• হৌজিক ফাওবদা, কোবিদ-১৯ কেস ৩১,৩৩২গী মনুংদা মীওই ৭৬৯৫ লাইয়েংদুনা নাবা ফখ্রে, মসিনা ভারতকী ফগৎলকপগী চাং অসি ২৪.৫% য়ৌখ্রে।
• কেন্দ্র সরকারনা লৈবাক অসিগী মফমশিংদা কোবিদ-১৯না মরম ওইদুনা পন্দুনা লৈরিবা মীওইশিং অমসুং অতোপ্পা লমগে শিন্মীশিং রাজ্য অমদগী রাজ্য অমদা চত্থোক-চৎশিন য়াহনগদৌরি।
• ঐচ.আর.দি. মন্ত্রীনা রাজ্যশিংদা বোর্দকী একজামশিংগী পাউখুম চেশিংগী ইবালুৱেসন তৌবা হৌনবা হায়খ্রে, হায়রিবসিমক রাজ্যশিংনা সি.বি.এস.ই.গীসু পায়খৎনবা হায়রি।
•  দা. হর্স ভর্ধন্না সাইন্তিস্তশিংদা কোবিদ-১৯ লাকশিন্নবা উপাই পুথোকপা থুজন্নবা তকশিনখ্রে
• আরোগ্যাসেতুএপকী দেতাশিং রাজ্যদগী হৌদুনা জিল্লাগী ওফিসিএলশিংদা ফংহল্লগনি।
• কোবিদ লোইরবা মতুংগী পুন্সিদা, ভারতনা মালেমগী ললোল-ইতিক্তা মতীক চাবা শেয়র লৌহৌনবা হোৎনগদবনি হায়না শ্রী পিয়ুস গোয়ালনা হায়রি

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী ওইবা অনৌবা পাউ

হৌজিক ফাওবদা, অপুনবা মীওই ৭৬৯৫ লাইয়েংদুনা নাবা ফখ্রে। মসিনা ঐখোয়গী অপুনবা নাবা ফবগী চাং ২৪.৫% য়ৌরে। অপুনবা কনফার্ম তৌরবা কেস অসি হৌজিক, ৩১,৩৩২নি। সেক্রেতরি (ঐচ.এফ.দব্লিয়ু.)না কোবিদকা মরী লৈনদবা তঙাইফদবা হিদাক লাংথকশিংবু নাথৈরোইদবনি। দাইলাইসিস, কেন্সরগী লাইয়েং, দাইবেতিক্স, মীরোনবী অমসুং কার্দিয়েক্কা মরী লৈনবা অনাবশিংবু লাইয়েংবগী থবক মতীক চানা লৌখৎকদবনি। মহাক্না রাজ্যশিংদা সরকারনা লাকশিন্নবা হোৎনরিবা অসিদা কান্নবা পীরিবা আরোগ্যাসেতুএপ পুখৎনবা তকশিনখি।

অকুপ্পা মরোলগীদমক, https://pib.gov.in/PressReleseDetail.aspx?PRID=1618722

কেন্দ্রগী ঐচ.আর.দি. মন্ত্রীনা রাজ্য খুদিংমক্কী এদ্যুকেসনগী মন্ত্রীশিং অমসুং এদ্যুকেসনগী সেক্রেতরিশিংগা ৱারী শানখ্রে

মীফম অদুবু হৌদোক্লদুনা কেন্দ্রগী মন্ত্রীনা হায়খি মদুদি, কোবিদ-১৯না হৌজিক ওইহল্লিবা ফিবম অসি লাইবক থীবনি, অদুবু হৈ-শিংনা থবক লৌখৎপা মতম ওইরে অমসুং মহৈরোইশিংগী শোই-ঙামদনবা অমসুং মখোয়গী লাইরিক লাইশুগী ওইবা য়াইফ থৌরাংশিংদা অকায়বা লৈতনবা অনৌবা থবকশিং লৌখত্তুনা ওইরিবা ফিবম অসি খুদোংচাবা ওন্থোক্নবা হোৎনবগী মতম ওইরে। মহৈলোয়শঙশিংদা কালেন্থাগী শুতি মনুংদা মিদ-দে মীল পীনবগীদমক অহেনবা করোর ১৬০০কী এক্সপেন্দিচর কাইথোকপগী অয়াবা পীখ্রে হায়না মহাক্না ময়ামদা লাউথোকখি। মন্ত্রীনা রাজ্যশিংদা বোর্দকী একজামশিংগী পাউখুম চেশিংগী ইবালুৱেসন তৌবা হৌনবা হায়খ্রে, হায়রিবসিমক রাজ্যশিংনা সি.বি.এস.ই.গীসু পায়খৎনবা হায়রি।

