ଗୃହ ମନ୍ତ୍ରଣାଳୟର ଆଦେଶ ପରେ ରେଳବାଇ ମେ’ 01, 2020 “ଶ୍ରମ ଦିବସ” ଅବସରରେ “ଶ୍ରମିକ ସ୍ପେଶାଲ” ଟ୍ରେନ ଚଳାଇବା ଆରମ୍ଭ କରିଛି । ଲକଡାଉନ ଯୋଗୁଁ ବିଭିନ୍ନ ସ୍ଥାନରେ ଫସି ରହିଥିବା ପ୍ରବାସୀ ଶ୍ରମିକ, ତୀର୍ଥଯାତ୍ରୀ, ପର୍ଯ୍ୟଟକ, ଛାତ୍ରଛାତ୍ରୀ ଏବଂ ଅନ୍ୟାନ୍ୟ ବ୍ୟକ୍ତିମାନଙ୍କୁ  ନିଜ ରାଜ୍ୟରେ ପହଞ୍ଚାଇବା ଲାଗି ଏହା କାର୍ଯ୍ୟକାରୀ କରାଯାଇଛି ।

ଭାରତୀୟ ରେଳ ମେ’ 01, 2020ରେ 4ଟି ଟ୍ରେନରୁ ଆରମ୍ଭ କରି କେବଳ 15 ଦିନ ମଧ୍ୟରେ 1000ରୁ ଅଧିକ ଶ୍ରମିକ ସ୍ପେଶାଲ ଟ୍ରେନ ଚଳାଚଳ କରିବାରେ ସଫଳ ହୋଇଛି । ମେ’ 14, 2020ରେ ଏକ ଉଲ୍ଲେଖନୀୟ ସଫଳତା ସହ ଭାରତୀୟ ରେଳ ବିଭିନ୍ନ ରାଜ୍ୟରୁ ମୋଟ 145ଟି ଶ୍ରମିକ ସ୍ପେଶାଲ ଟ୍ରେନ ମାଧ୍ୟମରେ 2.10 ଲକ୍ଷରୁ ଅଧିକ ଯାତ୍ରୀଙ୍କୁ ସେମାନଙ୍କ ନିଜ ରାଜ୍ୟକୁ ପ୍ରତ୍ୟାବର୍ତ୍ତନ କରିପାରିଛି ।

ପ୍ରଥମ ଥର ପାଇଁ ଗୋଟିଏ ଦିନରେ ଶ୍ରମିକ ସ୍ପେଶାଲ ଟ୍ରେନରେ ଯାତ୍ରୀ ଗଣନା 2 ଲକ୍ଷ ଅତିକ୍ରମ କରିଥିଲା ।

ପ୍ରାୟ 5000 ଯାତ୍ରୀଙ୍କୁ ନେଇ ମେ’ 01, 2020ରେ ଶ୍ରମିକ ସ୍ପେଶାଲ ଟ୍ରେନ ତା’ର ଚଳାଚଳ ଆରମ୍ଭ କରିଥିଲା ।

ଏହି “ଶ୍ରମିକ ସ୍ପେଶାଲ” ଟ୍ରେନ ଦ୍ୱାରା ବର୍ତ୍ତମାନ ପର୍ଯ୍ୟନ୍ତ 12 ଲକ୍ଷରୁ ଅଧିକ ଯାତ୍ରୀ ନିଜ ରାଜ୍ୟରେ ପହଞ୍ଚିଛନ୍ତି ।

ଟ୍ରେନଗୁଡିକ ଆନ୍ଧ୍ରପ୍ରଦେଶ, ଆସାମ, ବିହାର, ଛତିଶଗଡ, ହିମାଚଳ ପ୍ରଦେଶ, ଜମ୍ମୁ କଶ୍ମୀର, ଝାଡଖଣ୍ଡ, କର୍ଣ୍ଣାଟକ, କେରଳ, ମଧ୍ୟପ୍ରଦେଶ, ମହାରାଷ୍ଟ୍ର, ମଣିପୁର, ଓଡିଶା, ରାଜସ୍ଥାନ, ତାମିଲନାଡୁ, ତେଲଙ୍ଗାନା, ତ୍ରିପୁରା, ଉତ୍ତରପ୍ରଦେଶ, ଉତ୍ତରାଖଣ୍ଡ ଏବଂ ପଶ୍ଚିମବଙ୍ଗରେ ପହଞ୍ଚିଥିଲା ।   

ଏଠାରେ ଉଲ୍ଲେଖଯୋଗ୍ୟ ଯେ, ରାଜ୍ୟ ସରକାରଙ୍କ ସହ ରେଳବାଇର ସମନ୍ୱୟରେ ଦିନକୁ 300ରୁ ଅଧିକ “ଶ୍ରମିକ ସ୍ପେଶାଲ” ଟ୍ରେନ୍ ଚଳାଇବା ପାଇଁ ପ୍ରସ୍ତୁତ କରାଯାଇଛି, ଯେଉଁଥିରେ ସମସ୍ତ ପ୍ରବାସୀମାନଙ୍କୁ ଘରକୁ ଫେରାଇ ଆଣିବା ପାଇଁ ପ୍ରୟାସ କରାଯାଉଛି ।

ଉଭୟ ଯାତ୍ରୀ ପଠାଉଥିବା ଏବଂ ସେମାନଙ୍କୁ ଗ୍ରହଣ କରୁଥିବା ରାଜ୍ୟମାନଙ୍କ ସମ୍ମତି କ୍ରମେ ରେଳବାଇ ଏହି “ଶ୍ରମିକ ସ୍ପେଶାଲ” ଟ୍ରେନଗୁଡିକ ଚଳାଚଳ କରୁଛି । ଟ୍ରେନରେ ଯାତ୍ରା କରିବା ପୂର୍ବରୁ ଯାତ୍ରୀମାନଙ୍କର ସଠିକ ସ୍କ୍ରିନିଂ ସୁନିଶ୍ଚିତ କରାଯାଉଛି । ଯାତ୍ରା ସମୟରେ ଯାତ୍ରୀମାନଙ୍କୁ ମାଗଣା ଭୋଜନ ଏବଂ ପାଣି ଦିଆଯାଉଛି ।

**********