PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
16 MAY 2020 7:09PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
হেল্থ সেক্রেতরীনা কোবিদ-১৯গী কেস ৱাংনা লৈবা ম্যুনিসিপালগী মফম ৩০গা ৱারী শানখ্রে, কোবিদ-১৯ লাকশিন্নবা অমদি থৌরাংশিং শিল্লাংনবা পাম্বৈশিং য়েংশিখ্রে অমসুং ফগৎলকপগী চাং ৩৫,০৯% য়ৌরে
হায়রিবা ম্যুনিসিপালগী মফম ৩০ অসি মখাগী রাজ্য/য়ু.তি.শিং অসিদগীনিঃ মহারাস্ত্রা, তমিল নাদু, গুজরাত, দিল্লী, মধ্য প্রদেশ, নোংচুপ বেঙ্গল, রাজস্থান, উত্তর প্রদেশ, তেলঙ্গনা, আন্ধ্র প্রদেশ, পঞ্জাব অমসুং ওরিশা।
কেন্দ্রগী শেল-থুম অমসুং কোর্পোরেৎ এফিয়র্স মন্ত্রী শ্রীমতী নির্মলা সীতারমন্না কোবিদ-১৯গী মায়োক্তা চৎথরিবা লানফমদা ভারতকী শেনমিৎলোন্দা মথৌ তাবা ঙাকলৌ পীনবগীদমক আত্মনির্ভর ভারত অভিয়ানগী মরিশুবা তাঙ্কক্কী মতাংদা অকুপ্পা ৱারোল পুথোকখ্রে
ফাইনান্স মিনিস্তরনা এগ্রিকলচর, ফিসরিজ অমসুং ফুদ প্রোসেসিং সেক্তরশিংগীদমক এগ্রিকলচর ইনফ্রাস্ত্রকচর লোজিস্তিক্স, কেপাসিতী বিলদিং, গবর্নান্স অমসুং এদমিনিস্ত্রেতিব রিফোর্মশিং মপাঙ্গল কনখৎহন্নবা খোঙথাংশিং লাওথোকখ্রে
ফাইনান্স মন্ত্রী শ্রীমতী নির্মলা সিতারমন্না ইরাই নুমিত্তা এগ্রিকলচর, ফিসরিজ অমসুং ফুদ প্রোসেসিং সেক্তরশিংগীদমক এগ্রিকলচর ইনফ্রাস্ত্রকচর লোজিস্তিক্স, কেপাসিতী বিল্দিং, গবর্নান্স অমসুং এদমিনিস্ত্রেতিব রিফোর্মশিং মপাঙ্গল কনখৎহন্নবা খোঙথাংশিংগী ৩সুবা ত্রেন্স লাওথোকখি। মসিদা লৌমীশিংগী ফার্ম-গেৎ ইনফ্রাস্ত্রকচরগীদমক লুপা করোর লাখ ১গী এগ্রি ইনফ্রাস্ত্রকচর ফন্দ, মাইক্রো ফুদ ইন্তর্প্রাইজেস (এম.এফ.ই.)কী ফোর্মেলাইজেসনগীদমক লুপা করোর ১০,০০০গী স্কিম, প্রধান মন্ত্রী মতস্য সম্পাদা য়োজনা (পি.এম.এম.এস.ৱাই.)