প্রধান মন্ত্রী শ্রী নরেন্দ্র মোদিগী লুচিং মখাদা হৌখিবা চহি মঙাদা  ভারত্তা “ব্রান্দ খাদী”গী মীয়াম্না খ্বাইদগী হেন্না পাম্নখিবা থেংনখি। তৌইগুম্বসুং খাদীগী পোত্থোক অসি সস্তেন্নেবল দিবেলপমেন্তকী খ্বাইদগী ইকো-ফ্রেন্দলী ওইবা পোত্থোক্নি, মমলসি হৌখিবা চহি মঙাদা শরুক অনি হেন্না হেনগৎলকখি, খুদম ওইনা পল্লবদা ২০১৫-১৬দগী চপ মান্নবা মতমগী মনুংদা খাদীগী অরৈ-অয়োন্দা শরুক অহুম  ময়া নক্না হেনগৎলকখ্রে।

অসিগা চপ মান্ননা, ভিলেজ ইন্দস্ত্রী (VI) সেক্তরনা হৌখিবা চহি মঙা অসিদা পোত্থোক অমসুং অরৈ-অয়োনগী চাংদা চাউরাক্না ১০০% হেনগৎলক্তুনা অঙকপা ফংনা হেনগৎলকখিবা থেংনখি।

কে.ভি.আই.সি.গী হেন্দোক থোইদোকপা পর্ফোর্মেন্সকী মরমদা ঙাংলদুনা কেন্দ্রগী এম.এস.এম.ই অমসুং রোদ ত্রান্সপোর্ৎ অমসুং আইৱেগী মন্ত্রী শ্রী নীতিন গরকরীনা হায়.

“ঐনা ভারতকী খাদী অমসুং খুঙ্গংগী ইন্দস্ত্রীশিংবু ২০১৫-১৬দগী শিংথানীংঙাই ওইবা মওংদা লেপ্তনা চাউখৎপা হেনগৎলকপদা থাগৎপা ফোংদোক্লি। সেক্তর অসিনা শেল-থুমগী ফিভমদা চাউখৎলকপদা মতেং পাংবদা নত্তনা ভিলেজ য়ুম্থোং খুদিংদা য়াম্লবা থবক কয়া অমসু পীরি। ঐখোয়গী দাইনামিক ওইবা প্রধান মন্ত্রী অসিগী লুচিং মখাদা সেক্তর অসিবু লাক্কদৌরিবা মতমশিংদা অৱাংবা থাক্তা পুখৎনবগী পান্দম থম্লি অমসুং মসিগীদমক্তা থবক তোরি।”

হৌখিবা চহি অমদা মখোয়গী পর্ফোর্মেন্স অদু য়েংলগা খাদীগী তর্নওভর অসি ২০১৮-১৯গী লুপা কোতি ৩২১৫.১৩দগী ২০১৯-২০দা লুপা কোতি ৪২১১.২৬দা হাইগৎলক্তুনা ৩১%গী চাংদা হেগৎলকখিবা থেংনখি। ভিলেজ ইন্দস্ত্রীশিংগী পোত্থোক্কী তর্নওভরনা ২০১৯-২০দা লুপা কোতি ৮৪,৬৭৫.৩৯ য়ৌদুনা মমাংগী চহি হায়বদি ২০১৮-১৯গী লুপা কোতি ৭১,০৭৭দগী ১৯%গী চাংদা হেনগৎলকপা থেংনখি।

অপুনবা খাদী অমসুং ভিলেজ ইন্দস্ত্রীশিংগী  চহি ২০১৯-২০গী তর্নওভর অসি লুপা কোতি ৮৮,৮৮৭গী য়াম্না চাউরবা শেনফম অসি য়ৌখি।

কে.ভি.আই.সি. চিয়রমেন, শ্রী ৱিনয় কুমার সক্সেনানা খাদীগী অঙকপা ফংনা চাউখৎলক্লিবসি প্রধান মন্ত্রী শ্রী নরেন্দ্র মোদিনা লেপ্তনা হোৎনখিবশিং, এম.এস.এম.ই.গী মন্ত্রী, শ্রী নীতিন গরকরীগী ক্রিয়েতিব ওইবা মার্কেতিংগী ৱাখল্লোনশিং  অমসুং মন্ত্রালয়শিংদগী হকথেংননা তেংবাং পীরকপা  অদুগী মরম্না ওইথোকপা ঙমখিবনি হায়রি।

