ত্রাইবেল এফিয়র্স মন্ত্রালয়

কোবিদ-১৯না থোকহল্লিবা খুদোংচাদবা মরক অসিদা ত্রাইবেলশিংবু মতেং পাংনবা সরকারনা রাজ্যশিংদা মাইনর ফোরেস্ত প্রদ্যুস লৌখৎপগী খোংজেল হেনগৎনবা হায়খ্রে

রাজ্যশিংনা মাইনর ফোরেস্ত প্রদ্যুস লৌখৎপগী থৌওংশিংগী পাউদম পীনবা তি.আর.আই.এফ.ই.এ.দি.না ওনলাইন মোনিতরিং দেশবোর্দ অমা শেমখ্রে

Posted On: 03 MAY 2020 4:23PM by PIB Imphal

এম.এফ.পি. খোমজিনবগী চপ চাবা মতম ওইরিবা অসি য়েংলদুনা ত্রাইবেল এফিয়র্স মন্ত্রালয়না কোবিদ-১৯না থোকহল্লিবা খুদোংচাদবা মরক অসিদা ত্রাইবেলশিংবু মতেং পাংনবা সরকারনা রাজ্যশিংদা মাইনর ফোরেস্ত প্রদ্যুস লৌখৎপগী খোংজেল  হেনগৎনবা হায়খ্রে।   

রাজ্যশিংনা মাইনর ফোরেস্ত প্রোদ্যুস খোমগৎপগী থবক হৌখ্রে অমসুং রাজ্য ১০দা হৌজিক্কী ওইনা থবক পাংথোকপা হৌখ্রে। ঙসি ফাওবদা শেনবা চহি ২০২০-২০২১গী ওইনা লুপা কোতি ২০.৩০গী শেনফমগী পোত্থোকশিং খোমগৎখ্রে। কোবিদ-১৯গী লাইচৎ অসিনা মরম ওইদুনা অরুবা ফিভম অমা ওইহল্লিবা অসি য়েংলদুনা ত্রাইবেল এফিয়র্স মন্ত্রালয়না মে ১, ২০২০দা ফোরেস্ত প্রোদ্যুস ৪৯গী শেমদোক্লবা এম.এস.পি. লাওথোকখ্রবা মতুংদগীদি এম.এফ.পি. খোমগৎপগী অপুনবা থবক অসি হেন্না খুমাং চাউশিল্লগনি।

রাজ্যগী থাক্তা মাইনর ফোরেস্ত প্রোদ্যুস খোমগৎপগী থবক অসিগী মরমদা পাউদম্নবা হায়দুনা ওনলাইন মোনিতরিং দেশবোর্দ অমা শেমখ্রে। দেশবোর্দ অসি বন ধন মোনিৎ দেশবোর্দ কৌই অমসুং মসি পঞ্চায়ত অমসুং বন ধন কেন্দ্রগী মরক্তা মেল নত্ত্রগা মোবাইলগী খুত্থাংদা পাউ ফাওননবগীদমক্তা শেমখিবা “ত্রাইফেদ ই-সম্পর্ক সেতু”গী শরুক অমনি। ত্রাইফেদনা খুঙ্গং লাখ ১০, জিলা অমসুং রাজ্যগী থাক্তা লৈবা পার্ত্নরশিং, এজেন্সীশিং অমসুং এস.ঐচ.জি.শিং শম্নহন্নবা হোৎনরি। রাজ্যগী ইম্প্লিমেন্তিং এজেন্সীশিংনা মখোই মখোইগী রাজ্যশিংদা থবক হৌখিবগা লোইননা দেশবোর্দ অসি অপদেৎ তৌবা হৌনরে।

রাজ্যনা হাৎ বজারশিংদগী এম.এফ.পি. খোম্নবগীদমক বন ধন কেন্দ্রশিং অসি প্রাইমরী প্রোক্যুর্মেন্ত এজেন্ত ওইনা হাপ্লে। বন ধন কেন্দ্রনা প্রধান মন্ত্রী বন ধন প্রোগ্রামগী মখাদা লুপা কোতি ১.১১গী শেনফম ওইবা এম.এফ.পি. মেত্রিক তোন ৩১.৩৫ খোমগৎখ্রে, ত্রাইবেল বেনিফিসরী লাখ ৩.৬পু ললোন ইতিক তৌনবা লম্বী পীবা ওইনা রাজ্য ২১ অমসুং য়ু.তি. ১দা ভি.দি.ভি.কে. ১১২৬কী অয়াবা পীখ্রে।

https://static.pib.gov.in/WriteReadData/userfiles/image/image001LOKT.jpg

ত্রাইবেলগী মীশিং য়াম্না লৈবা লৈবাক অসিগী রাজ্য ২২দা বন ধন কেন্দ্রগী স্কিম অসি থবক তৌবা হৌরে অমসুং মসিনা লৈবাক অসিদা লৈরিবা ত্রাইবেল ইমুং মনুং কোতি ১.১দা কান্নবা পীবা ঙম্বগী মতিক লৈ।

‘ইন্সতিত্যুসনেল সপ্পোর্ত ফোর দিবেলপমেন্ত এন্দ মের্কেতিং ওফ ত্রাইবেল প্রদক্তস’ হায়রিবা স্কিম অসিদা মিনিমম সপ্পোর্ত প্রাইস কম্পোনেন্ত অমসুং ভেল্যু এদিসন কম্পোনেন্ত অমা য়াওদুনা পোৎ খোমজিনবা ত্রাইবেলশিংগী শেন্থোক হেনগৎহন্দুনা মখোইগী মরক্তা মসিবু থবক অমা ওইনা ত্রাইবেল গেদররশিংগী ওইনা অৱাংবা অমসুং মহুৎ হঞ্জিনবা য়াবা মমল ফংনবা হায়দুনা ত্রাইবেল এফিয়র্স মন্ত্রালয়না এম.এফ.পি.গী শেমদোক্লবা এম.এস.পি.গী মমলগী পরীং অমা মে ১, ২০২০দা শেমখ্রে। হায়রিবা অসি এম.এফ.পি. প্রাইসিং সেল অমসুং এম.এফ.পি. মরাং কায়না লৈবা রাজ্যশিংগা তান্নদুনা কোবিদ-১৯না পুন্সি মহিংদা অকাইবা পীরবা ত্রাইবেল গেদররশিংগী কান্ননবা হায়দুনা শিনখিবনি। শেমদোক্লবা মমল অসিনা ত্রাইবেল গেদররশিংদা তঙাই ফদ্রবা মতেং কয়া পাংলগনি অমসুং রাজ্যশিংদগী এম.এফ.পি. খোমগৎপগী থৌওংসু হেন্না খুমাং চাউশিল্লগনি। এম.এফ.পি. পোত্থোকশিংগী শেমদোক্লবা মমলশিং মখাদা পীরিঃ

 (কিলোগ্রাম অমদা ওইবা লুপা)

মথং মনাও        মাইনর ফোরেস্ত প্রোদ্যুস (এম.এফ.পি.)   হৌজিক্কী এম.এস.পি.                 শেমদোক্লবা এম.এস.পি.

১.                     মঙ্গে (মরু য়াওবা) (তমরিন্দস ইন্দিকা)                     ৩১                    ৩৬

২.                     লম্লক্তা ফংবা খোইহি                                             ১৯৫                  ২২৫

৩.                     গুম করায়া (স্তরক্যুল্য উরেনস)                               ৯৮                   ১১৪

৪.                     করঞ্জ মরু (পোঙ্গামিয়া পিন্নাতা)                                ১৯                   ২২

৫.                     সাত মরু (শোর‍্যা রোবস্তা)                           ২০                    ২০

৬.                     মাহুৱা মরু (মধুকা লোঞ্জিফোল্যা)                 ২৫                   ২৯

৭.                     সাল মনা (শোর‍্যা রোবস্তা)                           ৩০                   ৩৫

৮.                     মরু য়াওবা চিরোঞ্জী পোদ (ব্যুকেনিনা লাঞ্জন) ১০৯                  ১২৬

৯.                     মাইরোবলান (তর্মিনাল্যা চেব্যুলা)                 ১৫                    ১৫

১০-ক)               এ. রঙ্গীনি লাক                             ১৩০                  ২০০

১০-খ)               কুসুমী লাক                                 ২০৩                 ২৭৫

১১.                    কুসুম মরু (স্ক্লৈকেরা ওলিওসা)                               ২০                    ২৩

১২                    নীম মরু (এজাদাইরেক্তা ইন্দিকা)                 ২৩                   ২৭

১৩                    পুৱার মরু (কেসিয়া তোরা)                                     ১৪                     ১৬

১৪                     বহেদা (তর্মিনালিয়া বেল্লিরিকা)                                 ১৭                     ১৭

১৫                    চিংদা হৌবা শুমচিৎ পাম্বী (থাইসানোলেনা মেক্সিমা)     ৩০                   ৫০

১৬                    অকংবা শিকাকাই পোদ (একাসিয়া কোন্সিন্না)   ৪৩                    ৫০

১৭                     বাইল পল্প (অকংবা) (এগল মার্মেলোস)                     ২৭                    ৩০

১৮                    নগরমোথা (সাইপেরস রোতুন্দাস)                ২৭                    ৩০

১৯                    শতাবারী মরা (অকংবা) (এস্পারাগস রেস্মোসস)           ৯২                   ১০৭

২০                    গুরমার/ মধুনাশিনী (জিম্নেমা সিল্বেস্ত্রে)                       ৩৫                    ৪১

