কেন্দ্রগী এম.এস.এম.ই. অমসুং রোদ ত্রান্সপোর্ৎ অমসুং হাইৱেজশিংগী মন্ত্রী, শ্রী নীতিন গরকরীনা ঙসি ভারতকী রেতেলরশিংগী এসোসিয়েসন অমসুং প্রক্তিস তৌরিবা ইঞ্জিনীয়রশিং, আর্কিতেকশিং অমসুং তাউন প্লানরশিংগী এসোসিয়েসন (ভারত)দা থাজবা পীরকখ্রে মদুদি মখোয়না এম.এস.এম.ই. ওইনা রিজিস্তর তৌনবগীদমক্তা হায়জরক্লিবা অদু য়াম্না থুনা য়েংশিল্লগনি। মহাক্না হায়রিবা সংস্থানশিং অসি এম্প্লোইমেন্ত পীরিবশিংগী মিৎয়েংদা য়েংবা তঙাইফদনা মথৌ তাই অমসুং মখোয়না শিন্মীশিংদা খুদোংচাবা কয়া অমা খুদম ওইনা ইন্সুরেন্স, মেদিকেল, পেন্সন, অসিনচিংবশিং অসি ফংহনবা ঙমব্রা হায়বশিং অসি য়েংশিনগদবনি হায়না খল্লি।

মহাক্না রিতেলরশিংদা হায়খ্রে মদুদি হোম দিলিভরীগী পাম্বৈ অসি য়েংশিনবা হৌগদবনি অমসুং সোসিয়েল দিস্তেন্সিং নীংথিনা চৎপা, কস্তমরশিং/এম্প্লোয়ীশিংগীদমক্তা সেনিতাইজরশিং মরাং কাইনা ফংবা অমসুং রিতেল আউৎলেৎশিংদা মাস্কশিং শিজিন্নহনগদবনি।

মন্ত্রীনা ঙসি ভারতকী রিতেলরশিংগী এসোসিয়েসনগী মীহুৎশিং অমসুং প্রেক্তিস তৌরিবা ইঞ্জিনীয়রশিংগী মীহুৎশিং, আর্কিতেকশিং অমসুং তাউন প্লানরশিংগী এসোসিয়েসন (ভারত)গা লোইননা ভিদিও কনফরেন্সিং তৌদুনা মখোয়গী সেক্তরশিংদা কোবিদ-১৯গী মরম্না শোকহনবগী মতাংদা মীফম অমদা ৱারী শানখ্রে। মসিগী ৱারী-ৱতাই শানবা অসিগী মনুংদা, মীহুৎশিং অদুনা ৱাফম খরা পুথোকপগা লোইননা কোবিদ-১৯গী লাইচৎ অসিগী মরকসিদা মখোয়না মায়োক্নরিবা শিংনবশিংগী মতাংদা মরী লৈনবশিং অদু ফোংদোরকখি অমসুং সেক্তর অসিবু নীংথিনা মথৌ তৌবা ঙম্নবা সরকারগী মাইকৈদগী মতেং পীবীনবা হায়জরকখি।

মহাক্না ইঞ্জিনীয়রশিং, আর্কিতেকশিং অমসুং তাউন প্লানরশিংদা কাহেন্না চিল্লবা সিতীশিং অসিবু কোমহন্নবা অনৌবা পাম্বৈশিং য়েংশিন্নবা খঙহনখ্রে অমসুং রুরেল, ত্রাইবল অমসুং শোত্থহৌরবা মফমশিং মরু ওইনা গ্রীন এক্সপ্রসৱেশিংদা লৈরিবশিং খুদম ওইনা অনৌবা দিল্লী – মুম্বাই এক্সপ্রেসৱে অসিনা ফাওদুনা চৎলিবা মফমশিং অসি চাউখৎহনবদা শরুক য়াওগদবনি হায়রি। মহাক্না হায় ক্লস্তর অমসুং লোজিস্তিক্স পার্ক কয়া অমনা খুদোংচাবা কয়া অমা পীরদুনা অথোই-অহেন তাল্লিবা প্রোজেক্ত অসিগীদমক্তা থোরক্কনি।

মরু ওইনা পনখিবা অচৌবা ৱাফমশিং অমসুং পুথোরকপা ৱাফমশিং অদুদা য়াওরিবশিং অদুদি: এম.এস.এম.ই.শিং ওইনা রিতেলরশিং/রেস্তোরেন্তশিং/অর্কিতেকচরেল ফর্মশিং রেজিস্তর তৌবা, কোবিদ-১৯গা মরী লৈনবা অশোই-অঙাম য়াওদনবগী পাম্বৈশিংগী ৱাফমশিং থম্লগা মোলশিং হাংদোকপা হৌবা, নন-ইসেন্সিয়েল ওইবা পোৎলমশিংগীদমক ওইবা ই-কমর্স কম্পনীশিং মথৌ তৌবা হৌহনবা, রিতেলরশিংগীদমক্তা অৱাইমলগী অৱাবা কোকহনবা, মোরেতোরিয়মগী মতম থা ৯দা শাংদোকপা, বেঙ্ককী শেন্দোইগী চাং ১০%দগী ৪-৫%দা হন্থবা, লনাইগী বেঙ্কশিংনা আর.বি.আই.গী গাইদলাইনশিং ঙাক্না চৎপা, রিসীবেবলশিং খক্তমক জি.এস.তি. লৌবা, আর.এ.আর.এ. এক্তকী মখাদা হান্নদগী রজিস্তর তৌখিবা বিল্দর্শিংবু এম.এস.এম.ই. ওইনা রিজিস্তর তৌবা অসিনচিংবনি।