গী থোংদা ঙামীশিংগীদমক লুপা করোর ২০,০০০, নেস্নেল এনিমেল দিজিজ কন্ত্রোল প্রোগ্রাম, এনিমেল হজবেন্দরী ইনফ্রাস্ত্রকচর দিবেলপমেন্ত ফন্দ, লুপা করোর ৪,০০০গী শেঞ্জংগা লোইননা হর্বল কল্তিবেসনগী প্রমোসন, লুপা করোর ৫০০গী বীকীপিং ইনিসিয়েতিব , এগ্রিকলচর সেক্তরগীদমক গবর্নান্স অমসুং এদমিনিস্ত্রেতিব রিফোর্মসকী পাম্বৈশিং, লৌমীশিংনা হেন্না ফবা মমল ফংবা ঙম্ননবা ইসেন্সিয়েল কমোদিতীজ এক্ত এমেন্দ তৌবা, লৌমীশিংদা মার্কেতিং চোইস ফংহন্নবা এগ্রিকলচর মার্কেতিং রিফোর্মস তৌবা, এগ্রিকলচর প্রোসিজর প্রাইসিং অমসুং ক্বালিতী এসুরেন্স
ভারতকী খ্বাইদগী লাইরব়শিংবু কোবিদ-১৯দগী ঙাকথোক্নবা ৱর্ল্দ বেঙ্কতগী $ বিলিয়ন ১
ভারত সরকার অমসুং ৱর্ল্দ বেঙ্কনা কোবিদ-১৯গী লাইচৎনা শোকহল্লবা লাইরবা অমদি শোত্থহৌরবা ইমুংশিংদা তংবাং পীনবগীদমক্তা কোবিদ-১৯গী সোসিয়েল প্রোতেক্সন রেস্পোন্স প্রোগ্রামদা খোংজেল য়াংশিন্নবগীদমক পুখৎলকপা $ মিলিয়ন ৭৫০গী মনুংদগী $ বিলিয়ন ১দা খুৎয়েক পীনখ্রে। মসি ভারত্তা খুদক্কী ওইবা কোবিদ-১৯গী রেস্পোন্সকীদমক্তা বেঙ্কতগী লৌবা $ বিলিয়ন ২গী অপুনবা কমিৎমেন্তনি। মমাং থাদা ভারতকী হেল্থ সেক্তরদা খুদক্কী ওইবা তেংবাং পীননবা
$ বিলিয়ন ১ অমগী তেংবাং লাওথোকখিবনি।
মোদী সরকারগী থাজবা – লৌমীশিংগী য়াইফ-থৌরাং খক্তনা ভারতকী য়াইফ-থৌরাং পুরকপা ঙমগনি, লৌমীশিং মপাঙ্গল কল্লবদি লৈবাক অসি মরোমদোম লেপচবা ঙমগনি
শ্রী অমিৎ শাহনা হায়, “মোদী সরকারনা থাজৈ মদুদি লৌমীশিংগী য়াইফ-থৌরাংদা ভারতকী য়াইফ-থৌরাং য়াওরবনি। ঙসি লৌমীশিংদা পীখিবা মসিগী অমুক্তা ওইখিদ্রিবা তেংবাং অসি মোদীজীগী লৌমীশিংবু মপাঙ্গল কলহন্দুনা লৈবাক অসিবু মরোমদোম লেপচবা ঙম্ননবগী মিৎয়েং অদু উৎলি।” অমিৎ শাহগী মতুং ইন্না চিরবা তানফম অসিদসু লৌমীশিংগী মফমদা থম্লিবা প্রধান মন্ত্রী মোদীগী অসিগুম্বা মিৎয়েং অসি মালেম অসিনা তমজনীংঙাইনি।
শ্রী মনসুখ মান্দবিয়ানা কোবিদ-১৯গী মায়োক্তা চংশিল্লিবা লানফমদা ভারতকী শেনমিৎলোন্দা তেংবাং পীনবগীদমক আত্মনির্ভর ভারত অভিয়ানগী মখাদা লাওথোকখিবা পাম্বৈ কয়া অদুবু তরাম্না ওখখ্রে
শ্রী মান্দবিয়ানা হায়খি মদুদি শেল-থুম মন্ত্রীনা হৌজিক ফাওবদা তাঙ্কক অহুম থোক্না লাওথোকখিবা ৱোরোলশিং অসিনা, কোবিদ-১৯গী লাইচৎ অসিা তৌনা ফনা মায়োক্নরিবা ভারতকী শেনমিৎলোন্দা অমসুং মীয়ামগী অৱাবা কোকহনবদা য়াম্না শাংনা থবক তৌরগনি