অকুপ্পা মরোলগীদমক, https://pib.gov.in/PressReleseDetail.aspx?PRID=1619006

কেন্দ্র সরকারনা কোবিদ -১৯ লাইচৎকী মনুংদা লৈবাক অসিদা মফম কয়াদা পন্দুনা লৈরিবা মীওইশিং অমসুং অতোপ্পা লমগী শিন্মীশিং রাজ্য অমদগী রাজ্য অমদা চত্থোক-চৎশিন য়াহনগদৌরি।

কোবিদ-১৯ থেংননবা লোকদাউন লৈখিবনা মরম ওইদুনা চত্থোক-চৎশিন্দা অথিংবা থমখিবদগী অতোপ্পা লমগী শিন্মীশিং, লাই খুইরম্বা চৎপশিং, লমকোইবশিং, মহৈরোই, অমসুং অতোপ্পা মী কয়া  লৈবাক অসিগী মফম কয়াদা পন্দুনা লৈরি। হৌজিক্তি কেন্দ্র সরকারনা হায়রিবা পন্দুনা লৈরিবা মীওইশিং অসি মখা লম্বীদা চত্থোক-চৎশিন তৌবগী অয়াবা পীখ্রে। মখোয়শিং অসি রাজ্য/য়ু.তি. অমদগী অমদা, মরী লৈনবা রাজ্যশিংনা মখোয় মশেল পাউ ফাওনরবা মতুংদা অমসুং হায়রিবসিমক মখোয়গী মরক্তা য়ানরবা মতুংদা চত্থোক-চৎশিন য়াহনগনি। মখোয়না মখোয়গী লম্থুংফম য়ৌবা মতমদা, হায়রিবা মীওইশিং অদু লমদুগী হকশেলগা মরী লৈনবা মীওইশিংনা য়েংগনি অমসুং করিগুম্বা মখোয় অসি ইন্সতিত্যুসনেল ক্বারেন্তিন তৌবগী মথৌ তাদ্রবদি হোম ক্বারেন্তিন তৌদুনা থমগদবনি হায়না হায়রি। মখোয়শিং অসি চাং নাইনা হেলথ চেক তৌদুনা থমগনি।

অকুপ্পা মরোলগীদমক, https://pib.gov.in/PressReleseDetail.aspx?PRID=1619318

দা. হর্স ভর্ধন্না সাইন্তিস্তশিংদা কোবিদ-১৯ লাকশিন্নবা উপাই পুথোকপা থুজন্নবা তকশিনখ্রে

দা. হর্স ভর্ধন্না বাইওতেক্নোলোজি বিভাগ অমসুং মসিগী ওতোনোমস ইন্সতিত্যুতশিং অমসুং পব্লিক সেক্তর অন্দর্তেকিং অমা ওইরিবা বিরাক অমসুং বিবকোলনা কোবিদ-১৯ থেংননবা পাইখৎলিবা থবক থৌরমশিং, মরু ওইনা লমদম অসিদা তিকা পুথোক্নবা হোৎনরিবা, রেপিদ তেস্তিং অমসুং আর.তি.-পি.সি.আর. দাইগ্নোস্তিক কিৎশিংগী য়েংশিনখ্রে। তিকা দোজন তংখাইদি শেম্লে মসিগী মনুংদা মরি অমদি হেন্না খুমাং চাউশিল্লি।

অকুপ্পা মরোলগীদমক, https://pib.gov.in/PressReleseDetail.aspx?PRID=1619011

শ্রী পিয়ুস গোয়ালনা হায়রি মদুদি, কোবিদ লোইরবা মতুংগী পুন্সিদা,মালেমগী সপ্লাই চেনদা অচৌবা অহোংবা অমা লাক্কদৌরি, অমসুং ভারতনা মালেমগী ললোল-ইতিক্তা মতীক চাবা শেয়র লৌহৌনবা হোৎনগদবনি।

কম্মর্স অমসুং ইন্দস্ত্রীগী মন্ত্রী শ্রী পিয়ুস গোয়ালনা ঙসি এক্সপোর্তরশিংদা অকক্নবা সেক্তরদা মখোয়গী পাঙ্গল, তৌবা ঙম্বগী চাং, অমসুং চাংদম্নবদা মখোয়দা লৈবা খুদোংচাবশিং খঙদোক্নবা পুক্নিং চিংশিনখ্রে, অমসুং মখোয়শিংবু মালেমগী কৈথেলদা শিজিন্ননবা খংহনখ্রে। শ্রী গোয়ালনা হাইখি, কোবিদ লোইরবা মতুংগী পুন্সিদা, মালেমগী সপ্লাই চেনগী ফিবমদা অচৌবা অহোংবা অমা লাক্কনি, অমসুং ভারতকী ইন্দস্ত্রিএলিস্তশিং অমসুং এক্সপোর্তরশিংনা মালেমগী ললোল-ইতিক্তা অচৌবা শেয়র অমা লৌহৌনবা হোৎনগদবনি। সরকারনা মসিদা চাউনা শৌগৎকনি অমসুং মখোয়না হোৎনরিবদুদা ফেসিলিতেতর ওইগনি হায়না থাজবা পীখি, অমসুং মপান্দা লৈবা ভারতকী মিসনশিংনা মরুওইবা থৌদাং লৌগনি হায়না ফোংদোকখি। মন্ত্রীনা ইন্সেন্তিবশিংসু পীগনি, অদুবু মখোয়দু অচুম্বা, মরম চাবা অমসুং দব্লিয়ু.তি.ও. কম্পাইন্ত ওইগদবনি হায়খি।

অকুপ্পা মরোলগীদমক, https://pib.gov.in/PressReleseDetail.aspx?PRID=1619315

শ্রী রবি শঙ্কর প্রসাদনা কোবিদ-১৯ থেংনবদা রাজ্যশিং অমসুং য়ু.তি.শিংনা লৌরিবা থৌদাংশিংবু থাগৎপা ফোংদোকখ্রে

ইলেক্ত্রোনিক্স অমসুং ইনফোর্মেসন তেক্নোলোজিগী মন্ত্রী ওইরিবা শ্রী রবি শঙ্কর প্রসাদনা এপ্রিল ২৮, ২০২০দা রাজ্যগী আই.তি. মন্ত্রীশিংগা মীফম অমা পাংথোকখি। তেলিকম্যুনিকেসন বিভাগনা পীবা 'য়ুমদগী থবক শুবগী' কাংলোনশিংদা কোম্থোকপশিংদু কেন্দ্র সরকারনা এপ্রিল ৩০দগী জুলাই ৩১,২০২০ ফাওবা শাংদোক্লবা য়ারি হায়খি। মহাক্না রাজ্যশিংনা ভারত নেত স্কিমবু শৌগৎপীনবা ফোংদোকখি অমসুং খুদোংচাদবশিংবু অচুম্বা লম্বীদা য়েংশিনবীনবা মখোয়দা হায়জখি। আরোগ্যাসেতুএপতা য়াওরিবা দেতাশিং অদু রাজ্যশিংগী জিল্লাগী ওফিসিএল ফাওবদা ওনলাইন্দা ফংহন্নবা মহাক্না হায়খি। মন্ত্রী অসিনা ফিচর ফোন শিজিন্নবা মীওইশিংগীসু মসিগা মান্নবা উপাই অমা শেম্লি অমসুং হায়রিবসি অথুবদা ময়ামদা ফংহল্লগনি হায়না ফোংদোকখি।

অকুপ্পা মরোলগীদমক, https://pib.gov.in/PressReleseDetail.aspx?PRID=1619105

সোসিএল জস্তিস অমসুং ইম্পাৱরমেন্তকী মন্ত্রালয়না রাজ্য/য়ু.তি.শিংদা নাম্ম শোইরবশিংগী ওইবা তঙাইফদবা ফিজিকেল এক্সেসিবিলিতি ফিচরশিং কোবিদ-১৯ তেস্ত তৌফম অমসুং ক্বারেন্তিন ফেসিলিতি অমসুং হোস্পিতালদা লাইয়েংবা মতমদা পীগদবনি হায়না অইবা চেরোল থাখ্রে

রাজ্য/য়ু.তি.শিংগী চীফ সেক্রেতরিশিংদা থাবা চিথী অমদা, ইম্পাৱরমেন্ত ওফ পর্সন্স ৱিথ দিসএবিলিতিসকী বিভাগনা হায়খ্রে মদুদি, লাইচৎ অসিগী খুদোংচাদবশিং কোকহন্নবা, কোবিদ-১৯ সেন্তর কয়া অমা কন্তেনমেন্ত য়ুনিত, আইসোলেসন তিত্মেন্ত সেন্তর অমসুং তেস্তিং লেব ওইনা মেদিকেলগী ওইবা হীরমদা অহেনবা মফম ফংননবা খন্দোক্লে।। হৌজিক লৈরিবা খুদোংচাদবসিনা নাম্ম শোইরবশিংদা মখোয়গী ইম্যুনিতি ৱাৎপা, ঈ-পাউ লৌশিনবা ঙমদবা নত্ত্রগা শোনবা অসিগী মরম খক্তা নত্তনা কোবিদকা মরী লৈনবা ফেসিলিতিশিংদা পীরিবা এক্সেসিবিলিতি ফিচরশিং ফংদবনসু খুদোংচাদবা অমা ওইহল্লি।

অকুপ্পা মরোলগীদমক, https://pib.gov.in/PressReleseDetail.aspx?PRID=1619284

প্রধান মন্ত্রী অমসুং কানাদাগী প্রধান মন্ত্রীগী মরক্তা তেলিফোন্দা ৱারী শানখ্রে

প্রধান মন্ত্রীনা কানাদাগী প্রধান মন্ত্রী হিজ এক্সিলেন্সী জস্তিন ত্রুদোগা ঙসি তেলিফোন্দা ৱারী শানখ্রে। লুচিংবা অনিনা কোবিদ-১৯ লাইচৎকী মতাংদা হৌজিক ওইরিবা মালেমগী ফিভমদা খন্ন-নৈনখি। মখোয়না মালেম অপুনবা ওইনা থেংনমিন্নবা অমসুং কোওর্দিনেসন, সপ্লাই চেনগী মেন্তিনেন্স অমসুং কোলাবোরেতিব রিসর্স এক্তিবিতীশিংগী মরুওইবদা য়ানখি। প্রধান মন্ত্রীনা কানাদাদা লৈরিবা ভারতকী মীয়ামদা, মরু ওইনা ভারতকী মহৈরোইশিংদা তেঙবাং ফংহনবগীদমক কানাদাগী প্রধান মন্ত্রীবু থাগৎপা ফোংদোকখি।

অকুপ্পা মরোলগীদমক, https://pib.gov.in/PressReleseDetail.aspx?PRID=1619109

মমাং চহীগা চাংদম্নবদা লোকদাউন মনুংসিদা প্রাইবেত ফুদগ্রেন (পি.এফ.জি.)গী মাল য়াম্না চাউনা হেনগৎখ্রে

পি.এফ.জি. মাল লাকস্তোন ৭.৭৫ (রেক ৩০৩)হেন্না মার্চ ২৫দগীনা এপ্রিল ২৮, ২০২০ফাওবগী লোকদাউন মনুংদা ইন্দিয়ান রেলৱেজনা হায়রিবা মতম অসিদা মমাং চহীগী লাকস্তোন ৬.৬২ (রেক ২৪৩)দগী হেন্না লোদ তৌখি। ইন্দিয়ান রেলৱেজনা ফার্মদগী ফংবা ফুদগ্রেনশিং মতম চানা লৌখৎপীদুনা লেপ্পা লৈতবা সপ্লাই চেন অমা ওইহন্নবা অঙম্বা থাক্তা হোৎনরি।

অকুপ্পা মরোলগীদমক, https://pib.gov.in/PressReleseDetail.aspx?PRID=1619310

শ্রীমতী হর্সিম্রৎ কৌর বাদলনা এফ.আই.সি.সি.আই. অমসুং মরুওইবা ইন্দস্ত্রীগী মীহুৎশিংগা লোইননা ভিদিও কনফরেন্স পাংথোকখ্রে

কেন্দ্রগী এফ.পি.আই. মন্ত্রীনা ইন্দস্ত্রীগী মীহুৎশিংনা মমাং থাদুনা লৌমীশিং নুংঙাইনবা চানবা হৱাই চেংৱাই অমসুং পত্থ-পুম্থগনবা পোত্থোকশিং লৈশিন্নবা তকশিনখ্রে। কেন্দ্রগী মন্ত্রী অসিনা ইন্দস্ত্রীগী মীহুৎশিং অসিদা মন্ত্রালয় অসিদগী মথৌ তাবা মতেং পুম্নমক পাংগনি হায়না থাজবা পীখি অমসুং তাস্ক ফোর্স অসিগা পাউ ফাওননবগী পাউতাকশিং ইন্দস্ত্রীগী মীহুৎ পুম্নমক্তা থমখি।

অকুপ্পা মরোলগীদমক, https://pib.gov.in/PressReleseDetail.aspx?PRID=1619149

ভারতনা লৈবাক ৩০গা লোইননা, ইহান হানবা ভর্চুৱেল পিতর্সবর্গ ক্লাইমেত দাইলোগতা অঈং-অশা ওন্নরকপগী খুদোংচাদবশিং খন্ন-নৈনখ্রে

পিতর্সবর্গ ক্লাইমেত দাইলোগকী তরামাথোই শুবা মীফমদা ভারতনা লৈবাক ৩০গা লোইননা মতৌ করম্না কোবিদ-১৯ লোইরবা মতুংদা অপুনবা ওইনা মপাঙ্গল কনখৎহনবা অমসুং ক্লাইমেতকী ওইবা থবকশিংদা অহোংবা পুরকপা অমসুং খ্বাইদগী শোত্থরবশিংগী য়াইফনবা হোৎনবগা লোইননা শেন্মিৎলোন অমসুং সমাজ চাউখৎহল্লক্কদগে হায়বগী মতাংদা খন্ন-নৈনখ্রে।

অকুপ্পা মরোলগীদমক, https://pib.gov.in/PressReleseDetail.aspx?PRID=1619061

লেবর মন্ত্রালয়না চীফ সেক্রেতরি পুম্নমক্তা শিন্মী অমত্তা থবক্তগী লৌথোক্তনবা নত্ত্রগা কোবিদ-১৯না মরম ওইদুনা খুৎশুমল হন্থহন্দনবা হায়খ্রেঃ পি.আই.বি. ফেক চেকনা পাউ অসিবু কনফার্ম তৌখ্রে

অকুপ্পা মরোলগীদমক, https://pib.gov.in/PressReleseDetail.aspx?PRID=1619095

দা. হর্স ভর্ধন্না লাইওন্স ক্লব ইন্তর্নেস্নেলগা ভিদিও কনফরেন্স পাংথোকখ্রে

ভারতনা কোবিদ-১৯ থেংননবা হোৎনরিবশিং অসি পল্লদুনা, মহাক্না হায়খি, "হৌজিক ঐখোয়গী লৌখৎকদবা খোংথাং অসি মঙা থোক্না খাইদোকপা য়াইঃ (ক) হৌজিক ওইরিবা ফিবম অসি লেপ্পা লৈতনা ময়ামদা খংহনবা, (খ) প্রি-এম্পতিব অমসুং প্রোএক্তিব ওইবা খোংথাংশিং,  (গ) লেপ্পা লৈতনা ওইরক্লিবা ফিবম অসিদা থাক থাক খাইদোক্তুনা করি তৌগদগে লেপ্পা, (ঘ) তাংকক খুদিংদা সেক্তরশিংগী মরক্তা খুৎশম্ননা চৎপা, অমসুং অরোইবদা য়াম্না মরুওইনা, (ঙ) লাইনা অসি লান্থেংনবদা মীয়ামগী ইহৌ অমা শাগৎপা।"

অকুপ্পা মরোলগীদমক, https://pib.gov.in/PressReleseDetail.aspx?PRID=1619287

লৈবাক অসিদা লৈরিবা সেল্ফ হেল্প গ্রুপশিংনা হৌজিক ফাওবদা ফেস মাস্ক করোর অমা হেন্না শাখ্রে

লৈবাক শীনবা থুংনা লৈরিবা তোঙান-তোঙানবা সেল্ফ হেল্প গ্রুপশিংনা ফেস মাস্ক করোর অমা হেন্না পুথোকখ্রে। মসিনা চোকথবা নাইদনা হোৎনবা, পোজিতিব এনর্জি অমসুং এস.ঐচ.জি.শিং পুন্না হাউসিং অমসুং অর্বান এফিয়র্সকী দি.এ.ৱাই-এন.য়ু.এল.এম. ফ্লেগসিপ স্কিমগী মখাদা কোবিদ-১৯ থেংননবা হোৎনরি হায়বসি উৎলে।

অকুপ্পা মরোলগীদমক, https://pib.gov.in/PressReleseDetail.aspx?PRID=1619192

মন্সুনগীদমক জল শক্তি অভিয়ান শেম শাদুনা লৈরি

'জল শক্তি অভিয়ান'- মসিগী তোঙান-তোঙানবা মচাকশিংনা হৌজিক ওইরিবা হকশেলগী খুদোংচাদবশিং থেংননবা অমসুং খুঙ্গংগী শেন্মিৎলোন ফগৎনবা শেম শাদুনা লৈরে। কোবিদ-১৯ ইমর্জেন্সি অমসুং খুঙ্গংগী লমশিংদা লেবর ফোর্স য়াম্না চাউনা লৈরিবা অসিগা লোইননা লাক্কদৌরিবা মন্সুন অসিগীদমক অভিয়ান অসিনা শেম শাদুনা লৈরে।

অকুপ্পা মরোলগীদমক, https://pib.gov.in/PressReleseDetail.aspx?PRID=1619025

স্মার্ত সিতী কল্যান-দোম্বিব্লীগী কোবিদ-১৯ দেশবোর্দ হৌজিক মীয়ামদা হাংদোক্লে

অকুপ্পা মরোলগীদমক, https://pib.gov.in/PressReleseDetail.aspx?PRID=1619174

তুরিজম মন্ত্রালয়না “এন ইপিক কোল ইন্দিয়া – এ লেন্দ ওফ মাইরিয়াদ স্তোরিজ” কৌবা অপুনবা থীম ‘দেখো অপ্না দেশ’কী মখাদা তরামাথোইশুবা ৱেবিনার পাঙথোকখ্রে

অকুপ্পা মরোলগীদমক, https://pib.gov.in/PressReleseDetail.aspx?PRID=1619178

কোবিদ-১৯ হকশেলগী লান্মীশিংদা মতেং পাংনবা রোবোৎ, হকার্দ

অকুপ্পা মরোলগীদমক, https://pib.gov.in/PressReleseDetail.aspx?PRID=1619169

পি.আই.বি. ফিলদ ওফিসশিংদগী ফংবা পাউ

• চান্দিগরঃ পোজিতিব ওইবা কেস য়ামখৎলকপনা, য়ু.তি. চান্দিগরগী এদভাইজরনা ঐখোয়দা লৈরিবা রিসোর্স অমসুং ইনর্জি পুম্নমক শিজিন্নদুনা সেক্তর ২৬কী বাপুধাম কোলোনি অমসুং সেক্তর ৩০-বিগুম্বা জগাদা লাকশিন্নবা হোৎনগদবনি। হায়রিবা জগা অসি থিংজিনবগী মথক্তা, মফম অসিদা লৈরিবা মীয়াম পুম্নমকপু লোকেল ভোলুন্তীয়রশিং অমসুং লুচিংবশিংগী মতেংগা লোইননা সোসিএল দিস্তেন্সিং ঙাক্না চৎহনগদবনি। হায়রিবা মফমশিং অসিদা সোসিএল দিস্তেন্সিংগী কাংলোন থুগাইবা মীওইশিং খংনবা সি.সি.তি.ভি. কেমেরা অমসুং দ্রোন শিজিন্নগনি হায়না মহাক্না মখা তাখি। কর্ফিয়ুগী য়াথংশিং ঙাক্না চৎহন্নবগীদমক পুলিসশিংনা মফম অসিদা চাং নাইনা পেত্রোল তৌগনি।
• পঞ্জাবঃ খুঙ্গংগী নুপী শেল্ফ হেল্প গ্রুপশিংগী মেম্বরশিংনা কোরোনা ভাইরস লান্থেংনবদা অচৌবা থৌদাং লৌরি। এস.ঐচ.জি.শিং অসিনা পঞ্জাবকী রুরেল দিবেলপমেন্তকী বিভাগকী মখাদা সিবিল এদমিনিস্ত্রেসন, পুলিস অমসুং পঞ্চায়তশিংগী মাস্ক, এপ্রোন অমসুং গ্লোবশিং পুথোক্লি। পঞ্জাবকী সরকারগী আই.তি.আই. মহৈরোইশিংনা লোকদাউন মনুংদা মাস্ক খ্বাইদগী য়াম্না পুথোকপগীদমক রাজ্য অসিদা চাউথোকচরি।
• হরিয়ানাঃ রাজ্য সরকার অসিনা লৌরিবা ইনফোর্মেসন তেক্নোলোজিগী থৌরাংশিং অসিনা কোবিদ-১৯ লাইচৎকী মনুংদা তেংবাং পীবা অমসুং পোৎ লৈশিনবগী থবক্তা অচৌবা থৌদাং লৌরি হায়না মুখ্য মন্ত্রীনা ফোংদোকখ্রে। খম থেংনা লৈত্রবশিংদা থা অহুমগী রাসন লেম্না পীনবগীদমক পি.দি.এস.কী খুথাংদা দিস্ত্রেস রাসন তোকনশিং রাজ্য সরকারনা পীখ্রে হায়না মহাক্না হায়খি।
• হিমাচল প্রদেশঃ রাজ্য সরকার অসিনা সরকারগী হেল্পলাইন নম্বরশিংদা অমসুং ইমেলগী খুথাংদা মতেং নিরকপা লৈবাক অসিগী তোঙান-তোঙানবা মফমদা পন্দুনা লৈরিবা হিমাচলি ৫০০০ হেনবদা মতেং পাংনবা তোঙান-তোঙানবা খোংথাং কয়া লৌখৎখ্রে। হিমাচল প্রদেশকী মুখ্য মন্ত্রীনা হিমাচলিশিংনা পন্দুনা লৈরিবা রাজ্যশিংগী মুখ্য মন্ত্রীশিংদা অইবা চেরোল থাদুনা মতেং পীবীনবা খংহনখ্রে।
• কেরলাঃ কোবিদ-১৯ লাইচৎকী মনুংদা রাজ্য সরকারনা সরকারগী থৌমীশিংদগী তোলোপ ককপা য়াহনবগী ওর্দিনান্স অমগী অয়াবা পীখ্রে; মমাংদা কেরলা হাই কোর্তনা সরকারগী ওরদর অসিবু পন্থহন্দুনা থমখিবনি। মীয়াম তিনবা মফমদা ফেস মাস্ক শোইদনা উপকদবনি হায়না সরকারনা লাউথোকখ্রে। কসারগোদতগী পোজিতিব ওইরিবা মীওইদুগী নারকপগী মরী মখোং হৌজিক ফাওবা পুথোকপা ঙমদ্রি। রাজ্য অসিগী তোঙান-তোঙানবা লাইনিংবগী লুচিংবশিংনা মে ৩দা লাইচৎ অসিনা শোকহল্লবশিংগীদমক জোইন্ত প্রেয়র দে পাংথোকপীনবা হায়জখ্রে। ঙরাং ফাওবদা ওইখিবা অপুনবা কনফার্ম কেসঃ ৪৮৫, এক্তিব কেসঃ ১২৩, নাবা ফখ্রবাঃ ৩৫৯
• তামিল নাদু: চেনাইগী চানবা পোৎ থিনবা স্তাফ অমা কোবিদ-১৯ পোজিতিব ওইরে, অপোকপা ইনফেক্সন্না মরম ওইদুনা লৈখিদ্রে। তামিলনাদুদা লৈবা চেঙগী কার্দ পায়বা মীওই পুম্নমক মখোয়গী চেঙগী ফংগদবা কোতা অদু লেম্না শরুক অনী হেনগৎকদৌরি। তামিলনাদুনা মপান্দা লৈবা য়ুমদা হল্লকনিংবা শিন্মীশিংগী পোর্তেল অমা হাংখ্রে। চেনাই কোর্পোরেসন্না কেন্দ্র, রাজ্য, অমসুং তঙাইফদবা থবক চত্থরিবা ইন্সতিত্যুসনশিংনা মখোয়গী ওফিস অদু নোংমদা অনীরক দিসইনফেক্ত তৌনবা খংহনখ্রে। ঙরাং ফাওবদা ওইখিবা অপুনবা কেসঃ ২০৪৮, এক্তিব কেসঃ ৯০২, শিখিবা মশীং: ২৫, দিসচার্স তৌখ্রবাঃ ১১২৮, চেনাইদগী লাকপা কেস মশীং ৬৭৩।
• করনাতকা: ঙসিগী ওইনা হৌজিকফাওবদা অনৌবা কেস ৯ লৈখ্রে। নিপাল অমনা কার্বুংগীদগীনি অমসুং অমনা বেলাগাবিদগীনি। অপুনবা কেস মশীং ৫৩২নি। হৌজিক ফাওবদা অশিবা ২০ ওইরি অমসুং ২১৫না দিসচার্জ তৌখ্রে।  
• অন্ধ্র প্রদেশ: হৌখিবা পুং ২৪দা অনৌবা কেস ৭৩ লৈরে; অপুনবা কেস মশীংনা ১৩৩২ য়ৌরে। এক্তিব কেসঃ ১০১৪, রিকবর্দঃ ২৮৭, লৈখিদ্রবাঃ ৩১। সরকারগী থৌমী, বেঙ্ক, নেক্তুনা থবক শুরিবা শিন্মী, মেদিয়াগী মীওইশিং, ললোন ইতিক তৌবশিং, অমসুং পোৎ পুথোক-পুশিন তৌবা গারী দ্রাবরশিংদা সরকারনা আরোগ্যাসেতুএপ দাউনলোদ তৌদুনা লাইনা অসিবু শন্দোক্তনবা হোৎনবদা মতেং পাংনবা হায়খ্রে। দিস্ত্রিক কল্লেক্তরশিংনা করিগুম্বা লোকদাউন অসি লৌথোক্লবদি কন্তেনমেন্ত জোনশিংদা চৎনগদবা খোংথাংশিং পুথোক্নবা হায়খ্রে। পোজিতিব কেস লৈবদা মকোক্তা লৈরিবা জিল্লাশিং : কুরনুল (৩৪৩), গুন্তুর (২৮৩), কৃষ্ণ (২৩৬)।
• তেলঙ্গানা: য়ুম্থংনবা রাজ্য অরুনাচল প্রদেশতগী রাজ্য অসিনা তেস্ত মশীং য়াম্না হন্থনা তৌরি, অদুবু পোজিতিব কেস মশীং হন্থরকপনা মরম ওইদুনা পাক শন্না তেস্ত তৌবগী কান্নবদি থোইনা লৈত্রি হায়না হায়রি। পুলিস ওইবা মীওই ইন্দিয়ান ইন্সতিত্যুত ওফ তেক্নোলোজি, হায়দ্রবাদতা অতোপ্পা লমগী শিন্মীশিংগা য়ুমশকৈশ নুমিত্তা মুক্নবদা শোক্লে অমসুং গারী অমা অতেক অকাই য়াওরে হায়রি। অপুনবা কেস মশীং: ১০০৯, এক্তিব কেসঃ ৬১০।
• মহারাস্ত্রঃ মহারাস্ত্রগী কোবিদ-১৯ পোজিতিব কেস মশীং অসি হৌজিক অনৌবা কেস ৭২৮গা লোইননা ৯,৩১৮ ওইরে। লৈখিদ্রবা মশীংনা ৩৬৯নি, হায়রিবসি মীওই ১,৩৮৮না নাবা ফদুনা ময়ুমদা দিসচার্জ তৌখ্রে। চৈরক অসিদা, মহারাস্ত্র স্তেত রোদ ত্রান্সপোর্ত কোর্পোরেসন্না মসিগী বস ৭০ রাজস্থানগী কোতাদা রাজ্য অসিদগী লোকদাউন্না মরম ওইদুনা লৈখিবা লৈখিবা মহৈরোই ১,৬০০ লৌরুনবা থাখ্রে। হায়রিবা মহৈরোইশিং অসি কোতাদা লৈবা মমিং লৈরবা আই.আই.তি. তম্ফমশঙশিং অমসুং কম্পিতিতিব একজামিনেসন কোচিং সেন্তরশিংদা তমদুনা লৈবনি।
• গুজরাতঃ অনৌবা কোবিদ কেস ১৯৬গা লোইননা গুজরাত্তা হৌজিক ফাওবদা অপুনবা পোজিতিব কেস অসি ৩,৭৪৪ য়ৌখ্রে। মসিগী মনুংদগী ৪৩৪না নাবা ফখ্রে, অমসুং ১৮১না লৈখিদ্রে।
• রাজস্থানঃ য়ুমশকৈশ নুমিত্তা রাজস্থান্দা অনৌবা কোবিদ কেস ২৯ লাকখ্রে। মসিনা অপুনবা কোবিদ-১৯ কেস ২,৩৯৩ য়ৌরে। রাজ্য অসিদা হৌজিক ফাওবদা মীওই ৫২ ভাইরস অসিনা লৈখিদ্রে, জৈপুরদা মীওই ২৭ লৈখিদ্রে। মসিগী মনুংদগী অনাবা ৭৮১না নাবা ফখ্রে।
• মাধ্য প্রদেশঃ অনৌবা পোজিতিব কেস ২৫ লাকপগা লোইননা মাধ্য প্রদেশতা পুন্না এস ২,৩৮৭ য়ৌরে। মসিগী মনুংদগী মীওই ৩৭৭না নাবা ফখ্রে, অমসুং ১২০ না লৈখিদ্রে।
• ছতিশগরঃ হৌজিক ফাওবদা ছতিশগরদা কোবিদ-১৯ কেস ৪ খক্তমক লৈরি। অপুনবা মীওই ৩৮ নারম্বদগী ৩৪দি নাবা ফখ্রে।
• গোৱাঃ অনাবা ৭ লৈরম্বদগী হৌজিক গোৱাদা অনাবা অমত্তা লৈত্রে।
• অরুনাচল প্রদেশ: ইতানগর দি.সি.না ওক পুত্থোক-পুশিন তৌবা অমসুং য়োনবা কোনুং অসিদা স্বাইন ফেবর লাইনা লাকপা য়াবগী অকিবা লৈবদগী থিংখ্রে।
• অসাম: হকশেলগী মন্ত্রী হিমন্তা বিস্বা সর্মনা কোবিদকী মনুং অসিদা হাইয়র এদ্যুকেসনগী ওইবা থৌরাং অমা লৌখৎপা হায়বসি অরুবা অমা ওইদৌরি হায়খ্রে। হীরম অসিদা তৌবা য়াবশিং খন্ননবা মহাক্না অসম কোলেজ প্রিন্সিপাল কাউন্সিল অমসুং অসম কোলেজ তিচর এসোসিএসন অমসুং প্রিন্সিপাল সেক্রেতরি অমসুং এদ্যুকেসন কমিসনরগা লোইননা মীফম অমা পাংথোকখ্রে।  
• মনিপুর: কর্ফিয়ু থুগাইবগীদমক পুন্না মীওই ৭৮৪ ঙরাং ফাখি অমসুং মখোয়দগী পুন্না লাখ ১গী ফাইন থিনবা খংহনখি।  
• মিজোরাম: মুখ্য মন্ত্রীনা এপ্রিল ৩০দগীনা মে ২ ফাওবগী মনুংদা অৱাং নোংপোক্কী রাজ্য মরিদা পন্দুনা লৈরিবা মীওই ৬৯৩রোম মিজোরামদা পুরক্নবা হোৎনগনি হায়খ্রে। মসিগীদমক সরকারনা গারী শিল লাংখ্রে।
• মেঘালয়ঃ নৈগ্রিমস, সিলোংদা মুখ্য মন্ত্রীনা ওনলাইন্দা খুদক্কী ওইবা কন্সলতেসন পীনবা অমসুং মীয়ামদা লাপ্না কোবিদ-১৯ য়াওনা অতোপ্পশিংগী এক্সেস পীনবা তেলিমেদিসিনগী ফেসিলিতি হৌদোকখ্রে। 
• নাগালেন্দ: রাজ্য সরকারনা থাউগী মমল হেনগৎনবা লেপখ্রে। হান্না লৈরিবা তেক্স অমসুং সেসকী মথক্তা কোবিদ-১৯গী তাক্স থাউগী পোত্থোকশিংদা হাপকৎলগনি।
• সিক্কিম: নই দিল্লীদা লৈবা অনা-লায়েংশঙ অমদা দাইলাইসিস তৌদুনা লৈরিবী সিক্কিম নুপী অমা কোবিদ-১৯ পোজিতিব ওইরে। সিক্কিমগী মুখ্য মন্ত্রী হায়রিবা নুপী অসি করম্না পোজিতিব ওইরকখিবনো হায়বা খংবা ঙমদ্রি হায়রি অমসুং মহাক নিংথীনা লায়েংলি হায়রদুনা মীয়াম্না মিপাইবীদনবা পুক্নিং চিংশিনলি।
• ত্রিপুরা: সরকারনা কোবিদ-১৯না মরম ওইদুনা ত্রিপুরাদা এম.জি.এন.আর.ই.জি.এ.গী মখাদা নুমিৎ ৬নিগী মী অমনা নোংমদা লুপা ২০২ তানবগী চাংদা ঝুমিয়াগী ইমুং মনুংদা লুপা ১২১২ পীগদৌরি।

পি.আই.বি.গী ফেকচেক

****