রবি কুম ২০২০-২১গী ওইনা ০২.০৫.২০২০ ফাওবদা লুপা করোর ২,৬৮২গী ওইগদবা হৱাই চেংৱাই মেত্রিক তন ২,৬১,৫৬৫ অমসুং থাও শুংবা য়াবা মরু মেত্রিক তন ৩,১৭,৪৭৩ এম.এস.পি.দা লৈশিন্দুনা লৌমী ৩,২৫,৫৬৫দা কান্নবা ফংহনখ্রে। মসিগী মনুংদগী, হৱাই চেংৱাই মেত্রিক তন ১৪,৮৫৯ অমসুং থাও পুথোকপা য়াবা মরু মেত্রিক তন ৬৭০৬না মে  ১ অমসুং ২, ২০২০দা রাজ্য তরুক্তা, মমিং ওইনা পল্লবদা, মধ্য প্রদেশ, মহারাস্ত্রা, কর্নাতকা, রাজস্থান, উত্তর প্রদেশ অমসুং হরিয়ানাদা লৈশিনখি।

মসিগী মথক্তা, রবিগী মার্কেতিং কুম ২০২০-২১দা, অপুনবা গেহু মেত্রিক তন ১,৮৭,৯৭,৭৬৭ এফ.সি.আই.দা য়ৌরকখ্রে, মসিগী মনুংদগী মেত্রিক তন ১,৮১,৩৬,১৮০ লৈখ্রে।

মরক অসিদা, কালেনগী মরু মরাং হুনবা য়াবা মফমশিংসু হেনগৎলক্লি।

• চেং: কালেনগী ফৌ হুনগদবা মফম মমাং চহীদা হেক্তর লাখ ২৫.২৬ ওইরম্বদগী হৌজিক হেক্তর লাখ ৩৪.৮০।
• হৱাই চেংৱাইঃ  হৱাই চেংৱাই হুনগদবা মফম মমাং চহীদা হেক্তর লাখ ৫.৪৪ ওইরম্বদগী হৌজিক হেক্তর লাখ ৮.৭৭।
• কোর্স সেরিএলঃ কোর্স সেরিএল হুনগদবা মফম মমাং চহীদা হেক্তর লাখ ৫.৪৯ ওইরম্বদগী হৌজিক হেক্তর লাখ ৯.১২।
• থাও শুংবা য়াবা মরুঃ থাও শুংবা য়াবা মরু হুনগদবা মফম মমাং চহীদা হেক্তর লাখ ৭.০০ ওইরম্বদগী হৌজিক হেক্তর লাখ ৮.৮৭।

ভারত সরকারগী লৌউ-শিংউ, কোওপরেসন অমসুং লৌমীশিংগী য়াইফ-থৌরাংগী বিভাগনা লৌমীশিং অমসুং মখোয়গী লৌউ-শিংউগী থবকশিং কোবিদ-১৯না মরম ওইদুনা লোকদাউন তৌরিঙৈদা পাইখৎপা নুংঙাইনবা থৌরাং কয়া লৌখৎলি। প্রধান মন্ত্রী কিসান সমান নিধী (পি.এম.কিসান) স্কিমগী মখাদা ২৪.৩.২০২০দগী হৌখিবা লোকদাউন্দগী হৌজিক ফাওবদা করোর ৯.০৬ রোমগী লৌমীশিংগী ইমুং মনুংদা লুপা করোর ১৮,১৩৪গী শেনফম কাইথখ্রে।

****