ঙাক শেলগী মন্ত্রী শ্রী রাজনাথ সিংহনা ঙসি ভিদিও কনফরেন্সকী খুত্থাংদা দি.আর.দি.ও.না হাদ্রবাদকী ই.এস.আই.সি. অমসুং লন্নাইগী ইন্দস্ত্রীগা খুৎশম্নরগা শাবা মোবাইল বাইরোলোজী রিসর্চ এন্দ দাইগ্নোস্তিক লেবোরেতরী (এম.ভি.আর.দি.এল.) অমা মীয়ামদা খুৎশিন্নখ্রে।

থৌরম অদুদা ৱা ঙাংবদা, ঙাক শেলগী মন্ত্রীনা হায়খিবদা ভারত্তা কোবিদ-১৯গী শন্দোকপগী চাং অসি অতোপ্পা লমশিংগা চাংদম্নবদা য়াম্না নেম্লিবসি প্রধান মন্ত্রী শ্রী নরেন্দ্র মোদীগী লমজিং মখাদা মতম চানা লৌখৎলিবা থৌরাং কয়া অসিনা মরম ওইবগীনি হায়খি।

বাইও-সেফতী লেবেল ২ অমসুং লেবেল ৩গী লেব অসি শেম শাবদা অয়াম্বা মতমদা থা তরুক চংবা অদু হন্দক নুমিৎ ১৫নি খক্তদা শেম শাখিবগী থৌওং অসিবু শ্রী রাজনাথ সিংহনা থাগৎপা ফোংদোকখি। মহাক্না মখা তানা অসুম্না হায়খি মদুদি নোংমদা সেম্পল ১,০০০ হেন্না তেস্ত তৌবা য়াবা ফেসিলিতী অসিনা লৈবাক্কী কোবিদ-১৯গী লান্থেংনবদা হেন্না মতেং পাংলগনি।

ঐখোইগী আর্মদ ফোরসেসশিংনা ক্বরেন্তাইন সেন্তরশিং শেম শাবা, হেল্থকেয়রগী খুদোংচাবা পীবা, মপান লমদা লৈবা ভারত মচাশিংবু লৈবাক অসিদা পুরকপনচিংবা থৌরাং কয়া পাংথোক্তুনা কোবিদ-১৯গা লান্থেংনবদা মতেং পাংলি অমসুং পাংখিগনী হায়না মহাক্না ফোংদোকখি।

থৌরম অদুদা হোম এফিয়র্স মন্ত্রালয়গী কেন্দ্রগী মন্ত্রী শ্রী জি. কিশন রেদ্দী, লেবর অমসুং ইম্প্লোইমেন্তকী কেন্দ্র মন্ত্রী শ্রী সন্তোশ কুমার গাংৱার, তেলঙ্গানা সরকারগী আই.তি. ইন্দস্ত্রী, ম্যুনিসিপাল এদমিনিস্ত্রেসন অমসুং অর্বান দিবেলপমেন্তকী মন্ত্রী শ্রী কে.তি. রামা রাও, লেবরগী মন্ত্রী শ্রী সি.ঐচ. মল্লা রেদ্দী অমসুং দি.দি.আর. অমসুং দি.গী সেক্রেতরী অমদি দি.আর.দি.ও.গী চেয়রমেন শ্রী জি. সতিশ রেদ্দীসু শরুক য়াখি।

অসিগুম্লবা কোবিদ-১৯গী স্ক্রিনিং তৌবা অমসুং মরী লৈনবা আর. এন্দ দি.গী থবকশিং হেন্না য়াংশিনহন্নবা অহানবা মখলগী মোবাইল ভাইরেল রিসর্চ লেব (এম.ভি.আর.এল.) অসি হাইদ্রবাদতা লৈবা দি.আর.দি.ও.গী লেবোরেতরী রিসর্চ সেন্তর ইমারত (আর.সি.আই.)না হাইদ্রাবাদকী ই.এস.আই.সি. হোস্পিতালগা তাথোক তাশিন তৌমিন্নরগা শেম শাখিবনি।

মোবাইল বাইরেল রিসর্চ লেব অসি বি.এস.এল. লেব ৩ অমসুং বি.এস.এল. লেব ২ অনি পুনশিন্দুনা চংদবা য়াদবা থবকশিং অসি পাংথোকপা য়ানবা শাবনি। লেব অসি দব্ল্যু.ঐচ.ও. অমসুং আই.সি.এম.আর.গী বাইও-সেফতী স্তেন্দর্দকী মতুং ইন্না মালেমগী ওইবা কাংলোনশিং ইন্দুনা শাবনি। সিস্তেম অসিদা মশাগী মনুংগী ওইবা ইলেক্ত্রিকেল কন্ত্রোল, এল.এ.এন., তেলিফোনগী কেবলিং অমসুং সি.সি.তি.ভি. য়াওই।

মোবাইল লেব অসিনা কোবিদ-১৯গী লাইওং খঙদোকপা অমসুং দ্রগ স্ক্রিনিং তৌনবা ভাইরস কলচরিং তৌবা, কনভালেসেন্ত প্লাস্মা দিরাইব থেরাপী, ভারতকী মীয়ামগী ওইনা ঙন্না ক্লিনিকেল ত্রাইএল তৌবা য়াননবা কোবিদ-১৯গী অনাবশিংগী পাক শন্না ইম্ম্যুন প্রোফাইলিং তৌবগী থৌওংশিংদা মতেং পাংগনি। লেব অসিনা নোংমদা সেম্পল ১০০০-২০০০ ফাওবা স্ক্রীন তৌবা ঙম্মি। লেব অসি তঙাই ফদবগী মতুং ইন্না লৈবাক অমগী মফম অমদা হেক্তা থম্বা য়াই।

দি.আর.দি.ও.না এম./এস. আই.সি.ও.এম.এম.দা কন্তেনর পীবগী, এম./এস. আই.সি.এল.ই.এ.এন.দা অপীবা মতমগী মনুংদা বি.এস.এল.২ অমসুং বি.এস.এল.৩ দিজাইন তৌদুনা শাবগী অমসুং এম.এস. হাই তেক হাইদ্রোলিক্সতা বেজ ফ্রেম পীরকপগী শক খঙবা উৎলি।