অকনবা লীচিংগী অমগী মখাদা পায়খৎখিবা লানেথেংননবা থবকশিং অমসুং ঙন্না পায়খৎখিবা খোংথাংশিং অসিনা ঐখোয়গী পুক্নীং থৌগৎনীংঙাই ওইবা মহৈশিং ফংহল্লে হায়না হকশেল অমসুং য়াইফ-য়ুম্বালগী কেন্দ্র মন্ত্রী দা.হর্শ বর্ধন্না লৈবাক অসিগী লোকদাউন ৩.০গী অরোইবা নুমিত্তা ফোংদোকখ্রে।  হৌখিবা নুমিৎ ১৪সিদা মতম অনি ওইবগী মওং অসি ১১.৫ ওইখিবা মতমদা হৌখিবা নুমিৎ হুম্নিসিদা ১৩.৬তা হেনগৎখ্রে। শিবগী চাং অদু ৩.১%দা হন্থখ্রে অমসুং ফগৎলকপগী চাংনা ৩৭.৫% দা ফগৎখ্রে হায়না মহাক্না হায়খি। আই.সি.ইয়ু.দা  (ঙরাং ফাওবদা) কোবিদ-১৯ এক্তিব ওইবা অনাবা মী ৩.১%, ০.৪৫%না ভেন্তিলেতরদা অমসুং ২.৭%না ওক্সিজেন্না শৌগত্তুনা থম্লি।

মে ১৭, ২০২০ ফাওবদা, লৈবাক অসিদা পুন্না কেস ৯০,৯২৭ রিপোর্ত তৌরকখিবদা মীওই ৩৪,১০৯ লায়েংদুনা ফগৎহনখ্রে অমদি ২,৮৭২ শিখ্রে। হৌখিবা পুং ২৪সিদা অনৌবা কেস ৪৯৮৭ হাপচিল্লকখ্রে হায়না মহাক্না হায়খি।

সরকারগী লেবোরেতরী ৩৭৩ অমসুং লন্নাইগী লেবোরেতরী ১৫২দা পাংথোকখিবা লৈবাক অসিদা তেস্তিং তৌবগী চাং অসি নোংমদা ১,০০,০০০দা হেনগৎখ্রে হায়না দা.হর্শ বর্ধন্না হায়খ্রে।  পুনশিন্নরবা মওংদা হৌজিক ফাওবদা কোবিদ-১৯গী তেস্ত ২২,৭৯,৩২৪ পাংথোকখিবা মতমদা ঙরাং সেম্পল ৯০,০৯৪ তেস্ত তৌখ্রে। ঙসি পুং ২৪সিদা কোবিদ-১৯গী কেসকী রিপোর্ত তৌরক্ত্রিবা অন্দমান অমসুং নিকোবর ইথৎ, অরুনাচল প্রদেশ, দাদ্রা অমসুং নগর হবেলী, চান্দিগর, লদাখ, মেঘালয়, মিজোরাম অমসুং পুদুচেরী রাজ্য/য়ুনিয়ন তেরিতোরী ৮ লৈ। দমন অমসুং দিয়ু, সিক্কিম, নাগালেন্দ অমসুং লক্ষদ্বীপসু হৌজিকফাওবা রিপোর্ত অমত্তা তৌরক্ত্রি হায়না মহাক্না ফোংদোকখি।

ইন্দিয়াদা কোবিদ-১৯ ঙাকথোক্নবা থৌরাং অমসুং থবক-থৌশীল হেনগৎহন্নবা হকশেলগী ইনফ্রাস্ত্রকচরগী মতাংদা ৱা ঙাংলিঙৈগী মতমদা লৈবাক অসিদা কোবিদ-১৯ লান্থেংননবা হৌজিকফাওবদা ফমুং ১,৮০,৪৭৩ (আইসোলেসনগী ফমুং-১,৬১,১৬৯ অমসুং আই.সি.ইয়ু.গী ফমুং- ১৯,৩০৪) লৈবা কোবিদ-১৯গী কত্থোক্লবা লায়েংশঙ ৯১৬ অমসুং ফমুং ১,২৮,৩০৪ (আইসোলেসনগী ফমুং-১,১৭,৭৭৫ অমসুং আই.সি.ইয়ু.গী ফমুং- ১০,৫২৯) লৈবা কোবিদ-১৯গী কত্থোক্লবা হেল্থ সেন্তরগা কোন্ননা ক্বারেন্তাই সেন্তরগা ৯,৫৩৬ অমসুং ফমুং ৫,৬৪,৬২৩ লৈবা কোবিদ-কেয়র সেন্তর লৈ হায়না দা.হর্শ বর্ধন্না ফোংদোকখ্রে। সেন্তর অসিনা এন.৯৫ মাস্ক লাখ ৯০.২২ অমসুং পর্সোনেল প্রোতেক্তিব ইক্বুইপমেন্ত (পি.পি.ই.) লাখ ৫৩.৯৮ রাজ্যশিং/য়ুনিয়ন তেরিতোরীশিংদা ফংহনখ্রে হায়না মহাক্না মখা তানা হায়খি।