এম.ঐচ.এ.না স্তেৎ/য়ু.তি.শিংদা – হায়খ্রেঃ মাইগ্রেন্ত শিন্মীশিং ময়ুমদা হনবদা খোঙনা চত্তনবা থবক লৌখৎলু, অমদি মখোয়গীদমক্তা অখন্ননা লৈঙাক্না শিল্লিবা ‘শ্রমিক’ স্পিসিএল ত্রেনশিং অমসুং বসশিংদা চৎহল্লু এম.ঐচ.এ.না রাজ্য/য়ু.তি.শিংদা অমুক হন্না ইখ্রে মদুদি ৱকরশিং ময়ুমদা হনবদা খোংনা চৎহল্লোইদবনি। রেলৱেজ মন্ত্রালয়না নোংমদা ‘শ্রমিক’ স্পিসিএল ত্রেন ১০০গী মথক্তা থারি অমদি মথৌ তাবগী মতুং ইন্না অহেনবা ত্রেনশিং শিন্ননবা থৌরাং তৌরগা লৈরি হায়না কম্ম্যুনিকেসন অদুদা ফোংদোকখি। মীয়ামদা থৌরাং অসিগী মতাংদা নীংথিনা খঙহনবা মথৌ তাই অমদি স্তেৎ/য়ু.তি. লৈঙাকশিংনা মখোয়বু ৱাখল তাহন্দুনা করম্বা মতমদা লৈঙাক্না অখন্ননা মখোয়না চৎনবগীদমক শিল্লিবা বস/ত্রেনশিং দা চৎপা য়াগদগে হায়বদু খঙহনবা মথৌ তাই।
হৌজিক ফাওবদা PMGKYগী মখাদা PMUYগী বেনিফিসরীশিংনা লেম্না সিলিন্দর করোর ৬.২৮ হেন্না ফংখ্রে, PMUY বেনিফিসরীশিংগী বেঙ্ক একাউন্তা লুপা করোর ৮৪৩২ ত্রান্সফর তৌখ্রে
পেত্রেলিয়ম অমসুং নেচরেল গ্যাসকী মন্ত্রী শ্রী ধর্মেন্দ্র প্রধান্না ঙসি PMUYগী বেনিফিসরীশিং, গ্যাস দিস্ত্রিব্যুতরশিং অমসুং OMCগী ওফিসরশিংগা লোইননা ৱেবিনারগী থোংদা ৱারী শানখ্রে। মহাক্না হায়খি মদুদি PMUYনা মসিগী খোংচৎ চহি মরী মাই পাক্না মপুং ফাখিবতা ঙাইরে। মন্ত্রীনা হায়খি মদুদি থৌদোক অসি হৌরকপগী মতমদা, মোদী সরকারনা প্রধান মন্ত্রী গরীব কল্যান য়োজনা লাওথোকখি, মসিদা PMUY বেনিফিসরীশিংদা থা ৩ লেম্না গ্যাস সিলিন্দর পীবা য়াওখি। মাংজৌননা লুপা করোর ৮৪৩২ হেন্না মখোয়গী একাউন্তশিংদা ত্রান্সফর তৌখ্রে। হৌজিক ফাওবদা, PMUYগী বেনিফিসরী করোর ৬.২৮ হেনবনা সিলিন্দর লেম্না ফংখ্রে। মসিগী চিরবা তাঞ্জা অসিদা মখোয়গীদমক চেকশিন থৌরাং লৌখৎপীবগীদমক PMUYগী বেনিফিসরীশিংনা সরকারদা তৌবীমল খঙবা উৎলকখি।
