(মসিদা হৌখিবা পুং ২৪ দা থোকখিবা কোবিদ-১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌজিক ফাওবদা কোবিদ-১৯ কেস ৫২,৯৫২ রিপোর্ত তৌরে; মীওই ১৫,২৬৬ নাবা ফখ্রে; মসিনা কোবিদ-১৯দগী ফগৎলকপগী চাং ২৮.৮৩% য়ৌরে; ১,৭৮৩ লৈখিদ্রে।
• পুং ২৪গী মনুংদা কনফার্ম্দ কেস ৩৫৬১ হাপচিল্লকখ্রে অমসুং অনাবা ১০৮৪না নাবা ফখ্রে।
• লাক্কদৌরিবা নুমিৎ খরনি অসিদা রাজ্যশিংদা মাইগ্রীন্ত লেবরশিং থুংলগদৌরিবশিং অসি য়েংলগা, দা. হর্শ বর্ধন্না রাজ্যশিংদা মখোয়বু তেস্ত তৌনবা, ক্বারেন্তিন তৌনবা অমসুং পোজিতিব কেসশিংবু লায়েংনবগী মতীক চাবা থৌরাং অমসুং থৌশিল পায়খৎনবা হায়খ্রে।
• প্রধান মন্ত্রীনা ভারতনা খুনাই অসিগীদমক অমসুং মালেম পুম্বগী ওইনা হোৎনরি অমসুং হোৎনখিগনি হায়না ফোংদোকখ্রে।
• ঐচ.আর.দি. মন্ত্রীনা রিসর্সকী থবক্তা খুমাং চাউশিন্ননবা পি.এম.আর.এফ. স্কিমদা শেমদোক-শাদোক্কনি হায়না লাউথোকখ্রে।
• হকশেল অমসুং আয়ুশ মন্ত্রীশিংনা অপুনবা ওইনা কোবিদ-১৯গী ফিবম অসি য়েংশিন্নবা অহেনবা খুজিল থৌরাং ওইনা আয়ুর্বেদকী হীরমদা ক্লিনিকেল রিসর্স স্তদীজ তৌবা হৌদোকখ্রে।
• রেলৱেজনা মখোয়গী কোচ ৫২৩১বু কোবিদ কেয়র সেন্তর ওন্থোকখ্রে।
• সি.এস.আই.আর.না কম্পেন্দিয়ম ওব ইন্দিয়ন তেক্নোলোজী ফোর কোম্বেত্তিং কোবিদ-১৯ ফোংখ্রে।

দা. হর্শ বর্ধন্না উত্তর প্রদেশ, ওরিশা অমসুং নোংচুপ বেঙ্গলদা কোবিদ-১৯ য়েংশিন্নবগীদমক পায়খৎলিবা থৌরাংশিং অমসুং লাকশিন্নবা লৌখৎলিবা খোংথাংশিং য়েংশিনখ্রে

কেন্দ্রগী হকশেল অমসুং য়াইফ-য়ুম্বাল মন্ত্রীনা ঙসি উত্তর প্রদেশ অমসুং ওরিশাগী হকশেল মন্ত্রী অমসুং কেন্দ্র অমসুং রাজ্য সরকারগী মকোক থোংবা ওফিসিএলশিংগা লোইননা হৌজিক ওইরিবা ফিবম, লৌখৎলিবা থবকশিং অমসুং রাজ্য অহুম অসিদা কোবিদ-১৯ থেংননবগী শেম শারিবশিংগী মতাংদা খন্নখ্রে। মে ৭, ২০২০ ফাওবদা, লৈবাক অসিদগী অপুনবা কেস ৫২,৯৫২ লাকখ্রে অমসুং মসিগী মনুংদগী মীওই ১৫,২৬৬না নাবা ফখ্রে অমসুং ১,৭৮৩না লৈখিদ্রে হায়না মহাক্না ফোংদোকখি। হৌখিবা পুং ২৪ অসিদা, অনৌবা কনফার্ম্দ কেস ৩৫৬২ লাকখ্রে অমসুং ১০৮৪না নাবা ফখ্রে। মহাক্না মখা তারদুনা হায়, অতোপ্পা লৈবাক্কা চাংদম্নরুবা মতমদা, ভারতনা খরমখৈ শাফরি, মরমদি, শিবগী চাং অসি ৩.৩% খক্তনি অমসুং নাবা ফবগী চাংনা ২৮.৮৩% ওইরি। মহাক্না হায়খি, হৌজিক আই.সি.য়ু.দা অনাবা ৪.৮% খক্তমক লৈ, ভেন্তিলেতরদনা ১.১%দমক লৈ অমসুং ওক্সীজেনগা লোইননা ৩.৩% লৈ। লৈবাক অসিদা তেস্তিং তৌবগী মশীং হেনগৎলক্লি, নোংমদা তেস্ত ৯৫,০০০ তৌরি। অপুনবা ওইনা, হৌজিক ফাওবদা কোবিদ-১৯ তেস্ত ১৩,৫৭,৪৪২ তৌখ্রে। হৌজিক ফাওবদা, নুমিৎ ৭নিগী মনুংদা কেস অমত্তা লাক্তবা দিস্ত্রিক্ত ১৮০ লৈরি, নুমিৎ ৭-১৩ ফাওবদা কেস অমত্তা লাক্তবা দিস্ত্রিক্ত ১৮০ লৈ, নুমিৎ ১৪-২০ ফাওবদা কেস অমত্তা লাক্ত্রিবা দিস্ত্রিক্ত ১৬৪ লৈ অমসুং নুমিৎ ২১-২৮ ফাওবদা কেস অমত্তা লাক্ত্রবা দিস্ত্রিক্ত ১৩৬ লৈ। লাক্কদৌরিবা নুমিৎশিং অসিদা রাজ্যশিংদা য়ৌগদবা মাইগ্রেন্ত লেবরশিংগী ফিবম অসি য়েংলগা, দা. হর্শ বর্ধন্না রাজ্যশিংদা মখোয়বু তেস্ত তৌনবা, ক্বারেন্তিন তৌনবা অমসুং পোজিতিব কেসশিংবু লায়েংনবগী মতীক চাবা থৌরাং অমসুং থৌশিল পায়খৎনবা হায়খ্রে। মখোয়গী তেস্ত তৌনবা, ইন্সতিত্যুসনেল ক্বারেন্তিন তৌনবা অমসুং লাইয়েংনবগীদমক মতীক চাবা থৌরাং লৌখৎপা মথৌ তাই, করিগুম্বা তঙাইফদ্রবদি হেল্পলাইন নম্বর ১০৭৫কী মথক্তা ১০৪দা কোবিদকা মরী লৈনদবা তঙাইফদবা সর্বিসশিংগীদমক কোল তৌদুনা সর্বিসশিং অসি লৈরিব্রা লৈত্রবরা হংবা য়াগনি। মখোয়দা কাংনা শন্দোকপা লাইনাদগীসু ঙাকথোক্নবা শেম শানবা হায়খি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621842

