লৈবাক শিনবা থুংনা লোকদাউন তৌবা অসিনা মরম ওইরগা পোৎচৈ পুথোক পুশিন তৌবদা অপনবা অথিংবা কয়া অমা লৈজরবসু চত্থরিবা রাবি পন্থা মনুংসিদা গেহু অমসুং চেং (অনিসুবা মহৈ মরোং) খোমগৎপগী থবক্তা খোজেল য়াংখৎলক্লি। পান্দম থম্লিবা মেত্রিক তন লাখ (এল.এম.তি) ৪০০গী মায়োক্তা, ০৬.০৫.২০ ফাওবদা সেন্ত্রেল পুলগীদমক্তা খোমগৎপদা ২১৬ এল.এম.তি. য়ৌখ্রে। মসি মরু ওইনা হরাওনীংঙাই ওইবা য়াফম্নি মরমদি মরু ওইনা য়াম্না চাউনা গেহু খোমগৎলিবা মফমশিং খুদম ওইনা পঞ্জাব, হরিয়ানা অমসুং মধ্য প্রদেশদা এপ্রিল ১৫ খক্তদগী খোমগৎলকপা হৌরকপনি। অসিগা চপ মান্ননা সরকারগী এজেন্সীশিংনা হৌজিক ফাওবদা ফৌ ৪৪.৯ এল.এম.তি য়াম্না কোম্না খোমগৎপা ঙমখ্রে।

পঞ্জাবনা ১০৪.২৮ এল.এম.তি. খোমগত্তুনা গেহু খোমগৎপদা মাংজিল থাদুনা চৎলি মসিগী মথংদা হরিয়ানানা ৫০.৫৬. এল.এম.তি. অমসুং মধ্য প্রদেশনা ৪৮.৫৬ এল.এম.তি. খোমগৎখি। মতম চাদনা নোং চুখিবনা মরম ওইরগা হায়রিবা রাজ্যশিং অসিদা লৈরিবা গেহুগী স্তোকশিংদা শোকহনখি। ভারত সরকারনা খোমগৎপগীদমক্তা অখন্নবা মরমশিংদা কোমথোক্তুনা লৌমীশিংবু কন্দুনা য়াইফনবগী থৌরাং লৌখৎখ্রে, মসিনা খোমগৎপগী থবকশিংদা য়াম্না চাউনা মতেং পাংখি অমসুং লৌমীশিংবু অৱাবা তাবদগী কনখি। উত্তর প্রদেশ অমসুং রাজস্থান্নসু সেন্ত্রেল পুলগী খোগৎপদা শরুক য়ারি অমসুং খোংজেল য়াংখৎলক্লি।

ফৌগী মতাংদা, অচৌবা ইরিগেসন প্রোজেক্তশিং পাইখৎখিবনা মরম ওইরগা পোত্থোক্তা য়াম্না চাউনা হেনগৎলকখিবনা মরম ওইরগা তেলঙ্গানাদনা অয়াম্বা খোমগৎখি। চাউরাক্না ৪৫ এল.এম.তিগী অপুনবা ফৌ খোমগৎখিবগী মনুংদা তেলঙ্গানা মতোমদনা ৩০ এল.এম.তি. মসিগী মথংদা অন্ধ্র প্রদেশনা চাউরাক্না ১০ এল.এম.তি. খোমগৎখি। লোকদাউননা মরম ওইরগা থেংনরিবা মখল মখা খায়াগী শিংনবশিং অসিগী মরক অসিদা খোমগৎপদা খোংজেল ফিভম ফনা লৈরিবা অসি ভারত সরকার অমসুং মশা-মশাগী রাজ্য সরকারশিংগী মরক্তা অচৌবা তীম ৱার্ক লৈবনা মরম ওইরগা পুরকপা ফলনি।

প্রধান মন্ত্রী গরিব কলয়ান অন্ন য়োজনা (পি.এম.জি.কে.এ.ৱাই.)গী মখাদা রাজ্য সরকারশিংনা হৱাই চেংৱাইশিং লৌখৎপা অসি মসিগী মখাদা লৈবাক শিনবা থুংনা চাউরাক্না কোতি ৮০গী বেনিফিস্যারীশিংদা থা ৩গীদমক্তা হৱাই চেংৱাই কে.জি.৫ লেম্না য়েন্থোকখিবা অসি ৭০ এল.এম.তি. হেনখ্রে, মসি থা ৩গীদমক্তা খাইদোকখিবা অপুনবা অদুগী চাউরাক্না শরুক ৫৮%নি।রাজ্য খুদিংমক্না এপ্রিল ২০২০গীদমক্তা ওইবা স্তোকশিং লৌখৎপা লোইখ্রে অমসুং য়ুনিয়ন তেরিতোরী ৫না থা ৩ পুন্নগী কোতা লৌবা লোইখ্রে। ভারত সরকারনা রাজ্য খুদিংমক্তা মতিক চানা হৱাই চেংৱাইশিং ফংহন্দুনা লৈবাক অসিদা মীপুম খুদিংমক্কীদমক্তা হৱাই চেংৱাইশিং ফংদবদগী ৱানবগী মচাক অমা ওইদনবা কন্না হোৎনরি।

****