পন্দুনা লৈরম্বা মীওই লাখ ১৪দগী হেন্না মে ১৫গী অহিং নোংয়াই ফাওবদা, হায়বদি নুমিৎ ১৫নিদা মখোয়গী ময়ুম রাজ্য য়ৌখ্রে
মে ১৫, ২০২০ ফাওবদা, লৈবাক অুনবগী তোঙান তোঙানবা রাজ্যশিংদগী পুন্না ‘শ্রমিক স্পিসিয়েল’ ত্রেল ১০৭৪ চেনহনখ্রে। হৌখিবা নুমিৎ ১৫নিদা পন্দুনা লৈরম্বা মীওই লাখ ১৪দগী হেন্না মখোয়গী ময়ুম রাজ্যদা থিনখ্রে। ৱাফম অসি খঙজিনবা য়াই মদুদি হৌখিবা নুমিৎ ৩নিদা নোংমদা লাখ ২দগী হেনবা মীয়াম পুখি। লাক্কদৌরিবা নুমিৎশিংদা মসি নোংমদা লাখ ৩ ফাওবা পুবগী থাজবা লৈ। শ্রমিক স্পিসিয়েল ত্রেন ১০৭৪ অসি তোঙান তোঙানবা রাজ্যশিংদগী চেনখিবনি
হেন্না কুপ্পা ৱারোলগীদমকঃ https://pib.gov.in/PressReleseDetail.aspx?PRID=1624361
ওপরেসন সমুদ্র সেতু ফেজ ২ - ভারতমচাশিং তোংবগা লোয়ননা আই.এন.এস. জলাশ্ব মালে থাদোকখ্রে ইন্দিয়ন নেভেল জহাজ জলাশ্বনা ওপরেসন সমুদ্র সেতুগী শরুক ওইনা মাদিবকী হিথাংফম মালেদা ২০২০গী মে ১৫দা ভারতমচা ৫৮৮ হাপকৎপা লোয়রে - সমুদ্রগী লম্বীদা মীরৈবাক্তগী ঐখোয়গী মীয়াম্বু য়ুমদা পুরক্নবা ভারতনা হোৎনরিবশিংদা ইন্দিয়ন নেভীনা থৌদাং য়ারি। তোংলিবশিংগী মনুংদা মীরোনবী তরুক অমসুং অঙাং ২১ য়াওরি। জহাজ অসি কোচীগীদমক মারেদগী ঙসি অয়ুক খোংশানখ্রে।
মন্ত্রীনা “সাইকো-সোসিয়েল ইম্পেক্ত ওফ পেন্দেমিক & লোকদাউন এন্দ হাউ তু কোপ ৱিদ”তা তাইতল তরেৎ ই-লোঞ্চ তৌখ্রে
HRD মন্ত্রী শ্রী রমেশ প্রোখ্রিয়াল ‘নিশঙ্ক’না NBT ইন্দিয়ানা পব্লিস তৌবা কোরোনা স্তদীজ সেরিজগী মখাদা প্রিন্তকা লোইননা “সাইকো-সোসিয়েল ইম্পেক্ত ওফ পেন্দেমিক & লোকদাউন এন্দ হাউ তু কোপ ৱিদ”তা তাইতল তরেৎকী সেৎ অমা ই-লোঞ্চ তৌখ্রে। থৌরম অদুদা ৱা হাংলদুনা কেন্দ্র মন্ত্রীনা হায়খি মদুদি “মালেম্না মতম অসিদা মায়োক্নরিবা চিরবা তাঞ্জা অসিগা মায়োক্ননবা, NBTনা লাইরিকশিংগী অসিগুম্বা শিংথানীংঙাই ওইবা অমদি তোপ-তোপ্পা সেৎশিং পুথোরক্লি অমসুং মীয়াম্না নুংঙাইনা লৈবদা লাইরিকশিং অসিনা শোইদনা লমজিংগনি হায়না আশা তৌই।”।
