খুঙ্গংগী মফমশিংদা লৈরিবা মীশিং অৱাবা কোকহন্নবা, দ ইয়ুনিক আইদেন্তিফিকেসন ওথোরিতী ওফ ইন্দিয়া (ইয়ু.আই.দি.এ.আই.)না কমন সর্বিস সেন্তর, আই.তি. অমসুং ইলেক্ত্রোনিক্সকী মন্ত্রালয়গী মখাদা লৈবা এস.পি.ভি. অমদা মখোয়গী বেঙ্কিং করেসপোন্দেন্তশিং (বি.সি.শিং) তৌবা য়াবা সি.এস.সি. ২০,০০০দা আধার অপদেসন তৌবগী খুদোংচাবা পীবা হৌনবা কম্যুনিকেসন, মৈতী অমদি লো এন্দ জস্তিস শ্রী রবী শঙ্কর প্রসাদকী কেন্দ্র মন্ত্রীনা ত্বীৎ অমদা হায়খ্রে।   

কেন্দ্র মন্ত্রীনা ত্বীৎ তৌদুনা সি.এস.সি. ২০,০০০ মুক্না নাগরিকশিংদা মসিগী সর্বিস অসি ফংহনবা ঙম্লগনি।

মহাক্না সি.এস,সি.ভি.এল.ই.শিংদা থৌদাং অমদি মসিগী মতাংদা ইয়ু.আই.দি.এ.আই.না ইন্ননবা পীবশিংগা     লোয়ননা আধারগী থবক অসি হৌনবা তকশিনখি। মহাক্ন মখা তানা হায়খি মদুদি খুদোংচাবা অসিনা খুঙ্গংদা লৈরিবা মশিং য়াম্বা নাগরিকশিং মখোয়গী ময়ুম নক্না আধার সর্বিসকী খুদোংচাবা অসি ফংহনবা ঙম্লগনি।

সি.এস.সি.শিংনা মখোয়গী মথৌ তাবা ইনফ্রাস্ত্রকচর অমদি অতৈ মরুওইবা এপ্রুবেলশিং ফংলবা বেঙ্কিংগী খুদোংচাবশিং অদু হাপকৎলক্লবা মতুংদা ইয়ু.আই.দি.এ.আই.না মখোয়গী থবক হৌনবগী জুন্দা মতম থাখ্রে। অদুবু, সি.এস.সি.গী সি.ই.ও. দা. দিনেশ ত্যাগীনা বি.সি.শিং পুম্নমক্তা ইয়ু.আই.দি.এ.আই.না আধার অপদেসন তৌনবগী থবক থুনা হৌনবা তেক্নিকেল অমদি অতৈ অপগ্রেদেসন খুদক্তা লোইশিন্নবা হায়খ্রে।
সি.এস.সি.শিংদগী আধার অপদেসনগী থবক অমুক হন্না হৌহনবগীদমক কেন্দ্র মন্ত্রী শ্রী রবী শঙ্কর প্রসাদপু  থাগৎলদুনা দা.ত্যাগীনা মসি প্রধান মন্ত্রী শ্রী নরেন্দ্র মোদীগা চান্নবা মীৎয়েংগী ওইবা “দিজিতেল ইন্দিয়া”গী পান্দম ফংহন্নবা হোৎনবা অদু মপাঙ্গল হেন্না কনখৎহল্লগনি হায়না হায়খ্রে।  

সি.এস.সি.দগী আধার অপদেসনগী সর্বিস অসি  লাওথোকপা অসি কোবিদ-১৯ ঙাকথোক্নবা লোকদাউনগী অথিংবশিং চৎনরিঙৈগী মতমদা চাউনা অৱাবা মতেং ওইগনি। মসিগীশিং অসিগা লোয়ননা, য়ুজরশিংনা আধার অপদেৎ তৌননবা অহেনবা সেন্তর ২০,০০০ লৈরগনি, খুঙ্গংগী মফমশিংদা লৈবা মীওইশিংনা মসিগী থবকসিগীদমক বেঙ্ক ব্রাঞ্চশিং অমদি পোস্ত ওফিসশিংদা আধার সেন্তরশিংদা চৎপগী মথৌ তাররোই।  

****