প্রধান মন্ত্রী শ্রী নরেন্দ্র মোদীনা বুদ্ধ পুর্নিমা নুমিত্তা ভর্চুএল 'বেসক গ্লোবেল সেলেব্রেসন্স'তা ৱা ঙাংখ্রে

ভর্চুএল প্রেয়র ইবেন্ত অদুদা মালেমগী মফম অয়াম্বদগী বুদ্ধিস্ত শঙ্ঘশিংগী লুচিংবশিংনা শরুক য়াখি। থৌরম অদু কোবিদ-১৯না অৱাবা তাহল্লবা অমসুং ফ্রন্তলাইন লান্মীশিংগীদমক ইকাই খুম্নবা উৎনবগীদমক গ্লোবেল প্রেয়র ৱীক হায়না কত্থোকখি। প্রধান মন্ত্রী শ্রী নরেন্দ্র মোদীনা ঙসি ভর্চুএল বেসক গ্লোবেল সেলেব্রেসন্দা ৱা ঙাংখি। রাজ্যগী মন্ত্রী (আই/সি) অমসুং রাজ্যগী তুরিজমগী মন্ত্রী, শ্রী প্রহলাদ সিংহ পতেল অমসুং রাজ্যগী য়ুথ এন্দ এফিয়র্স অমসুং স্পোর্তস (আই/সি) মন্ত্রী অমসুং রাজ্যগী মাইনোরিতী এফিয়র্স মন্ত্রী, শ্রী কিরেন রিজিজুসু থৌরম অদুদা ভর্চুএল ওইনা শরুক য়াখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621823

বেসক-বুদ্ধ পুর্নিমাগী থৌরমদা প্রধান মন্ত্রীনা পীখিবা ৱারোল

"মরূপশিং, ভগবান বুদ্ধগী ৱাহৈ খুদিংমক, মানা লীবীরম্বা ৱারী খুদিংমক্না ভারতনা মীওইবা খু্ন্নাইগী সেবা তৌনবা হোৎনরিবা অসিবু থৌনা হাপ্লি। বুদ্ধনা ভারতকী মঙাল অমসুং ভারত পুম্ববু ইশানা ইশাবু খঙজবগী মগুন তাক্লি। ইশানা ইশাবু খঙজবসিনা, ভারতনা হৌজিকসু মীওইবা খু্ন্নাই অমসুং মালেম পুম্বনা ফগৎলক্নবগীদমক হোৎনরি অমসুং তুংদসু হোৎনখিগনি। ভারতকী চাউখৎপনা মালেম পুম্বগী চাউখৎলোন্দা মতেং পাংগনি।"

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621455

কোবিদ-১৯গী ফিবম অসিগীদমক আয়ুশকী খুজিল থৌরাং চংবা ইন্তর-দিসিপ্লিনরী স্তদীশিং হকশেল অমসুং আয়ুশ মন্ত্রীশিংনা হৌনবী মতুং ইন্না হৌদোকখ্রে

আয়ুশকী মন্ত্রী শ্রী শ্রিপদ য়েসো নাইক অমসুং হকশেল মন্ত্রী শ্রী হর্শ বর্ধন্না কোবিদ-১৯গা মরী লৈননা আয়ুশতা য়ুম্ফম ওইবা স্তদী অমসুং আয়ুশ সঞ্জিবানি এপ্লিকেসন হৌদোকখ্রে। থৌরম অদুদা ৱা ঙাংলদুনা দা. হর্শ বর্ধন্না হায়খি, "ভারত্তা মমাংঙৈদগী হৌনা মৈহৌরোলগী হিদাক লাংথকশিং শিজিন্নবগী পুৱারী লৈজরক্লে অমসুং আয়ুর্বেদকী হীরমদা মাংজিল থাবা লৈবাক অমা ওইরক্লি। আয়ুশ মন্ত্রালয় অসিনা আয়ুশ সিস্তেমগী ক্লিনিকেল স্তদীজকী মখাদা কোবিদ-১৯ লাচৎকী খুদোংথীবশিংদগী কন্নবা থৌরাং কয়া লৌখৎলি। শ্রী নাইক্না হায়খি মদুদি, আয়ুশ মন্ত্রালয়না ক্লিনিকেল অমসুং মীয়ামদা য়ুম্ফম ওইবা স্তদী মরি হৌদোক্তুনা লাইনা অসিবু থিংবদা আয়ুশকী থৌদাংশিং য়েংশিন্দুনা হেন্না ফবা উপাই পুথোক্নবা হোৎনরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621769

ইন্দিয়ন রেলৱেজনা রাজ্যগী ওথোরিতীশিংদা কোবিদ কেয়র সেন্তরশিং পীনবা খুমাং চাউশিন্না হোৎনখ্রে

রেলৱেজকী মন্ত্রালয়না মসিগী কোচ ৫২৩১ কোবিদ কেয়র সেন্তর ওন্থোকখ্রে। হায়রিবা কোচশিং অসি হকশেল অমসুং য়াইফ-য়ুম্বাল মন্ত্রালয়গী কাংলোন মখাদা কোবিদ কেয়র সেন্তরনি হায়না থম্লবা থাবা য়াবা য়াইমরপ ওইবা কেসশিংদা ক্লিনিকেল ওইনা থম্বা য়াগদৌরি। হায়রিবা কোচশিং অসি সস্পেক্ত অমসুং কনফার্ম্দ কোবিদ কেসকগী মরক্তা আইসোলেত তৌনবগী কেপাসিতী লোইরবা রাজ্যশিংনা শিজিন্নবা য়াহনগদৌরি। ইন্দিয়ন রেলৱেজনা স্তেসন ১৫৮দা ঈশিংগী অমসুং চার্জিং ফেসিলিতী পীদুনা অমসুং স্তেসন ৫৮দনা ঈশিংগী ফেসিলিতী পীদুনা কোবিদ কেয়র সেন্তরশিং শেম শাখ্রে।

অকুপ্পা  ৱারোলগীদমক, https://pib.gov.in/PressReleseDetail.aspx?PRID=1621776

ঐচ.আর.দি. মন্ত্রীনা রিসর্সকী থবক্তা খুমাং চাউশিন্ননবা পি.এম.আর.এফ. স্কিমদা শেমদোক-শাদোক্কনি হায়না লাউথোকখ্রে।

