(মসিদা হৌখিবা পুং ২৪ দা থোকখিবা কোবিদ-১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌজিক ফাওবদা লৈবাক অসিদা কোবিদ-১৯ কেস ৭৮,০০৩গী লৈরে, মসিগী মনুংদগী মীওই ২৬,২৩৫ নাবা ফখ্রে, মসিনা নাবা ফবগী চাং ৩৩.৬%দা হেনগৎলে অমসুং মীওই ২৫৪৬ লৈখিদ্রে।
• পুং ২৪গী মনুংদা অনৌবা কোবিদ-১৯ কেস ৩৭২২ রিপোর্ত তৌরকখ্রে।
• হৌখিবা নুমিৎ হুম্নি অসিদা দব্লিং তাইমসু নুমিৎ ১৪দা তপথরে।
• কোবিদ-১৯ কেস তেস্ত তৌনবগীদমক অফবা খুৎলাই কোবাস ৬৮০০ লিংখৎখ্রে।
• শেলথুম মন্ত্রীনা কোবিদ-১৯গা লান্থেংনবদা ভারতকী শেন্মিৎলোন্দা ঙাক্লৌ পীননবা আত্মানির্ভর ভারত অভিয়ানগী মখাদা ত্রাঞ্চ ২গী অকুপ্পা মরোল লাউথোকখ্রে।
• পি.এম. কেয়র্স ফন্দ ত্রস্ততগী কোবিদ-১৯ লান্থেংননবা লুপা করোর ৩১০০ কাইথখ্রেঃ লুপা করোর ২০০০না ভেন্তিলেতর লৈনবা, লুপা করোর ১০০০না মাইগ্রেন্তশিংগী রিলিফকীদমক অমসুং লুপা করোর ১০০না তিকা পুথোক্নবগীদমকনি।
• "শ্রামিক স্পিসিএল" ত্রেনশিং ৮০০না নুমিৎ ১৫নি চংহন্দনা মীওই লাখ ১০ মখোয়গী রাজ্যশিংদা পুখ্রে।

দা. হর্শ বর্ধন্না লৈবাক অসিদা কোবাস ৬৮০০ তেস্ত তৌনবা খুৎলাই কৎখ্রে, হৌখিবা নুমিৎ হুম্নি অসিদা দব্লিং তাইমসু নুমিৎ ১৪দা তপথরে

কেন্দ্রগী হকশেল অমসুং য়াইফ-য়ুম্বাল মন্ত্রী দা. হর্শ বর্ধন্না নেসনেল সেন্তর ফোর দিজিস কন্ত্রোল (এন.সি.দি.সি.)দা চত্তুনা উন্নখ্রে অমসুং লৈবাক মীয়ামদা কোবাস ৬৮০০ তেস্ত তৌনবা খুৎলাই অমা কৎখ্রে।

মে ১৪, ২০২০ ফাওবদা, লৈবাক অসিদা অপুনবা কেস ৭৮,০০৩ লৈরে, মসিগী মনুংদগী মীওই ২৬,২৩৫না নাবা ফখ্রে অমসুং ২,৫৪৯না লৈখিদ্রে। হৌখিবা পুং ২৪ অসিদা, অনৌবা কনফার্ম্দ কেস ৩,৭২২ লাক্লে। হান্না হৌখিবা নুমিৎ হুম্নি অসিদা দব্লিং তাইমসু নুমিৎ ১৪দা তপথরে। লৈতবগী চাং অসি ৩.২% নি অমসুং নাবা ফগৎলকপগী চাংনা ৩৩.৬%নি হায়খি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623292

পি.এম. কেয়র্স ফন্দ ত্রস্তনা কোবিদ-১৯গী মায়োক্তা থেংননবগীদমক লুপা কোতি ৩১০০ কাইথোকখ্রে