শ্রী গরকরীনা ইন্দস্ত্রীশিংদা কৌরদুনা হায়খি মদদুদি কোবিদ-১৯গী শন্দোরকপা থিংনবা মথৌ তাবা থিংনবগী পাম্বৈশিং অদু ইন্দস্ত্রীশিংনা শোইহন্দনা লৌখৎপা মথৌ তাই। মহাক্না পি.পি.ই. (মাস্কশিং, সেনিতাইজরশিং অসিনচিংবা) শিজিন্নবা অমসুং লাল্লোন ইতিক তৌবা মতমদা সোসিয়েল দিস্তেন্সিং কাংলোনশিং নীংথিনা ইন্নবা পাউতাক পীরকখ্রে।

মহাক্না পনখি মদুদি স্তেকহোল্দরশিংনা মীয়ামগী পুন্সি অমসুং হিংনবগী পাম্বৈশিংদা অশোই অঙাম য়াওহন্দনা চিরবা তাঞ্জা অসিদগী মাইপাক্না লান্থোকপা ঙম্নবা অপুনবগী ওইবা খোংথাং লৌখৎকদবনি। শ্রী গরকরীনা ইন্দস্ত্রীশিংদা চিরবা তঞ্জা অসিবু মাইপাক্না লান্থোকপা ঙম্নবা মতম অসিদদি অফবা ৱাখল্লোন লৈনবা হায়রকখ্রে।

কেন্দ্র মন্ত্রীনা মরু ওইনা পনখি মদুদি মপান লমদা পোৎচৈশিং থাদোকপা হেনগৎহনবদা অখন্নবা মিৎয়েং থম্বনা পুংজা অসিগী তঙাইফদবনি অমসুং মালেমগী মার্কেত্তা মায়োক্নবা ঙম্নবা পাৱরগী চংবা মমল, লোজিস্তিকশিংগী চংবা মমল অমসুং পোৎচৈ পুথোকপদা চংবা  মমল হন্থহন্নবা মথৌ তাবা থবক থৌওংশিং পাইখৎকনি। মখা তানা মহাক্না পনখি মদুদি মফম অসিগী পোত্থোকশিংনা মপান লমদগী পুশিল্লকপা পোৎচৈশিং অদু শিন্দোক্নবা মপান লমদগী পুশিল্লকপশিং অদুগী মহুৎ শিনবগী মতাংদা মিৎয়েং থম্বসু মথৌ তাই।

মহাক্না মখা তানা পনখি মদুদি গ্রীন এক্সপ্রেস হাইৱেদা থবক পাইখৎপা হৌখ্রে, অমসুং ইন্দস্ত্রীয়েল ক্লস্তরশিং, খ্বাইদগী নৌবা তেক্নোলোজীশিং লৈবা লোজিস্তিক পার্কশিংদা তুংগী ওইরক্কদবা ইনভেস্তমেন্তশিং তৌনবা ইন্দস্ত্রীশিংগীদমক্তা ওইবা খুদোংচাবনি। মহাক্না মসি পল্লদুনা হায়রকখি মদুদিমেত্রো সিতীশিংদগী অতোপ্পা মফমশিংদা ইন্দস্ত্রীয়েল ক্লস্তরশিংগী মিৎয়েং পাকশন্না শন্দোকপা মথৌ তাই অমসুং মসিদা ইন্দস্ত্রীশিংনা য়াওশিন্নবা হায়রকখ্রে।

মন্ত্রীনা নৌহৌননা নীংশিংদুনা হায়রকখি মদুদি জাপানগী সরকারনা মখোয়গী ইন্দস্ত্রীশিংদা চাইনাদগী জাপানগী ইনভেস্তমেন্ত তৌরিবশিং অদু লৌথোক্তুনা অমসুং অতোপ্পা মফম অমদা তৌনবগীদমক্তা অখন্নবা পেকেজ পীখ্রে। মহাক্না মসি পল্লদুনা হায়রকখি মদুদি ভারতনা মসিগী খুদোংচাবা অসি লৌহৌগদবনি।

শ্রী গরকরীনা মীহুৎশিং অদুনা হংলকপা ৱাহংশিংগী পাউখুম পীখি অমসুং সরকারগী মাইকৈদগী অঙম্বা মতেং পাংগনি হায়না থাজবা পীরকখ্রে। মহাক্না খঙহল্লকখ্রে মদুদি মহাক্না মরী লৈনবা দিপার্ৎমেন্তশিংদা ৱাফমশিং অসি পুথোক্কনি হায়খি। মহাক্না মরু ওইনা পনখি মদুদি ইন্দস্ত্রীশিংনা অফবা ৱাখল্লোনগা লোইননা খোংথাং অদু থাংগদবনি অমসুং কোবিদ-১৯গী লুরবা তাঞ্জা অসি লোইরবা মতমদা থোরক্কদবা খুদোংচাবশিং অদু মায়োক্নগদবনি।

****