লৈবাক অসিদা থিজিন হুমজিনবগী হীরমদা খুমাং হেন্না চাওখৎহন্নবা হায়দুনা প্রাইম মিনিস্ত্রর’স রিসর্চ ফেলোশিপ স্কিমদা অহোংবা কয়া শেম্লগনি হায়না কেন্দ্রগী হ্যুমেন রিসোর্স দিবেলপমেন্ত মন্ত্রী শ্রী রমেশ পোখ্রিয়াল ‘নিশাঙ্ক’না ঙসি লাওথোকখ্রে। শেমদোক্লবা মতুংদদি শকখংলবা ইন্সতিত্যুত/য়ুনিবর্সিতি (আই.আই.এস.সি./আই.আই.তি.শিং/এন.আই.তি.শিং/আই.আই.এস.আর.শিং/আই.আই.ই.এস.তি./সি.এফ. আই.আই.আই.তি.শিং নত্তনা)গী মহৈরোইশিংগী চি.জি.পি.এ. অসি ৮ নত্ত্রগা মান্নবা ওইবগী মথক্তা চংদবা য়াদ্রবা জি.এ.তি.ই.গী স্কোর অসি ৭৫০ ওইরম্বদগী ৬৫০ ওইরগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621794

রাজ্য সভাগী চেয়র্মেন অমসুং লোক সভাগী স্পিকরনা কোবিদকী মতাংদা খন্নখ্রে অমসুং পার্লিয়মেন্তরী কমিতীশিংগী মীফম

ভারতকী উপ-রাস্ত্রপতি অমসুং রাজ্য সভাগী চেয়র্মেন শ্রী এম. ভেনকৈয় নাইদুনা লোক সভাগী স্পিকর শ্রী ওম বিরলাগা লোইননা মীফম অমা কৌদুনা লৈবাক অসিদা কোবিদ-১৯ লাইনাগী মরমদা, পার্লিয়মেন্তকী মীহুৎশিংনা লৌরিবা থৌদাং অমসুং পার্লিয়মেন্তকী কমিতিগী মীফমশিং পাংথোকপদা খুদোংচানবগী মতাংদা  খন্নখ্রে। শ্রী নাইদু অমসুং শ্রী বিরলানা হৌজিক ওইরিবা ফিবম অমসুং চত্থোক-চৎশিন্দা অথিংবা লৈরিবা অসিদা পার্লিয়মেন্তকী কমিতিশিংগী অথুবদা মীফম পাংথোকপা কোম্নবগী মতাংদা মীফম অদুদা খন্নখি। করিগুম্বা ফিবম অসিনা মহৌশাগী কমিতিগী মীফম মতম খরগী মতুংদা পাংথোকপদা খুদোংচাদ্রবদি অতোপ্পা উপাই থিদুনা পাংথোকপা য়ানবা হোৎনবগী তঙাইফদবসু পন্নখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621827

মপান লমদা লৈরিবা ভারত মচাশিং লৌথোকপদা মতেং পাংনবা ইন্দিয়ন নেভীনা জহাজশিং থাখ্রে অমসুং আর্ম্দ ফোর্সেসনা ক্বারেন্তিন শেম শাদুনা থম্লে

আই.ও.আর. রিজন্দা লৈবা তোঙান-তোঙানবা লৈবাকশিংদা ইন্দিয়ন আর্ম্দ ফোর্সেসনা মেদিকেলগী কাংবু অমসুং মতেং ওইনবা সপ্লাইশিংগা লোইননা নেভেলগী জহাজশিং থাখ্রে। হল্লকপগী খোংচত্তা, জহাজশিং অসিনা হায়রিবা মফমশিং অসিদা লৈবা ভারত মচাশিংবু পুথোক্লক্কনি। মখা তানা, মপান থৌরম মন্ত্রালয় অমসুং সিবিল এবিএসন মন্ত্রালয়গা খুৎশম্নরগা তোঙান-তোঙানবা লৈবাকশিংদগী লৌথোক্লকপা ভারত মচা ২,১০০না লৈননবা ক্বারেন্তিন ফেসিলিতী তরুক আর্ম্দ ফোর্সেসনা শেম শাদুনা থম্লে। কোবিদ-১৯না মরম ওইদুনা সৌদি আরবিয়া, কুৱেত, য়ুনাইতেদ আরব ইমিরেত, বাহরেন অমসুং মলেসিয়াদা পন্দুনা লৈরিবা ভারত মচাশিং অসিবু পুরক্লগা থম্ননবগীদমক ইন্দিয়ন আর্মী, ইন্দিয়ন নেভী অমসুং ইন্দিয়ন এয়রফোর্স হায়রিবা সর্বিস অহুম অসিনা জোধপুর, জৈসলমের, বোপাল, কোচি, বিশাখাপত্নম অমসুং চেনাইদা শেম শারিবা ক্বারেন্তিন ফেসিলিতীশিং অসিদা থমগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621766

প্রধান মন্ত্রী শ্রী নরেন্দ্র মোদী অমসুং ইথিয়োপিয়া ফেদরেল দেমোক্রেতিক রিপব্লিক্কী প্রধান মন্ত্রী হিজ এক্সিলেন্সী দা. অবী অহমদ অলীগী মরক্তা ফোন তৌনখ্রে

প্রধান মন্ত্রী শ্রী নরেন্দ্র মোদীনা ঙসি ওফ ইথিয়োপিয়া ফেদরেল দেমোক্রেতিক রিপব্লিক্কী প্রধান মন্ত্রী হিজ এক্সিলেন্সী দা. অবী অহেমদ অলীগা লোয়ননা তেলিফোন্দা ৱারী শানখ্রে। লুচিংবা অনিনা কোবিদ-১৯ লাইচৎনা ওইহল্লিবা লৈবাক মনুংগী, লমদম অসোমগী অমসুং মালেমগী ওইবা শিংনরিবশিংগী মরমদা খন্ন-নৈনখি অমদি হকশেলগী চিরবা তাঞ্জা অসিদা অমনা অমগা পুন্না থবক তৌমিন্ননবা ফোংদোক্নখি। প্রধান মন্ত্রীনা দা. অবী অহেমদ অলীগী মফমদা মরুওইবা হিদাক-লাংথকশিং সপ্লাই তৌনবগীদমক অমদি লাইচৎ অসিগী ইকোনোমিক ইম্পেক্ত থেংননবগীদমক ইথিয়োপিয়াদা ভারতনা তেঙবাং পীগনি হায়না থাজবা পীখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621539

ইন্দস্ত্রীশিংনা অচুম্বা খোংথাং লৌখৎকদবনি অমসুং কোবিদ-১৯ খুদোংথীবশিংগী মতুংদা লাক্কদবা খুদোংচাবশিং লৌহৌগদবনিঃ শ্রী গদকারী

