ত্রাইবেল এফিয়র্স মন্ত্রালয়
ত্রাইবেল এফিয়র্স মন্ত্রালয়না কোভিদ-১৯ লাইচৎ অসিগী য়েংলগা তোঙান-তোঙানবা প্রোএক্তিব ওইবা খোঙথাং কয়া লৌখৎখ্রে
Posted On:
21 APR 2020 12:34PM by PIB Imphal
ত্রাইবেল এফিয়র্স মন্ত্রালয়না কোরোনা ভাইরস (কোভিদ-১৯) লাইচৎ অসিদগী ত্রাইবেল প্রজাশিংবু ঙাকথোক্নবা অমসুং কোভিদ-১৯ লাইচৎ লোইরবা মতুংদা শেনমিৎলোন চাউখৎনবা অমসুং চত্থোক-চৎশিন থিংনবা তোঙান-তোঙানবা প্রোএক্তিব ওইবা খোঙথাং কয়া লৌখৎখ্রে। কেন্দ্রগী ত্রাইবেল এফিয়র্স মন্ত্রীনা রাজ্য ১৫গী মুখ্য মন্ত্রীশিংদা অইবা চেরোল থাদুনা মখোয়-মখোয়গী স্তেৎ নোদল এজেন্সীশিংবু মাইনর ফোরেস্ত প্রদক্ত (এম.এফ.পি.)শিং লৈবদা মতিক চাবা য়েংদুনা মিনিমম সপ্পোর্ত প্রাইস (এম.এস.পি.)দা লৌবগী মতাংদা সেন্সিতাইজ তৌনবা খঙহনখ্রে। রাজ্যশিং অদুদা উত্তর প্রদেশ; গুজরাৎ; মধ্য প্রদেশ; কর্নাতকা; মহারাস্ত্রা; অসম; অন্ধ্র প্রদেশ; কেরলা; মনিপুর; নাগালেন্দ; নোংচুপ বেঙ্গল; রাজস্থান; ওরিশা; ছতিসগর অমসুং ঝারখন্দ য়াওরি।
মন্ত্রালয় অসিনা কোভিদ-১৯ লাইচৎ মতুংদা শেনমিৎলোন চাউখৎপা পুরক্নবগীদমক হায়রিবা থৌশিলশিং অসিবু চৎননবা/রিএলাইজ তৌনবা রোদমেপ অমসুং মথৌ তাবা খোংথাং খুদিংমক লৌখৎনবা ওফিসরশিংগী তিম অহুম শেমখ্রে।
য়ুম্লৈ-কৈরৈ মন্ত্রালয়না ১৬/০৪/২০দা থোকপা ওর্দর নম্বর ৪০-৩/২০০২০-দি.এম-আই(এ)গী চেরোল অমদা মাইনর ফোরেস্ত প্রদক্ত (এম.এন.পি.)/নন-তীম্বর ফোরেস্ত প্রদ্যুস (এন.তি.এফ.পি.)শিং এস.তি. অমসুং লৈবাক অসিগী অতোপ্পা উমংগী জগাশিংদা লৈবা মীওইশিংনা খোম্বা, লোকপা অমসুং প্রোসেস তৌবদা লোকদাউন্দগী কোমথোকপগী চৎন-কাঙলোনশিং থোকখ্রে।
এক্লব্য মোদেল রেসিদেন্সিয়েল স্কুল অমসুং এক্লব্য মোদেল দে বোর্দিং স্কুলশিং (ই.এম.আর.এস. অমসুং ই.এম.দি.বি.এস.)গা মরী লৈননা মন্ত্রালয় অসিনা রাজ্যশিংদা তাং ২১.০৩.২০২০দগী হায়রিবা স্কুলশিং অসি তাং ২৫.০৫.২০২০ ফাওবা শুতি থানবা খঙহনখ্রে। মসিগী মতুং তারকপদা, তাং ২৪.০৩.