ପ୍ରତିରକ୍ଷା ମନ୍ତ୍ରଣାଳୟ
ୟୁଭି ବିଶୋଧକ ଟାୱାର ବିକଶିତ କଲା ଡିଆରଡିଓ
ପୋଷ୍ଟ କରାଯିବା ଦିନାଙ୍କ:
04 MAY 2020 5:13PM by PIB Bhubaneswar
ପ୍ରତିରକ୍ଷା ଗବେଷଣା ଓ ବିକାଶ ସଂସ୍ଥାନ (ଡିଆରଡିଓ) ଅଧିକ ସଂକ୍ରମଣ ପ୍ରବଣ କ୍ଷେତ୍ରଗୁଡ଼ିକରେ ଶୀଘ୍ର ଓ ରାସାୟନିକ ମୁକ୍ତ ବିଶୋଧନ ପାଇଁ ଏକ ଅଲଟ୍ରା ଭାଓଲେଟ (ୟୁଭି) ବିଶୋଧକ ଟାୱାର ବିକଶିତ କରିଛି ।
ୟୁଭି ବ୍ଲାଷ୍ଟର ନାମକ ଏହି ଉପକରଣଟି ଏକ ୟୁଭି ଆଧାରିତ କ୍ଷେତ୍ର ସାନିଟାଇଜର । ଏହାର ଡିଜାଇନ ଓ ବିକାଶ କରିଛନ୍ତି ଡିଆରଡିଓର ଦିଲ୍ଲୀସ୍ଥିତ ପ୍ରୟୋଗଶାଳା ଲେଜର ସାଇନ୍ସ ଆଣ୍ଡ ଟେକ୍ନୋଲଜି ସେଣ୍ଟର (ଏଲଏଏସଟିଇସି) । ଗୁରୁଗ୍ରାମର ଏମ/ଏସ ନିଉ ଏଜ ଇନଷ୍ଟ୍ରୁମେଣ୍ଟ ଆଣ୍ଡ ମ୍ୟାଟେରିଆଲ୍ସ ପ୍ରାଇଭେଟ ଲିମିଟେଡ ଏହି କାମରେ ସହାୟତା କରିଥିଲା ।
ୟୁଭି ବ୍ଲାଷ୍ଟର ପ୍ରୟୋଗଶାଳା ଓ ଅଫିସରେ ଥିବା ବୈଦ୍ୟୁତିକ ଉପକରଣ, କମ୍ପ୍ୟୁଟର ଓ ଅନ୍ୟ ଗ୍ୟାଜେଟ୍ସ ଭଳି ଉଚ୍ଚ ବୈଷୟିକ ଉପକରଣ ପାଇଁ ଖୁବ ଉପଯୋଗୀ । ଏଗୁଡ଼ିକର ବିଶୋଧନ ପାଇଁ ରାସାୟନିକ ପ୍ରକ୍ରିୟା ଅନୁକୂଳ ହୋଇନଥାଏ । ଲୋକେ ଅଧିକ ଯାତାୟତ କରୁଥିବା କ୍ଷେତ୍ର ଯେପରିକି ବିମାନ ବନ୍ଦର, ଶପିଂ ମଲ୍, ମେଟ୍ରୋ, ହୋଟେଲ କାରଖାନା, ଅଫିସ ଆଦିରେ ଏହି ଉତ୍ପାଦଟି ବେଶ ଉପଯୋଗୀ ।
ୟୁଭି ଆଧାରିତ କ୍ଷେତ୍ର ସାନିଟାଇଜରକୁ ୱାଇଫାଇ ଲିଙ୍କ୍ ବ୍ୟବହାର କରି ଲ୍ୟାପଟପ/ ମୋବାଇଲ ମାଧ୍ୟମରେ ରିମୋଟ ପରିଚାଳନା ଦ୍ୱାରା ବ୍ୟବହାର କରା ଯାଇପାରିବ । ଏହି ଉପକରଣରେ 360 ଡିଗ୍ରୀ ପ୍ରଜ୍ୱଳନ ପାଇଁ 254 ଏନଏମ ୱେଭଲେନ୍ଥରେ ଛଅଟି ଲ୍ୟାମ୍ପ ଥାଏ, ଯେଉଁଥିରେ ପ୍ରତ୍ୟେକ ଲ୍ୟାମ୍ପର କ୍ଷମତା 43 ୱାଟ ୟୁଭି-ସି ପାୱାର । ଗୋଟିଏ କୋଠରୀର ବିଭିନ୍ନ ସ୍ଥାନରେ ଉପକରଣ ଲଗାଇ ପ୍ରାୟ 12x12 ଫୁଟ ଆକାରର କୋଠରୀକୁ ପ୍ରାୟ 10 ମିନିଟ ଓ 400 ବର୍ଗ ଫୁଟର କୋଠରୀକୁ 30 ମିନିଟ ମଧ୍ୟରେ ବିଶୋଧନ କରାଯାଇପାରିବ ।
ଅଚାନକ କୋଠରୀ ଖୋଲିଗଲେ କିମ୍ବା ମାନବୀୟ ହସ୍ତକ୍ଷେପ ହେଲେ ଏହି ସାନିଟାଇଜର ଆପେ ବନ୍ଦ ହୋଇଯାଏ । ଉତ୍ପାଦଟିର ଆଉ ଏକ ବିଶେଷତ୍ୱ ହେଲା ହାତରେ ହୋଇ ପାରୁଥିବା ପରିଚାଳନା ।
**********
(ରିଲିଜ ଆଡି: 1621095)
ପରିଦର୍ଶକ କାଉଣ୍ଟର : 342
ଏହି ରିଲିଜ ପଢନ୍ତୁ :
English
,
Marathi
,
Gujarati
,
Urdu
,
हिन्दी
,
Bengali
,
Manipuri
,
Punjabi
,
Tamil
,
Telugu
,
Kannada
,
Malayalam