শেল-থুম মন্ত্রালয়
এন্তাইতী খরগী অনৌবা রেজিস্ত্রেসন, এপ্রুবেল তৌবগী থৌওংশিং ওক্তোবর ১, ২০২০ ফাওবা য়ৈথোকখ্রে
Posted On:
09 MAY 2020 10:41AM by PIB Imphal
হৌজিক ওইরিবা হ্যুমেনিতরিয়ন অমসুং শেনমিৎলোনগী লুরবা তাঞ্জা অসি য়েংলদুনা সি.বি.দি.তি.না এন্তাইতী খরগী অনৌবা এপ্রুবেল/রেজিস্ত্রেসন,নোতিফিকেসন তৌবগী থৌওংশিং ওক্তোবর ১, ২০২০ ফাওবা য়ৈথোক্লগনি। মসিগী মতুং ইন্না ইনকম তেক্স এক্তকী সেক্সন ১০ (২৩ সি.), ১২ এ.এ., ৩৫ অমসুং ৮০ জি.গী মখাদা এপ্রুব/রেজিস্তর/নোতিফাই তৌরবশিংগী ওইনদি ওক্তোবর ১, ২০২০দগী থা অহুম ফাওবগী মনুংদা, হায়বদি দিসেম্বর ৩১, ২০২০গী মমাংদা, ইন্তিমেসন ফাইল তৌগদবনি। মখা তানা অনৌবা এন্তাইতীগী এপ্রুবেল/রেজিস্ত্রেসন,নোতিফিকেসন তৌবগী শেমদোক্লবা চৎন-কাংলোনশিং অসি ওক্তোবর ১, ২০২০দগী চৎনবা হৌগনি।
মসিগা মরী লৈনবা তঙাই ফদবা লেজিস্লেতিবকী ওইবা শেমদোকপশিংদি মতমগী মতুং ইন্না খঙহল্লক্কনি।
নোবেল কোরোনা ভাইরস (কোবিদ-১৯) লাকপা অমসুং মসিগী মখা তানা লোকদাউন লৈরকপসিদগী জুন ১, ২০২০দগী মথক্তা পল্লিবা অনৌবা থৌওংশিং চৎনবা হৌবদা থেংনগদবা খুদোংচাদবা কয়াগী মতাংদা ৱাকৎ কয়া শেলথুমগী মন্ত্রালয়দা লাকখি। অনৌবা থৌওংশিং অসি মতম খরা য়ৈথোকপীয়ু হায়বা ৱাফম কয়াসু হায়জরকখি।
পনবা য়াবদি, এক্ত অসিগী সেক্সন ১০ (২৩ সি.), ১২ এ.এ., ৩৫ অমসুং ৮০ জি.দা পল্লিবা এন্তাইতী খরগী এপ্রুবেল/রেজিস্ত্রেসন/নোতিফিকেসন অসি জুন ১, ২০২০দগী চৎহনগদবনি হায়না ফাইনান্স এক্ত, ২০২০না চৎনবগী অয়াবা পীখ্রবনি। অনৌবা থৌওং অসিগী মতুং ইন্না সেক্সন অসিগী মখাদা হান্ননা এপ্রুব/রেজিস্তর/নোতিফাই তৌরবা এন্তাইতীশিংনা থা অহুমগী মনুংদা, হায়বদি ওগস্ত ৩১, ২০২০গে মমাংদা, ইন্তিমেসন ফাইল তৌগদবনি। মখা তানা অনৌবা এন্তাইতীগী এপ্রুবেল/রেজিস্ত্রেসন/নোতিফিকেসন তৌবসি জুন ১, ২০২০দগী চৎনবা য়াবগী অয়াবসু পীখ্রবনি।
****
(Release ID: 1622435)
Visitor Counter : 242
Read this release in:
Assamese
,
English
,
Urdu
,
Hindi
,
Marathi
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam