ইলেক্সন কমিসন্না ঙসি মহারাস্ত্রগী রাজ্য অসিদা লৈরিবা এম.এল.এ.শিংনা এম.এল.সি.গী অহাংবা সীৎ ৯গীদমক্তা বায়ইনিয়েল ইলেক্সন তৌনবগী মতাংদা খন্নখ্রে। শ্রী সুনিল অরোরা, চীফ ইলেক্সন কমিসনরনা শ্রী অশোক লৱাসা, ইলেক্সন কমিস্নর অমসুং শ্রী সুশিল চন্দ্র, ইলেক্সন কমিস্নরগা লোইননা ভিদিও কোল তৌদুনা (য়ু.এস.এ.দগী) মীফম অসিদা শরুক য়াখি।

এম.এল.এ.না পাইবা এম.এল.সি.গী ফম মাপল মহারাস্ত্রা (এনেক্সচর A)দা এপ্রিলগী ২৪, ২০২০দা হাংখ্রে। ই.সি.আই.না কোবিদ-১৯গী লৈরিবা ফিভম অসি য়েংলগা ইলেক্সন অসি মখা তানা ওর্দর থোক্ত্রিবা ফাওবদি য়ৈথোক্নবা আর্তিকল ৩২৪গী মখাদা এপ্রিল ০৩, ২০২০দা ওর্দর অমা থোকখ্রে।

ইলেক্সন কমিসন্না এপ্রিল ৩০, ২০২০দা মহারাস্ত্রগী চীফ সেক্রেতরীগী চিথি অমা ফংখি মসিদা সি.এস.না লাইচৎ অসিবু লাকশিন্নবা লৌখৎখিবা পাম্বৈশিং অদু উৎখি অমসুং রাজ্য সরকারগী এসেসমেন্তকী মতুং ইন্না, এম.এল.এ.শিংনা পাইগদবা এম.এল.সি.গি ফম মাপলগী ইলেক্সন অদু অশোই অঙাম য়াওদবা এনভাইরনমেন্ততা পাংথোকপা য়ারগনি। রাজ্য সরকারনা কমিসন্দা থাজবা পীরকখ্রে মদুদি রাজ্য সরকারনা সোসিয়েল দিস্তেন্সিংগী পাম্বৈশিং অমসুং মতিক চারবা ওথোরিতীশিংনা তৌনবগীদমক্তা হায়রকপা অতোপ্পা কন্দিশনশিংগা লোইননা লু-নাল্লবা ফিভমদা হায়রিবা ইলেক্সনশিং অসি পাংথোক্নবগীদমক্তা সরকারনা থৱাই য়াওনা শোইদনবা হোৎনরি।

লোকদাউন ওর্দরশিংনা মরম ওইরগা অতোপ্পা মফমদগী লাকপা শিন্মীশিং, লাই খুরুম্বা লাকপশিং, কোইবা লাকপশিং, মহৈরোইশিং অমসুং পন্দুনা লৈরিবা অতোপ্পা মীওইশিংদা চৎথোক-চৎশিন য়ানবগী মতাংদা এপ্রিলগী ২৯, ২০২০দা কেন্দ্রগী য়ুম্লৈ-কৈরৈ মন্ত্রালয়না থোক্লকপা ওর্দর অদু পল্লদুনা, রাজ্য সরকারনা হন্না হায়খ্রে মদুদি মসিগী মতাংদা পীরিবা দাইরক্সনশিং অদু নীংথিনা ইন্দুনা মসিগীদমক্তা মতেং পাংদুনা অমসুং শোইদনা ইলেক্সনশিং পাংথোক্কনি হায়খ্রে।

কমিসন্না রাজ্যদুদা ইলেক্সন পাংথোকপা য়াবগী ফিভমশিং অদু উৎলদুনা সি.ই.সি.দা এদ্রেস তৌরদুনা থারকপা মহারাস্ত্রগী ইকাই খুম্ননীংঙাই ওইরবা গোবর্নরনা এপ্রিল ৩০, ২০২০দা থারকপা দি.ও. লেতর অমা ফংখি। মসিগা মরি লৈননা মহারাস্ত্রগী গোবর্নর গোবর্নরনা পল্লদুনা হায়খি মদুদি শ্রী উধব বালসাহেব থাক্রেনা ২০১৯গী নভেম্বর ২৮দা মহারাস্ত্রগী মুখ্য মন্ত্রী ওইনা ৱাশক লৌখি অমসুং তাকখি মদুদি কন্সতিত্যুশন্দা পীরিবা প্রোভিজনশিংগী মতুং ইন্না মহাক মহারাস্ত্রা লেজিস্লেতিব এসেমব্লীগী নত্ত্রগা লেজিস্লেতিব কাউন্সিলগী মেম্বর অমা থা তরুক্কী মতম অসিগী মনুংদা ওইগদবনি হায়বদি মে ২৭, ২০২০দা নত্ত্রগা মমাংদা ওইগদবনি।মহাক্না মখাতানা হায়খি মদুদি গ্রাউন্দ লেভেলগী ফিভম অসি লাকশিনখ্রে অমসুং সরকারনা কোমথোরকপা কয়া অমগা লোইননাহৌজিক ফাওবগীদি ফিভম অসি ফগৎনা উরি। মরম অদুনা লৈরিবা ফিভম পুম্বা য়েংলগা, ইলেক্সন পাংথোক্নবা থবক থৌরম কয়া অমা পাইখৎনবা খন্ননবা হায়জখ্রে।

