কোবিদ-১৯না মরম ওইদুনা লৈবাক শিনবা থুংনা চত্থরিবা লোকদাউন মনুংদা ইন্দিয়ন রেলৱেজনা থোংদোক্লবা অশাবা চাক লেম্না য়েনখিবগী মশিং ঙসি মিলিয়ন ৩ হেনখ্রে। এপ্রিল ২০, ২০২০দা ইন্দিয়ন রেলৱেজনা লেম্না য়েন্থোকখিবা চাক মশিং অসি মিলিয়ন ২ য়ৌখ্রবনি অমসুং হৌখিবা নুমিৎ ১০নিদা মিলিয়ন ১ য়ৌবা ঙমখি।

মালেমগী ওইবা লাইচৎ অসিনা মমাংদা অমুক্তা থোকখিদ্রিবা থৌদোক কয়া থোকহন্দুনা মীওই কয়াবু চাবা থকপা ফংহনখিদে। লাইচৎ অসিনা খ্বাইদগী চাউনা শোকহনবা মীওইশিংদি মফম অমদা পন্দুনা লৈবা মীওইশিং, নোংমগী শুরগা চাবশিং, মাইগ্রেন্তশিং, অঙাংশিং, কুলীশিং, ময়ুম মকৈ লৈজদবশিং অমসুং মীশিং য়াম্না লৈরিবা লাইরবশিংনি।

ইন্দিয়ন রেলৱেজকী মশিং য়াম্লবা রেলৱেগী লুপ কয়াগী স্তাফশিংনা মার্চ ২৮, ২০২০দগী হৌনা কোবিদ-১৯না শোকহল্লবা লৈজদ্রবা মীওই কয়াদা থোংদোক্লবা অশাবা চাক য়েনবগী থবক চত্থদুনা লাক্লি। আই.আর.সি.তি.সি.গী বেজ চাকখুমশিং, আর.পি.এফ.কী রিসোর্সশিং অমসুং এন.জি.ও.শিংনা তেংবাংলকপশিং অসিগী খুত্থাংদা রেলৱেজনা থোংদোক্লবা চাক অমসুং চান্নবগী পেকেৎ কয়া য়েন্থোক্তুনা লাক্লি। লৈজদবশিংদা চাক য়েন্থোক য়েন্থোক্না সোসিএল দিস্তেন্সিং অমসুং হাইজিন্সু ইন্দুনা মতেং পাংলি।

চাক য়েন্থোকপগী থবকশিং অসি আর.পি.এফ., জি.আর.পি., জোনশিংগী কমর্সিএল বিভাগশিং, রাজ্য সরকার, জিলাগী লৈঙাক্লোইশিং অমসুং এন.জি.ও.শিংগী মতেং লৌদুনা রেলৱে স্তেসনগী মনাক্তগী হেন্দোক্তুনা লৈত-লাইর লৈবা মফম খুদিংদা তৌই।

নোর্দর্ন, ৱেসতর্ন, ইস্তর্ন, সাউর্দন অমসুং সাউথ সেন্ত্রেল জোনশিংগী নই দিল্লী, বেঙ্গলোর, হুবলী, মুম্বাই সেন্ত্রেল, অহমেদাবাদ, ভুসাবল, হাওরা, পত্না, গায়া, রাঞ্চী, কতিহার, দীন দয়াল উপাধ্যায় নগর, বালাসোর, বিজয়ৱারা, খুর্দা, কৎপরি, তিরুচিরাপল্লী, ধনবাদ, গুৱাহাতী, সমস্তিপুর, প্রয়াগরাজ, ইতারসী, বিশাখাপত্নম, চেঙ্গালপত্তু, পুনে, হাজিপুর, রাইপুর অমসুং তাতানগরদা লৈবা আই.আর.সি.তি.সি. বেজ চাকখুমশিংগা লোইনদুনা ঙসি, এপ্রিল ৩০, ২০২০, ফাওবদা থোংদোক্লবা চাক লাখ ২০ হেন্না য়েন্থোকখ্রে।

মসিগী মরক্তা, থোংদোক্লবা চাক চাউরাক্না লাখ ১৭.১৭তি আই.আর.সি.তি.সি.না পীখি, চাউরাক্না লাখ ৫.১৮না আর.পি.এফ.না মখোইগী রিসোর্সতগী পীখি, চাউরাক্না লাখ ২.৫৩না রেলৱেগী কমর্সিএল অমসুং অতোপ্পা বিভাগনা পীখি অমসুং চাউরাক্না লাখ ৫.৬০না রেলৱেগী লুপশিংগা থবক তৌমিন্নবা এন.জি.ও.শিংনা পীখি। 

আই.আর.সি.তি.সি., অতোপ্পা রেলৱেগী বিভাগশিং অমসুং এন.জি.ও.শিংনা মখোইগী চাকখুমদগী শেম শারকপা চাকশিং অসি য়েন্থোকপদা রেলৱে প্রোতেক্সন ফোর্সনা য়াম্না মরু ওইবা থৌদাং কয়া অমা লৌখি। মফম ৭৪দা লৈজদবা মীওই ৫৪১৯দা ২৮/০৩/২০২০দা চাক য়েন্থোকপা নুমিত্তগী হৌনা য়েন্থোকপগী মশিং অসি নোংম নোংমগী হেনগৎলি। হৌজিক হৌজিক্কী ওইনা আর.পি.এফ.না চাংচৎকী ওইনা চাউরাক্না লৈবাক অসিগী তোঙান তোঙানবা মফম ৩০০দা মীওই ৫০০০০মুক নুমিৎ খুদিংগী চাক পীজরি।   

****