ভারত সরকারনা রাজ্য/য়ু.তি.শিংগা লোইননা কোবিদ-১৯ ঙাকথোক্ননবা, নমথনবা অমসুং লাকশিন্ননবা খোংথাং কয়ামরুম অমা লৌখৎখ্রে। মসিবু চাং নাইনা য়েংশিল্লি অমসুং অৱাংবা থাক্তা মোনিতর তৌরি।

কেন্দ্রগী য়ুমলৈ-কৈরৈ মন্ত্রী শ্রীঅমিত শাহ অমসুং কেন্দ্রগী হকশেল অমসুং য়াইফয়ু ম্বালগী মন্ত্রী দা. হর্শর্ধন্না ঙসি ভিদিও কনফরেন্সকী খুত্থাংদা সনিয়র দোক্তরশিং অমসুং ইন্দিয়ন মেদিকেল এসোসিয়েসন (আই.এম.এ.)গী মীহুৎশিংগা ৱারী শানখ্রে। কোরোনা ভাইরসকী মায়োক্তা লান্থেংনবদা অশোয় অঙাম য়াওদনবগী মতাংদা মেদিকেল ফ্রেতর্নিতীনা পাখৎপা নুঙনাংবা ফাওদনবা গৃহ মন্ত্রীনা থাজবা পীখ্রে মদুদি মখোয়গী য়াইফনবা অমসুং অশোয় অঙাম য়াওদনবা সরকারগী মাইকৈদগী লৌখৎফম থোকপা থৌদাং পুম্নমক লৌখৎকনি হায়না হায়খ্রে।

ইকুই কুইদনা হকশেল মন্ত্রালয়না রাজ্য/য়ু.তিগী চীফ সেক্রেতরীশিংদা কোবিদ-১৯ সর্বিসকীদমক্তা হেল্থ ৱার্করশিংগী অশোয় অঙাম য়াওদনবা লৌখৎফম থোকপা মতিক চাবা পাম্বৈশিং লৌখৎনবা হায়খ্রে। মহাক্না মখা তানা অমুক হায়খি মদুদি মখোয়গী হৈশিংবা অমসুং সর্বিসশিং অসি প্রোফেস্নেলশিংগী মরক্তা হৌজিক্কী মতম অসিদদি মখোয়শিং অসিগী মীয়াম্বু কনবদা তোপ তোপ্পা মফম অমদা লৈ। রাজ্য/য়ু.তিশিংদা হ্যুমেন রিসোর্স অমসুং কেপাসিতী হেনগৎনবা ত্রেনিং তৌবা, মেদিকেলগী চেকশিন থৌরাং, স্তাফিং গাইদলাইনশিং অমসুং মতম চানা শেল-থুম পীথোকপা, সাইকোলোজিকেল সপ্পোর্তশিং, মমাং থাদুনা চেল্লিবা ৱার্করশিংগী ত্রেনিং অমসুং লাইফ ইন্সুরেন্স কভরশিং অসি য়াওনা পাম্বৈ কয়া অমা লৌখৎনবা পাউতাক পীরকখ্রে।

মসিগা লোইননা, মন্ত্রীমন্দলনা ঙসি এপিদেমিক এক্ত, ১৮৯৭গী মখাদা দোক্তরশিংগী অশোয় অঙাম য়াওদনবা ওর্দিনেন্স অমা থোক্নবা রিকমেন্দ তৌখ্রে।

আই.সি.এম.আর.না রাজ্যশিংদা রেপিদ এন্তিবোদী তেস্ত শিজিন্ননবগীদমক্তা প্রোতোকোল অমা ফোর্ৱার্দ তৌরকখ্রে। মসিগী মতাংদা অমুক্কসু হন্না হায়খ্রে মদুদি এন্তিবোদী রেপিদতেস্তশিং অসি অনম্বনা সর্ভিলেন্সকীদমক্তা তুল ওইনা শিজিন্নগদবনি। মালেমগী থাক্তসু, তেস্ত অসিগী কান্নবা অসি নোংম-নোংমগী হেনগৎলক্লি অমসুং মসি হৌজিক্কী ওইনদি মীওই অমদা এন্তিবোদীশিং শেম্লকপা অসি খঙদোক্নবা শিজিন্নরি। মসিগী তেস্ত রিজল্তশিং অসি ফীল্দ কন্দিসনশিংদশু মখা পোল্লি। আই.সি.এম.আর.না পনখিবা অদুগী মতুং ইন্না কোবিদ-১৯গী কেসশিং দাইগ্নোস তৌনবা আর.তি.-পি.সি.আর.গী মহুৎ শিনবা য়ারোই। আই.সি.এম.আর.না ফীল্দ কন্দিশনশিংদা রেপিদ এন্তিবোদী তেস্ত অসিগী কান্নবগী মতাংদা স্কোপ অমসুং কদাই ফাওবা কান্নগদগে হায়বা য়েংনবা রাজ্যশিংদগী দেতা লৌবদা মতেং পাংগনি হায়বগী থজবা পীরকখ্রে অমসুং মসিগী মতাংদা আই.সি.এম.আর.না রাজ্যশিংদা তোইনা পাউতাক পীগনি। রাজ্যশিংদা তেস্ত অসিগীদমক্তা পীরিবা প্রোতোকোলশিং অসি নীংথিনা ইন্নবা অমসুং মসিবু শিজিন্নবগীদমক্তা মথৌ তাবশিংদা শিজিন্নবিনবগীদমক্তা পাউতাক পীরকখ্রে।

ভারত সরকারনা এন.আই.সি.গী খুৎথাংদা নম্বর ১৯২১ অসিদগী মীয়ামগী মোবাইলদা কোল তৌদুনা তেলিফোনিক সর্ভে অমা পাংথোক্কদৌরি। মসি তশেংনা তৌবা সর্ভেনি। প্রজা মীয়ামদা কোবিদ-১৯গী লাইওংশিং থোরক্লিবা অমসুং লৈরিবা চাংগী মতাংদা চপ চাবা ফীদবেক লৌবদা মতেং পাংনবা মসিদা য়েংবীনবা হায়জরি। হায়রিবা অসিগুম্বা সর্ভে অসি শারগা নমথাক তৌবশিংনা তৌরকপা কোলশিং  নত্ত্রগা অতোপ্পা নম্বরদগী তৌরকপা কোলশিংদগীশু চেকশিনবীনবা খঙহঞ্জরি। রাজ্য/য়ু.তি.শিংনা সর্ভে অসিগী মতাংদা রাজ্য/য়ু.তি.শিংদা লৈরিবা মীদিয়াগী খুত্থাংদা মীয়ামদা খঙহন্নবা হায়জখ্রে। মখোয়দা একসর্সাইজ অসিগী ওফিসিয়েল ওইবা মওং অসিগী মতাংদা মীয়ামদা খঙহন্নবা হায়জখ্রে অমসুং অতোপ্পা নম্বর অমা হেক্তদগী নমথাক তৌবশিংনা কোল তৌরকপা অমসুং ফিশিং তৌনবা হোৎনরকপশিংগী মতাংদা এৱ্যরনেস পীনবা হারকখ্রে। রাজ্যগী হেল্থ দিপার্মেন্তগী হোম পেজ অমসুং অতোপ্পা দিপার্তমেন্তশিংগী হোম পেজদা সর্ভে অসিগী মতাংদা ই-পাউশিং হাপ্নবা খঙহল্লকখ্রে।

হৌজিক ফাওবগী ওইনা, ১৯.৩৬%গী চাংদা ফগৎলক্তুনা মীওই ৩৮৭০দি লাইনা অসিদগী নাবা ফখ্রে। ঙরাং ফাওবদা, অনৌবা কেস ১৩৮৩ হেনগৎলকপগী পাউ লৈখ্রে। মসিগা লোইননা ভারত্তা কোবিদ-১৯গী হৌজিক ফাওবদা অপুনবা মীওই ১৯,৯৮৪ দিপোজিতিব ওইরে হায়খ্রে। হৌখিবা পুং ২৪ অসিগী মনুংদা অনৌবা মীওই ৫০ শিখিবগী পাউ লৈখ্রে।

কোবিদ-১৯গা মরী লৈনবা তেক্নিকেল ইসুশিং, গাইলাইনশিং & এদভাইজরীশিংগী ওইবা তশেংবা & অপদেৎ তৌরবা ই-পাউশিংগীদমক্তা চাং নাইনা https://www.mohfw.gov.in/দা য়েংবীয়ু।

কোবিদ-১৯গা মরী লৈনবা তেক্নিকেলগী ওইবা ৱাহং-পাউহংশিং লৈরবদি technicalquery.covid19[at]gov[dot]inদা ই-মেল তৌবীয়ু অমসুং অতৈ অতোপ্পা ৱাহং-পাউহংশিংগী ওইনা ncov2019[at]gov[dot]inদা ই-মেল তৌবীয়ু।

কোবিদ-১৯গা মরী লৈনবা ৱাহংশিং হংনীংবা লৈরবদি, হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর :

+91-11-23978046 or 1075 (তোল-ফ্রী) অসিদা কোল তৌবীয়ু। কোবিদ-২৯গী ওইবা রাজ্য/ য়ু.তি.শিংগী হেল্পলাইন নম্বরশিংগী লিস্ত অসি https://www.mohfw.gov.in/pdf/coronvavirushelplinenumber.pdfতশু ফংবীগনি।