লৈবাক শিনবা থুংনা থমলিবা অথিংবা অসি মে ৩, ২০২০ ফাওবা শাংদোকখিবগা লোয়ননা খুদোংচাদবা মায়োক্নরিবা মফমশিংদা চান থক্নবা অমদি চেকশিন থৌরাংশিং য়ৌহনবা হায়বসি তঙাই ফদবা অমনি‍। অথিংবা অসি হেক থম্বা হৌরকপদগী হৌরগা লৈবাকসিগী খ্বাইদগী মনুং হঞ্জিনবা মফমশিং ফাওবা য়ৌনা চান থক্নবা অমদি হিদাক লাংথকনচিংবা তঙাই ফদনা চঙদ্রবা য়াদ্রবা পোৎলমশিং পুথোক পুশিন তৌবা অমদি সপ্লাই চেন কায়হন্দনা থমবদা ইন্দিয়ন রেলৱেজনা মপুঙ ওইবা থৌদাং লৌরি‍। মথৌ তাবা মীওইশিংদা য়েন্থোক্নবগীদমক দিস্ত্রিক্ত এদমিনিস্ত্রেসন্না থোংদোক্লবা চাকলুকশিং অসি লৌববু পাম্লবদি তোঙান তোঙানগী রেলৱেগী চাকখুমশিংদগী নুমিৎ খুদিংগী চাকলুক লাখ ২.৬ সপ্লাই তৌগে হায়বা ৱাফম রেলৱেজ মন্ত্রালয়না হৌদোকখ্রে‍। ৱাফম অসি লৈবাক শিনবা থুংনা দিস্ত্রিক্ত এদমিনিস্ত্রেসনশিংদা খঙহনখ্রে‍।

স্তেৎশিংদা জোনশিংগী ওইনা লৈরিবা চাকখুম পান্নবশিংগী অকুপ্পা মরী মখোং পীখ্রে‍। নোংমদা চাকলুক লাখ ২.৬ হায়রিবসি অহানবগী ওইনা মশক খঙদোক্লবা চাকখুমশিংদুগী কেপাসিতীদা য়ুম্ফম ওইরগা হায়বনি‍। অদুবু মথৌ তারবদি অসিগুম্বা মফমশিং হেনগৎহন্দুনা সপ্লাই হেনগৎহনবা য়াই‍। চাকলুকশিং অসি অমদা লুপা ১৫গী চাংদা ফংগনি‍। শেনফম থিবগী ৱাফমদি স্তেৎ লৈঙাক্না কোন্না থিবা য়াগনি‍।

আই.আর.সি.তি.সি.না দিমান্দগী মতুং ইন্না থোংদোক্লবা চাকলুক মশিং হেনগৎহনবগী ৱাফমসু য়ারে‍। হৌজিকসু ইন্দিয়ন রেলৱেজনা নোংমদা থোংদোক্লবা ফোং ফোং শাবা চাকলুক লাখ ১গী ময়াদা লেম্না য়েন্থোক্লি‍। কোভিদ-১৯না মরম ওইদুনা অথিংবা থমখ্রবা মতুংদগী অৱাবা তারবা মীয়ামদা থোংদোক্লবা ফোং ফোং শাবা চাকলুকশিং পীননবগীদমক মার্চ ২৮, ২০২০দগী হৌনা রেলৱে লুপ কয়াদগী ইন্দিয়ন রেলৱেজকী শিন্মীশিংনা চোকথবা নাইদনা থবক তৌরি‍। রেলৱেজনা অয়ুক্কীনা পেপর প্লেৎকা লোয়ননা থোংদোকলবা চাক পুল্লপ পুল্লপ ওইনা অমদি নুমিদাংগীনা পেক তৌরবা চাকলুক আই.আর.সি.তি.সি.দা লৈবা চাকখুমশিং, আর.পি.এফ.কী মচাক মথুমশিং, লল্লোল ইতিক্কী অমদি অতৈ রেলৱে লোয়শঙশিং অমসুং এন.জি.ও.শিংগী মতেংগা লোয়ননা ফংহন্দুনা লাক্লি।

পন্দুনা লৈরিবা মীওইশিং, নোংমগী খুৎশুমলদা হিংবা শিন্মীশিং, লম লান্না চৎপা শিন্মীশিং, অঙাংশিং, পোৎ থাংবা মীওইশিং, ময়ুম মকৈ লৈজদবা মীওইশিং, লায়রবা মীওইশিং অমদি কোয়চৎ চত্তুনা লৈবা মীওইশিংনচিংবা লাইচৎ অমদি অথিংবা অসিনা মরম ওইরগা চরা হেনবগী খুদোংচাদবা মায়োক্নরিবা মীওইশিংদা য়েন্থোকপা চাকলুক লাখ ২০.৫ হেনবা য়াওরগা ঙরাং ফাওবদা ইন্দিয়ন রেলৱেজনা কোভিদ-১৯গী অথিংবা লৈরিঙৈ তাল্লকসিদা লেম্না য়েন্থোকখিবা চাকলুক মশিং অসি মিল্লিয়ন ২ হেনখ্রে‍।

মসি অৱাং থংবা, নোংচুপ থংবা, নোংপাক থংবা, খা থংবা অমদি খা-ময়ায় থংবনচিংবা তোঙান তোঙানবা আই.আর.সি.তি.সি.গী চাকখুমশিংদগী অচৌবা মতেংগা লোয়ননা পাঙথোকপনি‍। রেলৱে স্তেসনশিংগী অকোয়বা মফমশিংদা অমদি মদুদগী লাপথোকখিবা মফমশিংদা লৈরিবা খুদোংচাদবা মায়োক্নরিবা মীওইশিংদা চাকলুক য়েন্থোকপগী থবকশিং অসিনা আর.পি.এফ., জি.আর.পি., জোনশিংগী লল্লোন ইতিক্কী লোয়শঙশিং, স্তেৎ লৈঙাকশিং, দিস্ত্রিক্ত এদমিনিস্ত্রেসনশিং অমদি এন.জি.ও.শিংগী মতেংগা লোয়ননা পায়খৎলি‍।

অহেনবা দিমান্দ লাকপা মতমদা খুদোং চাদবা মায়োক্নরিবা মীওইশিংদা মতেং পাংননবগীদমক্তা শেম শাদুনা লৈরিববা আই.আর.সি.তি.সি.কী চাকখুমশিংদি নোংপোক মায়কৈদা গয়া, দীন দয়াল (মুগলসরাই), রাজিন্দর নগর (পত্না), সমস্তিপুর, ধনবাদ, হজিপুর, কতিহার, গুৱাহাতী, রাঞ্চী, বলাসোর, তাতানগর অমদি হাওরা; অৱাং মায়কৈদা নই দিল্লী অমদি প্রয়াগরাজ; খা-ময়ায় মায়কৈদা ভিজয়ৱারা, খুর্দা লম্বী, বিসাখপত্নম অমদি রাইপুর; খা মায়কৈদা বেঙ্গলোর, হুব্লী, তিরুচিরাপল্লী, কতপরী, চ এঙ্গলপা তু অমদি মদুরাই; অমসুং নোংচুপ মায়কৈদা মুম্বাই, অহমদাবাদ, পুনে অমদি ভুসাবলনি‍।