পি.এম. কেয়র্স (প্রাইম মিনিস্তর্স সিতিজন এসিস্তেন্স এন্দ রিলিফ ইন ইমর্জেন্সী সিচুয়েসন্স) ফন্দ ত্রস্তনা ঙসি কোবিদ-১৯গী মায়োক্তা থেংননবগীদমক লুপা কোতি ৩১০০ কাইথোক্নবা ৱারেপ লৌরে। লুপা কোতি ৩১০০ অসিগী মনুংদা চাউরাক্না লুপা কোতি ২০০০দি ভেন্তিলেতর লৈবদা শিজিন্নগনি, লুপা কোতি ১০০০না মাইগ্রেন্ত ৱার্করশিংগী য়াইফনবা শিজিন্নগনি অমদি লুপা কোতি ১০০না সপোর্ত ভেক্সিন দিবেলপমেন্তদা পীরগনি। লৈবাক পুম্বদা কোবিদ-১৯ কেসশিং লাকশিন্নবা ইনফ্রাস্ত্রকচর ফগৎহন্নবা চাউরাক্না লুপা কোতি ২০০০গী মমলদা পি.এম. কেয়র্স ফন্দদগী মেদ ইন ইন্দিয়া ভেন্তিলেতর ৫০০০০ লৈশিল্লগনি। মসিগী ভেন্তিলেতরশিং অসি য়াম্না অরুবা কোবিদ-১৯ কেসশিং নিংথিজনা লাইয়েংবগীদমক রাজ্য/য়ুনিয়ন তেরিতোরী পুম্নমক্তা লৈরিবা সরকারনা চলাইবা কোবিদ হোস্পিতালশিংদা ফংহনগনি। মাইগ্রেন্তশিং অমসুং লাইরবশিংগী য়াইফনবগীদমক হৌজিক লৌখৎলিবা খোঙথাংশিং অসি হেঙ্গৎহন্নবগীদম পি.এম. কেয়র্স ফন্দদগী লুপা কোতি ১০০০গী ওইবা চাউরাকপা শেনফম অমা রাজ্যশিং/য়ুনিয়ন তেরিতোরীশিংদা পীরগনি। শেনফম অসি রাজ্য সরকারশিং/য়ুনিয়ন তেরিতোরীশিংদা মাইগ্রেন্তশিংগী একোমোদেসন ফেসিলিতী ফংহন্নবা, চান-থক্নবা শিল-লাংবা, মেদিকেল ত্রিৎমেন্ত ফংহনবা অমসুং ত্রান্সপোর্তেসনগী শিল-লাংবদা মখোয়না হোৎনরিবশিং অদু হেঙ্গৎহন্নবগীদমক দিস্ত্রিক্ত কলেক্তরশিং/ম্যুনিসিপাল কমিস্নারশিংগী দিস্পোজেলদা থম্নবা ফংহনগনি। কোবিদ-১৯গী মায়োক্তা ভেক্সিন অমা পুথোকপা অসি খ্বাইদগী দরকার ওইবা অমনি অমদি ইন্দিয়ন একাদেমিয়া, স্তার্ত-অপশিং অমসুং ইন্দস্ত্রীশিংনা ভেক্সিন দিজাইন তৌনবা অমসুং দিবেলপ তৌনবা পুন্না থবক তৌরি। কোবিদ-১৯ ভেক্সিন দিজাইনরশিং অমসুং দিবেলপরশিংবু তেংবাংনবা, ভেক্সিন দিবেলপমেন্ত কেতালাইজ তৌনবা তেংবাং অমা ওইনা পি.এম. কেয়র্স ফন্দদগী লুপা কোতি ১০০গী শেনফম অমা পীরগনি, মদু প্রিন্সিপাল সাইন্তিফিক এদবাইজরগী মিৎয়েং মখাদা য়ুতিলাইজ তৌগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623649

শেলথুম মন্ত্রীনা কোবিদ-১৯গা লান্থেংনবদা ভারতকী শেন্মিৎলোন্দা ঙাক্লৌ পীননবা আত্মানির্ভর ভারত অভিয়ানগী মখাদা ত্রাঞ্চ ২গী অকুপ্পা মরোল লাউথোকখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623840

তেক্স দিদক্সন এত সোর্স অমসুং তেক্স কল্লেক্সন এত সোর্সকী রেত হন্থবা

কোবিদ-১৯ লাইচৎনা মরম ওইদুনা থোরক্লিবা শেলথুমগী ফিবম অসি য়েংদুনা তেক্স পীরিবশিংগী শেল কাইথোকপদা ফন্দ হেন্না ফংজনবগীদমক, সেল্লরী ফংবা নত্তবা রেজিদেন্তশিংগী অখন্নবা পেমেন্ততা লৌবা তেক্স দিদক্সন এত সোর্স (তি.দি.এস.)কী রেত অসি মে ১৪, ২০২০দগী মার্চ ৩১, ২০২১ ফাওবা ২৫% দা হন্থরগনি। মখা তানা, অখন্নবা রসিত খরগী তেক্স কল্লেক্সন এত সোর্সসু মে ১৩, ২০২০দগী মে ৩১, ২০২১ ফাওবা ২৫%দা হন্থরগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623745

ইন্দিয়ন রেলৱেনা নুমিৎ ১৫দগী তাথবা মতমগী মনুংদা “শ্রমিক স্পিসিয়েল” ত্রেনগী খুত্থাংদা পেসেঞ্জর মিলিয়ন অমা (লাখ ১০) হেন্না মখোয়গী হোম স্তেৎশিংদা য়ৌহনবগী মাইলস্তোন লান্থোকখ্রে