কমিসন্না পোলিতিকেল পার্তীশিংগী মাইকৈদগী থারকপা চেরোলশিং অদুসু খঙজিল্লি, মখোয়শিং অদুদি মহারাস্ত্রা বিধানমন্দল কোংগ্রেস পক্স, শিব সেনা ৱিধি মন্দল পক্স অমসুং রাশত্রৱাদী কোংগ্রেস পার্তীনা ফোর্স মেজ্যুর কন্দিশনশিং লৈবনা মরম ওইরগা মতম য়ৈথোকখিবা হায়রিবা ইলেক্সন অদু পাংথোক্নবা হায়জখ্রে।

মথক্তা পনখ্রিবশিং অসি খঙজিল্লগা, কমিসন্না অসিগুম্বা তম্বা ঙমদবা ফিভমশিংদা মমাদা থোকখিবা থৌদোকশিং অদুগী মতাংদা য়েংশিল্লি। ১৯৯১দা শ্রী পি.ভি. নরাসিমহা রাও অমসুং ১৯৯৬ শ্রী ঐচ.দি. দেবে গৌরা, অমসুং রাজ্যগী মুখ্যা মন্ত্রী কয়া অমা (মিং ওইনা পল্লবদা শ্রী আশোক গেহলোৎ, ১৯৯১দা রাজস্থানগী মুখ্যা মন্ত্রী; শ্রীমতী রাব্রী দেবী, ১৯৯৭দা বিহারগী মুখ্যা মন্ত্রী, শ্রী ৱিজয় ভাস্কর রেদ্দী, ১৯৯৩দা আন্ধ্র প্রদেশকী মুখ্যা মন্ত্রী, ২০১৭দা উত্তর প্রদেশকী মুখ্যা মন্ত্রী অমসুং মন্ত্রী ৪, অমসুং ২০১৭দা নাগালেন্দগী মুখ্যা মন্ত্রী), কমিসন্না অসিগা মান্নবা কন্সতিত্যুসনগী মথৌ তাবশিং অদু মপুং ফাহন্নবা বাই-ইলেক্সনশিং অসি পাংথোকই। হায়রিবশিং অসি মমাংঙৈদদি য়াম্না তোইনা তৌবা চৎনবীনি হায়বা কমিসন্না খঙঙি।

হায়রিবশিং অসি খন্থরবা মতুংদা, কমিসন্না মহারাস্ত্রাদা হায়রিবা ইলেক্সন অসি পাংথোক্নবা ৱারেপ লৌখ্রে। ইলেক্সনগী মতমগী অকুপ্পা মরোলশিং অদু এনক্সচর Bদা য়াওরি।

কমিসন্না সিজাস্তর মেনেজমেন্ত এক্ত, ২০০৫গী মখাদা এক্স-ওফিসিয়ো কেপাসিতীদা নেস্নেল একজিক্যুতিব কমিতীগী চেয়রপর্স ওইরিবা কেন্দ্রগী হোম সেক্রেতরীনা হায়রিবা ইলেক্সনা অসিগীদমক্তা ইলেক্তোরেল প্রোসেসশিং য়াম্না কোম্না পাংথোক্নবগীদমক্তা হায়রিবা এক্ত অসিদা পীরিবা প্রোভিজনশিং অসিগী মতুং ইন্না ঙাকথোক্নবগী পাম্বৈশিং মফম চানা থম্লি হায়বা য়েংশিন্নবা সেনিয়োরিতী মতিকচানা লৈরবা ওফিসর অমা থাননবা ৱারেপসু লৌখ্রে।

কমিসন্না ইলেক্সন পাংথোক্নবগীদমক্তা শিনবা লাংবা তৌবা মতমদা কোবিদ-১৯গা মরি লৈননা পীরক্লিবা ইন্সত্রক্সনশিং অদু নীংথিনা ইল্লি হায়বা য়েংশিন্নবা রাজ্যদগী ওফিসর অমা থাননবা চীফ সেক্রেতরীদা খঙহল্লকখ্রে।

মখাতানা কমিসন্না ইলেক্সন অসিগীদমক্তা য়েংশিন্ননবা মহারাস্ত্রগী চীফ এলেক্তোরেল ওফিসর খনখ্রে।

কমিসন্না মথংগী চয়োলদা য়ৈথোকখিবা অতোপ্পা ইলেক্সনশিং অদু অমুক হন্না য়েংশিন্নবা ৱারেপ লৌখ্রে।

এস.বি.এস

এনেক্সচর A (ভেকেন্সীগী লিস্ত)

এনেক্সচর B (সেদ্যুল)

****