শ্রী নিতিন গদকারীনা হায়খ্রে মদুদি ইন্দস্ত্রীশিংনা অচুম্বা মাইকৈদা য়েংগদবনি অমসুং কোবিদ-১৯ লাইচৎ লোইরকপদা লাকপা খুদোংচাবশিং লৌহৌগদবনি। শ্রী গদকারীনা ইন্দস্ত্রীশিংগী পুক্নিং চিংশিল্লদুনা কোবিদ-১৯ শন্দোকপা থিংনবা লৌখৎপা য়াবা চেকশিন থৌরাংশিং মপুং ফানা লৌখৎকদবনি হায়খি। মহাক্না ওর্গনাইজেসনশিংদা মখোয়গী শিন্মীশিং অমসুং একজিক্যুতিবশিংদা চানবা, লৈফম নিংথীনা পীবীগদবনি অমসুং সোসিএল দিস্তেন্সিংগী কাংলোন ইলহনগদবনি হায়খি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621829

শ্রী গদকারীনা মথং চহী অনীগী লম্বী শেম্বগী পান্দম লুপা করোর লাখ ১৫দা থমখ্রে

মন্ত্রীনা হায়খি, মহাক্না মন্ত্রালয় অসিগী ওফিসিএলশিংদা ওতো স্ক্রেপিং তৌবগী পোলিসী অথুবদা লোইশিনগদবনি অমসুং মসিনা অচংবা শেল হন্থহনবদা মতম কুইনা চংহল্লগনি হায়খি। ওতোমোবিল মেন্যুফেকচরিংদা নিংথীনা চত্থবা য়ানবা ফোরেন কেপিতেল য়াওনা অহোংবা ক্রেদিত থিনবা পাউতাক পীখি। বি.এস.৪ গারীশিংগী মতাংদা পল্লদুনা মহাক্না হায়, সর্কার অসি সুপ্রীম কোর্তকী রাই ইন্দুনা চৎপা তাবনি।

অকুপ্পা মরোলগীদমক, https://pib.gov.in/PressReleseDetail.aspx?PRID=1621779

কেন্দ্রগী লৌউ-শিংউ মন্ত্রীনা সোইল হেলথ কার্দতা য়ুম্ফম ওইবা অপুনবা ওইনা লৈহাউদা য়াওবা ন্যুত্রিয়েন্ত শেম শাবদা লৌমীশিংগী ওইবা ঈহৌ অমা শাগৎনবা পুক্নিং চিংশিনখ্রে  

কেন্দ্রগী লৌউ-শিংউ অমসুং লৌমীশিংগী য়াইফ-থৌরাং মন্ত্রী শ্রী নরেন্দ্র সিংহ তোমারনা অপুনবা ওইনা লৈহাউদা য়াওবা ন্যুত্রিয়েন্ত শেম শাবদা লৌমীশিংগী ওইবা ঈহৌ অমা শাগৎনবা পুক্নিং চিংশিনখ্রে। সোইল হেলথ থৌরমগী খুমাং চাউশিনবগী চাং য়েংলদুনা, মহাক্না সোইল হেলথ কার্দতা পীরিবা পাউতাকশিংগী চেকশিন্না ইন্দুনা কেমিকেল য়াওবা হারশিং শিজিন্নবগী মহুত্তা বাইও অমসুং ওর্গানিক ওইবা হারনা মহুৎ শিন্ননবা মিসন মোদ ওইবা মীয়াম ভাপ তাহন্নবা কেম্পেন অমা পাংথোক্নবা পাউতাক পীখি। ২০২০-২১গী মনুংদা, থৌরাং অসিগী মরু ওইবা পান্দম অসি লৈবাক অসিদা লৈরিবা দিস্ত্রিক্ত পুম্নমক কোনশিন্দুনা খুঙ্গং লাখ ১ হেনবদা লৈরিবা লৌমীশিংবু পাক্তক্ননা ভাপ তাহনবগী থৌরম পাংথোকপনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621542

ফুদ অমসুং পব্লিক দিস্ত্রিব্যুসনগী সেক্রেতরীনা রাজ্য/য়ু.তি. ২৪দা লৈবা ফুদ সেক্রেতরীশিংগা প্রধান মন্ত্রী গরীব কল্যান অন্ন য়োজনাগী মখাদা পায়খৎলিবা ফুদ গ্রেন দিস্ত্রিব্যুসনগী মতাংদা য়েনশিন মীফম পাংথোকখ্রে

স্কিম অসিগী মখাদা, লাইচৎ অসিনা শোকহল্লবা লৈবাক অসিদা লৈরিবা কা-হেন্না ফিবম চাদ্রবা সমাজ অসিগী কাংলুপ্তা ফুদ গ্রেন মেত্রিক তন লাখ ১২০ লোম য়েন্থোকখ্রে। সরকারনা নফসাগী মখাদা লৈবা প্রাইয়োরিতী হাউসহোল্দ (পি.ঐচ.ঐচ.)শিংদা এপ্রিল, মে অমসুং জুন ২০২০গী হায়রিবা থা অহুম অসি মহৌশা ফংবা চাংদুগী শরুক অনী হেন্না ফংহনবগা লোইননা অন্ত্যোদয়া অন্ন য়োজনা (এ.এ.ৱাই)গী কান্নবা ফংখ্রবশিংদা থা অমদা কার্দ অমনা কিল্লো ৩৫ ফংগদবদুদগী অহেনবা থা অমদা কিল্লো ৫ হাপতুনা ফংহনখ্রে। হায়রিবা স্কিম অসিবু রাজ্য সরকারশিংনা থাগৎপা ফোংদোক্লকখি অমসুং ০৬.০৫.২০২০ ফাওবদা মেত্রিক তন লাখ ৬৯.২৮ হোনখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621536

শ্রীমতী হর্সিম্রাত কৌর বাদলনা কোবিদ-১৯ লাইচৎকী তম্বা ঙমদবা অমসুং অৱানা মতম অসিদা  ইন্তিগ্রেতেদ কোল্দ চেন নেতৱার্ক মরুওইরিবসিগী মতাংদা থমখ্রে

এন.ও.এফ.পি.আই.না শৌগৎপা কোল্দ চেন প্রোজেক্তশিংগী প্রোমোতরশিংগা ভিদিও কনফরেন তৌরিঙৈদা কেন্দ্রগী মন্ত্রীনা কোবিদ-১৯ লাইচৎনা মরম ওইদুনা তম্বা ঙমদবা ফিবম অমা লাক্লিবসিদা ইন্তিগ্রেতেদ কোল্দ চেন নেতৱার্ককী ফুদ প্রোসেসিং ইন্তর্প্রাইজশিংগী মরু ওইবগী মতাংদা ফোংদোকখি। মসিনা লৌমী কয়াবু তম্বা ঙমদবা ফিবমদগী কনবা ঙমগনি অমসুং কোইথেলদা ফংবা মমল অকা-অকুম তৌবা হন্থহল্লি। ফুদ প্রোসেসিং ইন্দস্ত্রীশিং অসিনা লৌমীশিংগী অহেনবা পোত্থোকশিং লৌশিন্দুনা লৌমীশিংদা কান্নহল্লি অমসুং মতম অমত্তদা লোক্লবা পোত্থোকশিংবু লমদম অসিগী তঙাইফদবশিং পীদুনা অমসুং মপান্দা থাদোকপা য়াবা পোত্থোকশিং ওন্থোক্তুনা অহেনবা ভেল্যু হাপকৎহল্লি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621532

কোবিদ-১৯ লাইচৎ থেংননবা লেবর মন্ত্রীনা সি.তি.য়ু.গী মীহুৎশিংগা উনখ্রে

রাজ্যগী (আই/সি) লেবর অমসুং ইমপ্লোইমেন্ত মন্ত্রী শ্রী সন্তোশ কুমার গঙ্গ্বরনা সেন্ত্রেল ত্রেদ য়ুনিয়ন ওর্গনাইজেসন (সি.তি.য়ু.ও.এস.)কা লোইননা কোবিদ-১৯ লাইচৎনা ওইহল্লক্লিবা খুদোংচাদবশিং অমসুং শিন্মীশিং অমসুং শেন্মিৎলোন্দা মসিনা পীবা ইথিল হন্থহন্নবা ৱেবিনার অমা পাংথোকখ্রে। মীফম অসিদা (১) কোবিদ-১৯গী য়েংদুনা শিন্মীশিং অমসুং অতোপ্পা লমগী শিন্মীশিংগী অপাম্বশিং ঙাকপীবা, (২) থবক পীনবা থৌরাংশিং, (৩) শেল-থুমগা মরী লৈনবা থবক থৌরমশিং নৌনা হৌনবা লৌখৎকদবা খোংথাংশিং অমসুং (৪) এম.এস.এম.ই.গী ফিবম ফগৎহন্দুনা মখোয়না লেবর লোগী মতুং ইন্না থীগৎকদবশিং পীখৎপা ঙমহন্নবা খোংথাংশিং।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621495

শ্রী গদকারীনা ফ্রেগ্রান্স অমসুং ফ্লেবর্স এসোসিএসন ওব ইন্দিয়াবু লমদম অসিগী ওইবা পোত্থোক্তা মীৎয়েং চংনবা অমসুং মপান্দগী পুশিল্লকপা পোত্থোশিং মহুৎ শিনবদা মীৎয়েং থম্নবা পুক্নিং চিংশিনখ্রে

কেন্দ্রগী এম.এস.এম.ই. অমসুং রোদ ত্রান্সপোর্ত অমসুং হাইৱেজ মন্ত্রী শ্রী নিতিন গদকারীনা ফ্রেগ্রান্স অমসুং ফ্লেবর্স এসোসিএসন ওব ইন্দিয়াগী মীহুৎশিংগা স্তার্ত অপ ইকো সিস্তেম অমসুং এম.এস.এম.ই.দা কোবিদ-১৯না পীরিবা শাফুগী মতাংদা মীফম অমা ভিদিও কনফরেন্সিংগী খুথাংদা পাংথোকখ্রে। হায়রিবা মীফম অসিদা, মীহুৎশিংনা কোবিদ-১৯না এম.এস.এম.ই.দা পীরিবা শীংনবশিংগা লোইননা সেক্তর অসিবু হান্নগুম নিংথীনা মথৌ তৌহন্নবা হোৎনবদা তৌবা য়াবশিংগা লোইননা সরকারদগী পাংবা য়াবা মতেংশিং থমখি। শ্রী গদকারীনা ফ্রেগ্রান্স অমসুং ফ্লেবর্স ইন্দস্ত্রীদা মপান্দগী পুশিনলকপা পোৎশিং শিজিন্নবগী মহুত্তা লমদম অসিগী পোত্থোক্তা মীৎয়েং থম্নবা পাউতাক পীবদা লোইননা লমদম অসিগী ৱাদা মীৎয়েং থম্নবসু হায়খি। মহাক্না মখা তানা ইন্দস্ত্রী অসিনা ইনোবেসন, তেক্নোলোজি অমসুং রিসর্স স্কিলশিংদা মীৎয়েং থমদুনা মালেমগী কৈথেলদা চাংদম্নবা য়ানবা হোৎননবা ফোংদোকখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621553

দি.জি. সি.এস.আই.আর.না কম্পেন্দিয়ম ওব ইন্দিয়ন তেক্নোলোজীস ফোর কোম্বেতিং কোবিদ-১৯ ফোংখ্রে

নেসনেল রিসর্স দিবেলপমেন্ত কোর্পোরেসন্না শেম্বা "কম্পেন্দিয়ম ওফ ইন্দিয়ন তেক্নোলোজীস ফোর কোম্বেতিং কোবিদ-১৯ (ত্রেসিং, তেস্তিং এন্দ ত্রিএতিং)" সি.এস.আই.আর.গী দিরেক্তর জেনরেল দা. শেখর সি. মান্দেনা ফোংখ্রে। হায়রিবা কম্পেন্দিয়ম অসিদা কোবিদ-১৯গা মরী লৈনবা তি.৩গে কাংলুপরা চনবা ত্রেকিং, তেস্তিং অমসুং ত্রিএতিংদা ভারতকী তেক্নোলোজীশিং, হৌজিক-হৌজিক চত্থরিবা রিসর্সকী থবক থৌরমশিং, লৈবা য়োনবা তৌবা য়ারবা তেক্নোলোজীশিং, ভারত সরকারনা লৌখৎলিবা থবক থৌরমশিং য়াওরি। হায়রিবা তেক্নোলোজীশিং অসি প্রুফ ওব কন্সেপ তেস্ত তৌরবা অমসুং ওন্ত্রপ্রিনরশিংনা নৌনা অমুক শেমদোক-শাদোকপা য়াওদনা কৈথেলদা পুথোকপা য়ারবশিংনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621458

এনবাইরোন্মেন্ত ইম্পেক্ত এসেস্মেন্ত নোতিফিকেসন (ই.আই.এ.), ২০২০গী দ্রাফকী নোতিস মতম জুন ৩০ ফাওবা শাংদোকখ্রে

