হকশেলগী মরী লৈননবা মীওইশিংনা কোরোনা শন্দোক্লকপদগী ঙাকথোক্নবা হায়দুনা মায়দা মাস্ক উপ্পু হায়না কন্না হায়নরি। অদুবু মাস্ক অসি মতম শাংনা উপ্লকপা মতমদা নিংশা হোনবদা নুংঙাইতবা ফাওবা অমসুং নিংশা হোনবগী মওংদা অফুনবনচিংবা কয়া থোকপগী পাউসু তত্তনা তারক্লি। হায়রিবা খুদোংচাদবা অসিবু কোকহন্নবা হায়দুনা সি.এস.আই.আর.-নেস্নেল বোতানিকেল রিসর্চ ইন্সতিত্যুৎ (এন.বি.আর.আই.), লখনৌগী সাইন্তিস্তশিংনা  হর্বেল দিকঞ্জেস্তেন্ত স্প্রে অমা পুথোকখ্রে।

“থৌওং অসিগী মপুং ওইবা মরমশিংগী মনুংদা মাস্ককী মনুংদা কার্বোন দাইওএক্সাইদ অমসুং ঈশিং মনিল তুংশিল্লকপা অসিসু অমনি। কনাগুম্বা মীওই অমনা নিংশা হোঞ্জিনবা মতমদা, হায়রিবশিং অসি থবোম্বীদা অমুক চংখি। থৌওং অসি মতম শাংনা অমসুং তোইনা তৌরকপা মতমদা নিংশা হোনবদা নুংঙাইতবা অমসুং ফুনবগী মওং তৌরকই”, হায়না থিজিন হুমজিল্লিবা মীওই কাংবু অসিবু লুচিংলিবা সি.এস.আই.আর.-এন.বি.আর.আই.গী সেনিয়র প্রিন্সিপাল সাইন্তিস্ত দাক্তর শরদ শ্রীবাস্তবনা হায়রি।

 “হর্বেল দিকঞ্জেস্তেন্ত স্প্রে অসি মনা মশিং মরিগী থাওনা নীংথিনা য়ানশিন্নরগা শেম্বা স্প্রে মখল অমনি, অদুবু ইন্তেল্লেকচুৱেল প্রোপর্তীগী করিগুম্বা খুদোংচাদবা খরা লৈবনা পাম্বী মরি অসিগী মমিংদি হৌজিক হায়দোকপা য়াদ্রি। মসিগী পোত্থোক অসি অয়ুর্বেদগী ৱাখল্লোন্দা য়ুম্ফম ওইবনি অমসুং ঐখোইগী ইনাৎকী ওইবা অইবশিংদা মসিগী মচলশিং অসি ইদুনা লৈরম্লে”, হায়না দাক্তর শ্রীবাস্তবনা মখা তানা হায়খি। 

মসিগী ফোর্ম্যুলেতসন অসিনা নুংশিৎকী উতোংদা ফুনবা অমসুং চিনববু মদুদা য়াওরিবা ম্যুকস নত্ত্রগা লোক-তিনশিং লৌথোক্তুনা নিংশা হোনবদা নুংঙাইহল্লি।  মাস্ক মতম শাংনা উপ্লকপা অমসুং ওমখৎপদগী ওইরকপা নুংঙাইতবশিং অদু মসিনা হন্থহল্লি। মসিগী স্প্রে অসি আয়ুশকী মন্ত্রালয়না শেম্বা চৎন-কাংলোনশিংদা য়ুম্ফম ওইদুনা শেম্বনি।

লখনৌদা লৈবা এন.বি.আর.আই. অসি কাউন্সিল ওফ সাইন্তিফিক অমসুং ইন্দস্ত্রিএল রিসর্চ (সি.এস.আই.আর.)কী মনুং চনবা লেবোরেতরী অমনি অমসুং মসি মখোইনা চত্থবা বোতনীগী ওইবা রিসর্চকী থবকশিংগী মরমদগী মীয়াম্না খঙনৈ।  এন.বি.আর.আই.গী হর্বেল স্প্রে অসিগী অহৌবদা ওইরিবা মথৌ নীংথিনা পাংথোক্লিবা মওং অসি য়াম্না ফজৈ। মাস্ক মতম শাংনা উপ্পা মীওইশিংদা স্প্রে অসিনা য়াম্না কান্নহল্লে অমসুং মতেং পাংলে হায়না রিসর্চ তৌরিবা মীওইশিংনা হায়রি।

ইন্সতিত্যুত অসিনা নিংশা হোন্নবা পোত্থোক অসিগী তেক্নোলোজী অসি পীথোক্তুন মীয়ামগী ওইনা মশিং য়াম্না পুথোক্তুনা কোবিদ-১৯গী লাইচৎ অসিগী লানফমদা মমাং থানা লান্থেংনরিবা মীওইশিংদা য়ৌহনবা য়ানবা শিল্লগনি।

 [অকুপ্পা ৱারোলঃ দাক্তর শরদ শ্রীবাস্তব, সি.এস.আই.আর.-এন.বি.আর.আই., লখনৌ

ইমেলঃ sharad@nbri.res.in,sharad_ks2003@yahoo.com]