কোবিদ-১৯গা লান্থেংননবা সাইন্তিস্তশিংনা মোবাইল ইন্দোর দিসইনফেক্সন স্প্রেয়র পুথোকখ্রে
হায়রিবা মসিগী স্প্রেয়রশিং অসিদা তকথোক্নবগী ফীচরশিংগা লোইননা কাচিন-কোয়া, মিৎনা ঊবা ফংদবা মফমশিং য়ৌবা য়াবা অমসুং নীংথিনা শেংদোক্নবা তিংথোকপা য়াবা মখুৎশিং য়াওরি।ভাইরসশিং অসিনা মতমপুম্বদা লৈবা ওইবনা অমসুং চহি খুদিংগী মালেম শিনবথুংনা অসিগুম্বা থৌদোকশিং অসি থোক্তুনা লৈবনা মরম ওইরগা কোবিদ-১৯ লোইখ্রবা মতুংদসু তেক্নোলোজী অসিগী কানবা লৈখিগনি।
CSIRনা কোবিদ-১৯গা মায়োক্ননবগীদমকদাইগ্নোস্তিক সোলুসনশিং অমসুং রিস্ক স্ত্রাতিফিকেসন ত্রেতেজীশিং শেম্নবগী পান্দমদা ইন্তেল ইন্দিয়া অমসুং IIIT-হাইদরাবাদকা লোইননা তেংবাং পীনখ্রে
পি.আই.বি. ফিল্দ ওফিসশিংদগী ফংবা পাউ
- অসম: গুৱাহাতীগী আলুগোদাম কেস্কা মরী লৈনবা মীওই অনি অমসু কোবিদ-১৯ পোজিতিব ওইরে। অসমগী হেল্থ মিনিস্তরনা ত্বীৎ তৌখ্রে, পুন্না কেস ৯১ শুরে।
- মনিপুরঃ মনিপুরগী RIMS অমসুং JNIMS হোস্পিতালশিংদা কোবিদ তেস্তিংগী কেপাসিতী হেনগৎহন্নবা TRUENAT মেচিন খিনখ্রে, এক্তিব কেস অনিগী ফিভম লেংদনা লৈরি, অনি অসিগা নক্নরুবশিং কুপ্না য়েংশিল্লি।
- মিজোরমঃ রাজ্য সরকারনা হায়জবদগী মিজোরমদা লৈবা চর্চশিংনা মখোয়গী চর্চকী হোলশিংবু ক্বরেন্তাইন সেন্তর ওইনা শিজিন্নবদা য়াখ্রে।
- নাগালেন্দঃ হোস্পিতালদা এদমিৎ তৌরবা মতুংদা বেঙ্গলুরুদা নাগা নুপী মচা অমা লৈখিদ্রে। তেস্ত তৌনবগীদমক সেম্পল থাখ্রে, রিজল্ত ঙাইরি। দিমাপুরগী DCনি গুৎখা অমসুং হিদাকমনাগী পোৎথোকশিং য়োনবা, কোরোনাভাইরসকী লাইচৎ মনুং অসিদা মীয়াম তিনবা মফমদা তিন শিৎপা থিংখ্রে।
- সিক্কিমঃ মীয়াম্না ৱাকৎলকপদগী দুকানশিংদা চাননবা পোৎলমশিং মমল হেন্না য়োনবা ফুদ & সিবিল সপ্লাই অমসুং কঞ্জ্যুমর এফিয়র্স দিপার্তমেন্তনা য়েংশিনখ্রে।
- কেরলাঃ হকশেল মন্ত্রীনা হায়খ্রে কোবিদ শন্দোকপগী অহুমশুবা থাক অসি হেন্না তমথিনীংঙাইনি অমসুং অশোইবা মচা অমনা কোবিদ-১৯গী কেস হেনগৎলকপা য়াই।
