প্রধানমন্ত্রীগী লোইশঙ

প্রধান মন্ত্রীনা শ্রী বিল গেৎসকা লোয়ননা ৱারী শানখ্রে

Posted On: 14 MAY 2020 10:22PM by PIB Imphal

প্রধান মন্ত্রী শ্রী নরেন্দ্র মোদীনা ঙসি বিল অমসুং মেলিন্দা গেৎস ফাউন্দেসনগী কো-চেয়র শ্রী বিল গেৎসকা লোয়ননা ভিদিও কনফরেন্সকী থোংদা ৱারী শানখ্রে। শক্নাইরবশিংনা কোবিদ-১৯গা মরী লৈননা মালেমগী থাক্তা লৌখৎলিবা খোঙথাংশিং অমসুং লাইচৎ অসি থেংননবগীদমক সাইন্তিফিক ইনোবেসন অমদি আর অমসুং দিগা মরী লৈননা গ্লোবেল কোওর্দিনেসনগী মরুওইবদা খন্ন-নৈনখি।

প্রধান মন্ত্রীনা হকশেলগী চিরবা তাঞ্জাগী মায়োক্তা লান্থেংনরিবা অসিদা ভারতনা এদোপ্ত তৌরিবা কোন্সিয়স মিৎয়েংগী মতাংদা পাউদমখি, মদু মতিকচাবা পাউজেলগী থোংদা পব্লিক এঙ্গেজমেন্ত ফংহনবদা য়ুমফম ওইবা মিৎয়েং অমা ওইরি। মহাক্না মতৌ করম্না মসিগী পিপল-সেন্ত্রিক বোত্তম-অপ মিৎয়েং অসিনা ফিজিকেল দিস্তেন্সিং, ফ্রন্ত-লাইন ৱার্করশিংবু ইকায়-খুম্নবা, মাস্ক উপ্পা, মতিক চাবা লু-নানবা ঙাক্না চৎপা অমসুং লোকদাউন প্রোবিজনশিং ইকায়-খুম্ননবগীদমক লৌশিনবা ঙমহনবদা মতেং পাংবগে হায়বদু ফোংদোকখি।

প্রধান মন্ত্রীনা ভারত খক্তা নত্তনা মালেমগী অতোপ্পা শরুক কয়াদসু গেৎস ফাউন্দেসন্না কোবিদ-১৯দা কোওর্দিনেতিং গ্লোবেল রেস্পোন্সকীদমক পায়খৎলিবা হকশেলগা মরী লৈনবা থবকশিং অদু থাগৎপা ফোংদোকখি। মহাক্না শ্রী গেৎসকী মফমদা মালেমগী য়াইফনবগীদমক মতৌ করম্না ভারতকী কেপাসিতীশিং অমসুং কেপেবিলিতীশিং শিজিন্নবা য়াবগে হায়বগী মতাংদা সজেসন পীরক্নবা হায়খি।

মসিগী মনুং চন্না শক্নাইরবা অনিনা ফোংদোক্নখিবা ৱাখল্লোনশিংগী মনুংদা খুঙ্গংগী মনুং হুঞ্জিনবা লমদমশিংদা লৈরিবা মীওইশিং ফাওবা হেল্থ সর্বিস য়ৌহন্নবা ভারতকী য়ুনিক মোদেলদগী ইন্সপাইরেসন লৌবা, ভারত সরকারনা দিবেলপ তৌরিবা ইফেক্তিব কন্তেক্ত-ত্রেসিং মোবাইল এপ্লিকেসন শন্দোকপা অমসুং ময়াম অসিগী থক্তা ভারতকী চাউরবা ফার্মাস্যুতিকেল কেপাসিতী শিজিন্নদুনা পুথোক্লিবা ভেক্সিনশিং অমসুং থেরাপিয়ুতিক্সকী প্রদক্সন হেঙ্গৎহনবা য়াওরি।   

লোইশিল্লকপদা প্রধান মন্ত্রীনা কোবিদ-১৯গী তুংদা উবা য়ানা থোরক্কদৌরিবা লাইফস্তাইল, ইকোনোমিক ওর্গনাইজেসন, সোসিয়েল বিহেবিয়র, এজুকেসন অমসুং হেল্থকেয়র শন্দোকপগী থৌদৌশিং অমদি মরী লৈনবা তেক্নোলোজীগী ওইবা শিংনবশিং এনালাইজ তৌবদা গেৎস ফাউন্দেসন্না লুচিংবগী থৌদাং লৌবা য়াই হায়বা ৱাফম থমখি। মহাক্না হায়খি মদুদি ভরতনা মশাগী এক্সপরিয়েন্সতা য়ুমফম ওইরগা অসিগুম্লবা এনালাইতিকেল এক্সরসাইজ অমদা থৌদাং য়াবদা নুংঙাইবা ফাওগনি।

****



(Release ID: 1624007) Visitor Counter : 267