ওল ইন্দিয়া ইন্সতিত্যুৎ ওফ আয়ুরবেদ (এ.আই.আই.এ.)না আয়ুশকী মন্ত্রালয় অমসুং দিল্লী পুলিসকী মখাদা ঙসি দিল্লী পুলিস পর্সোনেলগীদমক্তা আয়ুরকশা প্রোগ্রাম পাংথোকখ্রে। “কোরোনা কে সঙ্গ- দিল্লী পুলিস কে সঙ্গ” আয়ুরকশা হায়না মিংথোনবা অপুনবা প্রোগ্রাম অসিনা ইচম চম্বা অমসুং মতম্না চাংয়েং তৌরবা ইমম্যুনিতী হেনগৎনবা পাম্বৈশিংগী খুথাংদা কোরোনাগী মায়োক্তা লান্থেংননবগী পান্দম থম্লি।

হায়রিবা পাম্বৈশিং অসি আয়ুশকী মন্ত্রালয়না থোরকখিবা পাউতাকশিং অদুগী মখাদা লৈবা ঙাক্তনি। চ্যাৱনপ্রাশ (হৈক্রুনা মরু ওইবা মচাক ওইনা শিজিন্নবা ), অনু তৈলা অমসুং সনশামানী ৱাতী (গুদুচিদগী শেম্বা)দা মতম্না চাংয়েং তৌরবা অমসুং ইম্যুনিতী হেনগৎহনবগীদক্তা সাইন্তিফিকেল্লী প্রুফ তৌরবা অচম্বা হর্বসশিং মসিদা য়াওরি।

থৌদোক অসিদা, আয়ুশ মন্ত্রালয়গী সেক্রেতররী বৈদ্যা রাজেশ কোতেচানা ৱায়স্থাপনা (এন্তি-এজিং হর্বস) ওইনা মথৌ তৌরিবা গিলোইগী মরু ওইবা উৎলি। মহাক্না পনখি মদুদি মন্ত্রালয় অসিনা কোবিদ-১৯গী পজিতিব কেসশিংগীদমক্তা এদ-ওন থেরাপী ওইনা পীনবগীদমক্তা আয়ুশকী হিদাক লাংথকশিংগীদমক্তা থবক তৌরি। মহাক্না মমাং থারিবা লান্মী অমগুম্না দিল্লী পুলিসশিংনা হোৎনরিবা অসিগীদমক্তা থাগৎপা ফোংদোক্লি।

দিল্লী পুলিসকী কমিশ্নর শ্রী এস.এন. শ্রীৱাস্তবানা আয়ুশ অমসুং এ.আই.আই.এল.এ.গী মন্ত্রালয়না দিল্লী পুলিসকীদমক্তা হকচাং ফনবগীদমক্তা ওৎনরিবশিং অসিগীদমক্তা থাগৎপা ফোংদোক্লি। মহাক্না মতম্না চাংয়েং তৌরবা অমসুং সাইন্তিফিক ওইবা অচম্বা আয়ুরবেদগী হর্বসশিংগী ইম্যুন কনখৎহনবগী মতাংদসু মরু ওইনা হায়খ্রে। মহাক্না পল্লদুনা হায়খি মদুদি এ.আই.আই.এ. অমসুং দিল্লী পুলিস্না পু্ন্না পাইখৎমিন্নরিবা থবক অসি খবাইদগী চাওবা অসিগুম্বা মখলগী থবক্তা অহানবনি অমসুং মসি মাইপক্না পাংথোক্কনি লোইননা মসিনা অতোপ্পাশিংনা তমজনীংঙাই ওই।