- তমিল নাদুঃ রাজ্যগী এজুকেসন মন্ত্রীনা হায়খ্রে, ক্লাস X এগজামগীদমক সেন্তর ১২,০০০ হেন্না শেমখ্রে, এগজাম হোল্দা পর্সোনেল দিস্তেন্সিং ঙাকহনগদবনি, হোল অমমমদা মহৈরোই ১০ খক্তমক ফম্বা য়াগনি।
- কর্নাতকঃ CMনা ঙসি অনএদেদ এজুকেসন ইন্সতিত্যুসনশিংগা মীফম পাংথোকখ্রে অমসুং তীচিং স্তাফশিংদা লোকদাউন মনুংগী তলব মপুং ফানা পীনবা খঙহনখ্রে।
- আনধ্র প্রদেশঃ রাজ্যনা য়ুগী ইলিগেল ত্রান্সপোর্ত অমসুং মেন্যুফেকচরিং লোইননা লৈঙোইগী ইলিগেল ত্রান্সপোর্ত লাকশিন্নবা স্পিসিয়েল তাস্ক ফোর্স ব্যুরো (য়ু অমসুং লৈঙোই) শেমখ্রে।
- তেলঙ্গনাঃ বন্দে ভারত মিশনগী মখাদা মীরমদা পন্দুনা লৈরিবা ভারত মচাশিং নোংথক্তা পুরক্নবা হোৎনবগী শরুক অমা ওইনা, এয়র ইন্দিয়াগী ফ্লাইৎ অমা ন্যুৱার্ক (USA)দগী দিল্লী ফাওদুনা থাংজা নুমিত্তা হাইদরাবাদ ইন্তর্নেস্নেল এয়রপোর্ত্তা থুংখ্রে।
- মহারাস্ত্রাঃ রাজ্য অসিদা কোবিদ-১৯গী অনৌবা কেস ১৫৭৬ রিপোর্ত তৌখ্রে, ইনফেক্সন তৌরবা মীওই ২৯,১০০গী ময়াদা য়ৌরে। ইকোন কোনবগী পাউদা হৌজিক্কী ওইনা রাজ্যদা এক্তিব কেস ২১,৪৬৭ লৈখি।
- গুজরাতঃ কোবিদ-১৯গী কেস ৩৪০ রিপোর্ত তৌদুনা রাজ্যদা পোজিতিব কেসকী মশিং ৯৯৩১ য়ৌরে। অহেমদাবাদতা কনফার্ম তৌরবা কেস ২৬১ রিপোর্ত তৌখ্রে।
- রাজস্থানঃ ঙসি নুংথিল পুং ২ তাবা ফাওবদা কোবিদ-১৯গী অনৌবা কেস ১৭৭ রিপোর্ত তৌখ্রে। পোজিতিব ওইরবা কেসশিং অসিদগী ১২২ জয়পুরদনি, ২১না দুঙ্গারপুরদনি।
- মধ্য প্রদেশঃ খ্বাইদগী নৌবা রিপোর্তকী মতুং ইন্না কোবিদ-১৯গী অনৌবা কেস ১৬৯ রিপোর্ত তৌদুনা মধ্য প্রদেশতা পোজিতিব ওইরবা অনাবা মশিং ৪,৫৯৫ য়ৌখ্রে।
- গোৱাঃ রাজ্য অসিদা সমুদ্রগী লম্বীদা হল্লকপা গোৱা মচা ১৫৪ ভাস্কো-দে-গমাগা হোতেল ৪দা ক্বরেন্তাইন তৌখ্রে। চৈরক অসিদা, মার্গাওদা লৈবা ESI হোস্পিতালদা এদমিৎ তৌখিবা কোবিদ-১৯গী অনাবা নিপাল নীংথিজনা লায়োং চৎথরি হানা হেল্থ ওপিসিয়েল অমনা ফোংদোকখ্রে।
পি.আই.বি. ফেক্ত চেক
****
(Release ID: 1624533)
Visitor Counter : 161
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam