কেন্দ্রগী মাইনোরিতী এফিয়র্স মন্ত্রী শ্রী মুখতার অব্বাস নকবীনা ঙসি মাইনোরিতী এফিয়র্স মন্ত্রালয়গী স্কিল দিবেলপমেন্ত থৌরাংশিংগী মখাদা  ত্রেন তৌরবা হেলথ কেয়র এসিস্তেন্ত ১৫০০ হেন্না কোরোনানা নারবা অনাবশিংবু লাইয়েংবদা মতেং পাংলি হায়না হায়খ্রে।

লৈবাক অসিদা লোইরিবা তোঙান-তোঙানবা হোস্পিতাল অমসুং হেলথ কেয়র সেন্তরশিংদা লৈবা কোরোনা অনাবশিং লাইয়েংবদা মতেং পাংলিবা হেলথ কেয়র এসেস্তেন্তশিং অসিগী মনুংদগী চাদা ৫০দি নুপীমচানি হায়না শ্রী নকবীনা ফোংদোকখি। হন্দক্কী চহী অসিদা, মাইনোরিতী এজিয়র্সকী মন্ত্রালয়না অতোপ্পা হেলথ কেয়র এসিস্তেন্ত ২০০০ হেন্না ত্রেন তৌগনি। মন্ত্রালয় অসিনা হেলথ কেয়র এসিস্তেন্তশিং অসিদা তোঙান-তোঙানবা হেলথ ওর্গনাইজেসনশিং অমসুং মমিং লৈরবা হোস্পিতালশিংগী মখাদা চহী অমগী ওইনা ত্রেনিং পীরি।

লৈবাক অসিদা লৈরিবা তোঙান-তোঙানবা দবল্যু.এ.ক্যু.এফ. বোর্দশিংনা পি.এম. অমসুং সি.এম.গী কোরোনা রিলিফ ফন্দদা তোঙান-তোঙানবা লাইনীংগী, খুন্নাইগী অমসুং ইন্সতিত্যুসনেল ওর্গনাইজেসনশিংগী মতেংগা লোইননা করোর ৫১ মতেং পাংখ্রে। মসিগীসু মথক্তা, হায়রিবা দবল্যু.এ.ক্যু.এফ. বোর্দশিং অসিনা লৈত-লাইরশিংদা চানবা পোৎলমশিং অমসুং তঙাইফদবা পোৎলমশিংসু য়েন্থোক্লি।

শ্রী নকবীনা হায়, লৈবাক অসিদা লৈরিবা হজ লাই খুরুম্বম ১৬ রাজ্য সরকারশিংদা কোরোনানা শোকহল্লবা মীওইশিংবু ক্বরেন্তাইন অমসুং আইসোলেসন তৌনবগীদমক শিন্নখ্রে। রাজ্য কয়ানা হায়রিবা মফমশিং অসিবু মখোয়গী মথৌ তাবশিংগী মতুং ইন্না শিজিন্নরি।

শ্রী নকবীনা অলিগর্হ মুস্লিম য়ুনিবর্সিতীনা "পি.এম.-কেয়র্স" ফন্দদা লুপা করোর ১.৪০ মতেং পাংখ্রে হায়না ফোংদোকখি। এম.এম.য়ু. মেদিকেল কোলেজনা কোরোনা লাইয়েংনবা ফমুং ১০০ শেম শাখ্রে, মসিগী মথক্তা কোরোনা তেস্তসু তৌহন্দুনা হৌজিক ফাওবদা তেস্ত ৯০০০ তৌখ্রে।

শ্রী নকবীনা মখা তারদুনা হায়, ক্বরেন্তাইন অমসুং আইরোলেসন ফেসিলিতীশিং অসি অজমের শরিফ দর্গাদা কোরোনা নারবা মীওইশিংগীদমক খ্বাজা মোদেল স্কুল অমসুং কয়াদ বিশ্রমাস্থলিদা শেম শারি। লৈবাক অসিগী মফম খুদিংমক্তগী তোঙান-তোঙানবা লাইনীং চৎপা জয়রিন ৪৫০০দা চানবা, লৈফম, অমসুং হকশেলগী খুদোংচাবা কয়া লোকদাউন মনুংদা পীরি। হায়রিবা ফেসিলিতীশিং অসি দর্গা কম্মিতী অমসুং অতোপ্পা মরী লৈনবা ওর্গনাইজেসনশিংনা লুপা করোর ১ রোমগী খুদোংচাবশিং পীরি অমসুং মসিদা মখোয়বু মশা মশাগী রাজ্যদা থানবা হোৎনবসু য়াওরি।

শ্রী নকবীনা হায়রি, মাইনোরিতী এফিয়র্স মন্ত্রালয়গী মখাদা লৈবা সিখো ঔর কমাও স্কিল দিবেলপমেন্ত থৌরাংগী মখাদা ফেস মাস্ক কয়া অমা শাখ্রে অমসুং লৈত-লাইরশিংদা য়েন্থোকখ্রে। মাইনোরিতী এফিয়র্স মন্ত্রালয়না "জান ভী, জহান ভী" হায়বা মীয়াম ৱাখল তাহন্নবা কেম্পেন অমা হৌদোক্তুনা সোসিএল দিস্তেন্সিং অমসুং অতোপ্পা কোরোনাদগী চেকশিন্না লৈনবগী কাংলোনশিং শন্দোক্কনি।

শ্রী নকবীনা হায়খি মদুদি, লৈবাক অসিদা লৈরিবা মীয়াম পুম্নমক্না প্রধান মন্ত্রী শ্রী নরেন্দ্র মোদীগী ইথিল মখাদা কোরোনা মাইথিবা পীনবগীদমক অমত্তা ওইনা হোৎনরি। সমাজ অসিগী মীয়াম পুম্নমক্কা লোইননা কোবিদ-১৯ থেংননবা হোৎনবদা মশিং য়ামজদবা কাংলুপকী মীওইশিংনা চপ মান্নবা থৌদাং লৌরি।

****