“খাদী ইন্দস্ত্রী অসিবু হিংগৎহন্নবা সরকারনা লেপ্তনা হোৎনখিবা অদুগী মরম্না অমসুং প্রধান মন্ত্রীনা মহাক্কী রেদিয়োদা ঙাংবা “মনকী বাৎ”সু য়াওনা প্লেতফোর্ম কয়া অমদগী খাদীবু নোংমগী পুন্সিদা তঙাইফদনা চংবা অমা ওইনা শিজিন্ননবা লেপ্তনা হায়জরকখিবা  অদুনা মরম ওইরগা কে.ভি.আই.সি.না লেপ্পা লৈতনা গ্রোথ ত্রাজেক্তরীদা কাখৎলক্লি” হায়না সক্সেনানা হায়খি।

ফিগরশিং অসিগী মতুং ইন্না, খাদীগী পোত্থোক্তা ২০১৫-১৬দা লুপা কোতি ১০৬৬দা লেপখিবা অদু ২০১৯-২০গী চহিদা লুপা কোতি ২২৯২.৪৪দা কাপখৎলকখি, মসিনা ১১৫%গী মথক্তা হেনগৎলকপা থেংনখি।অমরোমদা খাদীগী অরৈ-অয়োন্দা হেন্না ৱাংখৎলকখি। খাদী ফিগী পোত্থোকশিংগী অরৈ-অয়োনদা ২০৫১-১৬গী লুপা কোতি ১৫১০দগী ২০১৯-২০দা লুপা কোতি ৪২১১.২৬কী য়াম্লবা শেনফম অমা ১৭৯%গী চাংদা হেনগৎখি।

২০১৫-১৬দা লুপা কোতি ৩৩,৪২৫গী ভিলেজ ইন্দস্ত্রীশিংগী (VI)গী পোত্থোকশিং পুথোকখি; পুথোকপগী চাং অদু ২০১৯-২০দা লুপা কোতি ৬৫,৩৯৩.৪০ ওইদুনা  ৯৬%দা হেনগৎলকখি। মসিনা ২০১৫-১৬দা লুপা কোতি ৪০,৩৮৫দগী ২০১৯-২০দা লুপা কোতি ৮৪,৬৭৫.৩৯দা হেনগত্তুনা চাউরাক্না ১১০%গী চাংদা VIকী পোত্থোকশিংগী অরৈ-অয়োন্দা হেনগৎলকখিবা থেংনখি।

খাদীগী ফিরোলশিং নত্তনা মখল-মখা কয়া অমগী ভিলেজ ইন্দস্ত্রীগী পোত্থোকশিং খুদম ওইনা কোসমেতিকশিং, সাপোন অমসুং শেমপুশিং, আয়ুর্ৱেদিক্কী ওইবা হিদাক-লাংথকশিং, খোইহি, থাও, চা, অচারশিং, পাপরশিং, এন্দ সেনিতাইজরশিং, কন্ফেক্সনরী, অচা-অথক্কী পোৎলমশিং অমসুং শাউনগি পোৎলমশিংনা লৈবাক অসিদা অমসুং মপান লমদা মশিং য়াম্লবা  কঞ্জ্যুমরশিংগী পুক্নীং চিংশিল্লি। মসিনা মরম ওইরগা চহি মঙা অসিদা শরুক অনি ময়া নক্না ভিলেজ ইন্দস্ত্রীগী পোত্থোকশিং অসিগী পোত্থোক অমসুং অরৈ-অয়োন্দা হেনগৎহল্লি।

পনবা য়াবদি কে.ভি.আই.সি.না রাজ্য সরকারশিং, পি.এস.য়ু.শিং খুদম ওইনা এয়র ইন্দিয়া, আই.ও.সি, ও.এন.জি.সি., আর.ই.সি. অমসুং অতৈ অতোপ্পশিং, কোলেজশিং, য়ুনিভর্সিতীশিং, ইন্দিয়ন রেলৱেজ অমসুং অতৈ অতোপ্পশিংগী মরক্তা হকশেলগী মন্ত্রালয়দগী মতেং ফংনবা লেপ্পা লৈতনা হোৎনখি। মখা তানা ভিলেজ ইন্দস্ত্রীগী সেক্তরদা, কে.ভি.আই.সি.না খুদম ওইনা বী-কীপিং, পোত্তরী অমসুং বেকরীগুম্বা হিরম কয়া অমদা ময়ামদগী হেন্দোক-থোইদোকপা ইন-হাউস কেপাসিতীগা লৈবা পোত্থোক ১৫০গী মথক্তা লৈবগী চাউথোকচরিবনি।

****