হকশেল অমসুং য়াইফ-য়ুম্বালগী কেন্দ্র মন্ত্রী দা.হর্শ বর্ধন্না ঙসি নেস্নেল সেন্তর ফোর দিজিজ কন্ত্রোল (এন.সি.দি.সি.) য়েংশিন্দুনা দা .হর্শ বর্ধন্না জাতি অসিদা সি.ও.বি.এ.এস. ৬৮০০ কত্থোকখ্রে। কোবিদ-১৯গী মতাংদা তেস্ত তৌনবগীদমক্তা সরকারনা লৈবা অহানবা তেস্ত তৌনবা মেছিন্নি অমসুং মসি নেস্নেল সাইন্স সেন্তর ফোর দিজিজ কন্ত্রোলদা লেংদবা মওংদা পানশিন্দুনা থমখ্রে।

কেন্দ্রগী হকশেল মন্ত্রীনা কন্ত্রোল রুম অমসুং তেস্তিং লেবোরেতরীশিং য়েংশিনখি অমসুং দাইরেক্তর (এন.সি.দি.সি.) দা.এস.কে. সিংহ অমসুং মকোকথোংবা ওফিসিএলশিংগা কোবিদ-১৯গী হৌজিক্কী ওইবা ফীভমগী মতাংদা য়েংশিনখি।

তেস্ত তৌবগী চাংদা খোংজেল য়াংবগী মতাংদা পল্লদুনা দা.হর্শ বর্ধন্না হায়খি, “হৌজিক ঐখোয়না নোংমদা ১,০০,০০০গী তেস্ত তৌবা ঙম্লে। লৈবাক অসিদা সরকারগী লেবোরেতরী ৩৫৯ অমসুং লন্নাইগী লেবোরেতরী ১৪৫ য়াওনা লেবোরেতরী ৫০০ হেনবদা চাউরাক্না কোবিদ-১৯গী তেস্ত লাখ ২০মুক তৌদুনা ঙসি অসি মরুওইবা মায় পাকপগী নুং খিনবা ঙম্লে।” “জাতি অসিগীদমক্তা থবক পাংথোক্ননবা এন.সি.দি.সি.দা হৌজিক কোবিদ-১৯ তেস্ত তৌবগী রিএল তাইম পি.সি.আর. পাংথোক্নবগীদমক্তা হাই ইন্দ ওইবা মপুং ওইবা মওংদা মশানা তৌজবা মেছিন সি.ও.বি.এ.এস. ৬৮০০ নিংথিনা পানখ্রে” হায়না মহাক্না মখা তানা হায়খি। সি.ও.বি.এ.এস. ৬৮০০ অসি পুং ২৪দা সেম্পল ১২০০ তেস্ত হাই থ্রুপুত অমগা কোন্নবা অফবা, হাই ভোল্যুমগী তেস্ত তৌবা ঙমহল্লগনি। মসিনা পন্থবা মশিং হন্থহন্দুনা তেস্ত তৌবগী চাং য়াম্না হেনগৎহল্লগনি।”

অতোপ্পা মগুনশিং পুথোক্লদুনা দা.হর্শ বর্ধন্না সি.ও.বি.এ.এস. ৬৮০০ অসি অকক্নবা মী মশিংনা মরক্তা খুৎ চংদুনা অরাপ্পদগী তৌদুনা হকশেলগী য়েংশিনবগী থবক তৌরিবশিংদা অনা লৌনরকপগী খুদোংথীবা অদু হন্থহন্দুনা রোবোতিস্কনা থবক তৌবা মতম অসিগী ওইবা অনৌবা শেমগৎপা মেছিন্নি। মেছিন অসিদা তেস্ত তৌনবগীদমক খ্বাইদগী হন্থবা বি.এস.এল.২+গী কন্তেন্মেন্তকী থাক চংবনা ফেসিতী অমদা হেক্তা থমজিনবা য়াদে। সি.ও.বি.এ.এস. ৬৮০০ অসিনা ভাইরেল হেপাতাইসিস বি অমসুং সি, এম.তি.বি (রিফেম্পিসিন অমসুং আইসোনিয়াজাইদ অনিমক), পেম্পিললোমা, সি.এম.ভি., ক্লেমাইদিয়া, নৈসেরিয়ানচিংবা অতৈ পেতোজেনশিং পুথোক্তুনা মফম খঙদোকপা য়াই।