ইন্দিয়ন রেলৱেনা ২০২০গী মে ১৪ ফাওবদা লৈবাক পুম্বদা “শ্রমিক স্পিসিয়েল” ত্রেন ৮০০ ওপরেৎ তৌরি
পেসেঞ্জরশিংদা চাকলেন অমসুং ঈশিং লেম্না পীরি। ত্রেনশিং অসি রেলৱেনা পেসেঞ্জরশিংবু থাদোক্কদৌরিবা রাজ্য অমসুং মখোয়বু লৌশিনগদৌরিবা রাজ্য অনিমক্না অয়াবা পীরবা মতুং খক্তদা চেল্লি। মসিগী ত্রেন ৬৪২ অসি আন্ধ্র প্রদেশ, বিহার, ছতিসগর, হিমাচল প্রদেশ, জম্মু অমসুং কশ্মীর, ঝার্খন্দ, কর্নাতকা, মধ্য প্রদেশ, মহারাস্ত্রা, মনিপুর, মিজোরম, ওরিশা, রাজস্থান, তমিল নাদু, তেলঙ্গনা, ত্রিপুরা, উত্তর প্রদেশ, উত্তরাখন্দ, ৱেস্ত বেঙ্গলগুম্বা তোঙান-তোঙানবা রাজ্যশিংদা তর্মিনেৎ তৌরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623773

ইন্দিয়ন রেলৱেনা ১২.০৫.২০২০দগী চেনবা হৌরিবা স্পিসিয়েল ত্রেনশিংগীদমক তোঙান-তোঙানবা ক্লাসশিংগী অকক্নবা ৱেতিং লিস্ত তিকেৎশিং ইসু তৌবা হৌরগনি

ইন্দিয়ন রেলৱেনা ১২.০৫.২০২০দগী চেনবা হৌখিবা স্পিসিয়েল ত্রেনশিংদা আর.এ.সি. থমদনবা ৱারেপ লৌখ্রে। সেনিয়র সিতিজন কোতা, লেদিজ কোতা অমসুং দিব্যাংজনশিংগী কোতা হৌজিক ফাওবদা লৈরিবা ইন্সত্রক্সনগী মতুং ইন্না দিফাইন তৌগনি। তৎকাল/প্রিমিয়ম তৎকাল কোতা দিফাইন তৌরোই। মথক্কী অহোংবশিং অসি ২০২০গী মে ২২দগী হৌগদৌরিবা হায়বদি ২০২০গী মে ১৫দগী বুকিং তৌবা হৌগদৌরিবা ত্রেনশিংগীদমক চৎনগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623803

দা. হর্শ বর্ধন্না ৩২শুবা কম্মনৱেলথ হকশেল মন্ত্রীশিংগী মীফমদা শরুক য়াখ্রে

কেন্দ্রগী হকশেল অমসুং য়াইফ-য়ুম্বাল মন্ত্রীনা ভিদিও কনফরেন্সকী খুথাংদা দা. হর্শ বর্ধন্না ৩২শুবা কম্মনৱেলথ হকশেল মন্ত্রীশিংগী মীফমদা ঙসি শরুক য়াখ্রে। মীফম অদুগী থীমদি- কম্মনৱেলথ কোবিদ-১৯ রেস্পোন্স পীবদা অপুনবা ওইনা হোৎনবনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623845

লোকদাউন মনুংদা হৱাই-চেংৱাই অমসুং থাও থোকপা মরু-মরাং লৈশিনবা মখা চত্থরি

রবী মার্কেতিং সিজন ২০২০-২১দা, এফ.সি.আই.দা গেহু লাখ মেত্রিক তন ২৭৭ য়ৌরকখি, মদুগী মনুংদা লাখ মেত্রিক তন ২৬৮ লৈশিনখি। লোকদাউন মতম মনুং ২৪.০৩.২০২০দগী ঙসি ফাওবদা লৌমী ইমুং চাউরাক্না কোতি ৯.২৫দা কানবা ফংহনখ্রে অমদি হৌজিক ফাওবদা লুপা কোতি ১৮,৫১৭কী শেনফম অমা রিলিজ তৌখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623602

ইন্দিয়ন নেভীনা পুথোকপা অনৌবা মমল হোংবা পি.পি.ই. বু পেতেন্ত লৌবনা পাক্তক্ননা পুথোকপা য়াবগী লম্বী অমা পীগদৌরি

ইন্দিয়ন নেভীনা পুথোকপা মেদিকেল পর্সনেল প্রোতেক্তিব ইক্বিপমেন্ত (পি.পি.ই.) পাক্তক্ননা থুনা পুথোকপা য়ানবগী খোংথাং অমা ওইনা ঙাকশেল মন্ত্রালয়গী ইন্তলেকচুএল প্রোপর্তী ফিসিলিতেসন সেল (আই.পি.এফ.সি.)না সাইন্স অমসুং তেক্নোলোজীগী মন্ত্রালয়গী মখাদা লৈবা নেসনেল রিসর্স দিবেলপমেন্ত কোর্পোরেসন (এন.আর.দি.সি.)গা খুৎশম্নদুনা মাই পাক্না পেতেন্ত ফাইল তৌখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623776

পি.আই.বি. ফিল্দ ওফিসশিংদগী ফংবা পাউ

পি.আই.বি.গী ফেক্তচেক

****