কোর্পরেৎ এফিয়র্স মন্ত্রালয় (এম.সি.এ.)না তাং ২১.০৪.২০২০দা থোকখিবা জেনরেল সার্কুলর নম্বর ১৮/২০২০গী মখাদা শেনবা চহী দিসেম্বর ৩১, ১০২৯দা লোইবা কম্পেনীশিংগী এ.জি.এম. সেপ্তেম্বর ৩০ ফাওবদা পাংথোকপগী অয়াবা পীখ্রে।

অদুম ওইনমক সোসিএল দিস্তেন্সিং অমসুং মী চত্থোক-চৎশিন্দা অথিংবা লৈরিবসি ঙাক্নবগীদমক, কম্পেনীশিংনা মখোয়গী চহীগী ফমগদবা জেনরেল মীফম (এ.জি.এম.) অদু ২০২০ ফাওবদা ভিদিও কনফরেন্সিং (ভি.সি.) নত্ত্রগা অতোপ্পা ওদিও ভিজুৱেল মীন্স (ও.এ.ভি.এম.)গী খুথাংদা পাংথোকপগী অয়াবা পীরি। মসিগী মতুং ইন্না, ঙসি জেনরেল সার্কুলার নম্বর ২০/২০২০ থোকখ্রে।

এক্সত্রা ওর্দিনরী জেনরেল মীতিং (ই.জি.এম.) পাংথোক্নবগীদমক মমাংদা থোকখিবা ফ্রেমৱার্কশিং অহোংবা অমত্তা য়াওদনা ২০২০গী এ.জি.এম.শিং পাংথোকপদা চৎনগনি, হায়রিবসি (১) ই ভোতিংগী খুদোংচাবা পীনবা নত্ত্রগা মসিগা চপ মান্নবা অমা খনখিবা, অমসুং (২) অসিগুম্বা খুদোংচাবা অমা মথৌ তাদবা কম্পেনীশিদা য়ুম্ফম ওইরগনি।

শেলথুমগী স্তেৎমেন্তশিংগী ফিজিকেল কোপী পীখৎপদা খুদোংচাদবা লৈরিবসি য়েংলগা, সার্কুলার অসিনা কম্পেনীশিংদা মখোয়গী শেলথুমগী স্তেত্মেন্তশিং অমসুং বোর্দকী রিপোর্ত, ওদিতরগী রিপোর্ত অমসুং অতোপ্পা চে-চাংশিং ইমেলগী খুথাংদা থাবা য়াহল্লগনি। কম্পেনীশিং অসিনা মখোয়গী সেয়রহোল্দরশিংদা  দিবিদেন্তশিংবু ইলেক্রোনিক ওইনা ইলেক্ত্রোনিক ক্লিয়রিং সর্বিস (ই.সি.এস.) নত্ত্রগা অতোপ্পা উপাইশিংগী খুথাংদা থাদুনা মেন্দেতশিংদু রেজিস্তর তৌনবা লম্বী অমা পীবীগদবনি।

কম্পেনীশিংনা মখোয়গী অচম্বা অমসুং মরুওইবা করবারশিং এ.জি.এম.গী খুথাংদা দিজিতেল ইন্দিয়া প্লেতফোর্ম শিজিন্নদুনা পাইখৎনবা থৌরাং কয়া লৌখৎলে। হায়রিবা সার্কুলর অসি http://www.mca.gov.in/Ministry/pdf/Circular20_05052020.pdfতা ফংবীগনি।

****