দিল্লী পুলিস্না আয়ুরবেদগী ইম্যুন কনখৎনবগী পাম্বৈ অসি শিজিন্নদুনা দিল্লী পুলিস পর্সোনেলগুম্বা মমাং থাদুনা চৎলিবা কোবিদকী লান্মীশিংগী হকচাং ফনা থম্নবগীদমক্তা ৱাফম প্রোপোজল অমা পুথোরকখ্রে। প্রোপোজল অসি তাংকক নাইনা পাইখৎলক্কনি। এন.সি.তি. দিল্লীগী জিলা ১৫ শিনবা থুংনা দিল্লী পুলিসকী পর্সোনেল ৮০০০০ ময়া নক্না লৈরিবশিং অসিগীদম্তা য়েনথোকপগী থবক চৎথগনি। ওল ইন্দিয়া ইন্সতিত্যুৎ ওফ আয়ুরবেদনা ইন্সতিত্যুৎকী দাইরেক্তর মখাদা মরু ওইবা কোওর্দিনেতর ৩ কনখ্রে। এ.আই.আই.এল.এ.গী নোদল ওফিসর ১৫ দিল্লী রাজ্যগী জিলা ১৫গীদমক্তা খনগৎখ্রে মখোয়শিং অসিনা দিল্লী পুলিসতগী নোদল ওফিসর ১৫গা পুন্না থবক তৌমিন্নগনি।

• ফেজ I: ক্বরেন্তাইন তৌরবা পুলিস ওফিসর অমসুং ওফিসিয়েলশিং
• ফেজ II: কন্তেনমেন্ত জোশিংদা থবক পুরিবা পুলিস ওফিসিয়েলশিং/ ওফিসরশিং
• ফেজ III: ক্বরেন্তাইন জোনশিংদা থবক পুরিবা পুলিস ওফিসিয়েলশিং/ ওফিসরশিং
• ফেজ IV: ফীল্দদা মমাং থাদুনা থবক তৌরিবা পুলিসমেনশিং
• ওল ইন্দিয়া ইন্সতিত্যুৎ ওফ আয়ুরবেদনা দাইবিতিস, স্ত্রেস, হাইপরতেন্সন অসিনচিংবা লাইচৎ অসিদগী য়াম্না খুদোংথিনীংঙাই ওইবা কোমোর্বিদ কন্দিশনশিং লৈবা পুলিস ওফিসিয়েলশিং/ওফিসরশিং খংদোক্নবা থৌরাংসু লৌখৎলি। মসিগী ওফিসিয়েলশিং/ওফিসরশিংদা অহেনবা মতেং অমসুং চেকশিন থৌরাং লৌখৎকনি। হিদাক লাংথকশিং অসি শিজিন্নরিবা ওফিসরশিং/ওফিসিয়েলশিংগীদমক্তা দিজিতেল ফোর্মেত্তা অচুম্ববা হেল্থ রেকোর্দ অমা নীংথিজনা থমগনি।মসিগীদমক্তা অখন্ননা দিজাইন তৌরবা ক্বেশনের অমসুং আয়ুশকী মন্ত্রালয়না পুথোকপা দিজিতেল আরোগ্যা সঞ্জিৱনি শিজিন্নগণি।
• হিদাক লাংথকশিং অসি য়েন্থোক্নবগীদমক্তা, ফোর্ম্যুলেশনশিং, শিজিন্নবগী মেথদ অমসুং হিন্দী অমসুং ইংলিস্তা আয়ুশকী মন্ত্রালয়না থাদোকপা চেরোল য়াওগদবা অখন্নবা কিৎশিং থৌরাং তৌগনি। আয়ুশ মন্ত্রালয়গী মখাদা লৈবা সরকারগী ফার্মসি (আই.এম.পি.সি.এল.)ফগী ইদাক লাংথকশিং অদু লৌগনি।

দিল্লী পুলিস এদক্বার্তর খুদিংমক্তা ক্যোস্ক অমা থম্নবা খন্নরি মসিদা হৌরকপগী নুমিৎ ১৫গীদমক্তা ওল ইন্দিয়া ইন্সতিত্যুৎ ওফ আয়ুরবেদগী কন্সলতেন্তশিংনা ইম্যুন কনখৎহনবদা আয়ুরবেদগী ওইবা ফোর্ম্যুলেশনশিংনা কয়াম কান্নবগে হায়বগী মতাংদা দাইৎ অমসুং পুন্সি মহিংগা মরি লৈনবা ই-পাউ মপুংফানা মচাখায়না তাক্লগনি।

হকচাং ফনবা প্রমোৎ তৌবা অমসুং নুংতিগী ওইবা মোংদা অফবা মখলগী পুন্সি মহিং অমসুং ইম্যুন কনখৎনবা শিজিন্নদুনা লাইনাশিংদগী ঙাকথোকপা অসিনা আয়ুরবেদগী মরু ওইবা পান্দম্নি।

****