প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং দেনমার্ক্কী প্রধান মন্ত্রী হর এক্সিলেন্সী মেতে ফ্রেদরিকসেনগী মরক্তা ফোন তৌনখ্রে
प्रविष्टि तिथि:
14 MAY 2020 8:03PM by PIB Imphal
প্রধান মন্ত্রী শ্রী নরেন্দ্র মোদীনা ঙসি দেনমার্ক্কী প্রধান মন্ত্রী হর এক্সিলেন্সী মেতে ফ্রেদরিকসেনগা লোয়ননা তেলিফোন্দা ৱারী শানখ্রে।
লুচিংবশিংনা কোবিদ-১৯ লাইচৎ থেংননবা লৈবাক অনিমক্তা লৌখৎলিবা খোংথাংশিং চাংদম্নখি। প্রধান মন্ত্রীনা ইনফেক্সন হেঙ্গৎপা তৌদনা লোকদাউনগী অথিংবা লৌথোকপদা দেনমার্কনা মায় পাকখিবদা অপেনবা ফোংদোকখি। ভারত অমসুং দেনমার্ক্কী এক্সপার্তশিংনা অমনা অমগী এক্সপরিয়েন্সতগী তমহৌনবা মখা তানা পাউ ফাওনবদসু য়ানবা পুরকখি।
লুচিংবা অনিমক্না ভারত-দেনমার্ক মরী মখা তানা চেৎশিলহন্নবা মখোয়গী অপাম্বশিং ফোংদোক্নখি অমসুং পোস্ত-কোবিদ ৱার্ল্দদা লৈবাক অনিমক্না পুন্না থবক তৌমিন্নবা য়াবা লম্বীশিং খন্ন-নৈনখি।
মখোয়না ২০২০গী মে ১২দা ফোরেন মিনিস্তর অনিগী মরক্তা জোইন্ত কমিসন মীতিং মায় পাক্না পাংথোকখিববু তরাম্না ওকখি।
হেল্থ রিসর্স, ক্লিন অমসুং গ্রীন ইনর্জী অমসুং ক্লাইমেৎ চেঞ্জ রেসিলিয়েন্সগুম্বা সেক্তরশিংনা নাকল অনিগী বেনেফিসিয়েল কোলাবোরেসনগীদমক অকিবগী মশক ওইরবা স্কোপ ওফর তৌরি হায়বা য়ানরদুনা লুচিংবশিংনা ভারত অমসুং দেনমার্ক্কী মরক্তা অচেৎপা গ্রীন স্ত্রেতেজিক পার্তনরশিপ অমা শেম্বগী পান্দমগী মায়কৈদা থবক তৌনবা মখোয় মশানা ৱাফমশিং থমখি।
****
(रिलीज़ आईडी: 1623911)
आगंतुक पटल : 249
इस विज्ञप्ति को इन भाषाओं में पढ़ें:
Punjabi
,
English
,
Urdu
,
Marathi
,
हिन्दी
,
Assamese
,
Bengali
,
Gujarati
,
Odia
,
Tamil
,
Telugu
,
Kannada
,
Malayalam