ಕೋವಿಡ್-19 ನಂತರದ ಭಾರತೀಯ ಆರ್ಥಿಕತೆಯನ್ನು ಪುನರುಜ್ಜೀವನಗೊಳಿಸಲು ಟಿ ಐ ಎಫ್ ಎ ಸಿ ಉತ್ತಮ ವಿಧಾನಗಳನ್ನು  ಅನ್ವೇಷಿಸುತ್ತದೆ

ಕೋವಿಡ್ ನಂತರದ 19 ಭಾರತೀಯ ಆರ್ಥಿಕತೆಯ ಪುನರುಜ್ಜೀವನವನ್ನು ಕಾರ್ಯತಂತ್ರಗೊಳಿಸಲು ಶ್ವೇತ ಪತ್ರ

ಭಾರತ ಸರ್ಕಾರದ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆಯ (ಡಿಎಸ್ಟಿ) ಅಧೀನದಲ್ಲಿರುವ ಸ್ವಾಯತ್ತ ತಂತ್ರಜ್ಞಾನದ ಥಿಂಕ್ ಟ್ಯಾಂಕ್ನ ತಂತ್ರಜ್ಞಾನ ಮಾಹಿತಿ, ಮುನ್ಸೂಚನೆ ಮತ್ತು ಮೌಲ್ಯಮಾಪನ ಮಂಡಳಿ (ಟಿ ಐ ಎಫ್ ಎ ಸಿ) ಭವಿಷ್ಯದ ಚಿಂತನೆಯ ಆದೇಶದ ಪ್ರಕಾರ, ಕೋವಿಡ್-19 ನಂತರದ  ಭಾರತದ ಆರ್ಥಿಕತೆಯನ್ನು ಪುನರುಜ್ಜೀವನವನ್ನು ಕಾರ್ಯತಂತ್ರಗೊಳಿಸಲು ಶ್ವೇತಪತ್ರವನ್ನು ಸಿದ್ಧಪಡಿಸುತ್ತಿದೆ.

ಈ ದಸ್ತಾವೇಜು ಮುಖ್ಯವಾಗಿ ಮೇಕ್ ಇನ್ ಇಂಡಿಯಾ ಉಪಕ್ರಮಗಳನ್ನು ಬಲಪಡಿಸುವುದು, ಸ್ಥಳೀಯ ತಂತ್ರಜ್ಞಾನದ ವ್ಯಾಣಿಜ್ಯೀಕರಣ, ತಂತ್ರಜ್ಞಾನ ಚಾಲಿತ ಪಾರದರ್ಶಕ ಸಾರ್ವಜನಿಕ ವಿತರಣಾ ವ್ಯವಸ್ಥೆಯನ್ನು (ಪಿಡಿಎಸ್) ಅಭಿವೃದ್ಧಿಪಡಿಸುವುದು, ದಕ್ಷ ಗ್ರಾಮೀಣ ಆರೋಗ್ಯ ರಕ್ಷಣೆ ವಿತರಣೆ, ಆಮದು ಕಡಿತ, ಎಐ, ಮೆಷಿನ್ ಲರ್ನಿಂಗ್ನಂತಹ ಉದಯೋನ್ಮುಖ ತಂತ್ರಜ್ಞಾನ ಡೊಮೇನ್ಗಳನ್ನು ಅಳವಡಿಸಿಕೊಳ್ಳುವುದು , ಡೇಟಾ ಅನಾಲಿಟಿಕ್ಸ್ ಮತ್ತು ಇನ್ನೂ ಅನೇಕವುಗಳ ಬಗ್ಗೆ ಗಮನ ಹರಿಸಿದೆ. ಇದನ್ನು ಶೀಘ್ರದಲ್ಲೇ ಸರ್ಕಾರದ ನಿರ್ಧಾರ ತೆಗೆದುಕೊಳ್ಳುವ ಅಧಿಕಾರಿಗಳಿಗೆ ಸಲ್ಲಿಸಲಾಗುವುದು.

ಕೋವಿಡ್19 ವಿರುದ್ಧ ಹೋರಾಡಲು ಇಡೀ ವಿಶ್ವವು ಒಂದೇ ಸೂರಿನಡಿಯಲ್ಲಿ ಬಂದಿದೆ.  ಸಾಂಕ್ರಾಮಿಕ ಹರಡುವಿಕೆಯು ಅಭಿವೃದ್ಧಿ ಹೊಂದಿದ ಮತ್ತು ಉದಯೋನ್ಮುಖ  ಆರ್ಥಿಕತೆಗಳ ಮಾನವ ಜೀವನದ ಮೇಲೆ ಪರಿಣಾಮ ಬೀರುತ್ತಿದೆ, ಉತ್ಪಾದನೆಯಿಂದ ವ್ಯಾಪಾರ, ಸಾರಿಗೆ, ಪ್ರವಾಸೋದ್ಯಮ, ಶಿಕ್ಷಣ, ಆರೋಗ್ಯ ಮತ್ತು ಮುಂತಾದ ಎಲ್ಲ ಕ್ಷೇತ್ರಗಳಲ್ಲೂ ಇದರ ಪರಿಣಾಮ ಹರಡಿದೆ. ಸಾಂಕ್ರಾಮಿಕ ಹರಡುವಿಕೆಯು ಹೇಗೆ ತೆರೆದುಕೊಳ್ಳುತ್ತದೆ ಮತ್ತು ಯಾವುದೇ ರಾಷ್ಟ್ರದ  ನಿಯಂತ್ರಣದ ತಂತ್ರದ ಮೇಲೆ ಆರ್ಥಿಕ ಪ್ರಭಾವದ ವ್ಯಾಪ್ತಿ ಅವಲಂಬಿತವಾಗಿರುತ್ತದೆ.

"ಕೋವಿಡ್-19 ವೈರಸ್ ನಂತರ ಸಾಮಾಜಿಕ-ಆರ್ಥಿಕ ಯೋಗಕ್ಷೇಮವನ್ನು ಹೆಚ್ಚಿಸುವಾಗ ಮಾನವ ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮವನ್ನು ಕಡಿಮೆ ಮಾಡುವ ಕ್ರಿಯೆಗಳ ಬಗ್ಗೆ ನಿಖರವಾದ ಒಳನೋಟಗಳು ಬೇಕಾಗುತ್ತವೆ. ಹೀಗಾಗಿ, ಅಪೇಕ್ಷಣೀಯ ತಂತ್ರಜ್ಞಾನ-ಸಂಬಂಧಿತ ವಿಭಾಗಗಳ ವಿಶ್ಲೇಷಣೆ ಮತ್ತು ವಿವಿಧ ಕ್ಷೇತ್ರಗಳಲ್ಲಿ ಅವುಗಳ ಪರಿಣಾಮಗಳು ನಿರ್ಧಾರ ತೆಗೆದುಕೊಳ್ಳಲು ಒಂದು ಪ್ರಮುಖ ಮಾಹಿತಿ ಯಾಗಿರುತ್ತದೆ "ಎಂದು ಡಿಎಸ್ ಟಿ ಕಾರ್ಯದರ್ಶಿ ಪ್ರೊಫೆಸರ್ ಅಶುತೋಷ್ ಶರ್ಮಾ ಹೇಳಿದರು.

ಟಿಐಎಫ್‌ಎಸಿ ವಿಜ್ಞಾನಿಗಳ ತಂಡವು ಕೋವಿಡ್-19 ನಂತರದ ಭಾರತೀಯ ಆರ್ಥಿಕತೆಯನ್ನು ಪುನರುಜ್ಜೀವನಗೊಳಿಸಲು ಮತ್ತು ಅದರ ಮೇಲಿನ ಪರಿಣಾಮವನ್ನು ಕಡಿಮೆ ಮಾಡಲು ವಿಧಾನಗಳನ್ನು ಅನ್ವೇಷಿಸುತ್ತಿದೆ. ಇದೇ ರೀತಿಯ ಸಂದರ್ಭಗಳನ್ನು ಎದುರಿಸಲು ಭವಿಷ್ಯದ ತಂತ್ರಗಳನ್ನು ಸಹ ಅವರು ವಿನ್ಯಾಸಗೊಳಿಸುತ್ತಿದ್ದಾರೆ.

ಆರಂಭಿಕ ಹಂತದಲ್ಲಿ ಈ ಸಾಂಕ್ರಾಮಿಕ, ಲಾಕ್‌ಡೌನ್ ಅನ್ನು ನಿಯಂತ್ರಿಸಲು ಭಾರತವು ಇಲ್ಲಿಯವರೆಗೆ ಸಾಕಷ್ಟು ಚಿಂತನಶೀಲ ಕ್ರಮಗಳನ್ನು ತೆಗೆದುಕೊಂಡಿದೆ. ಎಲ್ಲಾ ಸರ್ಕಾರಿ ಇಲಾಖೆಗಳು, ಸಂಶೋಧನಾ ಸಂಸ್ಥೆಗಳು, ನಾಗರಿಕ ಸಮಾಜ ಸಂಸ್ಥೆಗಳು ಮತ್ತು, ಮುಖ್ಯವಾಗಿ, ಭಾರತದ ನಾಗರಿಕರು ಕೋವಿಡ್ 19 ರ ಪ್ರಭಾವವನ್ನು ಸಾಧ್ಯವಾದಷ್ಟು ಮಟ್ಟಿಗೆ ಸರಿದೂಗಿಸಲು ಕೈಜೋಡಿಸಿದ್ದಾರೆ. ಟಿಐಎಫ್‌ಎಸಿ ಯ ಈ ಇತ್ತೀಚಿನ ಪ್ರಯತ್ನವು ಕೋವಿಡ್ 19 ರ ನಂತರದ ಭಾರತೀಯ ಆರ್ಥಿಕತೆಯನ್ನು ಬಲಪಡಿಸಲು ಒಂದು ಮಾರ್ಗವನ್ನು ತೋರಿಸಲು ಸಹಾಯ ಮಾಡುತ್ತದೆ.

[ಹೆಚ್ಚಿನ ವಿವರಗಳಿಗಾಗಿ: ನಿರ್ಮಲಾ ಕೌಶಿಕ್, nirmala.kaushik[at]gmail[dot]com, ಮೊ: 9811457344]

***