কেমিকেল্স অমসুং ফর্তিলাইজর মন্ত্রালয়
গৌরানা কেমিকেল অমসুং পেত্রোকেমিকেল ইন্দস্ত্রীবু এপ্রিল ২০১৯-জনুৱারী ২০২০গী মনুংদা এক্সপোর্ত তৌখিবগী অপুনবা মমল লুপা লাখ কোতি ২.৬৮ য়ৌদুনা অহানবা ওইনা খ্বাইদগী হেনবা এক্সপোর্ত তৌবা ঙম্বা শেগমেন্ত ওইবগীদমক্তা থাগৎপা ফোংদোরক্লি
Posted On:
25 APR 2020 4:44PM by PIB Imphal
কেমিকেল অমসুং ফর্তিলাইজরগী কেন্দ্র মন্ত্রী শ্রী দি.ভি. সদানন্দা গৌরানা কেমিকেল অমসুং পেত্রোকেমিকেলগী ইন্দস্ত্রীনা অহানবা ওইনা লৈবাক অসিগী খ্বাইদগী য়াম্না এক্সপোর্ত তৌবা ঙম্বা সেক্তর ওইরকপগীদমক থাগৎপা ফোংদোরক্লি। মখোইনা ভারতপু কেমিকেল অমসুং পেত্রোকেমিকেল শাবা অমসুং অফবা পেত্রোকেমিকেলশিং শাদুনা পীবশিংগী মালেমগী ওইবা মকোক থোংবা মফম অমা ওইহন্নবা হোৎনবদা চংবা মতেং খুদিংমক পীগনি হায়না থাজবা পীখ্রে।
অসিগুম্লবা অচৌবা মায় পাকপা অসিদা মহাক্কী বিভাগনা লৌখিবা মরু ওইবা থবকশিং অদু পল্লদুনা শ্রী গৌরানা মহাক্কী ত্বীৎ অমদা অসুম্না হায়, “ ঐহাক্কী কেমিকেল অমসুং পেত্রোকেমিকেলগী বিভাগনা লেপ্তনা চত্থরক্লিবা থৌদাং কয়া অমগী মরম্না ইন্দস্ত্রী অসি অহানবা ওইনা এক্সপোর্ত খ্বাইদগী হেন্না ৱাংবা সেগমেন্ত অমা ওইহনবা ঙম্লিবনি”।
মমাংগী চহীগী মান্নবা মতমদা ওইখিবা এক্সপোর্তকী মশিং অদুদগী এপ্রিল ২০১৯-জনুৱারী ২০২০গী মনুংদা তৌখিবা এক্সপোর্তকী মশিং অসি ৭.৪৩% হেনগৎখি হায়না মহাক্না ফোংদোকখি। হায়রিবা মতম অসিদা এক্সপোর্তকী মশিং অসি লুপা লাখ কোতি ২.৬৮ য়ৌখি। মসিনা অপুনবা এক্সপোর্ত তৌখিবা মশিংদা ১৪.৩৫%কী শরুক ওইখি।
(Release ID: 1618429)
Visitor Counter : 90