২০২০দা লাউথোকখিবা মপুং ফানা লোকদাউন তৌরিবা অসি য়েংলগা, স্কুলশিংগী থবক থৌরম খুদিংমক লেপনবা রাজ্যশিংদা খঙহনখি। বোর্দকী চাংয়েংদা শরুক য়ারিবা মহৈরোইশিং অমসুং স্পিসিয়েল ক্লাসশিং য়াওরিবা মহৈরোইশিংবু মতিক চানা চেকশিন্না য়েংবীদুনা থম্বগী অয়াবদি পীরি। হায়রিবা বোর্দকী একজাম থারিবা মহৈরোইশিং অসিনা মখোয়-মখোয়গী পেপরশিংদু লোইরবা মতুংদা ময়ুমদা থাবীবা য়াই। তোপ-তোপ্না শিন্দুনা একাদেমিক ব্লোক, হোস্তেলশিং অমসুং অতোপ্পা কমন ওইবা জগাশিংদা সেনিতাইজ তৌবসু য়াই। লোকেল ওথোরিতীশিংনা পীরকপা তৌগদবশিংসু ঙাক্না চৎপীনবা মরুওইবা ৱাফম থম্লক্লি। ওজাশিংগী শুতিনা একজামিনেসনগী ফল লাউথোকপা লোইরগা ফংগনি। ফলশিং অদু মহৈরোইশিংনা পোস্ততা নত্ত্রগা এস.এম.এস. ওইনা খঙহনগনি। অনৌবা সেসন হৌবদা অপনবা লৈতনবা শুতি থারিঙৈ মনুংদা তৌগবদা থবকশিং শুতি মনুংদা পাঙথোক্কদবনি। ক্লাস vi অমসুং ক্লাস IX অমসুং XIদা মরক্তগী মিং চনগদবা অঙাংশিংগী থবক পুম্বা স্কুল হাংদ্রিঙৈ, হায়রিবা মতম অসিগী মনুংদা লোইশিনগদবনি।
মন্ত্রালয় অসিনা মখাদা পীরিবা অহেনবা থৌরাংশিং অসিসু লৌখৎখিঃ
- ইং ২০২০গী মার্চকী তাং ৩১ ফাওবদা পীথোকপা নংহৌদবা নেস্নেল ফেলোসিপ অমসুং নেস্নেল তোপ-ক্লাস স্কোলার্সিপকী থবক হৌখ্রে।
- প্রি-মেত্রিক অমসুং পোস্ত-মেত্রিক স্কোলার্সিপকী মতাংদা, মন্ত্রালয় অসিনা রাজ্য খুদিংমক্তা কান্নবা ফংগদবশিংদা স্কোলার্সিপকী শেনফম পুম্বা থাদোক্নবা খঙহনখ্রে। রাজ্যশিংদা করিগুম্বা ফন্দ ৱাৎপা লৈরবসু প্রোপোজেল থারক্নবা খঙহনখ্রে।
- মপান লৈবাক্তা তম্বা মহৈরোইশিংগী হাই কম্মিসনশিংগী মখাদা থাংগৎলকপা নেস্নেল ওবরসিজ স্কোলার্সিপকী রিক্বেস্ত পুম্নমক্না হান্না লৌগদবনি।
- তি.আর.ই.এফ.ই.দি.না ৱেবিনার অমা য়ুনিসেফকা খুৎশম্নদুনা হৌদোকখ্রে, মসিদা বন ধন বিকাস কেন্দ্রগী মীহুৎশিংবু কোভিদ-১৯ অমসুং মসিগা মরী লৈনবা হকশেলগী খুদোংথীবশিংগী মরমদা খঙনবা পাঙথোকখি।
- ত্রাইবেল এফিয়র্স মন্ত্রালয়না শেল পুথোক্তুনা মশীং য়াম্লবা এন.জি.ও.শিংনা অকংবা রাসন, অথোংবা চানবা পোৎলম, মোবাইল দিস্পেন্সরীগী খুৎথাংদা হেল্থ কেয়র সার্বিস পীবা অসিনচিংবা রিলিফকী থবক থৌরমশিং তৌখি। মখোয়না হোৎনখিবশিং অদু ত্রাইবেল এফিয়র্স মন্ত্রালয়গী এন.জি.ও. দিবিজনগী ফেসবুক পেজদা থারি।
- মন্ত্রালয় অসিদা মিং চল্লবা এন.জি.ও. খুদিংমক্কী ২০১৯-২০২০গী ফন্দশিং কাইথোকখ্রে অমসুং করিগুম্বা মখোয়গী ৱাকৎ লৈরবসু এন.জি.ও. পোর্তেলদা ওনলাইন্দা লৌরি।
(Release ID: 1616793)
Visitor Counter : 206
Read this release in:
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam