ಹಣಕಾಸು ಸಚಿವಾಲಯ

ವರದಿ ಕೇಳಿಲ್ಲ, ತನಿಖೆಯ ವಿಚಾರಣೆಯನ್ನು ಪ್ರಾರಂಭಿಸಲಾಗುತ್ತಿದೆ: ಸಿ.ಬಿ.ಡಿ.ಟಿ

ಪ್ರಕಟಣಾ ದಿನಾಂಕ: 26 APR 2020 8:16PM by PIB Bengaluru

ವರದಿ ಕೇಳಿಲ್ಲ, ತನಿಖೆಯ ವಿಚಾರಣೆಯನ್ನು ಪ್ರಾರಂಭಿಸಲಾಗುತ್ತಿದೆ: ಸಿ.ಬಿ.ಡಿ.ಟಿ

 

ಕೊವಿಡ್ -19 ಪರಿಸ್ಥಿತಿಯನ್ನು ನಿಭಾಯಿಸಲು ಕೆಲವು ಐ.ಆರ್.ಎಸ್. ಅಧಿಕಾರಿಗಳು ನೀಡಿದ ಸಲಹೆಗಳಿಗೆ ಸಂಬಂಧಿಸಿದಂತೆ ಕೆಲವೊಂದು ವರದಿಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಡಿವೆ ಎಂದು ಕೇಂದ್ರೀಯ ನೇರ ತೆರಿಗೆ ಮಂಡಳಿ (ಸಿ.ಬಿ.ಡಿ.ಟಿ) ಇಂದು ತಿಳಿಸಿದೆ.

ಅಂತಹ ವರದಿಯನ್ನು ತಯಾರಿಸಲು ಐ.ಆರ್.ಎಸ್. ಅಸೋಸಿಯೇಷನ್ ಅನ್ನು ಅಥವಾ ಈ ಅಧಿಕಾರಿಗಳನ್ನು ಸಿ.ಬಿ.ಡಿ.ಟಿ ಎಂದಿಗೂ ಕೇಳಲಿಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ. ಕಚೇರಿಯ ಅಧಿಕೃತ ವಿಷಯಗಳ ಕುರಿತು, ತಮ್ಮ ವೈಯಕ್ತಿಕ ಅಭಿಪ್ರಾಯಗಳು ಮತ್ತು ಸಲಹೆಗಳೊಂದಿಗೆ ಸಾರ್ವಜನಿಕವಾಗಿ ಸಂವಹನಕ್ಕೆ ಹೋಗುವ ಮೊದಲು, ಈ ಅಧಿಕಾರಿಗಳು ಯಾವುದೇ ಅನುಮತಿಯನ್ನು ಕೋರಿಲ್ಲ, ಹಾಗೂ ಇದು ಅಸ್ತಿತ್ವದಲ್ಲಿರುವ ನೀತಿ ನಿಯಮಗಳ ಉಲ್ಲಂಘನೆಯಾಗಿದೆ. ಈ ವಿಷಯದಲ್ಲಿ ಅಗತ್ಯ ತನಿಖಾ ವಿಚಾರಣೆ ಆರಂಭಿಸಲಾಗುತ್ತದೆ.

ಸಾಮಾಜಿಕ ಮಾಧ್ಯಮಗಳಲ್ಲಿ ಹರಡಿರುವ ಈ ಆಕ್ಷೇಪಾರ್ಹ ವರದಿಯು, ಸಿ.ಬಿ.ಡಿ.ಟಿ/ ಹಣಕಾಸು ಸಚಿವಾಲಯದ ಅಧಿಕೃತ ಅಭಿಪ್ರಾಯಗಳನ್ನು ಯಾವುದೇ ರೀತಿಯಲ್ಲಿ ಪ್ರತಿಬಿಂಬಿಸುವುದಿಲ್ಲ ಎಂದು ಈ ಪ್ರಕಟಣೆ ಮೂಲಕ ಸ್ಪಷ್ಟಪಡಿಸಲಾಗಿದೆ.

***


(ಪ್ರಕಟಣೆ ಐ.ಡಿ.: 1618836) ವಿಸಿಟರ್ ಕೌಂಟರ್ : 285
ಪ್ರಕಟಣೆಯನ್ನು ಇದರಲ್ಲಿ ಓದಿ: Telugu , English , Urdu , Marathi , हिन्दी , Assamese , Bengali , Punjabi , Gujarati , Odia , Tamil