২১                    কলমেঘ (এন্দ্রোগ্রাফিস পেনিক্যুলাতা)                      ৩৩                   ৩৫

২২                    মঙ্গে (মরু য়াওদবা) (তমরিন্দস ইন্দিকা)                    ৫৪                    ৬৩

২৩                    গুগুল (একজুদেৎস)                                             ৭০০                  ৮১২

২৪                    মাহুৱা লৈ (অকংবা) (মধুকা লোঞ্জিফোলিয়া)   ১৭                     ৩০

২৫                    তেজ পতা (অকংবা)

(সিন্নামোমম তমালা অমসুং সিন্নামোমম এস.পি.)        ৩৩                   ৪০

২৬                    জামুন অকংবা মরু (সাইজিজিয়ম ক্যুমিনি)                  ৩৬                   ৪২

২৭                    হৈক্রু অকংবা (মরু য়াওদবা) (ফাইলান্থস ইম্বলিকা)       ৪৫                    ৫২

২৮                    মার্কিং নৎ (সেমিকার্পস এনাকার্দিয়ম)                                            ৯

২৯                    সোপ নৎ (অকংবা) (সাপিন্দস এমার্জিনেতস)  ১২                   ১৪

৩০                   ভাভা মরু (এমালতাস কেসিয়া ফিস্ত্যুলা)                   ১১                     ১৩

৩১                    অর্জুনা বার্ক (তর্মিনালিয়া অরজুনা)                 ১৮                    ২১

৩২                    কোকুম (অকংবা) (গার্সিনিয়া ইন্দিকা)                        ২৫                    ২৯

৩৩                   গিলো (তিনস্পোরা কোর্দিফোলিয়া)              ২১                    ৪০

৩৪                    কাউঞ্চ মরু (ম্যুকুনা প্র্যুরিএন্স)                                ১৮                    ২১

৩৫                    চিররাতা (স্বরসিয়া চিরায়িতা)                                    ২৯                    ৩৪

৩৬                   ভেবিদিং/ভেভদিং (ইম্বেলিয়া রাইবেস)                      ৮১                    ৯৪

৩৭                    অকংবা দৱাইফুল (ৱুদফোর্দিয়া ফ্লোরিবুন্দা)                  ৩২                    ৩৭

৩৮                   নক্স বোমিকা (স্ত্রকনোস নক্স বোমিকা)                       ৩৬                   ৪২

৩৯                    বন তুলসি মনা (অকংবা) (ওসিমম তেনুইফ্লোরম)        ১৯                    ২২

৪০                    খিরনি (হেমিদেস্মস ইন্দিকস)                                  ৩০                   ৩৫

৪১                     বাকুল (অকংবা মকু) (মিম্যুসোপ্স এলেঙ্গাই)   ৪০                    ৪৬

৪২                    কুতাজ (মকু অকংবা)

(হোলারহিয়া ঔবেসসেন্স/ঐচ. এন্তিদাইসেন্তেরিকা)      ২৭                   ৩১

৪৩                    নোনি /আল (উহৈ অকংবা) (মোরিন্দা সাইত্রিফোলিয়া)  ১৫                    ১৭

৪৪                     সোনাপাথা/ স্যোনাক পোদ (ওরোকজাইলম ইন্দিকম)   ১৮                    ২১

৪৫                    চনোথি মরু (এব্রস প্রিকাতোরিয়স)               ৩৯                    ৪৫

৪৬                    কলিহারি (অকংবা ত্যুবর) (গ্লোরিওসা সুপর্বা)    ২৭                    ৩১

৪৭                     মকোই (উহৈ অকংবা) (সোলারিয়ম নাইগ্রম)  ২১                   ২৪

৪৮                    অপ্রং পাম্বী (একাইরান্থেস এস্পেরা)                          ২৪                    ২৮

৪৯                    সুগন্ধমন্ত্রি মরা/ত্যুবর (হোমালোইনেনা এরোমেতিকা)   ৩৩                   ৩৮

 

শেমদোক্লবা মমলশিং অসি মখাদা পীরিবা ব্রেকেৎশিংগিনি

হেনগৎপা মমল                         পোত্থোক্কী মশিং

হেনগত্তবা                                   ৩

০%-৫%                                                ০

৫%-১০%                                  ১

১০%-১৫%                                 ১০

১৫%-২০%                                ৩০

>২০%                          ৬

অপুনবা পোত্থোক মশিং     ৫০ (লাক মখল অনি য়াওরগা)

গিলো, মাহুৱা লৈ, চিংগী নাপী অমসুং লাক (রঙ্গীনি অমসুং কুসুমী)দা খ্বাইদগী ৱাংনা মমল শেমদোকখি অমসুং সাল মরু, বাহেদা অমসুং মাইরোবলানগী মমলদি লেংদনা লৈ।

****



(Release ID: 1620780) Visitor Counter : 99