ইন্দিয়ানা হান্নগী অনৌবা ফীভম অমদা হল্লক্নবা হোৎনরিবা মতম অসিদা অলকোহোল য়াওবা সেনিতাইজরশিং শিজিন্নদুনা সাপোন্না তোয়ন-তোয়না য়ামদ্রবদা সেকেন্দ ২০-২০দা খুৎ-শা হামদোকপা; মীয়াম তীনবা মফমদা তিন শিৎতবা; থবক তৌফমশিং, তোয়না শোক্নবা তেবল মথক্নচিংবা মহীক-মতাইশিং লৈহন্দবা; কনাগুম্বনা অতোপ্পশিংদা চপ চাবা মওংদা লু-নান্না শোর হোনবদা অশোই-অঙাম থোকহন্দনবা মতম পুম্নমক্তা মীয়াম তীনবা মফমদা মায় খুমজিনবগা অসি তঙাই ফদনা তৌগদা থবক অমনি। অতোপ্পা মীশিংগা ৱারী শান্নবদা অমসুং মী পুনবা মতমদা অকক্নবা  তশেংনা পুন্দবা য়াদবা মওংদা পুনবদা অমগা-অমগা লাপ্না লৈনবা হায়বসিসু খুন্নাইসিগী লৈজরবা তীকা অমনি হায়রদুনা ‘গজ অনি লাপ্ননা’ হায়বসি শোয়দনা পাউতাক পীনীংঙাই ওইবা ৱাফম্নি হায়না মহাক্না হায়খি। তঙাই ফদনা মরু ওইবা মতমদা খক্তমক চত্থোক্নবা অমসুং  লায়না লৌনরক্তনবা মী তীনবা মফমদা চত্তনবা মহাক্না পাউতাক পীখি।

চেকশিন্না, শোয়রোইদবা মওংদা চাননবা পোৎলমশিং পাইদুনা শেম-শাবনা কোবিদ-১৯ শন্দোরক্তনবা তৌবদা মতেং পাংগনি। ইন্দিয়াগী ফুদ সেপ্তী অমসুং স্তেন্দর্দ ওথোরিতীনা কোবিদ-১৯ থোক্লিঙৈগী মতমদা লু-নাল্লবা কোলশিংদা অতেকপা হৈ-রা অমদি এঞ্জাং-নাপীশিং চামথোকপা; মপুং ফানা শা থোংবা; শা অমসুং অথোংবা অচাপোৎশিং কক্নবা তোঙান-তোঙানবা কক্নবা বোর্দশিং অমসুং হৈজ্রাংশিং শিজিন্নবা; চান্নরিবা কোলশিং, ঈশিংগী বোতল নত্রগা কপশিং অমদা-অমদা পীনদবা; মমায়শিং হায়বদি তেবলনচিংবশিং অদু শেংদোক-তৈতোক্নবা এন্তিবেক্তরিএলশিংনা শেংদোকপগী অচম্বা খোংথাংশিং অসি পাউতাক খরা পীখি।    