তমথিরবা লায়না অসিনা হেক হৌরকখিবদগী নুমিৎ খুদিংগী হন্না-হন্না মশাগী খন্দনা থবক তৌবগীদমক মহাক্কী হকচিনবা তৌবিমল খঙবা অদু ফোংদোক্লদুনা দা. হর্শ বর্ধন্না হায়খি, “ঐখোয়গী ‘কোরোনাগী লান্থেংনরিবশিং’ অমসুং অকিবগী মশক ওইরবা অরুবশিংদা লম অসিদা লৈরিবা মরুপ-মপাংশিংবু পরিং নাইনা অহিং-নুংথীল দ্যুতী তৌরিবা পেথোলোজিস্তশিং, লেব তেক্নিসিয়নশিং, সাইন্তিস্তশিং অমসুং অতৈ স্তাফশিংবু শলাম তৌজরি।” জাতি অসিনা অসিগুম্বা অমকপা অসি মাংহন্দুনা মমাং থানা হকশেলগী তেংবাং ফংহল্লিবা অসিগী থৌদাংশিং অসিবু শিংথাদুনা মখা তাখি।

দা.হর্শ বর্ধন্না সর্ভিল্লেন্সকী ওফিসরশিং পুম্নমক্কী কত্থোকপা, হোৎনবা কনবা অমসুং নৌনা শেমগৎলবা লিংজেলগা লোয়ননা মখা তানা লান্থেংননবা মখোয়বু পুক্নিং থৌগৎখি। কেন্দ্রগী হকশেল মন্ত্রীনা কম্ম্যুনিতী সর্ভিলেন্স অমসুং কন্তেক্ত ত্রেসিংগী মগুন অমসুং মপাঙ্গললোমদা পুক্নিং চিংশিনখি। “পুংফম অসি য়ুমদা নত্রগা ক্বারেন্তাইন তৌফমদা লৈরিবা মীওই পুম্নমক্না হকচিন্না শেম-শাদুনা, সোসিএল দিস্তেন্সিংগী প্রোতোকোলশিং ঙাক্না চত্তুনা অমসুং ইশাগী লু-নান্নবা তৌদুনা লৈবগী মথৌ তাই” হায়না মহাক্না পোংদোকখি।

দা. হর্শ বর্ধন্না মখা শমথদুনা ঙসি অসি য়াম্না হরাওবা নুমিৎনি, হৌখিবা নুমিৎ ১৪ নিসিদা মতম অনি ওইবা অসি নুমিৎ ১৪ ওইরম্বা অদু মমাংগী নুমিৎ হুম্নিসিদা মতম অনি ওইবগী মওং অসি নুমিৎ ১৩.৯দা তাথরক্ল। শিবগী চাং অসি ৩.২% অমসুং রিকোভরিগী চাং অসি হেন্না হেনগৎলদুনা ঙসি ৩৩.৬% (ঙরাং ৩২.৮৩ % ওইখিবা)হায়না মহাক্না মখা তাখি। মহাক্না মখা তানা  (ঙরাং ফাওবদা) আই.সি.ইয়ু.দা কোবিদ-১৯না নাবা মী ৩.০%, ভেন্তিলেতরদা ০.৩৯% অমসুং ওক্সিজেন হাপ্পগা লৈবা ২.৭%লৈ। “ঙসি পুং ২৪ সিদা রাজ্য/য়ুনিয়ন তেরিতোরী ১৪ হায়বদি অন্দমান অমসুং নিকোবর ইথৎশিং, অরুনাচল প্রদেশ, চান্দিগর, দাদ্রা অমসুং নগর হবেলী, গোৱা, ছত্তিসগর, গুজরাৎ, ঝারখন্দ, মনিপুর, মেঘালয়, মিজোরাম, পুদুচেরী, তেলঙ্গনাদা কোবিদ-১৯না নাবগী রিপোর্ত ফংদ্রি। দমন অমসুং দিয়ু, সিক্কিম, নগালেন্দ অমসুং লক্ষদ্বীপতসু হৌজিকফাওবা কেস অমপাওবা রিপোর্ত তৌরক্ত্রি হায়না মহাক্না ফোংদোকখি।

মে ১৪, ২০২০ ফাওবদা, লৈবাক অসিদা পুন্না কেস ৭৮, ০০৩ রিপোর্ত তৌরকখিবদা মীওই ২৬,২৩৫ ফগৎপা ঙমখ্রে অমসুং ২,৫৪৯ শিখ্রে। হৌখিবা পুং ২৪সিদা কনফর্ম ওইনা কেস ৩,৭২২ হাপচিনখ্রে।

****