কেন্দ্র সরকারনা মার্চ ২৩, ২০২০দা থোকপা এনবাইরোন্মেন্ত ইম্পেক্ত এসেস্মেন্ত নোতিফিকেসন, ২০২০ হায়বা বাইদ এস.ও. ১১৯৯ (ই) ওইবা দ্রাফ নোতিফিকেসন অমা এপ্রিল ১১, ২০২০দা ওফিসিএল গেজেত্তী অমা শোকহনগদবা মীশিং অমসুং দ্রাফ অদুদা য়াওবা প্রোপোজেল অদু নুমিৎ তরুকনিগী মনুংদা তৌনিংবা ওবজেক্সন নত্ত্রগা সজেসনশিং পীরক্নবা খংহনখ্রে। মন্ত্রালয় অসিনা নোতিসকী পেরদ অসিসু জুন ৩০, ২০২০ ফাওবা শাংদোকখ্রে।

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1621800

তুরিজম মন্ত্রালয়না দেখো অপ্না দেশ লোগো দিজাইন চাংদম্নবা হৌদোকখ্রে

তুরিজম মন্ত্রালয়না মাইগোব প্লেতফোর্মদা 'দেখো অপ্না দেশ' লোগো দিজাইন চাংদম্নবা হৌদোকখ্রে। হায়রিবা চাংদম্নবা অসিগী পান্দমদি লৈবাক অসিদা লৈরিবা ক্রিএতিব ওইবা আইদিয়াশিংদগী পুথোক্লকপা 'দেখো অপ্না দেশ' কেম্পেনগী লোগো অমা শেম্বনি। লাইচৎ অসি লাকশিনবা ঙম্বগী ফিবমদা লৈরবনা লোকদাউন মতুংদা ইন্তরনেসনেল তুরিজমদগীদি দোমেস্তিক তুরিজম্না হেন্না খুমাং চাউশিনগনি হায়বসি ময়াম্না য়ানরি। দোমেস্তিক তুরিজমগী শক্তি অসি উরদুনা, লৈবাক মচাশিংনা মখোয় মশাগী ঙমখৈ মনুংদগী হৌদুনা পোথাদুনা মখোয়গী মশাগী লৈবাক অসি হান্না কোইনবা পুক্নিং থৌগৎপনা ভারতকী অথোইবা লাল্লোং অমা ওইগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621587

আই.সি.এ.আর. ইন্সতিত্যুতনা লোল ১২দা ঙা য়োকপগী সেক্তরগীদমক এদবাইজরীশিং ফোংখ্রে

লৌউ-শিংউগী সেক্তরগা মরী লৈনবা স্তেকহোল্দরশিংগী শোইদ-ঙামদনবগীদমক, ইন্দিয়ন কাউন্সিল ওব এফ্রিকলচরেল রিসর্স, লৌউ-শিংউ অমসুং লৌমীশিংগী য়াইফ-থৌরাং মন্ত্রালয়না মসিগী রিসর্স ইন্সতিত্যুৎ অসিগী মখাদা মরী লৈনবা সব সেন্তরশিংবু মীৎকুপ নাহুম শিংনবা তোঙান-তোঙানবা থৌরাং কয়া লৌখৎলে। ঙা-য়োকপগী সেক্তরদা, আই.সি.এ.আর.না ফিসরী ইন্সতিত্যুসনশিংদা মখোয়গী শিন্মীশিং অশোই-অঙাম য়াওদনবা অমসুং লাইনা শন্দোকপা থিংনবগীদমক এদবাইজরীশিং পুথোকপা অমসুং ফোংবগী থবক্তা মাংজিল থারি। মসিগী থৌরাং অসিগী মখাদা, আই.সি.এ.আর.-সেন্ত্রেল ইন্সতিত্যুত ওব ফিসরীজ তেক্নোলোজী, কোচিনা ঙামী, ঙা ফাবা চৎনবগী হি মপুশিং, ফিসিং হার্বর, ঙাগী কৈথেল অমসুং সমুদ্রগী ঙা প্রোসেস তৌরিবা প্লান্তশিংগীদমক ইংলিস অমসুং হিন্দিগী মথক্তা তোঙান-তোঙানবা লমগী লোল ১০দা এদবাইজরীশিং ফোংখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621745

নাশিক স্মার্ত সিতীনা মোবাইল এপ্লিকেসন অমসুং বোদী সেনিতাইজেসন মছিনগী থৌরাং লৌখত্তুনা সহর অসিনা কোবিদ-১৯গী মাইয়োক্তা থেংনরিবা লান অসিদা মপাঙ্গল হাপখ্রে

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621809

পি.আই.বি. ফিল্দ ওফিসশিংদগী ফংবা পাউ

•   চন্দীগরঃ চন্দীগরগী লৈঙাক্লোইনা গ্যান তাবা মীয়াম্না করিগুম্বা মখোইদা অনাবা লৈরবদি মনাক নকপদা লৈবা দিস্পেন্সরিদা খংহনদগবনি হায়খ্রে। মহাক্না মফম মফমগী মকোক ওইবা মীওইশিং অমসুং য়ুম্লোন্নবশিংনা করিগুম্বা মীওই অমনা কোবিদ-১৯ নাবগী সিম্পতম উৎলগদি লৈঙাক্লোইশিংদা পাউ পীরক্নবা খংহল্লি। ঙসি ফাওবদা য়ু.তি. চন্দীগরদা লৈবা লৈত লাইরশিংদা থোংদোক্লবা চাক পেকেৎ ৩৮,৪৪,৮৬৭ য়েন্থোকখ্রে।

•   পঞ্জাবঃ রাজ্য অসিনা মশীং য়াম্লবা অতোপ্পা লমদা লৈবা এন.আর.আই. অমসুং লৈবাক শিনবা থুংনা পন্দুনা লৈরিবা মীওই কয়া  অমা চংলক্কদবা অসিগীদমক্তা শেম শারদুনা মুখ্য মন্ত্রীনা কিরবা কোবিদ-১৯ শন্দোকপা থিংনবা চৎন-কাংলোন কয়া অমগী পরীং অমা শেমখ্রে। মসিদা হল্লক্লিবা মীওই খুদিংবু শোইদনা স্ক্রিনিং তৌবা, ভারতকী লায়না য়াম্না শন্দোকপা মফমদগী লাকপা মীওইশিং ইন্সতিত্যুসনেল ক্বারেন্তাইন তৌবা অমসুং এন.আর.আই.শিংবু য়ুমদা নত্ত্রগা হোতেলদা ক্বারেন্তাইন তৌবগী ৱারোলশিং য়াওই। 

•   হরিয়ানাঃ হরিয়ানা অর্বান লোকেল বোদিজ দিপার্তমেন্তনা ম্যুনিসিপালগী মনুংদা লৈবা কৈথেলশিংদা মীওইশিংনা করিগুম্বা সোসিএল দিস্তেন্সিংগী চৎন-কাংলোনশিং অসি ইন্দবা থোক্লগদি ফাইন লৌনবা ৱারোল অমা থোকখ্রে। হরিয়ানা সরকারনা থবক পীনবা অমসুং শেনমিৎলোনবু ফগৎহন্নবা হায়বগী থৌরাং কয়াগী ওতোমেতেদ এপ্রুবেল পীনবা  https://saralharyana.gov.in/ গী পোর্তেল অথুবা মতমদা শেমখ্রে অমসুং হৌজিক ফাওবদা য়ুনিৎ ১৯,৬২৬তা অয়াবা পীখ্রে অমসুং মীওই ১১,২১,২৮৭পু থবক তৌবা য়াহনখ্রে।

•   কেরলাঃ পুৱারি ওইরগদবা বন্দে ভারত মিশন হৌবগী মতৌ অমা ওইনা অহল ১৭৭ অমসুং অঙাং ৪ অবু ধাবিদগী পুদুনা লাকপা এয়র ইন্দিয়া এক্সপ্রেসকী ফ্লাইৎ অসি ঙসি নুমিদাং পুং ৯দা কোচিদা তারগনি। দুবাইদগী লাক্কদবা এয়র ইন্দিয়া এক্সপ্রেসকী ফ্লাইৎ অমসু কোজিকোদেদা নুমিদাংগী পুং ১০.৩০দা তারগনি। এম.ঐচ.এ.গী চৎন-কাংলোনগী মতুং ইন্না লাক্লিবা মীওই খুদিংমক ক্বারেন্তাইন তৌগনি। ক্বারেন্তাইন তৌবদা থেংগদবা লৈবনা সরকারনা ভারতকী অতৈ মফমশিংদা পন্দুনা লৈরিবা কেরলা মচাশিংবু য়ুমদা হল্লক্নবগী অয়াবা পীবদা খরা থেংথগদৌরি। মাইগ্রেন্ত শিন্মীশিংনা ঙসি কন্নুর অমসুং এর্নাকুলম জিলাদা ময়ুমদা হনবা য়াহনবিয়ু হায়দুনা য়ানিংদবা ফোংদোকখ্রে। য়ু.কে., য়ু.এস. অমসুং গল্ফতা লৈবা কেরলা মচা ৬ লৈখিদ্রে। রাজ্য অসিদা এক্তিব কেস ৩০ লৈদুনা জিলা ৮ অমদদি কোবিদ অমফাওবা লৈত্রে।

•   তমিল নাদুঃ পেসেঞ্জর ১,১৩৬ পুবা অখন্নবা ত্রেন অমা তমিল নাদুদগী রাঞ্চিগীদমক খোংশানখ্রে। কোইম্বাতোরদগী ৩২,০০০ য়াওনা মাইগ্রেন্ত শিন্মী লাখ কয়ানা ময়ুমদা হন্নিংবগী ৱাফম থম্লকপদগী ইন্দস্ত্রীশিং পাখৎনখ্রে। মদুরাইদা লোকদাউন মনুংসিদা চংদ্রবা য়াদ্রবা পোৎলমশিং অমসুং য়ু লৈবা চৎপদা চৎথোক চৎশিন তৌবগী অয়াবা য়াওদ্রগদি য়াদ্রে। ওপোজিসন পার্তিনা  তাস্মাক আউৎলেতশিং হাংবদা অয়েৎপা লৈরবসু, জিলা খর নত্তনা রাজ্য অসিদা শগোলশেল নুমিত্তগী য়ুগী দুকানশিং হাংবা হৌখ্রে। হৌজিকফাওবগী কেস মশীং-৪৮২৯, এক্তিব কেস-৩২৭৫, অশিবা-৩৫, দিসচার্জ তৌখিবা-১৫১৬।

•   করনাতকাঃ ঙসি অনৌবা কেস ৮ কনফার্ম তৌখি। দেবাঙ্গিরি অমসুং কাল্বুর্গিদা মীওই ৩/৩ অমসুং বেলাগাবি অমসুং বেঙ্গালোরদা মীওই অমমম। ঙসি চহী ৫৫ শুরবী নুপী অনাবী অমা দেবাঙ্গিরিদা কোবিদনা নাদুনা শিখ্রে। হৌজিকফাওবগী অপুনবা কেস মশীং ৭০১। হৌজিক ফাওবদা মীওই ৩০ শিরে অমসুং মীওই ৩৬৩ নাবা ফদুনা দিসচার্জ তৌখ্রে।

•   আন্ধ্রা প্রদেশঃ ঙসি অয়ুক অঙনবদা বিজাগতা লৈবা এল.জি. পোলিমর্স কেমিকেলদা গ্যাস লিক ওইবগী থৌদোক অমদা মীওই ৯ শিরে অমসুং মীওই ২০০না অশোক অপন নংখ্রে। পি.এম.না সি.এম. জগন মোহন রেদীদা গ্যাস লিক ওইবসিগা মরী লৈননা ফোন তৌরকখ্রে অমসুং কেন্দ্রনা মতেং পাংগনি হায়বগী থাজবা পীরকখ্রে। গ্রীন জোন্দা লৈরিবা বিজ্যানাগরম জিলাদা অহানবা ওইনা মীওই ৩ ঙসি পোজিতিব ওইরে। হৌখিবা পুং ২৪দা সেম্পল ৮০৮৭ তেস্ত তৌবদা কোবিদ পোজিতিব কেস ৫৬ লাকখি, মীওই ৫১ দিসচার্জ তৌখি অমসুং মীওই অনি শিখি। অপুনবা কেস মশীং ১৮৩৩ য়ৌখ্রে। এক্তিব কেসঃ ১০১৫, নাবা ফরবাঃ ৭৮০, শিবাঃ ৩৮। পোজিতিব ওইবা কেস্তা মাং থারিবা জিলাঃ কুর্নুল (৫৪০), গুন্তুর (৩৭৩) অমসুং কৃষ্ণ (৩১৬)।

•   তেলঙ্গানাঃ য়ুমশকৈশ নুমিত্তা পন্দুনা লৈবা মাইগ্রেন্ত শিন্মী ২,৮০৩ তেলঙ্গানাদগী ময়ুমদা হনখ্রে। খুদক্কী ওইবা হকশেলগা মরী লৈনবা ফিভমশিংদা পন্দুনা লৈবা মীওইশিংবু কন্নবা সরকারনা লৌখৎলিবা খোঙথাংশিংগী অকুপ্পা মরোল সরকারনা নুমিৎ নিনিগী মনুংদা পীরক্নবা হায়দুনা তেলাঙ্গানা হাই কোর্তনা হায়খ্রে। রাজ্য সরকারনা লন্নাইগী লোইশঙশিংনা মখোইগী থবক মীওই ৩৩%না থবক হৌবা য়াই হাইয়রবসু আই.তি./আই.তি.ই.এস. সেক্তরগী ওইনদি থবক হৌনবগী মতাংদা অশেংবা ৱাফম ঙাইরি। হৌজিকফাওগী অপুনবা কেস মশীং:  ১১০৭, এক্তিব কেসঃ ৪৩০, শিবাঃ ২০, নাবা ফরবাঃ ৬৪৮।  