কেন্দ্রগী হকশেল মন্ত্রীনা মশাগী খন্দনা নুমিৎ খুদিংগী মমাং থানা কোরোনাবু লান্থেংনরিবা হেল্থ ৱর্করশিং-দোক্তরশিং, নর্সশিং, এ.এন.এম.শিং, আঙ্গনৱাদী ৱর্করশিংগা লোয়ন-লোয়ননা পেথোলোজিস্তশিং, লেব তেক্নিসিয়নশিং, সাইন্তিস্তশিং অমসুং অতৈ স্তাফশিংনা তমথিরবা লায়না অসি হৌরকপদগী  লান্থেংনরিবা অসিগীদমক হকচিন্না তৌবিমল খংবা উৎখি। মখল-মখা কয়াগী অরুবা ফীভমশিংদা লৈবাকসিদা লৈমিন্নরিবা মীশিংগী থৱায় কন্ননবা মখোয়গী দ্যুতী পরেং-পরেংশিং পাংথোক্লিবশিং অসিনা জাতী অসিনা মমাং থানা থবক তৌরিবা হেল্থকেয়রশিং ফংহনবদা থৌদাং লৌরিবা মীওইশিং অসিবু  কি-তুকৎচনা তৌবিরোইদবনি অমসুং নোক্নরিবশিং তৌরোইদবনি হায়না পুথোক্তুনা হায়খি। কোবিদ-১৯গা শম্নদুনা থবক তৌরিবশিং অসিবু কি-তুকৎচনা তৌদনা, কেসশিং ঙন্না খংদোক্নবা অমসুং য়েংশিন্দুনা লৈবাক অসিগী ফগৎপগী চাং হেনগৎহন্ননবা অনাবগী মওং লৈবা থেংনবদা মতম চানা রিপোর্ত তৌদুনা ঐখোয়না মীশিংবু পুক্নীং থৌগৎকদবনি হায়না মহাক্না হায়খি। য়েংশিনবগী থবক তৌরিবা ওফিসরশিং পুম্নমক্না থৱায় চংনা অমদি মথৌ মশক খংনা হোৎনরিবশিং অদুগীদমক থাগৎপসু ফোংদোকখি অমসুং মখোয়গুম্বা নাগরিকশিংগা মখা তানা লান্থেংনবদা পুক্নীং থৌগৎখি।

লৈবাক অসিদা লৈরিবা মীওই খুদিংমক্না মপুং ওইনা তেংবানরবখক্তদা লান্থেং অসি মায় পাকপা ঙমগনি হায়নসু দা.হর্শ বর্ধন্না ফোংদোকখি।

কোবিদ-১৯ পোজিতিব কেসশিং ইশা-ইশানা লৌবদা অমসুং য়েংশিন্নবশিং ফংহনবদা মতেং পাংনবা আরোগ্য সেতু এপ দাউনলোদ তৌনবা কন্না পল্লদুনা হায়খি।

মসিদা নত্তনা, কোবিদ-১৯গা মরি লৈননা অরানবা পাউ, তোকঙাশিং, লাইগী ওইবা ৱাশিং অমদি য়ুম্ফম য়াওদবা ৱাফমশিংগী লাংদা থুরোইদবনি হায়না মহাক্না চেকশিন-ৱাশিং হায়খি। হকশেল অমসুং য়াইফ-য়ুম্বাল মন্ত্রালয়, আই.সি.এম.আর., ইনফোর্মেসন অমসুং ব্রোদকাস্তিং  অমসুং প্রেস ইন্ফোর্মেসন ব্যুরোগী ৱেবসাইতশিং অমসুং ত্বীতর পায়বশিংদগী ফংবা অচুম্বা ই-পাউশিংগী মতুং ইনগদবনি হায়না মহাক্না পাউতাক পীখি।   

কোবিদ-১৯গী মরি লৈনবা তেক্নিকেল ওইনা খুদোংচাদবা থোকপশিং, গাইদলাইনশিং অমসুং পাউতাকশিংগী অচুম্বা অমসুং হৌজিক-হৌজিক্কী ওইবা অপুনবা ই-পাউগীদমক্তা চাং নাইনা visit: https://www.mohfw.gov.in/ অমসুং @MoHFW_INDIA দা য়েংবীয়ু।

কোবিদ-১৯গী মরী লৈনবা তেক্নিকেলগী ওইবা ৱাহেশিং অদু technicalquery.covid19[at]gov[dot]in অমসুং অতোপ্পা ৱাহেশিংগীদমক্তা ncov2019[at]gov[dot]in অমসুং @CovidIndiaSevaদা থাবীরকপা য়াগনি।

কোবিদ-১৯গী মতাংদা হংবীনিংবা লৈবদা হকশেল অমসুং য়াইফ-য়ুম্বালগী হেল্পলাইন নম্বর : +91-11-23978046 নত্ত্রগা 1075  (তোল-ফ্রী)দা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতোরীশিংগী হেল্পলাইনশিংগী লিস্ত অদু https://www.mohfw.gov.in/pdf/coronvavirushelplinenumber.pdfতা ফংবীগনি।

****