কেন্দ্রগী শেনথুম অমসুং কোর্পোরেত এফিয়র্সকী মন্ত্রী শ্রীমতী নির্মলা সীতারমন্না ন্যু দিল্লীদা ভিদিও কনফরেন্সগী থোংদা ন্যু দিবেলপমেন্ত বেঙ্ককী বোর্দ ওফ গবর্নরসকী ৫শুবা চহীগী মীফমদা শরুক য়াখ্রে।

এন.দি.বি. অসি ইং ২০১৪দা ব্রিক্স লৈবাকশিং (ব্রাজিল, রসিয়া, ইন্দিয়া, চাইনা অমসুং খা অফ্রিকা)না শেমখিবনি। বেঙ্ক অসিগী পান্দমদি ব্রিক্স অমসুং অতোপ্পা মচীন তুমখৎলক্লিবা মার্কেত ইকোনোমীশিং অমসুং চাউখৎলক্লিবা লৈবাকশিংনা মালেমগী থাক্তা চাউখৎনবগীদমক হৌজিক হোৎনরিবা মল্তিলেতরেল অমসুং রিজনেল ফাইনান্সিএল ইন্সতিত্যুসনশিংদা মতেং পাংননবা ইফ্রাস্ত্রকচর অমসুং কুইনা চৎকদবা চাউখৎ থৌরাংগী প্রোজেক্তশিংগী রিসোর্সশিং মোবিলাইজ তৌবনি। এন.দি.বি.না হৌজিক ফাওবদা ভারত্তা দোলর ৪,১৮৩ মিলিয়নগী শেনফম ওইগদবা প্রোজেক্ত ১৪গী অয়াবা পীখ্রে।

মীফম অদুদা মহাক্কী হৌদোক ওইনা, শেনথুমগী মন্ত্রীনা হৌনবী মতুং ইন্না এন.দি.বি.না মতম শাংনা চৎকদবা অমসুং পুম্নমকপু কোনশিনবা খোংথাং কয়া মাই পাক্না লৌখত্তুনা মসিবু থাজবা য়াবা গ্লোবেল ফাইনান্সিএল ইন্সতিত্যুসন অমা ওইনবা হোৎনরকখিবা অসিবু শিংথাখি।

কোভিদ-১৯গী মরমদা খন্ন-নৈনবা মতমদা, এন.দি.বি.না কোভিদ-১৯ লাইচৎ থেংননবগীদমক ভারত্তা দোল্লর বিল্লিয়ন ১গী ইমর্জেন্সী এসিস্তেন্স পীবগা লোয়ননা ব্রিক্স লৈবাকশিংদা দোল্লর বিলিয়ন ৫রোমগী ফাইনান্সিএল এসিস্তেন্স ফাস্ত ত্রেক্কিং তৌনবা হোৎনখিববু শ্রীমতী সীতারমন্না থাগৎপা ফোংদোকখি। মসিগী ফেসিলিতী অসিগী মখাদা পীরিবা এসিস্তেন্স অসি দোল্লর বিলিয়ন ১০ ওইহনবগী ৱাফম ফোংদোকখি। মহাক্না প্রধান মন্ত্রী শ্রী নরেন্দ্র মোদীনা কোভিদ-১৯ ইমর্জেন্সী ফন্দ শেম্নবা হোৎনবা অমসুং ভারতনা মতেং মথৌ তারিবা থংনবা লৈবাকশিংদা মরুওইরবা হিদাক কয়া থাদুনা কোভিদ-১৯ লাকশিন্নবা হোৎনরিবা অসিবুসু পনখি। ব্রাজিলগী শেল-থুমগী মন্ত্রীনা মতম চানা ভারত্তগী অরুবা হিদাক কয়াগী মতেং ফংখিবগীদমক ভারতপু থাগৎপা ফোঙদোকখি।

শ্রীমতী সীতারমন্না কোভিদ-১৯ থেংননবগীদমক ভারতনা লৌখৎলিবা তোঙান-তোঙানবা থৌরাংশিংসু পনখি। মখোয়শিং অদুদা, হেলথকেয়র সিস্তেম মপাঙ্গল কনখৎনবগীদমক ভারত সরকারনা দোল্লর বিলিয়ন ২ (লুপা করোর ১৫,০০০) কাইথোকখিবা; ফীভম চাদ্রবা অমসুং লাইরবশিংগী অৱাবা কোক্নবা সোসিএল সপোর্ত মীজর ওইনা দোল্লর বিলিয়ন ২৫গী  স্কিম লাউথোকখিবা; ফ্রন্ত লাইন হেলথ ৱার্কর অমসুং অতোপ্পা স্তেত্যুতরী অমসুং রিগুলেতরী কম্প্লাইন্সকী হীরমদা ফার্মশিংবু রিলিফ ফংনবা মীওই অমদা দোল্লর বিলিয়ন ২৫ (লুপা লাখ ৫০)গী ইনসুরেন্স পীবা; আর.বি.আইগী মোনিতরী পোলিসী লাইহনবনি।

মহাক্না এন.দি.বি.বু অতোপ্পা মল্তিনেস্নেল দিবেলপমেন্ত বেঙ্ক (এম.দি.বি.শিং)/ইন্তর্নেস্নেল ফাইনান্সিএল ইন্সতিত্যুসন (আই.এফ.আই.শিং)গা লোইননা জি-২০ ফোরম য়াওনবা মতিক চাবা এক্সন লৌখৎলক্নবসু পুক্নিং থৌগৎখি। অরোইবা ওইনা, মহাক্না এন.দি.বি.বু ব্রিক্স নেসনশিংনা মখোইগী পান্দম অমা ওইরিবা সস্তেনেবল দিবেলপমেন্ত গোল ফংনবগীদমক অনৌবা প্রেক্তিসশিং তৌদুনা শৌগৎনবা পুক্নিং চিংশিনখি।