পেত্রোলিয়ম অমসুং নেচরেল গ্যাস অমসুং স্তীলগী মন্ত্রী  শ্রী ধর্মেন্দ্র প্রধান্না মে ৬, ২০২০দা ভিদিও কনফরেন্সিংগী খুথাংদা রসিয়াগী ইনর্জীগী মন্ত্রী শ্রী এলেকজেন্দর নোৱাক্কা লোইননা খন্না নৈনবগী থৌরম পাংথোকখ্রে।  খন্না নৈনখিবা ৱাফমশিং অদুগী মনুং চল্লিবশিং  অদুদি মালেমগী থাউ অমসুং গ্যাসকী লৈরিবা ফিভম অমসুং থাউ অমসুং গ্যাসকী সেক্তর অমসুং কোকিং কোলগী সেক্তরশিংদা লৈবাক অনি অসিগী মরক্তা মতেং পাংনবগী মতাংদা য়েংশিন্নবগী ৱাফমশিংনি।

হন্দক্তা খুৎয়েক পীনখিবা ও.পি.ই.সি.+ এগ্রীমেন্তকী মতাংদা ভারতকী  মন্ত্রীদা, মন্ত্রী নোৱাক্না পাউদমখি। মন্ত্রী প্রধান্না মালেমগী ইনর্জী মার্কেৎতা তুং কোইবা অমসুং খুমাং চাউশিনবা ঙম্ননবা মরু ওইবা খোংথাং অমা ওইনা এগ্রীমেন্ত অসিবু হরাওনা য়াখি, মসিনা শিজিন্নরিবা লৈবাক অমা ওইরিবা ভারতকীদমক্তদি য়াম্না মরু ওই। রসিয়াগী মন্ত্রীনা  মরু ওইবা বাইলেতরেল পার্তনর অমা ওইনা ভারতনা লৌরিবা থৌদাং অসিবু মশক খঙখি অমসুং থাগৎপা ফোংদোরকখি। মন্ত্রী প্রধান্না মরু ওইনা পল্লদুনা হায়খি মদুদি ভারতকী ইকোনোমী অসি হাইদ্রোকার্বোনশিংগীদমক্তা ওইনা দিমান্দ সেন্তর অদুমক মখা তানা ওইদুনা লৈখিগনি।

মন্ত্রী অনিনা লৈবাক অনি অসিগী মরক্তা চৎথরিবা প্রোজেক্তশিং, ভোস্তোক প্রোজেক্ততা রোসনেফকা লোইননা য়াওমিন্নবসু য়াওনা, এল.এন.জি.গী নোভাতেক সপ্লাইশিং, গেল অমসুং গাজপ্রোমগী মরক্তা মতেং পাংনবা, গাজপ্রোমনেফকা লোইননা অপুনবা প্রোজেক্তশিং, ইন্দিয়ন ওইলদা রোসনেফনা ক্রুদ ওইলগী সপ্লাই তৌবা অসিনচিংবসু য়েংশিনখ্রে। রসিয়াগী মাইকৈদগী কোবিদ-১৯না মরম ওইরগা ইখঙ-খঙহৌদনা থোরকপা থৌদোকশিং অসি লৈজরবসু ভারতনা লেপ্তনা মতেং পাংবগীদমক্তা থাগৎপা ফোংদোরকখি।  মন্ত্রী নোৱাক্না ভারতকী মথৌ তারিবা ইনর্জীগী মতাংদা মখোয়না মতেং পাংবা পাম্বগী থাজবা পীরকখি।

মীফম অদুদা, ২০১৯গী সেপ্তেম্বরদা ভারতকী প্রধান মন্ত্রীনা রসিয়াদা চৎলুবদগী খুমাং য়াম্না চাউশিল্লিবা কোকিং কোল সেক্তরদা মতেং পাংনবগী মতাংদা মরু ওইনা পল্লদুনা হায়খি। মসিগী মতাংদা এম.ও.য়ু.গী ৱারোইশিন অমা পুরক্নবগী পান্দম অমগা লোইননা কোকিং কোলদা মতেং পাংনবদা হেন্না চেৎশিন্ননবা অৱাংবা থাক্কী দবল্যু.জি.গী মীফম অমা অথুবা মতমদা পাংথোক্নবা শ্রী প্রধান্না পুথোরকপা ৱাফম অদুবু রসিয়াগী মন্ত্রীনা তরাম্না য়াখি।

ভারতকী মাইকৈদগী রসিয়াগা মতম শাংনা মতেং পাংনবদা হরাওনা য়াখি অমসুং লৈরিবা ফিভম অসিনা ফরবা মতমদা নুংঙাইগদবা মতম অমা য়েংলগা  মন্ত্রী নোৱাক্না ভারত্তা লাক্নবগীদমক্তা মন্ত্রী প্রধান্না হন্না হায়জখি। ইন্তরিমদা মন্ত্রী অনিমক্না মখোয়গী ওফিসিয়েলশিংদা ভি.সি.গী খুথাদা খন্না নৈনবগী থবকশিং পাংথোক্নবা খঙহনখ্রে।

মাইকৈ অনিমক্না  মালেমদা ইনর্জীগী লৈরিবা ফিভম অসিদা হৌজিক মায়োক্নরিবা অৱাবশিং  অসিগী এসেসমেন্ত তৌনবা  অমসুং গ্লোবেল ইকোনোমিক রিভাইবলদা  য়াম্না মরু ওইগদৌরিবা মথৌ তারিবা রিসর্জেন্স অদুগী ইনোৎ হাপ্পদা  ভারতনা লৌগদৌরিবা  মরু ওইবা থৌদাং অসিগী মতাংদা য়ানবা পুরকখ্রে।।

****