ঐখোয়গী ইকাইখুম্নরবা প্রধান মন্ত্রী, শ্রী নরেন্দ্র মোদি মশামক্না ফিভম অসিবু য়েংশিল্লি অমসুং কিনীংঙাই ওইরবা ভাইরস অসিনা শন্দোরকপদগী লাকশিন্ননবা তৌবা য়াবা করীমত্তা খাক্তনা অরৈবমখৈ তৌদুনা  থোক্ত্রিঙৈদা, থোক্তনবা অমসুং মচা খায়না থবখ থৌরমশিং পাইখৎলি।

ভারতনা মথৌ তাবা খোংথাংশিং মতম চানা লৌখৎখি, এন্ত্রী পোইন্তশিংদা সর্ভীলেন্স তৌবসু য়াওরগা, মপান লমদা পন্দুনা লৈরিবশিং অদু লৌথোকপা, পাক চাউরবা দিজীজ সর্ভীলেন্স নেৎৱার্ক অসিগী খুথাংদা পাক শন্না কম্যুনিতী সর্ভীলেন্স তৌবা, হেল্থ ইনফ্রাস্ত্রকচর কনখৎহনবা, মাং থাদুনা টবক তৌরিবা হ্যুমেন রিসোর্স মিলিয়ন অনিগী মথক্তা লৈরিবশিং অসিগী কেপাসিতী শেমগৎপা, রিস্ক কম্যুনিকেসন অমসুং কম্যুনিতীসু য়াওহনবা। ঐনা খনবদদি ঐখোয়না অঙম্বা চাংদা তৌখি অমসুং মসিদা ঐখোয়না ফজনা তৌখি।

এক্সলেন্সীশিং, ঙসি নতৈচাদবা ফিভম্না মরম ওইরগা ঐখোয় পুম্নমক ভর্চুৱেল্লি উনবা তাখি। ৭৩সুবা দবল্যু.ঐচ.এ. অসি খবাইদগী অহানবা ভর্চুৱেল হেল্থ এসেমব্লীনি, মসি অহানবা ওইনা থোকপা থৌদোক্নি অদুবু মসি খ্বাইদগী মরু ওইবা থৌদোক অমনি মরমদি অসিদা ঐখোয়না ফমদুনা অমসুং খন্ন-নৈনরিঙৈ মরক অসিদা লাইচৎ অসিনা মীওই লিশিং কয়া হাৎলিবনি অমসুং মসিনা মালেমগী ওইনা চাউরবা রিসেশন অমা থোকহল্লিবনি।

অসিগী মতম অসিদনি মীওইবা কাংলুপ্না পুন্সিনগদবসি। ঙসি ঐনা মীপুম খুদিংমক্তা কান্নবা পুরক্নবা সরকারশিং. ইন্দস্ত্রী অমসুং ফিলান্ত্রোফীদা তুং কোইনগী ওইবদা অমসুং মখোয়গী রিসোর্সশিংবু তুংশিন্দুনা থম্বদা মরু ওইনা লৌনবা হায়জরি।

ঐখোয়গী মাইকৈদগী, ভারতনা বাইলেতরেল অমসুং রিজনেল পার্ৎনরশিপশিং শেমগৎপদা মরু ওইবা থৌদাং লৌরি। ঐখোয়গী প্রধান মন্ত্রীগী মতিক চারবা লুচিং মখাদা, ভারতনা অপুনবগী শক্তম উৎপা ওইনা লৈবাক ১২৩দা তঙাইফদবা হিদাক-লাংথকশিং সপ্লাই তৌখি।

মালেম পুম্বগী ওইনা থেরাপেতিকশিং, দাইগ্নোস্তিকশিং অমসুং ভেক্সিনশিং অসি খক্তনা লাইচৎ অসিদগী লান্থোক্নবগী পাম্বৈনি। মালেম পুম্বা খুৎশম্নদুনা থবক তৌমিন্নবা অসিনা খ্বাইদগী মরু ওই।  সরকারশিং, ইন্দস্ত্রী অমসুং ফিলান্ত্রোফীনা খুদোংথিবা, রিসর্চ, পোৎচৈশিং পুথোকপা অমসুং য়েন্থোকপগীদমক্তা পীনবা মখোয়গী রিসোর্সশিং অদু তুংশিনগদবনি, অদুবু পুথোকখিবা মফম অদুগী খেৎনবা অমত্তা লৈহন্দবা হায়রিবা কন্দিশন অমগা লোইননা মীপুম খুদিংমক্তা অৱামল ফংহনগদবনি।

ঙসি, নুমিৎ নিনিগী পাংথোক্লিবা খন্না-নৈনবগী থৌরম অসিদা, ঐখোয়না জানুৱারীদগী খুদোংথিবা অসিগা খরম্না ঐখোয় খুদিংমক্না মায়োক্নখিবগে হায়বসিদগী ঐখোয়না অখংবা পুম্নমক খঙমিন্নসি, ঐখোয়না ঐখোয়গী মেম্বর স্তেত খরগী ফাইনান্সিয়েল নত্রগা তেক্নিকেলগী ওইবা অহোবা লৈরিবশিং অদুবু খরম্না মতেং পাংগনি অমসুং খোংজেল য়াংনা অমসুং খুশম্নদুনা আর. & দি. মখাতানা চৎথবদা য়ানবা।

মীওইবা খুনাই অসিবু কন্নবা কন্না হোৎনরিবশিংদা নুঙঙাইবা ফোংদোক্তুনা, ঐখোয়না ২১সুবা চহি চা অসিগী তশেংবা শক্তম অসিগী মতাংদা ইন্তর্নেস্নেল ইন্সতিত্যুসনশিংনা খরা হেন্না খন্থমিন্ননবা হোৎরিবশিং অদুবু তরাম্না ওকচরি। ভারতনা অর্থ-লৈবা অমসুং পাকশন্না চাউনা অহোংবা পুরক্নবা হোৎনরিবশিং অসিগা লোইননা মতম চুপ্পদা লৈপকনি।

মালেম শিনবা থুংনা কিনীংঙাই ওইরবা ভাইরস অসিগী মায়োক্তা মমাং থংদুনা লান্থেংনরিবশিংগীদমক্তা মখোল হৌনা থাগৎপগা লোইননা ঐগী ঙসিগী স্পীচ অসি লোইশিঞ্জগে।

ঐনা মসিদা লেপ্তুনা দোক্তরশিং, নর্সশিং, পেরামেদিকশিং, সাইন্তিস্তশিং, জর্নেলিস্তশিং, দিলিভরী বোইশিং, সেক্যুরিতী স্তাফ অমসুং পুলিস পর্সোনেল – মীয়ম্না কাওথোকপীরবা ‘শক্তি লৈরবা মীওিশিং’গী থৌদাং লৌরিবশিংবু ইকাই খুম্নবা উৎলি। মখোয়শিং অসি ঐখোয়গী অসেংবা হিরোশিংনি।

মসিগী ওগস্তকী মীফম অসিদা ৱা ঙাংবগী খুদোংচাবা ফংবা অসিগীদমক্তা য়াম্না থাগৎচরি।”

****