লোকদাউন্না মরম ওইদুনা তোঙান-তোঙানবা মফমশিংদা পন্দুনা লৈরিবা মাইগ্রেন্ত ৱার্করশিং, পিলগ্রিমশিং, তুরিস্তশিং, মহৈরোইশিং অমসুং অতোপ্পা মীওইশিংবু পুথোক-পুশিন তৌবনবা লেবর দেগী তাঞ্জা ২০২০গী মে ১দগী গৃহ মন্ত্রালয়গী পাউতাক মতুং ইন্না ইন্দিয়ন রেলৱেনা “শ্রমিক স্পিসিয়েল” ত্রেনশিং চেনবা হৌখি।

২০২০গী মে ১দা ত্রেন ৪ খক্তদগী হৌখিবগা লোয়ননা ইন্দিয়ন রেলৱেনা নুমিৎ ১৫নি য়ৌদবা মতমগী মনুংদা অসিগুম্লবা শ্রম শক্তি ত্রেন ১০০০ হেন্না মথৌ তৌহনবা ঙম্লি। শিংথানিঙায় ওইরবা এচিবমেন্ত অমদা ২০২০গী মে ১৪দা তোঙান-তোঙানবা রাজ্যশিংদগী শ্রমিক স্পিসিয়েল ত্রেন ১৪৫ চেলহন্দুনা পেসেঞ্জর লাখ ২.১০ হেন্না মখোয়গী হোম স্তেতশিংদা য়ৌহনখি।

অহানবা ওইনা নোংমা খক্তদা শ্রমিক ত্রেনশিংদা তোংখিবা পেসেঞ্জরগী মশিং লাখ ২ হেনখি।

মসি নিংশিংবা য়াই মদুদি শ্রমিক ত্রেনশিংনা ২০২০গী মে ১দা পেসেঞ্জর ৫০০০ খক্কা লোয়ননা ওপরেসন হৌখি।

হৌজিক ফাওবদা মসিগী শ্রমিক স্পিসিয়েল ত্রেনিশিং অসিনা পেসেঞ্জর লাখ ১২ হেন্না মখোয়গী হোম স্তেতশিংদা য়ৌখ্রে।

মসিগী ত্রেনশিং অসি আন্ধ্র প্রদেশ, অসম, বিহার, ছতিসগর, হিমাচল প্রদেশ, জম্মু অমসুং কাশ্মীর, ঝার্খন্দ, কর্নাতকা, কেরলা, মধ্য প্রদেশ, মহারাস্ত্র, মনিপুর, ওরিশা, রাজস্থান, তমিল নাদু, তেলঙ্গনা, ত্রিপুরা, উত্তর প্রদেশ, উত্তরাখন্দ, ৱেস্ত বেঙ্গোলগুম্বা তোঙান-তোঙানবা রাজ্যশিংদা তর্মিনেৎ তৌরি।

পন্দুনা লৈরিবা মাইগ্রেন্ত পুম্নমকপু মখোয়গী ময়ুমদা পুরক্নবা মিসন অসিগী মখাদা রেলৱেনা রাজ্য সরকারশিংগা লোয়ননা খুৎশম্নদুনা নুমিৎ খুদিংগী পন্দুনা লৈরিবা মীওই লাখ ৪ হেন্না ত্রান্সপোর্ত তৌনবগীদমক নুমিৎ খুদিংগী শ্রমিক স্পিসিয়েল ত্রেন ৩০০ চেন্নবা থৌরাং তৌরি।  

মসিগী শ্রমিক স্পিসিয়েল ত্রেনশিং অসি রেলৱেনা পেসেঞ্জরশিংবু থাদোক্কদৌরিবা রাজ্য অমসুং মখোয়বু লৌশিনগদৌরিবা রাজ্য অনিমক্না অয়াবা পীরবা মতুং খক্তদা চেল্লি। ত্রেন তোংদ্রিঙৈ মাংওইননা পেসেঞ্জরশিংবু মতিক চানা স্ক্রীনিং তৌরি। খোংচৎ মনুংদা পেসেঞ্জরশিংবু চাকলেন অমসুং ঈশিং লেম্না পীরি।     

****