•   অরুনাচল প্রদেশঃ চিফ মিনিস্তর রিলিফ ফন্দদা হৌজিকফাওবদা লুপা কোতি ১৯.৮৯গী মতেং ওইনা ফংখ্রে অমসুং কোবিদকী মীয়ামদা মতেং পাংবদা লুপা কোতি ৯.৪৯ চাদিং তৌখ্রে হায়না সি.এম.না হায়খ্রে। পি.এম.জি.কে.ৱাই.গী মখাদা অরুনাচল প্রদেশ্তা পুন্না এল.পি.জি. সিলিন্দর ৩২,৭৫১ পীখ্রে।

•   অসমঃ সি.এম.না কোরোনা ভাইরসকী লায়চৎ অসিগী মরম্না রাজ্য অসিদা ওইহল্লিবা শেনমিৎলোন অসিবু হেন্না ফগৎহন্নবা এদবাইজরি কম্মিতীগী  চেয়রমেন অমসুং মেম্বরশিংগা মীফম অমা ফম্মিন্নখ্রে।

•   মেঘালয়ঃ মেঘালয়গী আই.আই.এম. উমসাওলি অসি ফমুং ২৫৮ লৈদুনা খ্বাইদগী চাওবা কোরোনা কেয়র সেন্তর ওন্থোকখ্রে অমসুং মসিদা স্তাফ, চিংনবা কেস অমসুং অনাবগী তোঙান তোঙানবা মথোল লৈ।

•   মনিপুরঃ সরকারনা খুঙ্গংগী লমশিংদা এম.এন.আর.ই.জি.এ.গী থবকশিং অকনবা সোসিএল দিস্তেন্সিংগী চৎন-কাংলোন ইন্দুনা হৌবা য়াহনখ্রে, রাজ্যসিগী মহৈলোইশঙ খুদিংমক ওনলাইন্দা তাকপগী খুত্থাংদা একাদমিক সেদ্যুল কাইহন্দনবা হায়খ্রে। 

•   মিজোরমঃ পব্লিক হেলথ ইঞ্জিনিয়ারিং দিপার্তমেন্তকী মস্তর রোলদা থবক তৌবশিংনা কোবিদ-১৯ লায়চৎকীদমক্তা সি.এম.গী রিলীফ ফন্দা লুপা লাখ ১ তেংবাংলকখ্রে। 

•   নাগালেন্দঃ সি.এম.না ত্বেনশাংগী দিস্ত্রিক্ত হোস্পিতালশিং য়েংশিনখ্রে, নোংমগী খুৎশুমল তানবা মীওইশিংদা তেংবাংগী পোত-চৈশিং পীখ্রে। দিপ্যুতি সি.এম.না ত্বেনশাং, লোংলেন, কিফের অমসুং শামাতোরগী বিলেজ কাউন্সিলদা ৱালকী-তোকী পীখ্রে।

•   মহারাস্ত্রঃ রাজ্য অসিদা নোংমদা খ্বাইদগী ৱাংবা কেস ১,২৩৩ রিপোর্ত তৌদুনা অপুনবা কেস মশীং ১৬,৭৫৮ য়ৌখ্রে অমসুং মীওই ৩৪ শিদুনা অপুনবা অশিবা মশীং ৬৫১ য়ৌখ্রে। হৌজিকফাওবদা মুম্বাই মথন্তদা কেস ১০,৫০০ লৈ। মুম্বাইদা খ্বাইদগী য়াম্বা কেস মশীং লৈরবসু শহর অসিনা তেস্ত লাখ অমা হেন্না তৌদুনা তেস্ত খ্বাইদগী হেন্না তৌবা শহর ওইরি। নুমিৎ খুদিংগী পব্লিক হোস্পিতাল ৬ অমসুং লন্নাইগী লেব ১১দা তেস্ত ৪,৫০০ ফাওবা তৌই। তৌবতবু পোজিতিব ওইবগী চাং অসি এপ্রিল হৌরকপদা ৩% ওইরমবদগী হৌজিক ১০% য়ৌরে অমসুং লায়না অসি য়াম্না থুনা শন্দোরক্লি হায়বা তাক্লি। মহারস্ত্র সরকারনা মুম্বাইদা লৈবা লন্নাইগী দাক্তর ২৫,০০০দা  কোবিদ-১৯গী অনাবশিং লায়েংনবা অনা লায়েংশঙশিংদা লাক্নবা খংহনখ্রে। দাক্তরশিংদা ঙাকথোক্নবা খুৎলাইশিং পীগনি অমসুং খুদক্কী ওইনা থবক তৌবগী শেলসু পীগনি হায়না ৱারোল অমদা হায়খ্রে। খোংথাং অসিদা চহী ৫৫ হেল্লবা দাক্তরশিংদি য়াওদে।

•   গুজরাতঃ রাজ্য অসিদা কোবিদকী অনৌবা কেস ৩৮০ লাক্তুনা পোজিতিব ওইবা কেস মশীং ৬,৬২৫ য়ৌরে অমসুং লায়চৎ অসিদগী শিবা মীওই ৩৯৬ শুরে। অনৌবা কেস ৩৮০গী মনুংদা ২৯১দি অহমেদবাদতগীনি।

•   রাজস্থানঃ রাজ্য অসিদা কোবিদ-১৯ শন্দোরকপা থিংনবা মশক খংদবা মীওই চংহনদনবা রাজ্য মনুংগী ঙমখৈ থিংজিনখ্রে। রাজ্য অসিগী অপুনবা পোজিতিব কেস মশীং ৩৩৫৫ ওইরি। অচৌবা রাজ্য অতৈগা চাংদম্নবদা রাজস্থান্না নাবা ফগৎলকপা মীওইগী চাং ৪৬.৯৮% ওইদুনা খ্বাইদগী ৱাংনা লৈরি।

•   এম.পি.: মধ্য প্রদেশ্তা পোজিতিব ওইবা কেস মশীং ৩,১৩৮ লৈ। মীওই ১,০৯৯ নাবা ফদুনা রাজ্য অসিগী নাবা ফবগী চাং অসি চাউরাক্না ৩৩% ওইরি।

পি.আই.বি.গী ফেক্তচেক

*****