কেন্দ্রীয় মানৱ সম্পদ উন্নয়ন মন্ত্রী শ্রী ৰমেশ পোখৰিয়াল ‘নিশাংক’ এ ক’ভিড-১৯ চিনাক্তকৰণৰ বাবে এক ৰিয়েল টাইমভিত্তিক পিচিআৰ ডায়েগ্ন’ষ্টিক কিট উদ্ভাৱনৰ বাবে আইআইটি দিল্লীৰ গৱেষকৰ দলটোক সম্বর্ধনা জনায়। মানৱ সম্পদ উন্নয়ন মন্ত্ৰালয়ৰ সচিব, শ্রী অমিত খাড়ে, অতিৰিক্ত সচিব শ্রী ৰাকেশ ছাৰোৱাল, দিল্লী আইআইটিৰ সঞ্চালক শ্রী ৰামগোপাল ৰাও আৰু অধ্যাপক বিবেকানন্দ পেৰুমল তথা অধ্যাপক মনোজ মেননৰ নেতৃত্বত এদল দিল্লী আই আই টিৰ গৱেষকো এই অনুষ্ঠানত উপস্থিত আছিল।

https://twitter.com/DrRPNishank/status/1253636361896132609?s=19

https://twitter.com/DrRPNishank/status/1253656017059098625?s=19

https://twitter.com/DrRPNishank/status/1253637288019415040?s=19

https://twitter.com/DrRPNishank/status/1253637291060289538?s=19

শ্রী পোখৰিয়াল তেওঁৰ ভাষণত কয়, প্রধানমন্ত্রী শ্রী নৰেন্দ্র মোদীয়ে ক’ভিড-১৯ প্ৰতিহত কৰিবৰ বাবে বিজ্ঞানী, ছাত্র-ছাত্রী তথা গৱেষকসকলক আগুৱাই অহাৰ বাবে আহ্বান জনাই আহিছে। সেই আহ্বান প্ৰসঙ্গ লৈয়েই মানৱ সম্পদ উন্নয়ন মন্ত্ৰালয়ৰ অধীনৰ আগশাৰীৰ শিক্ষা প্রতিষ্ঠানসমূহে বিভিন্ন পৰীক্ষা নিৰীক্ষা চলাই আহিছে। মানৱ সম্পদ উন্নয়ন মন্ত্রীয়ে লগতে কয়, প্রধানমন্ত্রীয়ে আশা কৰে যে আমি অচিৰেই স্বনির্ভৰশীল হ’ব পাৰিম। বিশ্বৰ অন্য কোনো দেশৰ ওপৰত আমি নিৰ্ভৰশীল হ’ব নালাগিব বা তেওঁলোকৰ বাবে আমি অপেক্ষা কৰিব নালাগিব। এই লক্ষ্যৰেই আইআইটিসমূহৰ লগতে আমাৰ দেশৰ আগশাৰীৰ প্রতিষ্ঠানসমূহে ক’ভিড-১৯ ৰ প্ৰত্যাহ্বান গ্ৰহণ কৰি প্রথমৰ পৰাই সক্রিয় হৈ উঠিছে।

বিজ্ঞানীসকলক সম্বর্ধনা জনাই মন্ত্ৰী শ্রী পোখৰিয়ালে কয়, লকডাউনৰ সময়ত যিদৰে সকলোবোৰ প্রতিষ্ঠান, গৱেষক, শিক্ষক সমাজ আৰু ছাত্র-ছাত্রীসকলে এই সমস্যাৰ সমাধানৰ বাবে নিৰলসভাৱে কাম কৰি আছে, তাক লৈ মানৱ সম্পদ উন্নয়ন মন্ত্ৰালয় খুবেই গর্বিত। আজি ক’ভিড – ১৯ মহামাৰীৰ বাবে কেৱল এখন দেশেই নহয়, সমগ্ৰ মানৱজাতি সংকটৰ সমূখীন হৈছে।

মন্ত্রীগৰাকীয়ে লগতে কয় যে আইআইটি দিল্লীৰ এই কম খৰচী নমুনা পৰীক্ষাৰ কিট উদ্ভাৱন নিসন্দেহে প্ৰসংশনীয়। এই কিটে যে কেৱল স্বাস্থ্য সেৱাকেই সহায় কৰিব তেনে নহয়, সংকটৰ এই সময়ত এই উদ্ভাৱনে চৰকাৰৰো শক্তি বৃদ্ধি কৰিব। তেওঁ আইআইটি দিল্লী, কুসুম স্কুল অৱ বায়োল’জিকেল ছায়েন্সৰ গৱেষকসকলকো অভিনন্দন জনায়। উল্লেখ্য যে এইসকল বিজ্ঞানীয়ে প্ৰস্তুত কৰি উলিওৱা এই কিটটোলৈ ICMR এও স্বীকৃতি প্ৰদান কৰিছে। ৰিয়েল টাইম পিচিআৰভিত্তিক ডায়েগ্ন’ষ্টিক এই কিটলৈ ICMR এ অনুমোদন জনোৱাৰ পিছত দেশৰ ভিতৰতেই প্রথমটো শিক্ষা প্রতিষ্ঠান হিচাপে আইআইটি দিল্লীৰ গৱেষকসকলে এই সম্মান অর্জন কৰিলে। শ্রী পোখৰিয়ালে আৰু কয়, সকলোধৰণৰ গৱেষণামূলক কাৰ্যলৈ মানৱ সম্পদ উন্নয়ন মন্ত্ৰালয়ে সকলো ধৰণৰ সহযোগিতা আগবঢ়াই যাব। এই প্রকল্পটো মেক ইন ইণ্ডিয়াৰ সৈতে সংগতি ৰাখি সম্পন্ন কৰা হৈছে। শ্রী পোখৰিয়ালে ইণ্ডিয়ান কাউন্সিল অৱ মেডিকেল ৰিছার্চৰ এই প্রযুক্তি আৰু গৱেষণাটোক স্বীকৃতি প্ৰদান কৰাৰ বাবে কেন্দ্রীয় স্বাস্থ্যমন্ত্রী ড. হর্ষ বর্ধনৰ পদক্ষেপকো প্রশংসা কৰে।

শ্রী ৰামগোপাল ৰাও-এ মন্ত্ৰী নিশাংকক অৱগত কৰে যে এই যন্ত্রৰ সহায়ত অতি সহজেই ক’ভিড – ১৯ ৰ সংক্রমণ নির্ণয় কৰিব পৰা যাব, কাৰণ ইয়াত কোনো ফ্লুৰোছেণ্ট প্রমাণৰ প্ৰয়োজন নাই। গৱেষকৰ এই দলটোৱে এতিয়া এই কিটটোৰ বাণিজ্যিক উৎপাদন ক্ষীপ্ৰতাৰে আৰম্ভ কৰাৰ লক্ষ্যৰে অংশীদাৰী সংস্থাৰ সন্ধান কৰিছে।

আইআইটি দিল্লীৰ এই গৱেষক দলেৰ সদস্যসকল ক্ৰমে প্রশান্ত প্রধান, আশুতোষ পাণ্ডে, প্রবীণ ত্রিপাঠী, ড. অখিলেশ মিশ্র, ড. পাৰুল গুপ্ত, ড. সোনম ধামিজা, অধ্যাপক বিবেকানন্দ পেৰুমল, অধ্যাপক মনোজ মেনন, অধ্যাপক বিশ্বজিৎ কুণ্ডু আৰু অধ্যাপক জেমছ গোমেজ।

*****

NB/AKJ/AK/RD